تجميع آراء وخبرات + أسئله عامه عن كل شارده ووارده في الإنجليزي

[@منصور@]

السلام عليكم جميع

اليوم اختبرنا نحو وانتهينا وصار اللي صار , ما عاد ينفع نطحن الدقيق وهو مطحون أصلا ,, خلونا في اللي جاي وفي المهم ,, تذكرا ان مادة النحو مجرد ساعه مش ساعتين زي بقية المواد ,, وان طار لاقدر الله ماراح ينزل من النسبه كثير << فهذا مجرد عزاء وتصفية مخ والتفات نحو المفيد

ماراح أجيب شي جديد في الإنقلش من أسئله أو شروحات وكذا ,, لكن ودي نجتمع في صفحه معينه هذي أو غيرها ماتفرق ,,, بغرض تدارس أكثر الاسئله اللي تجي بالاختبار ,, وشرح لبعض الأشياء اللي مافهموها الأعضاء الباقين وانا منهم ,, يعني اللي عنده خبره يحاول يعين ويعاون اللي ماعنده ويعطيه من المفيد ,,

الخلاصه , نبي تعاون بالمنهج كل على حسب خبرته

وسلامتكم :16:

[meroo-3]

شئ جميل
ياليت والله نصير يد وحده :12:
ومشكور أخوي ع الفكره

[F15 fighter]

sure :21: add me:29:

[@منصور@]

نورتونا يا حلوين :15:

[@منصور@]

طيب أول سؤال ,, على السريع كذا

وش القطع اللي مطلوبه منا في الامتحان وطلب من الدكتور نذاكرها ,, ناس تقول 4 وفعلا لاحظت مذكرة عبادي أخر المحاضرات ,, حاط له فصل مجمع في هالقطع ,, صح كلامي كذا ولا فيه علم ثاني

[ميآآسين]

ابغى غير ملزمة السكرتير عبادي

فيه ملخص اخر

لانه يخوف كثير

[mgrd jr7]

:7: اللـــــــــــــــه يوفقنا

الي عنده علم يفيدنا :26:

[ابوعبدالاله1]

صراااحه المفروض نوحد موضوع الانجليزي ويكون هنااا ومشكور صاحب الفكره. بس حسب مراجعتي لاسئله الاترام الماضيه فيها تكرار كثير وان شالله ما يغير مثل الخداعين النحو والعقيده

[ووتين]

حلوهـ الفكره بس ياليت الكل يتفاعل

المهمـ كنت ابسألم اكيد بأختبار الانجلش بيجيبوا قطعه:13:

[عبدالعزيز المنصور]

و الله انا من الناس اللي ودي تكون الأسأله قطع و اي قطعه يجيبها ماعندك مشاكل
لأن ياشباب و الله العظيم انها زي الهديه لو حط سؤال فيه قطعه
قطعه كامله و تستخرج منها المفيد بدال الصداع الاختيارات الاربعه !

ف ماودي انكم تدققون بنفس القطعه المذكوره بأي ملخص
ودي تتعلمون بس كيف طريقه الاساله
عشان لو حط اي قطعه يكون عندك تصور
ممكن يجيب نفس القطعه اللي بملزمه سكرتير عبادي بس الاسأله اللي على هالقطعه مختلفه
تعتمد على فهمك من السؤال و استخراجك للجواب من القطعه

اتمنى محد ينخدع بهالسالفه تبع القطع ~

[جلاد السهر]

اي القطع اللي اخر ملزمة سكرتير عبادي

سمعت بيجيب وحده منها والقطعه الثانيه من برا

طيب

المحاظره 14 مو موجوده في ملزمة عبادي ولا مراجعه

[بركات]

فكرة حلوة،،، بس وين اللي يجيب لنا الكويزات الحلوة...
صراحة عندي مذكرة هتآآن وكبيرة مرة والاسئلة ايضا واجد..
ملخص سكرتير عبادي شكلها حلو بس ماندري هل هي شاملة...
الله يعين ويسهل امورنا جميعاً....

[ابو حصه]

يابن الحلال تقول اهم شيء افهمو القطع وجابو حنا مفهنا الفعل والمبني وشبة الجملة وهو بالعربي تبغانا نفهم اسز وذس وشي از وهواريو

[~دقه خفوق~]

يعني ماأتعب نفسي واذاكر القطع اذا ع قولتكم بيجيب قطعه وحده:33:

[سماء أرض]

:12::12::12:

تعبانه نفسيا

قواعد عربي
وانقلش
ورا بعض مايصير كذا

في الصبح كنت من فصحاء العرب

الحين لازم النظام يقلب

واصير
من فصحاء العجم
يعني اصير اجنبيه :4:

[@منصور@]

يا جماعة الخير بالنسبة لسالفة القطع , وربي انها من اسهل أنواع الأسئله ,, الطريقه فيها بكل بساطه ولا تلف ولا تدور ,, أمسك مفتاح السؤال وهوا نفسه مفتاح الجمله المطلوبه مثال :

Ahmed goes to Stadium every night ,then He
To return home and sleep


قطعه بسيطه جدا

طيب نحط عليها سؤال مثلا :
When Ahmed goes to the stadium?

الجواب : every night

كلنا نعرف ان when معناها متى
ومن السياق عرفنا الجواب

وقيس على هالشي بقية الأمثله ,,,

القطع قال الدكتور ماراح يجيب الا من المحتوى والمحاضرات ,, والمحتوى بعد الحصر طلع فيه حول 4 قطع ظني اذا فيه غلط اتمنى احد يصححلي ,,, وراح يجيب قطعتين في الاختبار :17:

[Mero_999]

منصور يعطيك العافيه على الموضووع الرائع (((وهادي اتمنى تفيدكم)))

السلام عليكم ورحمة الله وبركاته.........

في البداية أتقدم بالشكر لكل من حمل ملخص الإنجليزي وحملني ثقته وأتقدم له بالإعتذر عن الأخطاء التي وقعت فيها خلال إعدادها ... أحياناً تفقد التركيز ولا تستوعب الجملة ..!! فالعذر والسموحة منكم

وأعتذر لكم كثييييييييير بعدد أعضاء المنتدى وأكثر على تأخري عليكم ... بس الترم هذا مرة مضغوط

وأقدم لكم هذا الملف الملحق لتصحيح الأخطاء وتوضيح بعض الغموض - اضغط هنا بزر الفأرة الأيمن واختر حفظ باسم - (https://dl.dropbox.com/u/36889822/CorrectedEnglish4KFU1434.pdf)

كل المطلوب منك تطبع الملحق هذا وتستبدله حسب رقم الصفحة من الملزمة وبإذن الله بتكون صحيحة 100%

طيب...أتوقع الآن من الجميع أنه يكون مذاكر ومستعد زين الإمتحان وذاكر الملزمة وعدل الأخطاء الي فيها وعلشان تتأكد من استعدادك جمعت لكم الأسئلة للأترام الماضية غير محلولة عشان تختبر نفسك ولتحميل الأسئلة غير المحلولة - اضغط بزر الفأرة الأيمن واختر حفظ باسم - (https://dl.dropbox.com/u/36889822/UNANSWEREDEnglishFinalExam.pdf)

بعد ماتجرب نفسك وتحل وتعرف أخطاءك تعال هنا وحمل النسخة المحلولة بالضغط بزر الفأرة الأيمن واختر حفظ باسم - (https://dl.dropbox.com/u/36889822/ANSWEREDEnglishFinalExam.pdf)


وأنا معكم للإختبار النهائي... أي سؤال أو استفسار بإذن الله راح أجاوب عليه ...

أعتذر لكم مرة أخرى عن الأخطاء وعن التأخير ....

وأسأل الله العظيم الكريم بمنه وكرمه أن يوفقكم وأن لايضيع لكم تعب...


ولكم مني خالص التحية والتقدير
(((منقوله سكرتير عبادي))^^^^^يعطيك العافيه ياسكرتير عبادي :16:وجعله بموازين حسناتك:16:

[wed.y alzuod]

الانقلش احسن شي تدرسوه من محتوى محاضرات الدكتور نفسه
انا هيك حدرسه .. ويحلممممم ابدا اليوم فيو :30:
بكره ان شاء الله ببدا وهو عموما مو كتير صعب ما بده شي كلها امور ماخدينها من قبل

[شعنوونة ينبع]

:21:حلووووو مرره يالله نبدا