تكفون ساعدوني نستي رقم سري

[شموخ العنود]

سلام عليكم كيفكم

اخواني اخواتي انا مره متورطه ابي ادخل على الموقع ونسيت رقم سري تكفون ساعدوني ما اعرف مكان الاختبار واختباري مابقي عليه شي :7::39::12:

[شموخ العنود]

تكفون ساعدوني :5:

[شموخ العنود]

وينكم جزاكم الله خير ردوا علي

[الجلاد]

والله مدري وش أقول لك

ودي أسفل فيك ولكن مو وقته

الله يفرج عليك

للرفع

[الجلاد]

شوفي ام عمر

[أفا يا قلب]

والله مدري وش أقول لك

ودي أسفل فيك ولكن مو وقته

الله يفرج عليك

للرفع

اسم على مسمى الجلاد
والله يساعدج اختي بس حاولي تطلبين رقم سري جديد

[Bsho22]

الله يعينك والله ارسلي للجامعه مشكلتك

[الجلاد]

إذا مالقيتي حل

شوفي الطالبات اللي هنا وين إختبارهم

وروحي لأقرب مدرسه من عند بيتك

وعلميهم المشرفين مشكلتك

إن شاء الله تتيسر :21:

[تفاح بنفسجي]

هذا وانتي شموخخخخخخخ

[الجلاد]

سحبت البنت تهقون راحت تبكي :31:

[المتفائله1]

طيب اقلها قولي انتي من اي مدينه عشان نشوف موقع امتحانك مع باقي المدن

[المتفائله1]

انتي من وين ؟؟

[غيم الفرح]

.


أنتي من أي منطقة؟ وأي أحد هنا ممكن يساعدك ويعلمك بالضبط وين مكان امتحانك

لأن تطلع للجميع كل المناطق ومقرات الاختبارات

[ABO SOLAF]

هذا ظربا من الجنون قبل الاختبار بسااعه مانتي عارفه مركز الاختبارر:32::32::32:

[أفا يا قلب]

قولي لنا من وين الاخت

[الجلاد]

أكيد من سكان الرياض

لأن أهل الرياض دائما يحسبون كل الناس تدري أنها من الرياض

أسألوني خخخ

فأطلب من الأخوات أنهم يذكرون المدارس اللي بيختبرون فيها بالرياض

كود أنها تدخل وتقرى أحد المدارس وتطلع لها

[المتفائله1]

شكلها تذكرت كلمه المرور :14:

[غيم الفرح]

أنا أقول إن ذاكرتها رجعت ههههههه

[lo0lla]

حدثي بياناتك من بوابة التعليم عن بعد

النت عندي بطيء ولا كان جبت لك الرابط

لكن تلقين تحت تحديث بيانات الطلبه

تحطين رقمك الجامعي ورقم الهويه

ويسوي لك رقم سري ويرسله على جوالك

انتي غيري الرقم الجديد هذا ... في اخر خطوه وحطي الرقم اللي تبين

[الجلاد]

شكلها تطقطق علينا

الله يوفق

ارررربت :26:

[شموخ العنود]

مارحت :12: انا من الخبر ساعدوني منهاره

[شموخ العنود]

يارب ساعدوني واللاه انهارات

[شرواك]

ماختبرتي العقيده

[شموخ العنود]

لا كيف اختبر وما اعرف المكان ساعدوني وش اسوي الحين:12: ابي اعرف رقم سري

[شرواك]

شموخ اقول بلا دلع بنات :8:
وقت اختبارات مانبي اكشن:13:
احس انك اختبرتي واتوقع ان شاء الله 70/70

موفقه يارب

[شموخ العنود]

اتمنى احد يساعدني

[~ Confidence]

طيب ما طبعتي شيئ من الخدمات الطلابية ، عادة يكون فيه الرقم الجامعي حقك ..

[شموخ العنود]

مادري وين وديته كان عندي كل شي

[شموخ العنود]

والله ما رحت الاختبار امس

[shkhamt]

:007::007:

[شرواك]

معقوله وربي احس من اسلوبك مانتي جاده

ماحس تصرفتي بشي

وين ساكنه انتي ..

ارسلي احد من اخوانك للجامعه نفسها باي اثبات عندك واكيد بيساعدونك
مايصير جالسه كذا وكل يوم فايتتك ماده
ماحد يقدر يساعدك هنا
اعتمدي على نفسك او دقي عالجامعه اي تلفون خذيه من النت
مع اني ماتوقع لانهم بيخافون انه مو انتي وبيرفضون
اسهل حل تروحين للجامعه نفسها وبهويتك يبين كل بياناتك ومركز اختبارك

استغلي الوقت بكره ماعندك اختبار عالاقل دوري اي عذر من ايمستوصف وضبطي وضعك يمكن يمشي

موفقه دوووم

[شموخ العنود]

مع احترامي لك انا اما امزاح اتكلم جد ليه انت تعرف ظروفي عشان تستهين ابكلامي قول خير او اصمت

[شرواك]

لك كل الاحترام والتقدير

ماستهين بكلامك بس برودك بالموضوع هو اعطاني هالاحساس
لك يومين وانتي ساعدوني ماحد يقدر يفيدك بشي وفاتتك ماده
المفروض تتصرفين انتي
عموما اعتذر لك لو حسيتي بكلامي تجاوز لكن وربي من باب الحرص
حاولت اساعدك بفكري عالاقل اتمنى تسوين اللي قلت لك بالرد السابق غير كذا ماتوقع احد بيفيدك هنا
خاصه بهالوقت اختبارات وكل واحد مشغول
الله يوفقك وييسر امورك

[شموخ العنود]

مشكور اخوي ماقصرت الحمد الله بفضل الله لقيت بدل فاقد للرقم