همس.. إحساس .. وإلى الجميع ((خبر طازج))

[* أبو نـــورة *]

بسم الله الرحمن الرحيم
أسعد الله أوقاتكم بكل خير
الزبده

ابي همس ... و إحساس... أبو نواف... وجود... (خالد)... وجميع المعارضين لي في سؤال اعاقات النمو الشامل
:20::20::20::20::20:
توني سكرت الخط من الدكتور أحمد العمري (إعاقات المنو الشامل) وقلت له عن السؤال الي أختلافنا فيه والجميع خالفني الرأي ماعد الاخ moonface :16:

طبعا هذا هو السؤال

توجه برامج المستوى الثالث من الاعاقه نحو تحقيق الاهداف الثلاث التاليه؟

أ- التوافق الشخصي والانفعالي والاجتماعي
ب- التتوافق الشخصي والاسري والانفعالي
ج_ التوافق الشخصي والانفعالي والاقتصادي
د_التوافق الشخصي والاقتصادي والاسري

وقال لي ان الاجابه الصحيحه (ج) قلت له طيب (أ) تحتمل الصحه فكر شوي وقال صح
أنا راح اكلم العماده يعطون درجه لك من اختار (أ) أو (ج) (( طبعا الي اعرفه انه مايقدرون يحددون اجابتان لان التصحيح ألي اتوقع والله اعلم الدرجه للجميع))

وأهم نقطه سالته عن الاسري الي رفعتوا ضغتي فيه الله يسامحكم

وقلت له انت قلت الاسري نفس الاجتماعي قال من قال الكلام ده ان ماأولت هوش لا مش هوا

إنشاء الله الفكره وضحت للجميع
أتمنى الجميع يكتب هالملاحظه على شان لاينسى يكلم العماه وتروح الدرجه على الجميع :12:

[◙ مارشملووو]

انا اخترت (ج)
الحمدلله يعني بالحالتين ان شاءالله بياخذون الباقي درجه:16:

[Deemah]

انا جاووبت الالف ؟ خخخير يقول ج على كيفة :) :@ استغفر الله اروح اذاكر قضايا قبل المود مايقللب :'(

[شجوون الليل]

انا اخترت ب

ومكتوب بــ ـألكتاب الأجتماعي بين قوسين ( الأسري , وووو )


حسبي الله ونعم الوكيل من هالمدرسين مدري من وين جايبينهم :32:

[جامعيه قادمه]

انـا اخترت (ج) :21:

ححححوسه هالدكاتره :9:

[رغد الشرقية]

انااخترت ج
يعني مانبي صدقة من الجامعه ولله الحمد:5:

[**Besho0o**]

انا حطيت (أ):29:

وماقتنعت بالاجابه ج :40:

اول مره عنادي بشي
يجيب لي فايده :42:

يعطيك العاافيه ربي يسعدك

[AL_SA_RI]

انا من توفيق الله لي حطيت ج

الحمدلله

[(خالد)]

د_التوافق الشخصي والاقتصادي والاسري


هذي الاجابه الاقرب للحل ونفس المشكله حصلت الترم الماضي وقال لهم ان برنامج المستوى الثالث يتكون

من 3 اهداف وهذا الاقرب للصح .

لان اجابه أ تحمل هدفين وكذلك ب وج .

اذا على كذا معانته الغلط من الدكتور مو من السؤال لانه حاول يموه بالاجابه .

[مداوية القلوب]

انا اخترت ( ج) الحمد لله :37:
وتشكرات لك

[(خالد)]

الدكتور يعاني من عقده اجتماعيه لذلك يفضل محيط الاسره <تحليل نفسي:5:

[ابونوااف]

أنا بالنسبه لي بدق عليه وبقوله مانبي شي:20:



كم رقمه ياجماعه:25:








بس 4 درجات لكل الطلاب مو طماعييين عشان يصحصح ثانيه لا حط اسئله:8:

مو كل سنه اخطاء هرمنا:44:

[إحساس سلطان]

د_التوافق الشخصي والاقتصادي والاسري

أنا هذي اجابتي والدكتور هااتي رقمه

هو بنفسه بالشرح عند التوافق الاجتماعي قال يعني الاسره والمدرسه ووو


والله الدكاتره منتهين هههههههههههههه

يزحلقونا بحيالله كلام

كل شوي واحد يقولنا حكلم العماده يعطونكم الدرجه

ههههههههههههه

اصلا" الانفعالي هو الشخصي

دكتور منتهي

[أم وافي]

انا رايي نفس راي خالد
ان الاجابة د هي الصحيحة لان بالنص في الملزمة ذكر اقتصادي من ضمنها
يعني لو حطينا أ ــ ج ما فيها اقتصادي
هذا السؤال لو فيه غلط يكون من الدكتور

[شــــوق]

الجامعه على بالهم يتعاملون مع سحره مو مع طلبه عاديين

خيييييييييييييير ان شاء الله كل واحد يجي ويتفلسف علينا ويجيبون اسئلة ما ادري وش قصتها واذا ناقشناهم قالوا هذي تحتمل الصح وهذي تحتمل الاصح عساكم قل الصح :32:


اذا انتهيت مذاكره ذا العله التوجيه بروح واشتكي عليهم

والله طارت الدرجات بسبب ان الدكاتره يبغونا ندخل بنيّاتهم علشان نشوف هو وش الاجابه اللي يقصدونها



ناس مقرفه بجد

[إحساس سلطان]

وقال لي ان الاجابه الصحيحه (ج) قلت له طيب (أ) تحتمل الصحه فكر شوي وقال صح
أنا راح اكلم العماده يعطون درجه لك من اختار (أ) أو (ج) (( طبعا الي اعرفه انه مايقدرون يحددون اجابتان لان التصحيح ألي اتوقع والله اعلم الدرجه للجميع))


أكبر دليل انه يزحلقنا بالكلام

على كذا يطلع الاربعه صح

بالملزمه مكتوب

1- التوافق الشخصي الانفعالي
2- التوافق الاقتصادي
3- التوافق الاجتماعي(المدرسه الاسره الاصداقاء...الخ)

والله انهم ناسين حتى المحتوى

توني مكلم الزيون وقلت ليش تجيب من برا قال ماجبت

قلت له اسئلة عن الوقايله جايب وانت ماشرحتها ولا هي بالملزمه

قال راح اشوف اذا مو بالملزمه بنعطيكم درجتها

هههههههههههههه والله انهم يصرفونا

[(خالد)]

اصلا الدكاتره بعد الاختبار ينسى كل شيء :5:

مثل الزيوت يسالونه عن نسبه الرشيدي في الدمج يقول لهم 12%

اللي هي نسبه المعاقين بالمجتمع :42:

يعني تحل الاجابه نصاً من المحتوى وماتضمن الدرجه .:23:

[شجوون الليل]

يضحكون على عقولنا قالو ايش بيزودونا درجات:30: تسسليك وربي



أقول دخلت النظام الأفتراضي والبلاك بور ومالقيت الرقم

صاحب الموضوع نزل الرقم لآهنت عشان يكلمه أحاسيس سلطان

[AL_SA_RI]

احساس سلطان معليش اسمحلي على صراحتي ولا تزعل مني

من امس وانا اسالك على شان ملخص الاسئله في نقاشنا عن اسئلة الدكاتره


ومشاكلهم واليوم كذلك سالتك كم كم مره ماترد الا على ناس معينيين

يااخي ترانا في منتدى ونتشارك المعلومات معليش لاتزعل ليش كذا

[شــــوق]

الظاهر ان دكاترتنا مثل ذاك السوداني اللي جاب بطاقة احواله داوود الشريان
حداد ومشغلينه معيد بكلية الطب :30:

[ابونوااف]

وقال لي ان الاجابه الصحيحه (ج) قلت له طيب (أ) تحتمل الصحه فكر شوي وقال صح
أنا راح اكلم العماده يعطون درجه لك من اختار (أ) أو (ج) (( طبعا الي اعرفه انه مايقدرون يحددون اجابتان لان التصحيح ألي اتوقع والله اعلم الدرجه للجميع))


أكبر دليل انه يزحلقنا بالكلام

على كذا يطلع الاربعه صح

بالملزمه مكتوب

1- التوافق الشخصي الانفعالي
2- التوافق الاقتصادي
3- التوافق الاجتماعي(المدرسه الاسره الاصداقاء...الخ)

والله انهم ناسين حتى المحتوى

توني مكلم الزيون وقلت ليش تجيب من برا قال ماجبت

قلت له اسئلة عن الوقايله جايب وانت ماشرحتها ولا هي بالملزمه

قال راح اشوف اذا مو بالملزمه بنعطيكم درجتها

هههههههههههههه والله انهم يصرفونا


يعني تتوقع بكره تجيينا اسئله في مادة التوجيه من مهارات السلوك التكيفي:4:

او بعد يخرف ويحط صوره حركات تابعه للسمعيه ويقول هذي الحركه اش معناها :5:

[شــــوق]

ابو نواف لو جاب لنا ذا الصوره :21: قله هذي لايك هههههههههههههههههههههههههههههههههههه

[شجوون الليل]

الظاهر ان دكاترتنا مثل ذاك السوداني اللي جاب بطاقة احواله داوود الشريان
حداد ومشغلينه معيد بكلية الطب :30:




هههههههههههههههههههههههههههههههههههههههه

[شــــوق]

ابشركم من الصدمه معدلي صار من ذوي الاعاقات الشديده :12:

[**Besho0o**]

د_التوافق الشخصي والاقتصادي والاسري


هذي الاجابه الاقرب للحل ونفس المشكله حصلت الترم الماضي وقال لهم ان برنامج المستوى الثالث يتكون

من 3 اهداف وهذا الاقرب للصح .

لان اجابه أ تحمل هدفين وكذلك ب وج .

اذا على كذا معانته الغلط من الدكتور مو من السؤال لانه حاول يموه بالاجابه .

والله مو مضيعنا غير الاصح :24:

يعني يكون جواب من الملزمه نصا ونختاره يقولك لا ابي الاصح
طيب انا وش يعرفني انت وش تفكر فيه وش الي تشوفه صح :30:

طيب خلاص لاتجيب الاجابه نصا من الملزمه جيب اجابات مختلفه
ونحط لك الاصح :24:

بالله هذا اسلوب دكتور

كانهم يقولون والله هالترم ماتخذون البلس
ومعدلكم الي كل تم ترفعونه ننزله :36:

[**Besho0o**]

يعني تتوقع بكره تجيينا اسئله في مادة التوجيه من مهارات السلوك التكيفي:4:

او بعد يخرف ويحط صوره حركات تابعه للسمعيه ويقول هذي الحركه اش معناها :5:

والله هذا الي مخوفني وموترني :7:

الماده سهله وخفيفه
وخايفه لا ينكبنا ويجيب من تخصص العقليه
لان في سؤال في التوجيه جوابه تلقاه في ماده تخصص العقليه

والله بنروح فيها تخصص السمعيه والصعوبات :24:

[(خالد)]

والله مو مضيعنا غير الاصح :24:

يعني يكون جواب من الملزمه نصا ونختاره يقولك لا ابي الاصح
طيب انا وش يعرفني انت وش تفكر فيه وش الي تشوفه صح :30:

طيب خلاص لاتجيب الاجابه نصا من الملزمه جيب اجابات مختلفه
ونحط لك الاصح :24:

بالله هذا اسلوب دكتور

كانهم يقولون والله هالترم ماتخذون البلس
ومعدلكم الي كل تم ترفعونه ننزله :36:


ههههههههههههههه

هذي طريقه يستخدمونها اثناء المواجهه حتى لاتسوي لهم مشكله

اذا شك بالاجابه قال الصح والاصح وراحت الدرجات على كذا:42:

السؤال واضح والاجابه واضحه بس الدكتور يحب التعقيد .

اجل دكتور يحط سؤال مايعرف الاجابتين متشابهه اولا :5:

هذا يبغى له فرومات واعاده تشغيل :13:

[شــــوق]

بيشو مايمنع انكم تذاكرون اسئلة التخلف قبل الدخول للاختبار

[AL_SA_RI]

والله هذا الي مخوفني وموترني :7:

الماده سهله وخفيفه
وخايفه لا ينكبنا ويجيب من تخصص العقليه
لان في سؤال في التوجيه جوابه تلقاه في ماده تخصص العقليه

والله بنروح فيها تخصص السمعيه والصعوبات :24:

انا مااظن يالغاليه هذا لاني ومعي مجموعه لاباس فيها كنا البارح شغالين جوال وشكاوي عليه

فاظن باذن الله جته هو وغيره هزه من الطلبه كل اللي صار صبيناه باذن سكرتير العميد

والخدمات الطلابيه فانشاءالله خير عندي تفاؤل كبير :29:

[السنيدي]

الاجابة الصحيحة حسب متابعتنا ومذاكرتنا وتفقع عيوننا انها لا أ ولآ ب

هي وبالترتيب الشخصي والاجتماعي والاقتصادي


والاسري حلت محل الاجتماعي

اتمنى كانه بالمناوي ماحد يخطي او اني انا خطا وانتم صح لاكن والله هذا الي عرفناه

الحل لو كان اخطيتبه يالواحد مايخالف لاكن تمشي على شي بين وواضح
وقبل تروح للاختبار ومن مشاركتك مع اخوياك بالمنتدى وبالجوال وبجميع الوسائل
وانت معتمد اجابه وتطلع غلط مشكله فيه خلل يابنا يابالدكتور وعليكم التاكد
نهاية الكلام من اخذ درجة هالسؤال هني ومن مااخذها معوضه ان شالله
لاكن انتبهو للجايات سؤال فيه مشكله عليه اختلاف مايمنع تحطونه بموضوع لحاله
وتناقش فيه ونطلع بعلم واضح زي ذاك السؤال حق الفروق الفردية تذكرونه حق المرونه
الي وضحه احساس
الله يجزاه خير عرض السؤال نوقش حلله احساس طلعنا بنتيجه
الشغله مي مكاسيب المصلحه وحده الجميع مو مقصر
المشكله الثانية المنتدى لاجينا نبي نشوف المنتدى قبل الاختبار بساعتين هنق وش
المشكله نبي حل

[(خالد)]

نصيحه لاتشغلون بالكم بشيء صار ونتهى وخلوكم باختبار بكره تراه غثيث واجد

ماقول الاالله لايسامحهم على يسوونه فينا نتعب ليل نهار وبالاخير نصير ضحايا تجارب

دكاتره فاشلين اكاديمين مايفرق بين السؤال والاجابه الصحيحه :23:

[* أبو نـــورة *]

ياجماعه الدكتور كلمته امس وقال لي دق على اليوم الظهر على شان اجيب الاسئلة واشوف واليوم كلمته ونموذج الاسئله عنده وفتح المحاضره وشافها اسمع يطقطك على الكيبيوتر وقال لي اي محاضره قلت له الرابعه

تظاهر كانت يبي يكتبها الثالث وخربط :4:

ام الاسري منتهي من موضوعه جزء من الاجتماعي

وهذا لا مانع من :20: لك معارض:5:

وهذا رقمه للي طلب
0547755740

[فصل اعلاني]

انا اخترت ب

ومكتوب بــ ـألكتاب الأجتماعي بين قوسين ( الأسري , وووو )


حسبي الله ونعم الوكيل من هالمدرسين مدري من وين جايبينهم :32:

تدرين من وين جايين انا اقولك على فيزة سباك يجي ويكون معاه شهاده من جامعه اهليه ويقدم وياخذونهم لان اجورهم اقل فقط هذي كل السالفه :8:

[بنت الجبيل.]

انا اخترت د يعني الحييييين
الي حط د يحسبله غلط؟؟؟
:9:

[اَلْـعُـمْـهُـوُجْ]

:8: ماجات على هالسؤال
شكرا على الاستفسار انا اخترت ج

[فصل اعلاني]

الاجتماعي : تعني هذه الكلمه في مجتمعه الدائم مثل - الاسره - المدرسه - طبيعة المكان الذي يعيش فيه الفرد

الاسري : يعني المجتمع الذي يعيش فيه الفرد بشكل مستمر .

يعني سردان طاح على بردان :3:

[**Besho0o**]

انا مااظن يالغاليه هذا لاني ومعي مجموعه لاباس فيها كنا البارح شغالين جوال وشكاوي عليه

فاظن باذن الله جته هو وغيره هزه من الطلبه كل اللي صار صبيناه باذن سكرتير العميد

والخدمات الطلابيه فانشاءالله خير عندي تفاؤل كبير :29:
ان شاء الله يكون تعبكم منه فايده
بس الحين الاسئله خلاص جاهزه ومستحيل يغيرها

يعني اذا جايب من تخصص العقليه
رحنا فيها :24:

بيشو مايمنع انكم تذاكرون اسئلة التخلف قبل الدخول للاختبار
بعد،الدكاتره يغلطون ويخترعون اسئله
ويدمجون اسئله من مواد ثانيه
وحنا الي نتحمل وناكلها :39:
وش قصتهم قاموا يستخفون بعقولنا :24:

والله هذا الي بيصير
الله يعدي السمستر ع خير:24:

ترا ملاحظه ان تخصصنا التربيه الوحيد الي كذا
اشوف تخصص علم اجتماع والاداره مايشتكون :31:
يقولن نفس اسئله الي قبل

وش قصتهم معنا ؟

[شــــوق]

الوحيد اللي بنطلع من مادته واحنا واثقين انه ماراح يجيب من برا المحتوى هو الدوغان

صحيح صعب لكن من المحتوى << حسب ماشفته من الاسئله طبعا

[* أبو نـــورة *]

الاجابة الصحيحة حسب متابعتنا ومذاكرتنا وتفقع عيوننا انها لا أ ولآ ب

هي وبالترتيب الشخصي والاجتماعي والاقتصادي


والاسري حلت محل الاجتماعي

اتمنى كانه بالمناوي ماحد يخطي او اني انا خطا وانتم صح لاكن والله هذا الي عرفناه

الحل لو كان اخطيتبه يالواحد مايخالف لاكن تمشي على شي بين وواضح
وقبل تروح للاختبار ومن مشاركتك مع اخوياك بالمنتدى وبالجوال وبجميع الوسائل
وانت معتمد اجابه وتطلع غلط مشكله فيه خلل يابنا يابالدكتور وعليكم التاكد
نهاية الكلام من اخذ درجة هالسؤال هني ومن مااخذها معوضه ان شالله
لاكن انتبهو للجايات سؤال فيه مشكله عليه اختلاف مايمنع تحطونه بموضوع لحاله
وتناقش فيه ونطلع بعلم واضح زي ذاك السؤال حق الفروق الفردية تذكرونه حق المرونه
الي وضحه احساس
الله يجزاه خير عرض السؤال نوقش حلله احساس طلعنا بنتيجه
الشغله مي مكاسيب المصلحه وحده الجميع مو مقصر
المشكله الثانية المنتدى لاجينا نبي نشوف المنتدى قبل الاختبار بساعتين هنق وش
المشكله نبي حل

وانا اخوك الــ:20: كان باسلوب المزح لا اكثر (( وليس اثبات الرأي))
ويعلم الله انا ما شفت هالسؤال الا وقت الاختبار
ولولا الحرص على الجميع ماكان تكلمت هنا وقلت لكم علما اني جايكم خصيصا من البيت الاخضر للي يعرفه( منتدى الجامعه) وسجلت هنا علشان انبه الجميع على السؤال يوم شفته في الاختبار
وترفعون اعتراض على السؤال للجامعه وتحسب الدرجه للجميع مع اني حلي صح ومتاكد منه بس قلت لكم
ولو تشوف اول مشاركه لي كانت على هذا الموضوع بس الشباب والصبايا قالوا لا السوال مو غلط فاحببت ان اقطع الشك باليقين وعرفت الاجابه الصحيحه وكتب في اخر المشاركه ارسلو للعماده

وانا اسف جدا جدا جدا على اسلوب الموضوع ((ماعندي اسلوب)):40:

ومصلحتنا وحده وانا اخوك وبالعكس انا ودي للجميع الفل مارك

[السنيدي]

:8: ماجات على هالسؤال
شكرا على الاستفسار انا اخترت ج
عمهوج حياك الله انا سلمك الله غير هالسؤال هذا عندي بما لايقل عن عشر اخطاء صح كلامك ماجت على هالسؤال لاكن المشكله وين انا من قبل الاختبار ونا براسي الجواب د وين الخلل
فهمتي الي انا ابي اوصله

[Ambition]

نفس السؤال الي جابه لناالسمستر الي راح

حوسه ربي يحوس عمرهم:30:

[*امال*]

حسبي الله ونعم الوكيل عليه وعلى كل من يسوي حريف وفهيييم من الدكاتره ويقوم يقلب ويستعبط علينا في الاسئله والاجوبه
الحين الاسري مو من الاجتماعي
الاسره طب من وين جايه يعني من المريخ مثلا
بجد وش ذا الحاله والله حرام تعبت كل شوي طالع لي دكتور بمصيبه
ياربي الشكوى لك يالله

[رضا ربي غايتي]

تدرون وش القهر انهم جايبين السؤال العام ومكلمينهم طلاب يشتكون وهالترم مافاد فيهم جابوه مره ثانيه
للأسف توهقو يوم قالو فيه حوافز للمتفوقين وانصدمو من العدد الكبير وقالو بيخسرونا ذولا لأن اهم شي الفلوس عندهم ماهمهم غيرها :23:
فسوو طريقة الشخل الجامعي :32:
يعني مافيه حوافز ولا معدل ولا بطيخ والخوف تطلع الشهاده بطيخ بعد:12:

[خلف الشمري]

يالله جتنا درجه ماهي شينه :37:

همس ليه ماسئلتيه عن درجتي كم جبت :23:

[أسير بلآ قيود]

عجبه هذي الجامعه

كل الاختبارات الي مرينا فيها فيها اخطاء فادحه

يعني البلس طار طار ما يبيله كلام بس لا تطيرون الـ a ورااااهـ:20:


ماقصرت عساك ع القوهـ:21:

[Ambition]

تعبنا السمستر الي راح ... كأنك تأذن يافلان في خرابه :30:

الله يعدي هالسنه على خير بس

[إحساس سلطان]

ياجماعة الخير

موضوع مهم بخصوص مادة بكرى

اللي فات ماات والله ماراح يعطونكم شي بس اركدوو

انا ربطني المنتدى ومقدر انزل اي موضوع الا بعد 24 ساعه وهذا نظام ماله داعي احيانا" الواحد عنده معلومه بيلحق يقولها للطلاب وماييقدر بسبب التعقيد من أنظمة هالمنتدى

المهم أبي أحد يفتح موضوع ويحط فيه الكلام بخصوص أسئلة التوجيه والارشاد اللي تحت ماعليكم أمر

مرحلة ماقبل المدرسه افضل مرحله للدمج :

-لان الفروق الفرديه في تلك المرحله اكثر قبولا
-الملعلمون يهتمون في نتاج العمليه التعليميه اكثر من التعلم
-برامج ماقبل المدرسه يتوقعون منها تطور متباين للطلاب
-جميع ماذكر صحيح


http://www.b-dss.org/Down/main/Workshop/?id=217

الزيوووت وشلته صرنا ماعاد نثق فيهم وصرنا نحل من النت أحد الزملاء أرسلي الرابط ع الخاص وصراحه أقنعني


- تعرَّف التربية الخاصة special education بـأنها:
1- شمول المعاقين والموهوبين تحت مظلة التربية الخاصة.
2-مجموعة من البرامج الموجّهة للمعاقين بهدف مساعدتهم على التكيف
3-تدريس صفي موجّه لطلبة يصعب تلبية تعلمهم بالمنهج التقليدي.
4- جميع ما ذكر صحيح



15) من الانتقادات الموجه لنظام التسمية والتصنيف في التربية الخاصة
a) تؤديان الى الوصمة Stigma الاجتماعية اتجاه الفرد ذي الحاجه الخاصة
b) انخفاض التوقعات من الفرد ذي الحاجه الخاصة وتشكيل اتجاهات
c) تشكيل صور نمطية سلبيه عن الافراد ذوي الحاجات الخاصة
d) جميع ما ذكر صحيح << سؤال واجب بالتخلف العقلي



يبقى سؤال ماعرفناله حل

12) حاجات اسر الافراد المعاقين عقليا تكون في
a) المجال الصحي
b) المجال العاطفي << المحاضرة التاسعه تقول هذا الحل
c) المجال الترفيهي << المحاضرة الثامنه تقول هذا الحل
جميع ما ذكر صحيح


وإحترنا بينهم ويمكن يكون الجواب جميع ماسبق يعني كل واحد يرجع للمحاضرتين ويختار اللي يرتاحله أكثر أو يختار جميع ماسبق :29:


هذي اسئلة مهمه يمكن تجي

ترى الدكتور جاب واحد منهم او اثنين بإختبار التخلف العقلي وجابه بإختبار التوجيه والارشاد:40:

الهدف اني اقول افتحو موضوع تنبيه وحطوه فيها عشان الكل ينتبه لها

واذا استجدت معلومه او شي لاتلمونا اذا قصرنا ترا القصور مو منا القصور من المنتدى وسياساته

موفقين

[وجود الخالدي]

:5::5: مابصدق انهم يوزعون علينا درجات نهائيا ...:5::5:

ومن مكالمة احساس بانت السالفه زحلقووووووووووووووهم عموما خل نتاكد لاطلعت النتائج اللي حاسب درجته مزبوووووووووووووووووووط بيعرف زاده درجه .. ولا ...:14:

[تع‘ـب:~]

الحمممدلله اخترت (ج) :17:


يعطيك العافيه

[وجود الخالدي]

احساس حاولت الان برضو 24 :25::25: جدا يورط وقت الازمه ....:33:

[شــــوق]

احساس

تم انزال الموضوع :21:

[#جواهر#]

الاجابة الصحيحة أ في الملزمة :8:

[Lion Heart]

طيب وش نكتب من اعتراض عطونا صيغه

[K i n G]

ياصبر الأرض

[* أبو نـــورة *]

طيب وش نكتب من اعتراض عطونا صيغه

اكتب باسلوبك الخاص مثلا واجهت سؤال ارى فيه غلط لكون اجابتان صحيحه وبس

ياصبر الأرض

عندي لك جمله احسن قول اللهم ارزقني الصبر

[هـمـس التميمي]

دكتور تصحيحه زي وجهه
ما يعرف أجابه اسئلته!!!
مكتوب بمحتواه
جد جد ضغطي مرتفع من سواياهم

[شــــوق]

دكتور تصحيحه زي وجهه
ما يعرف أجابه اسئلته!!!
مكتوب بمحتواه
جد جد ضغطي مرتفع من سواياهم
بعذذذذذذذذذذذذذذذذذذذرك

[كايفة]

انا اختر (د ) لان الجواب لتوافق الشخصي والانفعالي _الاقتصادي_الاجتماعي ويندرج من تحت الاجتماعي الاسري والمهني وحجتين ثانية ورها بس نسيتها :8:

[كايفة]

مين الي يوافقني الراي

[هـمـس التميمي]

الاسري من الاجتماعي
والانفعالي من الشخصي

[كايفة]

كذا انا اختر ( د ) لانه جميع عناصر فيه فيه الشخصي والاقتصادي ولاجتماعي انا اتوقع هو صحيح

[هنااااادي]

ردوها لله ياجماعه لاتزيدونها علينا وعليييييكم وربي فوق كل ظالم ..
والله إني صايره معد أحب أراجع وأسوي اللي عليه وربي يوفق الجمييع..

[شــــوق]

ااه ياقلبي اااه خلاص سكرو الموضوع

قسسسم بالله بهالاسبووع جتني ازمه نفسسيه

صار انا اللي فيني تخلف عقلي ونفسي واجتماعي واسري :38:

يعني ليش كذا للللللللللليشششش ليش ابي افهم ليش

يعني اشد حيلي من بدايه السسسنه واتعب واكرف كرف الحمير واحل واسهر ومااكل ولا انام بايام الاختبارات واقوم وراسي مصددع بس عشان اذاكر واشد حيلي واخرررتها وشو

قال لا مو صح اللي يالملزمه اجل ياحماارر حاط لنا ملزمه على ايشششش نتصور معها ولا نحفظ معلومات منت جايبها بالاختبااار

يالله هذوول دكاتره هذوول جامعه وقال ايش قال قال ان جامعه الملك فيصل المحترمه احسسسن جامعه

لابوكم ولا بو اللي اسسكم

انا حطيت د_التوافق الشخصي والاقتصادي والاسري


وماعلي منه بيحسبها صح لابوه لابو اللي جابه على كيف امه قال أ ولا ج ولا الجهاز يصحح على اللي يعجبه

والله الظاهر لو نكون مهملين يمكن نفلللح ويجينا موهبه خارقه بالاختبار
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههه

[*امال*]

والله ضايقه فيني الوسيعه بسببهم

مانقول غير

ربي اني مسن الضر وانت ارحم الراحمين

[(خالد)]

هههههههههههههههههههههه

ياخوان ياليت ماحد يكلم الدكاتره خلاص الاختبار اذا انته نراجع من المحتوى وبس وبعدها نشوف الاختبار اللي

بعده ..كفايه رفعه الضغط لايموت حد من الاعضاء والسبه هالمكالمات :8:

خلونا مبسوطين حتى تطلع النتائج وقتها الكل ان شاء الله مبسوط :21:

[وردة جامعتي]

السؤال كان موجود في اسئلة المراجعه ولحل كان
ج_ التوافق الشخصي والانفعالي والاقتصادي
وانا اخترت ج :17:

[اماتيس]

مساء الخيرات :16:
انا اخترت الاجتماعي على الاقتصادي لان حسيت انو اهم شي انو المعاقين يندمجون اجتماعيا ولاحقين ع الاقتصاد >>مدري ليه اتفلسف

[صبا زهران]

انا كمان اجابتي ج
بس المفروض في حالة احتمال جوابين صحيحة
يلغى وتحسب للجميع درجة
الحق يبقى حق ما ادري كيف يفكرون فيها هالدكاترة

ومشكووووور ماقصرت اخوي
وانا عن نفسي قرأت موضوعك وكان تحليلي بالضبط
مثل تحليلك وقت الاجابة

الله يعين ويتمم الباقي ع خير للجمييييع

[ريـمـيــہ]

شلون غلطتوا فيه وهو من اسئله الترم الماضي

انا حفظته مثل ماهو والحمدلله صح

حفظت اخر الاجابه اقتصادي بدون لااقرا لاسؤال ولاخيارات:16.jpg:

[كلي غموض]

ماقصرت خيوو:21: