عندي اعتراض على من ينتقد الدكتور خالد وفقه الله [الأرشيف] - ملتقى طلاب وطالبات جامعة الملك فيصل,جامعة الدمام

yooosef15

2012- 12- 27, 11:49 PM

أنا قرأت العديد من الردود والمواضيع عن انتقاد للدكتور وهناك ايضا الكثير جدا من الردود والمواضيع التي تشكر في الدكتور وتدعي له ...

أنا من باب اعطاء الموضوع حقه .. اود أن أبدي رأيي بالدكتور وفقه الله

95 % من الأسئلة كانت موجودة في موضوع الأخت بوسي كات وأنا اشكرها كثيرا عليه ..

والأغلبية الساحقة من الأسئلة كانت نسخ ولصق والذين ذاكروا وراجعوا يعرفون ذلك جيدا والذين لم يراجعوا جيدا ربما وجدوا صعوبة في الحل وفي التركيز ...

وضعت ملف مرفق لأسئلة السمستر الماضي وياليت الجميع يلاحظ الفرق فيها ...

من وجهة نظري انا أرى ان الدكتور ماقصر وساعدنا كثيرا بيض الله وجهه ووفقه ...

وتحياتي للجميع

تركي الحربيً

2012- 12- 27, 11:56 PM

والله اني حسيت ان فيها نوع م‘ـَـ♡ـنَََ الصعوبة
بس مااقول الا ٱڵـڵــــّـًہْ☝ يوفقنا

Rooory

2012- 12- 28, 01:58 AM

والله ماادري ايش معطيكم الدكتور علشان تمدحووووه

ابوخالد المطيري

2012- 12- 28, 02:10 AM

اقولها لكم كذا على المكشوف
اللي تطلع نتيجته راسب في اختبار التقنيه اللي اخذناه
يروح يشوف له تخصص ثاني اصرف له

مساهر

2012- 12- 28, 02:15 AM

اللي فات مات .. خلونا بمال البلى ... الماليه

تشتيت جامعي

2012- 12- 28, 02:17 AM

رضا الناس غايه لا تدرك

الدكتور خالد ماقصر الله يعطيه الف عافيه :16:

ليــــان*

2012- 12- 28, 02:20 AM

ابن ادم جااااااااااااااااااااااااحد
وخلق جااااحد ويموت جااااااااااااااااااااااااااحد ..
الدكتور خالد يكفي انه يؤدي امانته بأخلاص
وصعوبة الاسئله وسهولتها شيء راااجع له بما انو دكتور للماده
فياريت نتحلى بالاخلاق الساميه ونبتعد عن الطيش في ردودنا ونمثل الرقي الجامعي اللي حنا منتسبين له
ونتذكر ان كل كلمه سنحاسب عليها يوم البعث ..
ختاماً // الدكتور خالد شجره مثمره و الشجره المثمره هي اللتي ترمى بالحجاره دائماً..

Half Smile

2012- 12- 28, 02:22 AM

بيض الله وجهه الدكتور ما قصــر .. سلمت يمناك يابو خليل :biggrin:

مذوبه الورد

2012- 12- 28, 02:23 AM

لا ولله ياحبيبتي الاسئله ماجااات مثل ماااهي مثل ملف بوسي حاااس بالاسئله ويغير حتى صيغة السؤال وحناا عرفناا نظااامه يحب يصعب عل الطالب الاجابه يعني فكرة الخياار المتعدد انهاا تقرب للطالب الاجابه لكن دكتورنا فاهمهاا غلط يحب يدوووخ الطاالب عشان مايجاوب صح
طبعاامو كل الاسئله بس الاغلب كان فيهاا صعوبه اهم شي ان احنااا نعدي هالماده وبس

ذكرتيني بالمحاااسبه مثل نظام دكتور التقنيه بالمستوى الثاني دكتورنا كان امصري
خياارت جواب السؤال ان طرحتي طلع لك أ
وان ظربتي طلع لك ب وان جمعتي طلع لك ج ههههههه مستحيل انسااه ذااك الاختبااار

smo ala7sas

2012- 12- 28, 02:36 AM

رداً ع الاخوان والأخوات اللي امتدحوا الدكتور
يعني ماتشوفون ان الأغلبيه متذمر
طيب ياليت كلمة حق او الصمت
اللي فينا مكفينآ انت حليت خلآص الله يوفقك وحب لأخيك كمآ لنفسك
الدكتور من الأسئله وآضح انه عمل فيه مرآوغه ولا ااعلم مالفايده من تعقيدهآ بهذه الطريقه
ع العموم انا الحمد لله حليت بس نقول الحق ومع الأغلبيه
ومااختلفنا بانها من المنهج بس ليه تصعيب المسئله بطريقتك الغريبه !!
وامآنة الدكتور بينه وبين الله مو انا واللي يحكي عن الأمآنه يعرف مابدآخله فنحن لنا الظآهر ولم نتطرق لذمته او امانته

ع العموم مانقول غير حسبنآ الله وكفى
وان شااء الله معدينهآ

تفاؤل + وامل

2012- 12- 28, 03:04 AM

فعلا الاسئله صعبه ماهي سهله فيها لف ودوران وانا نموذجي سي بس افكر خايفه يلغون الاسئله
وش ذنبنا

عزيزة النفس

2012- 12- 28, 03:14 AM

صح الهدف نحل ونتعلم مو نحل الغز اهم شي انه يجيب اساله وصريحه مو يلف ويدور

معطـــــاب

2012- 12- 28, 03:49 AM

الدكتور خالد ماقصر والله يعطيه الف عافيه

وشكراً لجميع الاعضاء اللي ساعدونا وربي يوفق الجميع:16:

حاتم الحربي

2012- 12- 28, 03:59 AM

ما ننكر وجود الدكتور في المنتدى ورده على أسئلة الطلاب وتجاوبه معاهم

وهو حر في طريقة وضعه للأسئلة

يجيبها زي الدكتور عبدالله النجار ويساعد بها الطلبة أو يجيبها زي الإنجليزي من كوكب آخر و كلها أخطاء

هو حررررررررررر ومراعاة للطلبة من عدمها في الإختبار شي يرجع له .. إحنا ما نشحد أحد

بس لا أحد يجي بعدها ويقول شكراً وما قصرت وهالخالد مافي منو

الأسئلة فيها لف ودوران كثير ... وبعض الإجابات تخليك تشك في حلك وبالتأكيد يقصدها ماهو مسويها تحت تهديد السلاح :28:

مانبغاها نسخ ولصق ... صعبة عليك يا دكتور .. بس مباشرة .. ترى التخصص إدارة أعمال :31:

وزي ما قلت هو حر في طريقة أسئلته وإحنا أحرار في رأينا فيها .. لا أحد يحجر على الناس رأيها

وكفاية تطبيل على الفاضي والمليان .. ياخوفي ترجع لإجاباتك وتشوف لك كم غلطة تقلب رأيك :8:

وبعودة يا أبو خليل :23:... والحمدلله إنك ما خيبت كلامي عن طريقتك في الاختبارات ... وعملي :3:

م ب ع ث ر

2012- 12- 28, 04:01 AM

استغرب من بعض الاخوان اللي يدعون على الدكتور ؟؟؟

وش تبون الدكتور يسوي ..؟؟ ينزل لكم نسخه من الاختبار عشان ترضون ...؟؟

لك مجتهد نصيب ...

والله اقل ماده ذاكرتها واحسن ماده حليت فيها

اخيرا شكرا يادكتور وبيض الله وجهك

مسكره

2012- 12- 28, 04:15 AM

..

ماقصر الدكتور خآلد ,
الاختبار كان فيها السهل وكان فيها الي تحتاج تركيز لا اكثر
والله يهداه كثر لنا من هالتبويبات الي فرت روسنا :30:"
وكانت الخيارات كلها متشابهه مع بعضها بس الي مذاكر بتركيز
والله انه بيحل حتى لو قلب الاجوبه لسؤال والعكس

ويعطيه العافيه مع انه نكبنا شوي بس ماقصر :42:
شنقول يعني :42:

اياد الشهراني

2012- 12- 28, 04:15 AM

صباح الخير يا عرب

اشهد بالله ان الدكتور ما قصر والله العظيم اني كنت خايف من هالماده وما ذاكرت نفسيتي تعبانه منها وندمت اني ما خذها الترم هاذا بس الله يجزاها خير الاخت بوسي كات حطت الاسئله مع ملاحظات الدكتور

والاخوان كلهم قالو الدكتور يحب يغير بالاسئله وهذا شي طبيعي ولاكن 70 بالميه من الاساله قص لصق وبدون تعب

والدليل نموذج سي محلوله اول سبع فقرات منها نسي يعدله و فاز بها من كان عنده هالنموذج بسبع درجاااااااااات

و 30 من اساله الاختبار للمجتهدين من اول السنه يعني اللي يبون a+

اخيرا الله يوفق الجميع و فالكم النجاه وال +a واتمنى للدكتور خالد التوفيق وماله الا الدعااااااء بظهرر الغيب

والاخوان اللي يساعدونا الله يسعدهم دنيا واخره وربي لو اتكلم لا باكر ما راح اوفيهم حقهم ولاكن الله يجزاهم الف خير

واشكركم من كل قلبي

اياد الشهراني

2012- 12- 28, 04:19 AM

فعلا الاسئله صعبه ماهي سهله فيها لف ودوران وانا نموذجي سي بس افكر خايفه يلغون الاسئله
وش ذنبنا

صباح الخير يا عرب

اولا مبروك على السبع درجااات للاسئله السبع الاولى

ثانيا احب اطمنك ما راح يلغونها و اذا كنتي مراجعه مع بوسي كات و الاسئله 70 + 70

اضمن لك 80 بالمئه

الف مبروك مقدما وعقبال باقي الاختبارات

وخليك دايم تفاؤل + امل

المحترمه

2012- 12- 28, 04:22 AM

السلام عليكم ورحمة الله وبركاته

يا سيدي من باب الإنصاف لا ننكر فضل الدكتور بتواجده معنا
وإنضمامه لسماء الملتقى وطرح الفائده والنقاش ..
أنا كان لي نقد أو إختلاف من حيث المبدأ في المذاكره
سبق أن أخذت النظم والآن التقنيه .. وكان التركيز والإختبار
متناقض ...
الآن أنا من ضمن ضحايا النموذج c والصفحه الأولى محلوله
والأسئله المحلوله ليتها كانت من العيار الثقيل ... بل كانت
من أسهل الأسئله ،، الآن صدر قرار بأنه لن يتم إحتساب
الدرجات المحلوله في النموذج من ضمن الـ 70 درجه
إذن أين الإنصاف ؟ الخطأ وارد وليس من ذاتي خطأ الإداره
وعليهم تحمل ذلك ... هل يعقل يحتسب لي الإختبار من 63
والبقيه من 70 ؟؟!!!!!!!!!!!!!!!!!!
أين العدل والإنصاف في الموضوع الخطأ لا أتحمله مع ذلك
يحمّل على عاتقي وينخسف المعدل لأخطاء عشوائيه !
حسبنا الله ونعم الوكيل ..

راح أتواصل مع الفريدان حتى آخر رمق وبإذن الله ستُحسب لنا
شكرا لك :16:

زوز 2

2012- 12- 28, 04:26 AM

للاسف اقول هذا مايسمى ذكاء لما نجي ونلعب الاسئلة وهي مادة تافهة اصلا حتى الطفل يعرف يستخدم الحاسب ويتعلمه بالمدرسة

دافنشي كود

2012- 12- 28, 04:28 AM

ماقصر وقف معانا بالأختبار

الأسئله بين الصعب والمتوسط والسهل

ومافي شي برى المحتوى

وبعدين اللي مذاااااكر يحق له يعلق ع الأختبار هو سهل ولا صعب

بس اللي يقهرني واحد ماذاكر وتلاقونه اول مايطلع من القاعه وهو مجهز اصابعه وكل مافبه من حيل يبي ينتقد :19:

تبون الصراحه

فشلتونا عند الدكتور خالد بس تحسبون عليه
طيب عبر عن اللي بداخلك بأسلوب ثاني

صراحه ماعاد فيه احترام

ايووت

2012- 12- 28, 04:30 AM

اموت واعرف ليش هالمدح الزايد
واذا دعينا على ظالم
كل واحد يجي ﻻتدعي على دكتور
مادري شفيع الناس في المحشر سيدي محمد
رجائا مايجي لي واحد ويحط فتوى
:41:
كل مكتبت تعليق جى واحد حط فتوى يادافع بﻻ
شوي وتكفروني:30:

ثانيا مقالنا جيب نسخ ولصق ومحنا جاحدين احنا
واذا قلنا انطباعنا على اﻻمتحان حاسبتونا
الناس وجهات نظر ناس قدرات
ترى لكل انسان تعبير ﻻ تغلقو أفواه الناس
احنا نحب خير للكل
ومو من طبعنا جحد وحسد

مقام العز

2012- 12- 28, 05:23 AM

ههههههههههههههههههههههههههههههههههههههههههه

شر البلية ما يضحك

توني صاحي من النوم اذا قضيت وصليت وتقهويت جيتكم

<< يقول يالله صباح خيرر

والله انتم مشكله حتى المدح والانتقاد فيه مشكله عندكم

:42:

ابو ثامر

2012- 12- 28, 05:41 AM

انتقدنا الدكتور خالد لان المادة طريقة اختبارها عملي افضل من التحريري المفروض كان تكون الاسئلة بدون اللف والدوران والشقلبة واقترح على الدكتور خالد انه يقسم درجات الاختبار الى عملي وتحريري العملي يكون قبل الاختبارات يعني مثلا يطلب من الطلاب عمل تصميم عرض بوربوبينت او اي شي من هذا القبيل اتمنى اقتراحي عجبكم :29: والله يكتب الي فيه الخير

zxzx

2012- 12- 28, 05:54 AM

انا ماراح اعلق على صعوبه الاسئله وسهولتها

بس حبيت اقول مهما كانت سهله اوصعبه لابد من الاحترام للدكتور

وثانيا الدعوه على قد المضره وهو ماضركم بالعكس قالكم ركزوا على المواضيع اللي جت بالاختبارات السابقه
ماقال احفظوا النموذج بس وهاذااللي متبعه الاغلبيه يذاكر اسئله الاعوام السابقه بعدين يجي بعد الاختبار يسب ويتحسب

واانا هاترم اذاكر الماده وافهمها بعدين ارجع لاسئله الاعوام السابقه ولله الحمد اموري ماشيه بالسليم
وبالنهايه اقول لكلك مجتهد نصيب ومن توكل على الله فهوحسبه

عادل الراضي

2012- 12- 28, 06:30 AM

انا اشوف ان الاخوان الي يدعون على الدكتور لحظت غضب ونرفزه وضغط امتحانات
بس الاحترام مطلوب وخاصه ان تواجد الدكتور خلى بعض الناس تفش خلقها بالمنتدى وبشكل مباشر وغير محسوب
الدكاتره الثانين ماعبروكم ولا دروا عنكم ولا حتى شاركوا وخافوا عليكم فخذوها من هالمنطلق
نتمنى من الاخوان عدم الدعاء معني اولكم دعيت على استاذ الانجليزي بعدها تحسفت واتمنى انه ماشاف كلامي بالمنتدى الموضوع مو مستاهل
نصيحه من اخوكم
الاسئله بالنسبه لي كانت سهله من اسئله العام السابق نفس الفكره ومن نفس المحاضرات ونفس توزيع الاسئله لاتظلمون الدكتور وتظلمون انفسكم :16:

تفاؤل + وامل

2012- 12- 28, 07:13 AM

فعلا ماننكر وجود الدكتور ومساعدته
بس بقولكم شي وش بيصير لو سهل الاسئله بيموت
والله المفغروض يراعي انا انتساب من ببينا الموظف والام ماهو الكل فاضي متفرغ الماده عمليه بحت تدرو نص الاسئله حليتها من فهمي للحاسب مدري كيف
السوال يقلبه والجواب بعد ليه هالتعجيز

KSSA

2012- 12- 28, 08:42 AM

دكتور خالد/

أحووووووووووبك

الله يوفقك وين ما وطت رجلك

وربي يرزقك الجنة

أشواااااق

2012- 12- 28, 10:26 AM

*خلونا أرقى شوي ب الإنتقاد - الردود السيئه سَ تحذف -
م منعناكم عن شيء , بس مو حلوه من طالب ب الجامعه يسب الدكتور !
حتى لو كانت الأسئله فيها صعوبه ..

موفقين :10:

گبرياء أنثے

2012- 12- 28, 10:37 AM

انا فاهمه الماده كويس ومذاكرتها وناحه باذن الله

بس حابه اقول الاسئله فيها فلسفه بزياده الماده سهله

مايبي لها فلسفه

واحب اشكر شهم وكريم ع الملخص :16:

Gemini

2012- 12- 28, 11:21 AM

المادة لطيفة والإمتحان جيد, الأسئلة غالب عليها السهولة
يمكن 5 اسألة بالكثير الي ممكن الواحد يوقف عندها!

وبالمناسبة انا مو من شلة الدوافير المتفرغين ماشاء الله :42:
مافتحت المادة الا ليلة الإمتحان, ركزت على المحتوى كامل
والحمدلله مافي سؤال جا خارج عنه!

طبعاً لو نسخ اسئلة السمستر الماضي راح يحلى في عيونكم وانواع الشكر والمجاملات :30:
"رغم إني اشوف جزء مو بسيط من الأسئلة مكررة من ماسبق"
مافي شي اسمه احنا طلاب انتساب وكل شي لازم يجينا على طبق من ذهب لان لنا ظروفنا
رغم إني طول السمستر ماعندي وقت اشاهد محاضرات وغيرها, بس الحق يُقال
المسؤولية الاولى تقع على عواتقنا
كل شي موجود .. والدعاوي والتحاسيب في غير مكانها ترجع على صاحبها :29:
احنا كبار وجامعيين .. لازم نرتقي :16:
وعيب والله تصير كل هالزوبعة والدكتور معانا في الملتقى
انتقدوا ,, بس شوية احترام مو ضارنكم ..

ان شاء الله ماحد يحمل المادة, وربي يوفق الجميع
ركزو في القادم :21:

yooosef15

2012- 12- 28, 11:28 AM

من ضمن الرسائل اللي حبيت اوصلها للمعترضين أننا ندرس في جامعة ويطلق علينا لقب طالب جامعي يفترض به الثقافة والعلم العالي لأنه يقوم بالدراسة في التعليم العالي ويفترض علينا ان نكون اكثر تحضرا واكثر لطفا من غيرنا لأننا في المستقبل باذن الله سيكون لنا درجة 1علمية عالية ...

لذلك من غير اللائق أن نهاجم وندعي او نشتم او نجرح .....

الدكتور خالد غلطته انه كان يشارك معنا وينصحنا ويوجهنا والبعض استغل وجود الدكتور معنا ليطلق بعض العبارات الغير ملائمة ... وهذا أقل مايقال عنه أنه لايليق بطالب جامعي يطلب العلم وأفقه وأعلم من غيره ..

وتحياتي للجميع واتمنى اغلاق الموضوع من قبل الادارة

حاتم الحربي

2012- 12- 28, 11:52 AM

السب والشتم ... لا وألف لا

الدعاء عليه ... ما أنصح فيه وإذا كان فخليه بينك وبين نفسك من باب الذوق

الدكتور له مكانته العلمية والأكاديمية مهما حصل

ومهما حصل منه ما يجوز أبداً الخروج عن نطاق النقد المحترم

ولما تراه من عمله لا لشخصه

بس كمان لا تزيدون المدح والرجل سوا شي عادي زي أي دكتور يجيب اختبارات

وأعيد وأقول ماهو ملزوم يجيبها زي ما نبغى .. بس مافي داعي يكون فيها فلسفة زايدة

خليها عادية .. وعلى طبيعتها .. واللي مذاكر بأي درجة مذاكرة يعرف يحل

ولا تطولون كلام في هذا الموضوع

لا أحد يجي يمجد حيل .... ولا نبغى ثوار ... المسألة راحت وإنتهت

ليــــان*

2012- 12- 28, 12:27 PM

ما ننكر وجود الدكتور في المنتدى ورده على أسئلة الطلاب وتجاوبه معاهم

وهو حر في طريقة وضعه للأسئلة

يجيبها زي الدكتور عبدالله النجار ويساعد بها الطلبة أو يجيبها زي الإنجليزي من كوكب آخر و كلها أخطاء

هو حررررررررررر ومراعاة للطلبة من عدمها في الإختبار شي يرجع له .. إحنا ما نشحد أحد

بس لا أحد يجي بعدها ويقول شكراً وما قصرت وهالخالد مافي منو

الأسئلة فيها لف ودوران كثير ... وبعض الإجابات تخليك تشك في حلك وبالتأكيد يقصدها ماهو مسويها تحت تهديد السلاح :28:

مانبغاها نسخ ولصق ... صعبة عليك يا دكتور .. بس مباشرة .. ترى التخصص إدارة أعمال :31:

وزي ما قلت هو حر في طريقة أسئلته وإحنا أحرار في رأينا فيها .. لا أحد يحجر على الناس رأيها

وكفاية تطبيل على الفاضي والمليان .. ياخوفي ترجع لإجاباتك وتشوف لك كم غلطة تقلب رأيك :8:

وبعودة يا أبو خليل :23:... والحمدلله إنك ما خيبت كلامي عن طريقتك في الاختبارات ... وعملي :3:

طالما الدعوه حريه شخصيه انتوا اش اللي مزعلكم لما حنا ندعي للدكتور ونشكره ؟؟؟
خلاص حنا على فهمنا وعلى اجتهادنا وتعبنا اللي مايعلم فيه الا ربي ..
وبالاخر الحمد لله جاوبنا وامورنا تمام ... اجل من حقنا نشكره على وندعي له واحترموا حريتنا الشخصيه ..

تشتيت جامعي

2012- 12- 28, 03:40 PM

رداً ع الاخوان والأخوات اللي امتدحوا الدكتور

يعني ماتشوفون ان الأغلبيه متذمر
طيب ياليت كلمة حق او الصمت
اللي فينا مكفينآ انت حليت خلآص الله يوفقك وحب لأخيك كمآ لنفسك
الدكتور من الأسئله وآضح انه عمل فيه مرآوغه ولا ااعلم مالفايده من تعقيدهآ بهذه الطريقه
ع العموم انا الحمد لله حليت بس نقول الحق ومع الأغلبيه
ومااختلفنا بانها من المنهج بس ليه تصعيب المسئله بطريقتك الغريبه !!
وامآنة الدكتور بينه وبين الله مو انا واللي يحكي عن الأمآنه يعرف مابدآخله فنحن لنا الظآهر ولم نتطرق لذمته او امانته

ع العموم مانقول غير حسبنآ الله وكفى
وان شااء الله معدينهآ

يا سمو الاحساس واتمنى انك تأخذ من اسمك نصيب

نص الاسئله الموجوده بإختبارنا , ماهي الا اختبارات سابقه , يعني لو انك بس مذاكر الاسئله السابقه كان نجحت ,وطلعت من الاختبار مستانس

كلمة الحق هي ان الدكتور " كلف على نفسه " وهو غير ملزم بأنه يدخل الملتقى ويرد على استفساراتنا

عطني اسم دكتور يسوي مثله :30:

الدكتور خالد خليل واقولها على رؤوس الاشهاد بإنه انسان ادى امانته على اكمل وجه ولا عليه ملامه , فلا تظلمونه و تظلمون بختكم

تحياتي لكم وان شاء الله تعوضونها بالاختبارات الجايه :16: