ابيــــااااات شعريــــــــــه ... بعد امتحان مهارات الاتصال [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : ابيــــااااات شعريــــــــــه ... بعد امتحان مهارات الاتصال

ابو مضاوي

2012- 12- 23, 01:28 AM

مساء الخير

اقدم لكم اليوم ابياتي المتواضعه ..
بعد امتحان ( مهارات الاتصال ) اللي اعتبره اصعب امتحان من سجلت في الجامعه . ولاكنت اتوقع بيكون بـهصعوبه علما بأني اعترف اني ما ذاكرت كويس و اعتمدت على نماذج امتحانات سابقه . ولاكن لكل واحد ضروفه ..و كونك طالب انتساب هذا بحد ذاته يكفي!!
ارجو ان تنال على رضاكم

سلام الله على (احمد بلالـــــــــــــــــــــــــــــي )
*************
يا ذا الدكتور بس اسمع سؤالــــــــــــــــــــــــــــي

************
وش اللي تستفيــــــده لا رســـبـــــــــــنــــــــا؟
************
وذقنا الهـــــــــم من قـــل الـــريالــــــــــــــــــــــــي

************
وانا لولا الزيــــــــــــــاده بـــــــ الرواتــــــــــــــــــــب!!
************
حشى ما جيت ابتــــعب للمـــــــــــــعالــــــــــــــي
************

من الدنيا اخذت اكبـــــــــــــر شـــــــهــــــــــــــــادة
************
وحفضت ادروس مـــــن ضيــــم اليـــــالــــــــــــــــي
************

وجــــيــــــت اليــــوم جــــــاهــز لمــــــتـــــحانـــــــك
************
(على انه سهل ) ولا عـــــنــــــــه ابالـــــــــــــــــــي
************

وشــــفــــــت اكـبــــر مـــصيبه بـــ المناهــــــــــــــــج
************
ولا بــه شي ... مـــــن شـــفـــــته صــفالــــــــــــــي

************
يا ليتــــــــــك تدخـــل القـــــاعــــــــــــه دقيـــــقـــــه
************
وتـــــــشــــوف اللي حــــصــــل واللي جـــــرالـــــــي
************

اطــــالـــــع بــــ اســــــئله جــــــدا غــــريــــبـــــــــــــه
************
وصــفـــــق بــــيـدي اليـــــمـــــنى شـــــمـــــــــــالي

************
مــــن اللـــــي شــــفت ضاقـــــتـــــبــــــي الوسيعه
************
وراحــــت كـــشخــــتــــي وطــــاح الــــعقـــــــــــــالي
************

(وجـــبـــــت العـــــيد) يا عــــيـــــد الــــتعــــاســـــــه

نــــعـــم هـــــذي مـــــــهـــارات اتــــصـــــالــــــــــــــي

وسلامتكم

والله يوفق الجميع

اخوكم ابو مضاوي

شذرات

2012- 12- 23, 01:37 AM

ومن قال سالم معوض خير هو المنهج سهل بس الدكتور اذكر كان غامض في اسئلته

الحمدلله افتكينا منها والله يستر من الجاي :9:

الــجــوري

2012- 12- 23, 01:40 AM

الترم الي فااااات اذكر اختبار مهارات الاتصال كان صعب مره

رغم ان الماده سهله بس الدكتور يتعمد يصعب الاسئله

سعيدان و عليان

2012- 12- 23, 01:50 AM

جتك الليدي سارة هي الى بترد عليك :3::3: عاد هي نظام خلوها ...:13:

صح لسانك .. طلعتني شوي قسم بالله ماني قادر أفتح شىء مرره قافله معي

الله يسهلها عليك ياخوي

دفره تايم

2012- 12- 23, 01:52 AM

هههههههههههههههههههههه صح لسانك

اهم شي طاح عقالي هههههههههههههههههههههه

قصيده رائعه استمر :13:

مذوبه الورد

2012- 12- 23, 02:05 AM

يا ليتــــــــــك تدخـــل القـــــاعــــــــــــه دقيـــــقـــــه
************
وتـــــــشــــوف اللي حــــصــــل واللي جـــــرالـــــــي

هههههههههههه ام الركب جت شكلهاااا

صح لساااااااانك ويااارب تعوض بماده غيرهااا بس القصيده ابدااااع
وصدقني راح تنجح فيهاااا لاتخاااف واذا انت من الناس اللي تفكر بالمعدل المواد الجااايه يااارب تتوفق فيهاا

نــواف بن راشد

2012- 12- 23, 02:07 AM

خلوووووووووووووووووووووها

يا ابو مضاوي وش جرالك
تكتب ع الطرق الهلالي
لو ذاكر مهارات اتصالك
لجل ترقى للمعالي

ههههههه
الله يوفقك احوي ابو مضاوي
وان شاء الله تعدي هالماده وباقي المواد بالنجاح والتفوق

فوزيۃ♥•

2012- 12- 23, 02:12 AM

صح لسانك والله انك صادق قهر ماده سهله يصعبها علينا
ليه بالله وش بيستفيد
قهر والله ذاكرت تمام لكن الاسئله مافهمتها
حتى ماعرف انا حليت ولالا
حسبي الله ونعم الوكيل

ღ الليدي ساره ღ

2012- 12- 23, 02:24 AM

صح لسانك يابو مضاوي ابيات جزلة ولاهم بكفو القصايد
جازت لي ورديت عليها بأبيات على السريع :16:
وهونها وتهون وانا اختك هذي الدنيا مر وحالي :2:

*******
على الله نشتكي اول وتالي
.......... له الشكوى وله ذل السؤالي
مناهجنا بديرة ياعربنا
.......... وشرح القوم في ديرة لحالي
على كسرت خواطرنا تحدّوا
......... وكلن زاد في شد الحبالي
مع مر الوظايف والكلوفة
......... نشيل ولايشيل الا الجمالي
نصابر ونتحمل والنتيجة
......... هزايم فاقت حدود احتمالي
عسى ربي يهونها علينا
......... ولانبني قصور ن في الرمالي
ابشكيهم على ربي وربك
......... هو اللي عالم بحالك وحالي
:16:

%كل الغلا%

2012- 12- 23, 02:27 AM

الله يعوضكم خير وان شاء الله تنجحون

الحمدلله اني صليت الاستخارة مرتين وبالاخير حذفت هالمادة مهارات الاتصال
على ان الكل ينصحني اخذها وانها سهلة واولهم زوجي
لكن الحمدلله مايندم من استخار

ابو مضاوي

2012- 12- 23, 02:38 AM

صباح الخير جميعا

الف شكر لجميع من تفاعل مع مشاركتي وصح ابدانكم
و اسأل الله العلي القدير
ان يوفقنا جميعا

كما اشكر اختي الليدي ساره .. وصح لسانك على القصيده الجزله والله يبيض وجهك

تحياتي للجميع

سعيدان و عليان

2012- 12- 23, 02:47 AM

كاتمة الضيم

2012- 12- 23, 03:03 AM

احلى ما انتجته الاسئلة الصعبه هالمحاوره الشعريه الحلوه ،،

MRSOM

2012- 12- 23, 03:58 AM

اللي مصعبها علينا إحتقارنا للمادة ( عشانها ساعة )
نجحت فيها بالمقبوول :41:

وفالكم البيرق

Ahmed bin Saud

2012- 12- 23, 04:19 AM

جد واجتهد وذاكر يا ابو مضاوي ** الي جاك جاني واشكل من احمد بلالي
من شفت الاسئله عرقت بثيابي ** وتسمع صقع الركب من يمين وشمالي
لا طاح عقال انا طاح مخي من دماغي ** عيني تزغلغل وخشمي ينشق بزديادي
انشهد ان العلم يبغى له طالب مثالي ** ولا حنا خلف خير يابو مضاوي
تكية الفله والوناسة تلقى لها رجالي ** ومن فتحه الكتاب ماني بمبالي

آآآة آآة يابو مضاوي وشكراً
ص/لأحمد البلالي :41:
البيوت ركيكة لكن مواساة للأخ بالخرشه الي جاتة

قطه صغيره

2012- 12- 23, 06:48 AM

صح لسانك يا ابومضاوي على القصيده :21: انشالله بننجح:44:

قطه صغيره

2012- 12- 23, 06:49 AM

انا شاكه انه أسمه الدكتور أحمد بلالي بلاوي شكله الله من البلاوي الي طلعها فينى :14::44:

اداري طموح

2012- 12- 23, 06:52 AM

الله يوفقكم جميعا
المادة اخذتها السمستر اللي فات والحمد لله عديتها فيها لف ودوران الله يهديه بس.

سنيوره ♥

2012- 12- 23, 07:57 AM

صح لسانك ابو مضاوي
بس الاسئله مره سهل:14:

ابو مضاوي

2012- 12- 23, 08:23 AM

صباح الخير

اكرر شكري لجميع الاخوه على تفاعلهم

وصح لسانك اخوي احمد

تحياتي

NoooW

2012- 12- 23, 08:27 AM

صح لسانك ابو مضاوي انت وليدي
شد حيلك في الجاي والله يوفقنا ويوفقك

مجنونهmeshoo

2012- 12- 23, 10:51 AM

صح لسانك
من جد حسيت الدكتورر كانه جورج قرداحي بمن سيربح المليون على ذي الاسئله احذف اجابتين تطلع لي ٢صح ومتاكده منها بعد:38:

Ҳ̸ҳ M.ā.S ҳ̸Ҳ̸

2012- 12- 23, 11:43 AM

صصصح لسسسسانكك :14::3:

خالد الطويلعي

2012- 12- 23, 12:13 PM

قايلكم والله هي ماده ام ساعه وحده :20:

لكن والله وكئن الجامعه تدرسنا فيزياء نووية :19:

لا بارك الله فيهم وبجامعتهم

:41:

مساهر

2012- 12- 23, 01:38 PM

مهارات الاتصال ومهارات البحث والتفكير للدكتور احمد بلابل

الشرح في ديره والاسئله من ديره

الحمد لله اخذتها المستوى اللي طاف وعديت منها بالعافيه

مدرك

2012- 12- 23, 01:46 PM

صح لسانك ابو مضاوي
صح لسانك الليدي ساره

ღ الليدي ساره ღ

2012- 12- 23, 02:13 PM

جتك الليدي سارة هي الى بترد عليك :3::3: عاد هي نظام خلوها ...:13:

صح لسانك .. طلعتني شوي قسم بالله ماني قادر أفتح شىء مرره قافله معي

الله يسهلها عليك ياخوي
ههه الله يسعدك ياشيخ توي اشوف ردك هههه شدراك اني ابي أرد والا داري اني على طريف ادور النحشة من المذاكرة :13:

على كسرت خواطرنا تحدّوا
......... وكلن زاد في شد الحبالي
مع مر الوظايف والكلوفة
......... نشيل ولايشيل الا الجمالي
نصابر ونتحمل والنتيجة
......... هزايم فاقت حدود احتمالي

أنا أشهد

صح لســانك الله يسعدك ..

عساك ع القوة يارب

صح بدنك ياسعيدان والله لايهينك :2:
وعسى الله يوفقك بكل اختباراتك وتطلع الاول علينا ان شاء الله :17::29:

الشاعر ابو مضاوي ووجهك ابيض ياخوي لاهنت وتولم للاحصاء :34: :2:

كاتمة الضيم وطلتك احلى يالغلا فديتك :2:

NoooW صح بدنك غاليتي فديتك :2:

مدرك : صح بدنك ياخوي والله لايهينك :2:

على فكرة المادة انا ماخذتها للآن مأجلتها على بالي سهلة لكن قاطة بالقصيدة فزعة هههه:5:

الله يستر من معلقات تبي تطلع بكرة بالاحصاء للحين مافتحته :36: يارب عونك ياكريم

رومنسية1

2012- 12- 23, 02:16 PM

:21::21::21::21::21:

عسله

2012- 12- 23, 02:17 PM

الله يعوضنا خير بس ... لو كنت شاعره مثلك كان سويتلي ابيات عن المحاسبه :12:
الحمدلله على كل حال

فجورة

2012- 12- 23, 02:45 PM

صح لسانك اخوي ابو مضاوي
وماقصرت الليدي سارة بعد بردتت كبدي :24:

الشكوى لله ياجماعة
ربنا يشغل كل ظالم بنفسة :40:
علشان مايتفضى ويشتغل فينا :41:

فاهمة

2012- 12- 23, 03:33 PM

يابو مضاوي لو بليد حيلة ...لكان اعطيتك الدرجة كاملة لاكن الشكوى على الله
لاتخاف باذن الله تنجح وتعديها بس تكفى بشرنا :39:

خطوه الى

2012- 12- 23, 03:34 PM

ههه صرااحه اشووف اسهل شي مهارات الاتصال وانا مذاكرتي لها ما تجاوزت 3 ساعات

اللي علي يا ابو مضاوي اني ادعي لك ان الله يسدد اجابااتك وتكون صحيحه

بالتوفيق في القاادم
الى الاماااااام>>>>>

حب وذاب

2012- 12- 23, 03:52 PM

هههههههههههه ابيات رائعه ان شاء الله موفقين

حب وذاب

2012- 12- 23, 03:55 PM

يا اخي الكريم لاتقول سهله كان غااامض في طرح الاسئله ولا المنهج سهل بس مانقوول الا حسبنا الله ونعم الوكيل

نحن طلاب انتسااااب يااادكتور

COMMONER

2012- 12- 23, 04:21 PM

:017:

ماعليك لوم يوم تكتب ابياتك فالبلالي
انا اشهد كل سؤال اشوفه يطيح عقالي

الحلزونه يمه الحلزونه يمه انتحرت
السنونو كان بيعدي الشارع
السنونو خبطته عربيه في ميدان التحرير
ميدان التحرير:biggrin:

ياهملالي ياهملالي

شكلنا بنقلبها قناة الساحه :064:

ماتنلام :31:

ابو مضاوي

2012- 12- 25, 08:30 AM

صباح الخير

الف شكر لجميع الاخوه

تحياتي

مجنونهmeshoo

2012- 12- 25, 08:33 AM

الحين نبي ابيات في الدكتورر عبدالله النجارر بعد الدفرره و الطفرره الي حصلت امس بمادته
والفرحههههههههه المزركشه :17:

عدي القحطاني

2012- 12- 25, 10:52 AM

لالا " البلالي كفو " وبيض الله وجه " ماقصر " مدرس ماده حاله من حال غيره " ماتذاكر وتقول اسئلة الاختبارات الماضيه بحد ذاتها تكفي لطالب انتساب " لا ياعزيزي هذا مو كلام رجال طالب علم " اجعل في قرارة نفسك انك تسلك طريق لتلتمس به علم ليسهل طريقك الى الجنه " كما معنى الحديث عن الرسول صلى الله عليه وسلم " من سلك طريقا يلتمس به علما سهل الله له به طريقا الى الجنه "

بعدين تجي تكتب قصايد ومسوي هجاء ورثاء ونياح " حاولوا تبطلون حركات قناة الساحة والمرقاب "

انت طالب علم :21: يعني تبحث عن المعلومه وين ماكانت :33:وبعدها تجي تختبر نفسك

والاختبار النهائي محصله بينك وبين الاخرين في فهمك للماده " :3: :21:

وشكرا "

سبحان الله وبحمده

مـاعندي سـالفة

2012- 12- 25, 11:13 AM

صح لسانك يا غالي

على فكره الماده سبق ان درستها
كانت سهله جداً
لكن هذا المدرس في الجامعه صعبها بطريقة غريبة
ولو يقدر يصعبها اكثر كان سواها

ابو مضاوي

2012- 12- 25, 06:09 PM

مساء الخير

اولا .. الهم صلي وسلم على محمد
ثانيا.. صح بدنك يا عدي القحطاني ...( على اساس انك تحترم المشاعر؟ .. وقلتلي صح لسانك )

اخوي عدي

هدي هدي .... وينك رايح يا خوي حسستني اني مسوي جرم عضيم واني منتسب بــ الجامعه بس اضيع وقت؟

ترى القصيده لاهي هجاء ولاهي رثاء ولا هي نيااااااح على قولتك يا ( خلف بن هذال) ؟؟؟؟؟

الموضوع بكل بساطه

اني ما ذاكرت كويس واتوقع اني ذكرت هــ الشي و ( جبت العيد ) ... وكتبت هـــ القصيده ارثي بها حالي بقالب كمدي .. بدون اي غلط او تجريح
و السبب .. اسئلة الدكتور اللي فعلا صعبه.. و بعتراف الجمـــــــــــــــــــــــــــــيع

اما عاد ليه ما ذاكرت ؟ ... فلكل واحد ضروفه وماني مجبور اشرحلك لا انت ولا غيرك لحترامي للجميع طبعا
فــ لا تحسب الناس كلهم فاضين )

اما في ما يخص اعتراضك عن كتابة القصايد !!
فأنا والله ما ادري؟

هل عشانك دافور ( مشاء الله ) .... او لك علاقه بــ الدكتور

ولا هـــ المنتدى ملك لـــ ( عدي القحطاني ) .. وانا ما ادري ؟

عموما

الله لا يهينك على.. المرور الجميل و التعليق الرائع وحترام وجهات النظر .. و الدعاء لي بتوفيق

تحياتي

abeer88

2012- 12- 25, 06:13 PM

مسكت الورق وليتني ما مسكت الورق :5: صعب بعنف ليش الحقد يا دكتور

abeer88

2012- 12- 25, 06:13 PM

صح لسانك يا بطل :21::42:

@Trki55

2012- 12- 25, 06:15 PM

قلبتوها رديه انا عن نفسي شفته سهل :$ شكلي جايب العيد اجل هههههههههه
ردودكم سببت لي تحطيم:24:

noofi

2012- 12- 25, 06:36 PM

وجــــيــــــت اليــــوم جــــــاهــز لمــــــتـــــحانـــــــك
************
(على انه سهل ) ولا عـــــنــــــــه ابالـــــــــــــــــــي
صح لسانك

الطرف الخجول~

2012- 12- 25, 06:58 PM

صح لسانك

جازت لي القصيده :16:

عادل الموسى

2012- 12- 25, 08:09 PM

أنا ماني شايل هم الدراسه
لكن شايل هم أمي يوم تحاتي
كل يوم تنشد عني وتسأل
كيف ياوليدي عسى الأمتحان عالي
مرتن أجيها رافع الراس وادخل
وأكثرهن أجي من ورا الباب خافي
والله يستر من الي جاي وأسأل
المولى عز وجل يسهل الدروب والخطاوي

رحاب بنت مشهور

2012- 12- 25, 10:56 PM

صح لسانك و موفق أخوي و أن شاء الله الكل يعدي هالمواد :9::19:

العقيل

2012- 12- 25, 11:34 PM

انا اختها الترم الي فات وكانت الاسئلة سهلة

الله يعينكم

danat alqloob

2012- 12- 25, 11:44 PM

صح لسانك .. والله يعوضك خير وتنجح فيها ..
الترم اللي فاااات عقدني حسبي الله ونعم الوكيل .. أنا دَرست هالمادة من قبل وأنا أشرحها كانت مره سهله والطالبات عاجبتهم ونعيشها بعالمنا المهني خاصة .. شفت أسألته انبهرت وكانه قاعد يلعب معنا الاخ الدكتور وجايب لنا من كتاب مسابقات وألغاز ... والمادة جدااا سهله .. الحمدلله عديت هالمادة وجبت فيها c ..

وانا يوم سويت الأسلة لبناتي بالمعهد اغلبهم جابو الدرجات الكاملة ..

no one lilke me

2012- 12- 25, 11:52 PM

والله رجعت البيت وضايق صدري !!

جلست الوم نفسي ،، قلت يمكن لانو ما ذاكرت زين :39:

لكن اتضح العكس الجميع مستصعب الاسئلة .. ؟!

يلا ما عليه الله يعوض عليك وعلينآ ..

dl3

2012- 12- 25, 11:57 PM

الله يكون بعوننا جميعا

ولكن مداخلة بسيطه

الامتحان كان جدا حلووو وسهل للي مذاكرين ((المحتوى))

لان الواحد الي يقراء المحتوى بتركيز يعرف يحل الاختبار....

لكن اذا كان اعتمادكم على اسئلة الترم الماضي انا هنا الومك

لان مو طبيعي ماتقرون المحتوى ولا تشوفون المحاضرات وتحطون اللوم ع الدكتور..؟؟؟؟؟؟!!!

تحياتي للجميع...

وفالكم a+

دمتم بود

حسن الغامدي

2012- 12- 26, 12:26 AM

اطــــالـــــع بــــ اســــــئله جــــــدا غــــريــــبـــــــــــــه
************
وصــفـــــق بــــيـدي اليـــــمـــــنى شـــــمـــــــــــالي

************
مــــن اللـــــي شــــفت ضاقـــــتـــــبــــــي الوسيعه
************
وراحــــت كـــشخــــتــــي وطــــاح الــــعقـــــــــــــالي

صح لسانك