اعترض على موقع مركز الاختبار

[babz]

السلام عليكم ،،


اليوم عندي اول مادة واول اختبار قراءات ومطالعات ،


المادة جميله بس نكككد علي موقع الاختبار


اقسم بالله دخلت وانا على اعصابي !!

ونسيت المعلومااات بسبب موقع المركز

انا من سكان شرق الرياض وبالتحديد الربوة

ومركزي طالبات شرق 8 مدارس رحاب المعرفة
قالعييييينه في طريق الدمام !!

بعيييد مرررره مرررررررره !!

واشوف مركز شمال مخلينه في مدارس الرواد !!
طيب مدارس للرواد اقرب من ذا اللي بقلعة وادرين !



ضيعت ، ودخلت على اخر الوقت

يعني اقترح ع الجامعة عند اختيار المراكز : تحديد اقرب مركز للمنطقه !
اشوف مراكز الشباب كلها جنب بعض!!


واحنا بس مركزين بخرج 11 والثاني بطريق الدمام
ليييييييه


هففففف

عصبت خلاص


:25:

[Rashed]

تقدرين تكتبين ملاحظاتك عن مركز الاختبار من الخدمات الطلابية :33:

[w.al-Rashed]

ياعمري انتو ياهل الرياض مضيعينكم ولاعبين فيكم لعب :44:
احنا عشان الخبر والدمام منفصلين فأحس شوي مقربين لنا المقرات

الله يعينكم والله .. :18:

[babz]

راشد كتبت وارسلت ايميل

والرد جاني مانقدر نغيرك. !!!


قاهريني وقسم بالله

يعني لازم اغير بيتي عشان اختبر. ؟؟

....


W.alrashed

اي والله لاعبين فينا لعب
افكر انقل للاحسااء ادرس هناك :25:

[you can do it]

يآ زين الخبر :42:

[Lavender flower]

انتي معي
ياحليلك شكل انتي انا :13:
جايه على اخر الوقت بعد ماضيعت المركز
اصلا المركز مو باشبيليه باليرموك
يعني اللي كاتب باشبيليه وين مخه :30:
ولما طلعت من البيت قلت دعاء السفر لان 5 دقايق ونمسك خط الدمام
مالنا الا نحتسب الاجر وندعي الترم الجاي مايقلعونا في قريح :18:

[أبو عبد المحسن]

الله يعينكم

[شرواك]

الحمد لله
الدمام جنب البيت
اللجنة هنا شغاله صح
مو مثل الرياض كثير الشكاوي فيه
الله يعينكم عالزحمه والبعد

موفقين دوووم

[شرواك]

الحمد لله
الدمام جنب البيت
اللجنة هنا شغاله صح
مو مثل الرياض كثير الشكاوي فيه
الله يعينكم عالزحمه والبعد

موفقين دوووم

[@منصور@]

أبد نفس وضعك بالضبط , قريب من السلام سكني وقالعين والد والديه على مركز اختبار ثانوية الرحاب على طريق الدمام , لكن فلها وريك يحلها كلها اسبوعين وتتيسر , اهم شي الاجتهاد وشدة الهمه شوي :17:

[يونآ..}]

راشد كتبت وارسلت ايميل

والرد جاني مانقدر نغيرك. !!!


قاهريني وقسم بالله

يعني لازم اغير بيتي عشان اختبر. ؟؟

....


W.alrashed

اي والله لاعبين فينا لعب
افكر انقل للاحسااء ادرس هناك :25:

من وين شفتي الرد ؟

[babz]

أبد نفس وضعك بالضبط , قريب من السلام سكني وقالعين والد والديه على مركز اختبار ثانوية الرحاب على طريق الدمام , لكن فلها وريك يحلها كلها اسبوعين وتتيسر , اهم شي الاجتهاد وشدة الهمه شوي :17:

لو تدري اني كنت بدخل قسم الثانوية حق الطلاب ههههه

لو مافيه لوحه مكتوب مركز 17 والا كان درعمت ودخلته


الله يسااااامحهم :7:

[babz]

من وين شفتي الرد ؟

كتبت بالتويتر ، وارسلت ايميل لـ ايميل الجامعه اللي فيه help

[babz]

انتي معي
ياحليلك شكل انتي انا :13:
جايه على اخر الوقت بعد ماضيعت المركز
اصلا المركز مو باشبيليه باليرموك
يعني اللي كاتب باشبيليه وين مخه :30:
ولما طلعت من البيت قلت دعاء السفر لان 5 دقايق ونمسك خط الدمام
مالنا الا نحتسب الاجر وندعي الترم الجاي مايقلعونا في قريح :18:

بنشب لهم !!
خيييير مافيه الا مركزين بس شرق الرياااض واحد بقلعة وادرين و المركز الثاني عند مخرج 11 المقفل !!!
الشررررررق كبييير مرررره واغلب البنات من الشرق ،

ياشيخه انا اضبط لهم بييتنا واجيب كراسي وطاولات

البيت يسع لو احطهم بالسطوووووح

بس لا يقلعوونا بقريح :25: شوووي وناصل الدمام :40:

التوتر يطير المعلومات:24:

[رَحيق الورد]

حتى أناودي اعترض على مركزنااا ’, ابد مومهيأ لوجودنا فيه
كل مااخترت مركزي بابها < ماتسمح لي الظروف:24:

اناماابي انقل من مركزنا الي بالمنطقه <ابيهم يغيرون لناموقع المركز بكبره ,أو يهيء لنا ’المركز’’’نبي مكان نجلس فيه ...الخ:40:
لولقيتم نتيجة’’وتجاوب بنتهج نهجكم,

[ام عناد222]

الله يعين بس

[الماسة نجد]

عندي استفسار ؟؟؟؟
المركز نفسه كل يوم الي تختبرون فيه والا يتغير بتغير الماده ؟؟؟ وكيف تعرفون انكم بالمركز الفلاني ؟؟؟

[أبو تركي الرياض]

كلام سليم أختي ..

انا اقترح بـ أن يكون اختيار مركز الاختبارات بـ الأحياء أفضل وأدق
بدلاً من شرق ، شمال ، جنوب ، غرب ... حيث شرق الرياض يعتبر مدينه لحالها !!
والبقيه كذلك كبيره .. اتمنى ان يكون اختيار مراكز الاختبار عبر الاحياء السكنيه
وهي موجوده في الخدمات الطلابيه .

وبالتوفيق للجميع

[مهمه جداً]

انا نفس الشي نفسي اغير المركز

انا بشمال جده واختباري جنوب جده والله مهزله

اليوم ضاع علي الاختبار لهالسبب

وكتبت ملاحظاتي المستوى اللي قبل انه بعيد

وحطوني بنفس المكان :12:

[بنت الوليد]

اختبري في اقرب مركزلك يسجلونك عاادي

[بنت الوليد]

عندي استفسار ؟؟؟؟
المركز نفسه كل يوم الي تختبرون فيه والا يتغير بتغير الماده ؟؟؟ وكيف تعرفون انكم بالمركز الفلاني ؟؟؟

طبعاً نفس المركز مابيتغير

[المتفائله 3]

وانا نفس الحاله من وسط الرياض بالتحديد العليا يحطوني في شمال الرياض في حي الازدهار كاني رايحه الثمامه :20:

[babz]

اختبري في اقرب مركزلك يسجلونك عاادي


يا بنت الاجواد ..
القرادة ان المركز القريب في مخرج 11

ومخرج 11 فيه صيانه ودايم زحمه وقلق .. :7:


خلاص قررت انقل لشقة مفروشة لين اخلص اختبارات :22:
بس عساي القى :23:

حسبي الله وكفى :18:

[babz]

وانا نفس الحاله من وسط الرياض بالتحديد العليا يحطوني في شمال الرياض في حي الازدهار كاني رايحه الثمامه :20:

عاد تصدقي ان المدرسة اللي بالازدهار الي خلف المراعي
مره تجنن ومن الدائري الشرقي على طول اوصلها .. ماتاخذ ربع ساعه

بس انا اخاف احط شمال الرياض ويقلعوني عرقة والا الدرعية :4::36:

[babz]

كلام سليم أختي ..

انا اقترح بـ أن يكون اختيار مركز الاختبارات بـ الأحياء أفضل وأدق
بدلاً من شرق ، شمال ، جنوب ، غرب ... حيث شرق الرياض يعتبر مدينه لحالها !!
والبقيه كذلك كبيره .. اتمنى ان يكون اختيار مراكز الاختبار عبر الاحياء السكنيه
وهي موجوده في الخدمات الطلابيه .

وبالتوفيق للجميع


يسلم راسك اللي يفكر :3:

راح اقترح عليهم ان شاء الله هالاقتراح

[اكليل البنفسج]

بس انا اخاف احط شمال الرياض ويقلعوني عرقة والا الدرعية



طيب وش رايك انا بيتي غرب ومختاره غرب

ومركز اختباري في عرقة

ولما كلمت الفريدان قال عرقة غرب الرياض في ويكبيديا

وجاب لي الرابط بعد :32: