الغش في الامتحانات .. يهمنا رأيك

[faris27]

السلام عليكم

مساء الخير ومبروك عليكم الاختبارات السهله :)


بصراحه عندي موضوع شاغلني من الترم اللي راح وهو الغش في الاختبارات

نبي نناقش هالموضوع بكل شفافيه كل واحد يقول رأيه بصراحه حول هالموضوع


ولو طلب منك احد تغششه هل تقبل ولا ترفض ؟؟



انا بالنسبه لي من الترم اللي راح وانا اغشش الطلاب حتى لو ماطلبني واشوفه يجاوب خطا اعلمه بالجواب الصحيح الى درجة ان فيه اثنين غششتهم بالانجليزي واتوقع جابو الدرجه كامله

واي واحد يسالني قبل الاختبار اقوله ماعليك تعال جنبي واعلمك بكل شي لان اكثر الطلبه اكتشفت انه يجي للاختبار وهو مافتح اي شي :)

[غزلان الحربي]

الغش حرام :23:

<<< كلمتين لكنهم ::: شامل ممتنع

[Flammable]

بيني وبينك هالشي سفاهة صراحه
يارجل انواع البراشيم اشوفها
ياخي اذا منت قد الجامعه لاتشخص ونت ماعندك ماعند جدتي والله عيب ماخلوا شي للثانوي
وهالشي ع فكره راح يضرنا لان الجامعه تتوقع مستوى الطلاب ممتاز وبكذا تصير الاختبارات اصعب

[Flammable]

وبقول لك شي ثاني بعد
واحد كفشه المراقب يغش قال ياخي انا دافع فلوس للجامعه
يعني اذا دافع فلوس تغش وش هالمنطق؟
ناهيك عن حرمة هالشي وبتصير الشهاده حرام بحرام !

[فرانكو كولومبو]

الي يغش مايستاهل الشهادة

[my Dreams]

السؤال بهذه الصيغة لايصح وانا اخوك فامر الغش محسومة حرمته شرعا فكيف لك ان تسأل الراي بعد معرفة الحكم والله تعالى يقول " وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلالًا مُبِينًا. [الأحزاب:36].

اعلم حسن نيتك وطيب سجيتك ولكن الاصح ان تقول ما رايك حول توجه بعض الناس للغش في الاختبار وهو محرم.

واما عن فعلتك في الاختبار ومساعدتك على الغش فنخشى عليك من الوقوع في الاثم لانك تعلم الحكم بحرمته وتساعد عليه .

[totoيارب اتوفق]

الحمدلله من دخلت هالجامعه وانا ماعرف الغش بالرغم اني لو بغيت سويته :8:
انا اشوف انو الغش جدا نادر بهالتعليم لان الاغلب مايعرفون بعض ولا بينهم اي صله وهذا غير انو النماذج تختلف والاهم الووووووقت بالياله نسجل بيناتنا ونحل ونفكررر بالاجابات اصلا مراجعه ومايمدي
الا في حاله اللي جاي للجامعه من دون هدف فهذا عاد شئ ثاني
وبكل الاحوال من غشنا فليس مناا اعتمد ع الله ثم على نفسك وصدقوني بتشوفون نفسكم تمشوون وباعلى المعدلات باذن الله..
واانا انصحك يلي تغشش الناس تتجنب هالامر مره ثانيه عشان مايعتمدون عليك ويمكن تاخذ اثم ع عملك بالرغم من حسن نيتك فهمهم اذا استصعب عليهم شئ وانصحهم يركزون ع الاشياء اللي تشوف انها مهمه اما تغششهم قووويه خاصه اذا كان تخصصهم انجلش وش فايده دراستهم
خلهم ياخذون شهاداتهم من جهد وتعب ولا مابيستفيدون منها ولايصير للنجاح طعم خااااااص
هذا والله اعلم:29:

[عبدالله سليمان]

أكره ما أشوف الغش

يا أخي ما تسوى علي يتكلم علي أحد المراقبين ويهددني وكأني بزر

المصيبة تلاقيه أصغر مني سناً

لذا أنا ضد الغش تماماً واللي ما هو قد الجامعة لا يدخل يا أخي

وأتمنى من الجميع الجد والاجتهاد حتى يشعر بطعم النجاح

والله يا فيه ناس ماشاء الله عليهم ماخذ المسألة طقطقة وسعة صدر

مشكور أخوي

[um ibrahim]

انا عن نفسي .. طلبت مني وحده اني اغششها :42:
بس قلت لها اسفه انا مابي لا اغش ولا اساعد احد يغش .. ابي احلل الشهاده:35::27:
وبعدين لكل مجتهد نصيب .. ليه تخلي غيرك ياخذ مجهودك بكل سهوله :30:
قُلْ هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ
فالاخير احنا جايين ندرس عشان فالمستقبل نشتغل بأذن الله .. فلما تغشش حد انت ماتساعده لانك تخليه ينجح بدون مايكون متمكن من الماده بشكل صحيح ويقدر يستفيد فالمستقبل.:14:
وجهة نظر نظر مع احترامي للجميع:35::13:

[امورة وايد]

انا عندي سؤال محيرني
ّّمن غشنا فليس منا ّّّ
كان المقصود منها غش التجارة
مادري ليش احنا خلينها غش دراسة
وتركنا ماهو اعظم الي هوة غش التجارة

[قمر الرياض]

يكفينا حديث الرسول صلى الله عليه وسلم (من غشنا فليس منا) :39:

[~ Confidence]

.
.

هو فيها سؤال هذي !
طبعاً ما راح أغش و لا راح أغشش ..
و الدين حسم هذا الأمر ،
و الدين واضح جداً .... الصدق ، ثم الصدق ، ثم الصدق ..
و الصدق يعني .. ما تكذب ، ما تغش ، ما تخون ، ما تغدر ...... ألخ
و ليس مخصص فقط في التجارة يا قلبي ،
لأن الدين [ لا يتجزأ ]
أليس الغش معناه الكذب و عدم الصدق .. يعني ممنوع أغش في التجارة .. لكن حلال أكذب في تعاملاتي مع الناس !!!!


الله بينجحنا بعون منه و توكل عليه ،،، من دون غش:34: ..


؛

[عبدالله عويد]

من حدكم ياجماعه انا اشوف ان الطالب اذا اراد ان يغش مايقدر لانه ما فيه وقت اول ربع ساعه تعبي بياناتك والنصف ساعه الآخرى تقرا فيها الاسئله هذي ساعه الا ربع ما بقى من الوقت الاساعه وربع فقط يادوب تجاوب واحيانا ينتهي الوقت وانت باقي لك شي عشرة اسئله تضطر شتغل الحظ
والله مافيه وقت انا اليوم يادوب بديت اعبي بياناتي الا الي وراي يقول السؤال رقم كذا وكذا وش جوابه
وقفت وجلست اضحك من قلب حتى انتبه لي المراقب ياشيخ حرام عليك توني بديت اكتب بياناتي وما ادري عن الاسئله ولا جيتها
ما اقول الا الله يوفق الجميع لنجاح في الدنيا والاخرة..

[آآريج]

مو مبرر انه مافتح المادة انك تغششه !! المساعدة مو بالغش واخذ درجات مايستحقها
.. فكر بس بيساعدك هالشي لمن تتحاسب ؟!
الله يهدي الجميع..

[ak5748]

ياشباب قال الرسول صلى الله عليه وسلم (من غشنا فليس منا )
ذاكر الماده جيداا والتوفيق بيد الله (من ترك شئ لله عوضه الله خير منه )اتركو الغش ياشباب ويرزق الله ويوفق حتى بالاجابه وهذي نصيحه لكل الطلاب

[دارسين]

انا من وجهة نظري فيه فرق بين الغش والمساعده
اذا سؤال سؤالين ممكن بس يدخل الامتحان وهو مو مذاكر ويستنى احد يعلمه كل الاجابات لا والله هذا مايجوز حتى ياخذ جهد غيره

[فيصل محمد]

والله يا شباب في احد الاختبارات كان المراقب كأنه يقول غشوا بس لا احد ينتبه وكان جوالي شغال و اخر صفحه كانت المنتدى و اقسم بالله اني مافتحته مع اني كنت متوهق واتوقع راح ارسب فيها بس خفت من الله اولاً , والشي الثاني انا مسجل ابغى الفايده ما ابغى اعدي وبس .

[هـــدى ..]

السلام عليكم

مساء الخير ومبروك عليكم الاختبارات السهله :)


بصراحه عندي موضوع شاغلني من الترم اللي راح وهو الغش في الاختبارات

نبي نناقش هالموضوع بكل شفافيه كل واحد يقول رأيه بصراحه حول هالموضوع


ولو طلب منك احد تغششه هل تقبل ولا ترفض ؟؟



انا بالنسبه لي من الترم اللي راح وانا اغشش الطلاب حتى لو ماطلبني واشوفه يجاوب خطا اعلمه بالجواب الصحيح الى درجة ان فيه اثنين غششتهم بالانجليزي واتوقع جابو الدرجه كامله

واي واحد يسالني قبل الاختبار اقوله ماعليك تعال جنبي واعلمك بكل شي لان اكثر الطلبه اكتشفت انه يجي للاختبار وهو مافتح اي شي :)







إذاا بليتم فاستتروواا ..

لا تطق الصدر ألحين ترى يوم القيامه انت اللي بتتحاسب وحدك والله ما يفزعون لك ..

[هـــدى ..]

انا من وجهة نظري فيه فرق بين الغش والمساعده
اذا سؤال سؤالين ممكن بس يدخل الامتحان وهو مو مذاكر ويستنى احد يعلمه كل الاجابات لا والله هذا مايجوز حتى ياخذ جهد غيره


الله يهديك كيف سؤال سؤالين ..!!
يعني الغش حلال لى صار على سؤالين واذا زاد حرام ..!!
صار الدين على كيفناا
ونحلل ونحرم على هوانا .؟!

[Ryant alaood]

يارب سامحني غششت وحده اليوم
ما اقدر أشوف انسان محتاج وما أساعده
يارب ساااامحني

[~ Confidence]

الله يهديك كيف سؤال سؤالين ..!!
يعني الغش حلال لى صار على سؤالين واذا زاد حرام ..!!
صار الدين على كيفناا
ونحلل ونحرم على هوانا .؟!

بارك الله فيك .. و يسعدلي قلبك ،
خوذي هذي لك :2:

[تاتين]

ليش الغش عشان احصل على درجات كويسه ؟؟؟طيب ليش من البداية ما اذاكر بذمة وضمير وبعدين انا ماتهمني الدرجه قد ماتهمني المعلومات والثقافة انا بتعلم بزيد ثقافتي انا ماادرس عشان الدرجات انا ادرس عشان العلم والمعلومة اللي بتخليني اغش عشان ماعرفتها مابي درجتها
انا مااحب ابدا اغش ولا اغشش احد لان هالشي يضيع تركيزي بعدين انا تعبانه ومجتهده مو انانيه بس اللي يبغى يحصل على شي لازم يتعب انا متزوجه وعندى ولد والله اشوف نفسي اتعب من بنات ماوراهم شي وطبعا اولا هالشي حرام
هذا راي

[ابو يزيد36]

موضوع جميل وكنت ابكتب عنة بس انشغلت للاسف في احد الاختبارات كان قدامي شخص يمكن قد تجاوز الخمسين من عمرة وكسا وجهة الشيب وصادة المراقب وهو يغش من الذي بجانبة وسحب اوراقهم الاثنين وبعد ترجي من المراقب استرد ورقتة وعزلة في صف لوحدة منظر مخجل ولو كنت مكانة لتلطمت وخرجت من القاعة ياخي مالها داعي اغش انا داخل برقبتي وطموحي لكي اعتمد على نفسي

[دوَدي]

السؤال بهذه الصيغة لايصح وانا اخوك فامر الغش محسومة حرمته شرعا فكيف لك ان تسأل الراي بعد معرفة الحكم والله تعالى يقول " وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلالًا مُبِينًا. [الأحزاب:36].

اعلم حسن نيتك وطيب سجيتك ولكن الاصح ان تقول ما رايك حول توجه بعض الناس للغش في الاختبار وهو محرم.

واما عن فعلتك في الاختبار ومساعدتك على الغش فنخشى عليك من الوقوع في الاثم لانك تعلم الحكم بحرمته وتساعد عليه .

+1

يُغلق