أنا ما حلفني الحظ في الاختبار التأهيلي .. ممكن مساعدة

[عبدالله السالمي]

السلام عليكم ورحمة الله وبركاته.


للأسف اختبرت التأهيلي لكن ما جتازت الاختبار. ((( الحمد لله على كل حال ))).

وأطلب من جميع الطلاب اللي يذكر بعض الأسئلة اللي جت في الاختبار انه يشاركنا يكتب السؤال والجواب الصحيح.

حتى ولو مو متأكد من الجواب يكتب السؤال فقط.


ولكم جزيييييييل الشكر والتقدير



((((( تكفوووووون لا تفشلوني, والله بحاجة الأسئلة )))))) :Cry111:

[المتمرد]

الله يعينك وتختبر مره ثانيه وتنجح يارب

اخوي عبد الله انت علمي ولا ادبي
وشلون كان الاختبار وياك

علمنا يمكن يجينا الدور بعد:bawling:

[عبدالله السالمي]

هلا فيك اخوي المتمرد.

والله الاختبار حليييو لكن المشكله في الملخص الأحياء.

استاذ الأحياء ما قصر عطانا جزء من الملخص محلول لكن جزء كبير قال إجتهاد منك حاول تحله بنفسك.

المهم اجتهدت انا وحليت بعض الأسئله جزء من الي حليته صح والثاني خطاء على اجتهادي مع البحث.

بعض الأسئلة الي اجتهدت فيها خطاء جت في الاختبار التأهيلي وحليتها على إجتهادي السابق وبكذا جبت العيد.

طبعاً بعد ما سئلت الهيئة كم باقي لي على درجة النجاح, قال الموظف باقي لك درجة وحده.


((( والله قهر يا أخوان. يعني تدرس برسوم مابين 5000 ريال إلى 8000 ريال وعلى درجة واحده ترسب..؟!!!! والله حرام, انا اطالب وارجو من الله ثم من المسؤول عن الأختبارات التأهيلي أن يرى في موضوع الدرجة أو الدرجتين.)))

حتى الغريب اثناء تواجدي هناج في الهيئة صادفت شخص من محافظة القويعية مثل مشكلتي باقي له درجة واحده.
((( يعني مسافة 180 كيلو حظر الاختبار, وبالاخير درجة واحدة))).


شي يبكي والله ..

[المتمرد]

الله يعينكم والله


وجزاك الله خير على الافاده

[بنت مو حلوه]

عبدلله عندي ملخص الكيمياء محلول من الاول للاخير تبغا برسلك وجامنه في الختبار كمان يعني احفضها زي اسمك

[عبدالله السالمي]

اكوووووووون لك شاكر لو نزلتيه.

يا جعلك ما تفقدين غالي :Cry111:

[بنت العوامية]

السلام بنت نزليه الملخص هنا اذا ما عليك كلافه عشان الكل يستفيد

[نور شوق]

ياليت لو تحطيه:150: هنا يابنت حلوة


عشان الكل يستفيد ويعدي الأختبار الثاني:mh001:

[عبدالله السالمي]

ياليت اختي إذا فيه ملخصات لمادة الأحياء اكون لك شاكر وممنون

لأن اختبار الدور الثاني ما باقي عليه شيء ((( الخميس الجاي 23/07/1430 )))




ودمتي بعافيه

[اسبرين]

اول شي الله يوفقكم يا رب وثاني شي اذا تبغون نصيحه مني انا دخلت تاهيلي ونجحت الحمدلله العام الماضي

والله يا اخوان الملخص ما راح تستفيدون منه شي اذا تبغى النجاح راجع نفس المقررات

انا يوم كنت تاهيلي طبعا ركزت على ثلاث مواد اللي احبها انا ( الرياضيات والانجليزي والفيزياء )

وباقي مادتين راجعت فصول منها يعني مو كل الكتاب مثلا كتاب الاحياء ركز على كم فصل واحفظهم زين

والله لا ملخص ولا مذكره اذا تبي النجاح راجع الكتاب

وبالنسبه للرياضيات والله يا شباب اكثر اللي نجحوا معاي وخاصه بالرياضيات تعتمد على الاله الحاسبه

لانهم يعطونك اربع خيارات انت طبق بالمعادله الاربع حلول وصدقني راح يطلع معاك الحل لكن باستخدام الاله الحاسبه


والله يوفقكم يا رب

[بنت مو حلوه]

اوكي بنزلها

[بنت مو حلوه]

يارب يسهل :mh19:

[بنت مو حلوه]

الحياء ذاكرتها من الكتاب والملخص عندي محلول بس مو شامل على الكتاب كله

[عبدالله السالمي]

اخوي اسبرين

جزاك الله خير, وفعلا كلامك صحيح لكن انا من النوع الي احب يكون متوفر عندي الملخصات المطلوبه ( راحه نفسيه لا اكثر ولا اقل ).


وفعلا انا اجتهد بثلاث مواد ومادتين اهملتهم مجرد قراءه فقط.


لكن التوفيق من عند الله.

اسئل الله لي لكم التوفيق والفوز بالدنيا والآخره.

[عبدالله السالمي]

اختي الغالية بنت.


جزاك الله عنا خير الجزاء ومشكوووووووور من جد على الوقفه.

وبأنتظار الملخصات.

[بنت العوامية]

انا عندي ملخصات بس ابي اعرف كيف انزلهم لكم

[عبدالله السالمي]

انا عندي ملخصات بس ابي اعرف كيف انزلهم لكم



الله يجزاك خير اختي بنت العوامية


اولا قومي بضغط الملفات بعدين اكتبي موضوع جديد وسوي لهم رفع من جهازك الى الموضوع.

وبكذا راح تفيدينا .



امد الله بعمرك بدوام الطاعات و الصحه والعافيه .

[طموح وامال]

يعني نذاكر الملخصات وبس ورح ننجح

[نور شوق]

لالا حبيبتي هذي الملخصات هي بس مساعدة :cheese:

الأعتماد الأول والأخير على الكتب

والله يوفقنا وننجح :mh001:ونفتك من هالتأهيلي

[ملكه الليلك]

الله يوفق لك ان شاء الله

وانت المستفيد لوقدرت تلم بكل شيء
وهالله هالله بالكتب
دير بآلكـ،،

[عبدالله السالمي]

يعني نذاكر الملخصات وبس ورح ننجح/QUOTE]

اختي امال وطموح.

الملخصات تساعدك إلى 90%, والـ 10% من الكتاب.


[QUOTE]والله يوفقنا وننجح ونفتك من هالتأهيلي

آآآآآآآآآآآآمين اللهم آمين :Cry111:


الله يوفق لك ان شاء الله

وانت المستفيد لوقدرت تلم بكل شيء
وهالله هالله بالكتب
دير بآلكـ،،

الله يجزاك خير اختي ملكة الليلك :mh19:

<<========= وش معنى ملكة الليلك :000:

[طيف انثى]

اذا باقي ماختبرت بنزلك هيا

واذا اختبرت ايش الاسئله الي جاتك

[طموحي كبيرة]

في انتظار الملخصااااااااات
:g8:

[عبدالله السالمي]

اذا باقي ماختبرت بنزلك هيا

واذا اختبرت ايش الاسئله الي جاتك


الله يجزاك عني وعن كل مسلم خير الجزاء.

تقدرن ترفعين الملفات على امتداد مضغووط وبكذا تقدرين تضيفينهم في المنتدى.

حاولي تكفى, واذا ما ضبط معك ارسليهم لي وانا ارفعهم في المنتدى.



الف شكر لك ولكل من علىاتم الاستعداد للمساعدة. :Cry111:

[عبدالله السالمي]

في انتظار الملخصااااااااات
:g8:

افااااااااااااااااااااا

لا تقولين ما اجتزتي اختبار التأهيلي.....؟؟؟؟؟

[طيف انثى]

للاسف ما اعرف احملها لكم

بس لكم الرابط

نموذج من اسئلة الهيئه تأهيلي ،اسئلة الهيئه للتاهيلي ،حمل اسئلة الهيئه (http://www.a1o1a.com/vb/showthread.php?t=115948)

[عبدالله السالمي]

الله ينور دربك اختي طيف

بصراحه ما اعرف شنو اقووووووول لك:Cry111:

[عبدالله السالمي]

يالله يا حلووووووووين..

كل واحد قبل يحمل الملف يدنق ويبوووووس راس عمته طيوووووفه طال عمرها :d5: