شرح لقوانين الأساليب الكمية

[خوووخة]

االسلام عليكم ورحمة الله وبركاته


نبدأ بسم الله :21:


http://i1057.photobucket.com/albums/t383/koko999999/6340631062D0_zps20062109.png (http://s1057.photobucket.com/user/koko999999/media/6340631062D0_zps20062109.png.html)



معدل قانون التغير = (العدد الثاني – العدد الأول) / العدد الأول * 100

ولازم تكتبين في اول خانة في معدل التغير صفر

الحين نبدأ نسوي معدل التغير حق عدد المشاريع سنة 2002
اول شي زي ما قلنا نحط صفر
بعدين نحط = عشان نبدأ العملية الحسابية بعدين نفتح قوس ( ونحط العدد الثاني 2083 ناقص العدد الاول 1939 قسمة العدد الأول / 1939 ضرب مية ونصكر القوس ) وانتر
والجواب اللي يطلع اسحبيه الى آخر شي عشان خلاص هو يسويلك العمليات الباقية
واذا تبغين تتعبين نفسك
ارجعي سوي نفس القانون في كل مرة يعني مثلا سنة 2003 القانون يصير
= (2236 ناقص 2083) /2083*100
وهكذا
خلي بعد الفاصلة رقمين ,, في ايقونه تسويلك بالاكسل

يتبع ,,

[خوووخة]

الرقم القياسي

http://i1057.photobucket.com/albums/t383/koko999999/63406310631062D0_zpsf0ce91bb.png

القانون = (العدد الثاني/العدد الأول) * 100

لازم في اول خانة اللي هي سنة 2001 نكتب 100 ,,, بعكس معدل التغير كنا نكتب صفر

بعدين نطبق عالقانون ناخذ سنة 2002

نكتب = نفتح قوس ندخل الرقم الثاني 2083 قسمة العدد الاول 1939ونصكر القوس ضرب 100

القانون يعني كل مرة تاخذين عدد حق المشاريع وتقسمينه في اول عدد حق المشاريع اللي هو 1939 ونضربه في 100
يعني الحين ناخذ سنة 2003 ناخذ عدد المشاريع حقها اللي هو (2236 قسمة العدد الاول 1939)*100
يعني العدد الاول ثابت وهو 1939

او انك تسحبين على الجواب اللي يطلع لك الى اخر رقم بس في حوسة شوي
يعني مو زي معدل التغير تسحبين وخلاص

الحين انت دخلي اعداد المشاريع في الاكسل واكتبي اول خانة صفر واللي بعدها طبقي القانون واسحبي بتشوفين الارقام تختلف عن جدول الدكتورة .. زي كذا

http://i1057.photobucket.com/albums/t383/koko999999/6340631062D02_zpsa6d47811.png

الحين نعدل في الاجابات
شوفي الخلية اللي ضاغطه عليها طالعي شريط الصيغة حقها اللي بالاحمر
بتلاقين في خطأ مفروض يكتب 100*(A3/A1)=

لانه احنا قلنا العدد الاول ثابت وهو 1939 وهو A1 ( اللي بالاخضر

وتنتقلين للي بعده وتعدلين في شريط الصيغة وتخلينها A1 وتضغطين إنتر ,,
ورح تشوفين الاجابات تتصلح وتصير زي حل الدكتورة

طبعا A1 مو رقم ثابت يعني لما تحلين يمكن الرقم الاول يكون في A2 مثلا ...

او انك تحسبين بالحاسبة

يتبع ,,

[خوووخة]

دليل التركز

http://i1057.photobucket.com/albums/t383/koko999999/6340631062D04_zps343a2fd7.png

اكتبي المساحة (س) والسكان (ص) والمجموع لكل من المساحة والسكان
وطلعي نسب المساحة تاخذين اول مساحة قسمة مجموع المساحة في 100 ثم الثانية وهكذااا وتجمعين النسب وبتطلع لك 100 < لانها نسبة
وتسوين نفس الشي في السكان تاخذين اول عدد للسكان قسمة مجموع السكان في 100 وتجمعين النسب وبتطلع لك 100
طبعا تاخين بعد الفاصلة رقمين
بعدين تسوين خانة اخيرة
اللي هي الفرق بين س وص تاخذين النسبة الاولى للمساحة ناقص النسبة الاولى للسكان وهكذااا
واذا طلع ك سالب شيلي الاشارة خليه رقم عادي
والاجابات اللي تطلع رتبيها من الاصغر الى الاكبر < اذكر قالت كذا في المحاضرة
واكيد ترجعين ترتبين البيانات اللي في الجدول لانها رح تتخربط بس مو من الاكبر الى الاصغر اكتبي البيانات في ورقة وارجعي رتبي عشان ما تتخربطين

خلاص الحين خلصنا من الجدول
واجمالي الفرق بين س وص
تقسمينه على 2 < هذ قانون دليل التركز بتلاقونه مكتوب
واذا كان الناتج قريب من الصفر دل على العدالة والمثالية وكلما قرب من المية دل على الانتشار والتشتت

يتبع ,,

[خوووخة]

منحنى لورنز

http://i1057.photobucket.com/albums/t383/koko999999/6340631062D05_zpsd61e284b.png


اول شي اكتبي الدول من حيث الاصغر مساحة الى الاكبر واكتبي السكان حق كل دولة وسوي خانة المجموع تحت المساحة والسكان
وبعد ما تطلعي النسب ( طبعا للمساحة والسكان )
طريقة النسب تاخذين مساحة الدولة الاولى قسمة المجموع حق المساحة والناتج تضربينه في 100
خذي بعد الفاصلة رقمين وتسوين نفس الشي الى مساحة الدولة الاخيرة وبعدين تجمعين النسب ورح تطلع لك 100 ونفس الشي تطلعين النسب حق السكان

** بعدين نطلع المتجمع الصاعد حق المساحة وطريقته انك اول خانة فيه تكتبين نفس النسبة الاولى
(هذا شي ثابت يعني ) بعدين عشان تطلعين الخانة الثانية في المتجمع الصاعد تجمعين الخانة الاولى حق المتجمع الصاعد مع الخانة الثانية حق النسبة
وعشان تطلعين الخانة الثالثة حق المتجمع الصاعد تجمعين الخانة الثانية حق المتجمع الصاعد مع الخانة الثالثة حق النسبة وهكذااا وتسوين نفس الشي في السكان

وتمثيله بالرسم البياني اذا كان المنحنى فوق خط التوزيع المثالي يشير الى التركز واذا تحت يشير الى التشتت



يتبع ,,

[خوووخة]

معامل التوطن

http://i1057.photobucket.com/albums/t383/koko999999/6340631062D06_zpsd10ca3af.png


طبعا الامارة , ومساحة القمح واجمالي المحاصيل << هذي البيانات جابتها من النت بس الاجمالي احنا نطلعه
وعشان تطلع النسبة ناخذ اول خانة من القمح قسمة اول خانة من اجمالي المحاصيل في 100
ونفس الطريقة في الباقي

وعشان نطلع معامل التوطن

ناخذ النسبة الاولى قسمة 64.1 والناتج هو معامل التوطن

بعدين ناخذ النسبة الثانية ونقسمها على 64.1 نفس الشي

إلى آخر شي وهو اننا نقسم الـ 64.1 على نفسها والناتج بيكون طبعا واحد


وكل ما كان العدد 1 او اكثر دل على التوطن واذا اقل من واحد دل على قلة التوطن


يتبع ,,

[خوووخة]

مقياس جيبس مارتن

http://i1057.photobucket.com/albums/t383/koko999999/6340631062D07_zpscc05ee41.png


ابحثي عن انشطة وعدد اللي يشتغلون فيها بعدين سوي خانة ثالثة عدد اللي يشتغلون بالالف عشان الرقم طوييل
فمثلا اذا كان الرقم كذا 123456 اكتبيه 123 يعني تصير 123 الف .
واذا كان 12345 يصير 12 الف
واذا مثلا كان 12567 خليها 13 الف لانه بعد الثنين رقم 5
واحنا عارفين انه اذا كان خمسة وما فوق نزيد رقم واذا كان اصغر نخليه نفسه
بعدين نوجد المجموع وبعدين نسوي خانة رابعة اكتبي عليها س2 يعني نربع الاعداد اللي بالالف ونسوي مجموع لهم

بعدين نطبق القانون موجود في المحاضرة

( وهو انك اول شي تاخذين مجموع اللي يشغلون بالالف وتربيعنه اللي هو 5850)

الحين تقسمين مجموع س2 على العدد اللي طلع لك ,, بعدين تنقصين من الناتج واحد

بيطلع لك سالب بس اتوقع ما تاخذين الاشارة

وتكتبين اذا فيه تنوع ولا لا بالانشطة

واظن انه اذا كان الناتج واحد او اكثر فهذا يعتبر فيه تنوع واذا كان العدد اقل مافي تنوع

يتبع ,,

[خوووخة]

السلاسل الزمنية

اول شي عشان نوجد خط الاتجاه العام

ادرجي شكل خطي من البيانات اللي عندك مثلا السنوات والانتاج
وبعدين سوي خانة جديدة جمب بياناتك واكتبي عليها خط الاتجاه العام
نقسم الاعداد اللي عندنا الى قسمين مثلا عندك 8 خلي كل مجموعة 4 حاولي تجيبين بيانات زوجية
بعدين المجموعة الاولى طلعي المتوسط وطريقته اجمعي الاعداد وقسميها على عددها
والعدد اللي يطلع اكتبيه في خانة الاتجاه العام وفي نص ارقام المجموعة الاولى طبعا لانه زوجي مايجي بالنص انت سوي دمج وتوسيط بين الخليتين اللي بالنص
ونفس الشي طلعي المتوسط بالمجموعة الاولى

ومو المتوسط حق المجموعتين اللي كتبناه هو في الاساس بين خليتين بس احنا دمجناه فتشوفين هو واقع بين اي سنتين وتروحين في الشكل الخطي تروحين في الخط بين السنتين مثلا طلع 40 اطلعي فوق الى العدد 40
ونفس الشي في المتوسط الثاني ووصلي بينهم بخط

اضيفي للشكل الخطي شبكة عشان يسهل عليك التحديد

* ملاحظة الدكتورة قالت لما تطلعين المتوسط خليه بدون فواصل
يتبع ..

[خوووخة]

تابع السلاسل الزمنية

http://i1057.photobucket.com/albums/t383/koko999999/6340631062D08_zps15b68e48.png

عشان نوجد المتوسطات الثلاثية

اول شي نترك خانة ونحط الماوس عالخانة الثانية ونجمع الانتاج اللي احنا مأشرين عليه
والانتاج اللي فوقه واللي تحته ونقسم الناتج على 3

يعني الحين احط الماوس على الخانة الثانية من الانتاج 7075 ,, لان احنا قلنا الاولى نخليها فاضية

واجمع الخانة اللي انا فيها 7075 مع اللي فوقها 3799 واللي تحتها 9901 واقسم الناتج على 3

والثانية تصير 7075+ 9901 + 3735 ونقسم الناتج على 3

ونفس الطريقة في الباقي

ونخلي الناتج زيما قلنا قبل شوي بدون فواصل لانه متوسط

والمتوسطات الخماسية

نفس الفكرة بس انك تتركين خانتين فاضيات
واننا نجمع خمس اعدادمو ثلاثة

يعني تأشرين عالانتاج 9901 ,, لان احنا قلنا نترك خانتين

وتجمعين معاه خانتين من فوقه اللي هي 7075 و 3799
وخانتين من تحته اللي هي 3735 و8640 وتقسمينهم على 5

وخلي الناتج يكون بدون فواصل

ولما تمثلين الشكل في الاكسل تحددين ختى الخانات الفاضية

[خوووخة]

انتهى ,,

طبعا الجدوال من محاضرات دكتورة فريال

[دلع المشاعر]

الله يوفقك :14:

[سديم محمد]

الله يووووفقك ويسهل عليك :21:

[روح قلبـي]

م ننحرم منك ي خوخه فديتك تسلمي م تقصري جعل تعبك ي رب بتحقيق اعللى معدل يجزاك الف الف خيير
عاد دعيتلك من قلب ادعيلي هههههههههههه :42::29::43:

[خوووخة]

روح قلبي يا حياتي تسلمييين

ويارب يوفقك في دراستك وفي كل حياااتك :29::1:

[نرتقي بافكارنا]

الله يوفقك ويعطيك على قد نيتك
الله يكتب لك الدرجات العاليه في الدنيا والاخره

[خوووخة]

نرتقي بأفكارنا ,,

ويوفقك يارب :1:

وفالك الـ a ان شاء الله :27:

[B.N.SH]

الله يوفقققققك يارب :1:

[خوووخة]

رفــــع

[فتاة الريح]

بنات كيف تتوقعون بيكون شكل الاسئله

وبالنسبة للمحاضره السادسه كيف نداكرها وهي بالحاسب

كيف بتكون الاسئله فيها يعني هل بتقول اكتبي خطوات االرسم البياني وكديه :39:

والله حاسة حالي محتاسة بالهماده:12:

[خوووخة]

^
اقتبست لك رد ( نرتقي بأفكارنا ) :1:

بنااااااات ارسلت لها ع الموقع عن طريقة الاسئله قالت بتكون نفس الشهري يعني قصدها موضوعي وقالت اضافه عليها اسئله مقاليه دعواتكم اقصد الاساليب عند فريال

[فتاة الريح]

مشكوره يااااااااعمري

بس درس تطبيقات بالحاسب يعني كيف نداكره

حتى لو زودت عليك بس مره هالمحاظرة تعل الكبد:18:

[خوووخة]

ما ادري والله
بس ذاكريها ما تدرين يمكن تجيب سؤال منها

[el.ali]

عادي نسويها ع آله حاسبه ؟

[Miss SaRoOn]

بنات الله يوفقكم ., اللي عندها المحاضرات من البلاك بورد تنزلهم ..:39:

[شو هيدا الحتسي]

الله يعطيكم العافيه بنات من جد نورتوني


بس بغيت اسال عن العينات

[شو هيدا الحتسي]

الجول العشوايي والمنتظمم *

[nwarhh]

بناااااااات الله يعافيكم بس 10 محاضرات اللي معنا ؟؟
الله يخليكم ردو علي :24:

[خوووخة]

المحاضرااات بتلاقونها كلها في موقع د. فريال الهاجري

لما تدخلون الموقع اضغطوا على خانة المحاضرات

[Meme als]

بناات تتوقعوون في مسائل و معادلات نحلها ؟؟

ولا بس نكتب قانون و كذا

[شو هيدا الحتسي]

ان اذكر السنه لي طفت عطتني اختياري وعطتني مسايلهه في جدول :35:

[Meme als]

ان اذكر السنه لي طفت عطتني اختياري وعطتني مسايلهه في جدول :35:
وشو الجدول كيف ؟؟

بليز بنات ساعدوني عندي مادتين بكره :12:

[nwarhh]

بنات كيف نرسم منحنى لورنز ؟

[nwarhh]

اختي كانت مختبرتها وتقول جابت اختياري وجابت جدول حق التكرار ونطلع منه
والاختياري بيكون التعريفات زي المد و مسائل احنا نحلها ونختار الجواب من الاختيارات

بالتوفيق للجميع:27::16:

[خوووخة]

منحنى لورنس

اول شي تعرفين ان المساحة اللي هي الخط الافقي في الرسم و السكان اللي هو الخط الرأسي في الرسم

ناخذ المتجمع الصاعد الاول حق المساحة 0,03 تقريبا صفر يعني

وتطلعين منه الى 1.82 اللي هو المتجمع الصاعد حق السكان وتسوين نقطة عالورقة

وبعدين توصلين بين النقط

طالعي رسمة الدكتورة بتفهمين اكثر

[simple plan]

مقياس جيبس مارتن مايطلع معي نفس الناتج اللي طلعته الدكتوره بالمثال
احد مثلي ؟

[خوووخة]

انا يطلع زي الدكتورة بس بالسالب ,,

بس اتوقع نشيل السالب

[simple plan]

خوخه انا مايطلع لي 0.78 مثل الدكتوره
لو سمحتي كتبي لي الطريقه بالتفصيل :7:

[خوووخة]

مكتوب فووق الشرح بالتفصيل

[simple plan]

اووك . . يعطيك العافيه :16:

[خوووخة]

الله يعافيك :16:

[خوووخة]

رسلت سؤال للدكتورة يمكن اجابته تفيد البعض ,,



السلام عليكم

استاذة مثلا اذا طلع عندي معامل لتوطن 89. يعني هل اعتبر انه في توطن لانه قريب من الواحد الصحيح ولا لازم يكون واحد وما فوق

وسؤال ثاني استاذه وهو لما نحول الارقام الطويلة الى الف في مقياس جيبس مارتن
هل يلزم اننا نحول كل الارقام لانه في بعض الاعداد تكون صغيرة مثلا 4000 او الاعداد التي تكون اقل من الالف ؟؟
وشكرا دكتورة

عزيزتي إجابة السؤال الاول طبعا هذا الرقم يدل على نسبة توطن عالية
وإجابة السؤال الثاني متى حولتي رقم في مجموعة الأرقام لازم تحولي كل المجموعة أما الكل يتحول أو لاتحولين ولا رقم لتصغير الإعداد
وبالتوفيق
--

[احاسيس..]

الله يعطيك الف عافية خوخة ..

[روح قلبـي]

صباح الخير :1:
ماعليكم امر ابي قاعه اختبار الاساليب وين حق فريال :35:

[خوووخة]

بنات بس حبيت اوضح شي

انه انا كنت اشرح لبعض البنات في مواضيع ثانية
بس لما جيت انسخ الشروحات هنا في بعض الاشياء عدلت عليها
يعني اعتمدوا عاللي هنا أحسن

[خوووخة]

رفع للفائدة