أنا نموذجي كان سي وحسبي الله ونعم الوكيل

[ساعة الصفر]

السلام عليكم ورحمة الله

أنا وبعض الطالبات تبهذلنا اليوم
بقى شوي وأخلص تعبئة الأجابات الساعه أربع وخمس وأربعين دقيقه
جو وسحبو الأسئله عشان الغلط التافه الي صار كل السبع الأسئله المحلوله حليتها ماهو أعتمادا على الأشاره الي عند الحل

تعبئة البيانات مع تعبئة الأجابات وعصرت المخ ماهي سهله على الصحيح المعافى
الدافوافير الله يحرسهم
كيف مثل حالي حامل مرهقه وصداع ملازمني أيام ماينفع معه المهدئات وبالعربي
ماني ذهينه والناس تتفاوت قدراتهم فهمي ع قدي والحمدلله
يحطون نفسهم بمكاني ومكان باقي المتضررين رحنا نحل بنموذج ثاني وكأنك يابو زيد ماغزيت

عشان سبع أسئله بس
لا والمشكله بعض مراكز الأختبارات ماسحبوها منهم ولا درو
ليش كل الشحططه أجل بنا حنا ضحايا نموذج سي
ليش يالجامعة ماهمكم الطالب الي شوي ويموت عشان ينجح بس
حسبي الله ونعم الوكيل

وأخيرا أنا مابكيت مثل باقي ضحايا السسي رغم ضعفي وقلة حيلتي <<<< بطله
بس لأني مؤمنة بقضاء الله وقدره
ولست أسامح من جنى علي وأخذ من صحتي ووقتي

[لولي نجد]

انا مثلك :12:

[أبوسعيد]

فعلا حنا قبل التوزيع جا واحد يركض من خارج القاعة وهو يكلم جوال وقال للمراقبين :

أفرزوا نموذج c وبعد ماخلصوا منها دق جواله وقال للمراقبين خلاص خلاص ...

وبعدين وزعوها عادي

حسيت إن فيه شي ...

[ابولجين 1]

وسع صدرك وانا اخوك وعسى ان تكرهوا شيا وهو خير لكم

خذ البشارة

</strong>
السلام عليكم ورحمة الله وبركاته
قرأت بعض الردود واستغربتها بخصوص نموذج سي حيث انني من طلاب منطقة الرياض فسوف اشرح لكم ماذكره مدير مركر الاختبار حرفيا لنا

بخصوص الخطا الذي تم في نموذج سي بوجود الاجابة مع الاسئلة اقترحت ادارة الجامعة بعدم اعادة النماذج واحتساب الدرجات للجميع حيث تضاف سبع درجات لكل الطلاب الذين اختبروا تقنية معلومات 2 وتعتبر الاسئلة السبعة حتى لو حلت خطا صح للجميع . وترصد درجتها للطلاب .
هذا ماذكره بالضبط .
ولكم تحياتي
يالله نبي البشارة :14:

[لولي نجد]

واحنا ليه يسحبونها مننا وفي بنت جلست تبكي حسبي الله ونعم الوكيل:32:

[ẤĽSЙΪфRẪΉ]

فديـت قلبـك يالغلااا ..


والله حآسيـن فيـك وبكل الطلبـه ..

لكن احنـا هنـا ملتقـى اكاديمي غير رسمي

بمعنى مالنـا صله رسميه بالجآمعه ..

فـ توآصلـي مع الجامعه واشرحي لهم الضرف الي صار لك

والخبطه الي حصلت وإن شاء الله ينضرون لأمركم ..

واذكرك ونفسـي بحديث الرسول صل الله عليه وسلم

(عجبا لأمر المؤمن إن أمره كله خير وليس ذاك لأحد إلا للمؤمن ، إن أصابته سراء شكر فكان خيرا له وإن أصابته ضراء صبر فكان خيرا له)

وحديثه عليه الصلاه والسلام( ما يصيب المؤمن من نصب ولا وصب ولا هم ولا حزن ولا أذى ولا غم حتى الشوكة يشاكها الا كفر الله بها من خطاياه )


//

اعتذر منكـ لأغلاقه واسئل ربي يهونهـا عليكم من عندهـ

:16: