سؤال هام للجميع

[عوض القرني]

مساء الخيرات للجميع نسئل الله لنا التوفيق جميعا..

انا اول اختبار (الرياضيات) طبعا ماحضرته لان عملي ماسمح لي اطلع ..

فراح يكون اول اختبار لي بإذن الله بكره لمادة القانون ياااارب سهلها لي ولكم جميع.

سؤالي وش هي الاوراق الي تكون معي عشان ادخل قاعة الاختبار؟؟

الي اعرفه انه (( تعريف + بطاقة الاحوال ))

فأنا جيت ادور الايقونه الي اطبع منها التعريف ما لقيتها؟؟


فوش الدبره ؟؟

الله ييسر امركم

وجزيتم خير الجزاء..

[فهد العنزي2012]

والله هم كتبوو انو من الشروط التعريف والهوية

بس التعريف ماطلبوووه ولا احد جاب له خبررر

في كشف بالاسماء بيحظرها المشرف وبعدها
يطلب اخراج بطاقة الاحوال ووضعها على الطاولة لتدقيق البيانات

هذا ماحصل معي اول يوم اختبار:42::17:

[عوض القرني]

حياك الله ..

الله يفرج همك يوم لا ينفع مال ولابنون..

لاني محتاس مدري وش اسوي ..

الله يجزاك بالنجاح في الدنيا والجنه في الاخره:16:

[شخصية مجهولة]

حياك اخوي


خذ معك شهادة التعريف للأحتياط تطبعها من الخدمات الطلابية

مع انهم ماطلبوها وسئلت المراقب قال مو ظرورية بالنسبة لي ولكن ربما يطلبها مراقب ثاني

لان يقول كل اختبار يتغيرون المراقبين من لجة الى لجنة ثانية مو ثابتين

وخذ معك بطاقة الاحوال

والامور تمام

خذ معاك كلم رصاص hd

ويعطيك ورقة تلون فيها الاجابات

وخلك حريص الوقت م يساعد

لكن اول شيء سجل اسمك ويياناتك

وعالطول خذ ورقة الاسئلة وحل فيها لحد تخلص وفي الاخير تظلل

التظليل م ياخذ 10 دقايق


موفق

:2:

[( ابو خالد )]

احتياطاً اطبع التعريف

http://del.kfu.edu.sa/entisab_app/identification/

وبعدين المفروض تجيب اي عذر لعملك علشان مايفوتك الإختبار
حتى لو تطلع بدون أذن ... حرام تفوت الأختبار وتحمل المادة بسببهم :20:

[عوض القرني]

الله يوفقكم يا شخصيه مجهوله وايضا ابو خالد..

انا جبت ورقه اني كنت في مهمه مع العمل (الله يخارجنا منه)

وربي ييسر يا كريم..

[عوض القرني]

طيب يا ابو خالد ليش مايطلع لي التعريف من ضمن الخدمات الطلابيه؟؟؟

[( ابو خالد )]

الله يوفقكم يا شخصيه مجهوله وايضا ابو خالد..

انا جبت ورقه اني كنت في مهمه مع العمل (الله يخارجنا منه)

وربي ييسر يا كريم..

ماودي احطمك .. لكن ما اتوقع يقبلونها :23:
لأنهم كاتبين حاجزه زي على الموظف التنسيق مع مرجعه او عمله وليس للجامعه ادنى مسؤلية
لكن ربما مرجعك يكون اقوى منهم :17::13:

بما انك اول يوم اختبار انصحك ماتطيح باللي طحنا فيه
طبعاً يعتمد على المراقبين في مركز اختباراتك اذا متعاونين ووزعوا ورقة الأجابة علشان تعبونها قبل يبدأ الاختبار
لأن تعبأتها ياخذ وقت طووويل أنت في حاجته لحل الأسئلة :33:
بعد ماتخلص من الإختبار يمديك تعبي بياناتك وانت مرتاح حتى لو خلص وقت الإختبار

[بعيد المدى]

اهم شي الاثبات البطاقه
والله حنا محد طلبها منا التعريف
فقط البطاقه
وش هذا العمل الي مايسمح لك بالخروج ساعتين
واذا هو حكومي وفي مهم حكوميه اتوقع يقبلون عذرك
اما قطاع خاص مااتوقع
لكن القادم اكثر والعوض في القادم وربي يوفقك

[عوض القرني]

حسبي الله على البحريه وبس..

[ذبول احساس]

والله انا بالنسبه لي محد طلب مني لابطاقه التعريف
ولا كرت العايله:42:

[أشواااااق]

ع حسب كل مركز والمراقبين
في مراكز مره محرّصه , ومراكز لا عادي

ف إحتياطاً [ أثبات ( رخصه / بطاقه الأحوال / العائله )
+ ورقه التعريف + دخول الإختبار



موفقين جميعاً