ابي رايكم بتغيير تخصصي ....؟

[عبدالله العـتيبي]

السلام عليكم .. كيفكم ان شاءالله منيحين :14:
انا ادرس مستوى أول تخصص علم اجتماع وسمعت ان فيه تدريب ميداني بالمدارس والمستشفيات .... وانا بصراحة توى متوظف ولا حتي شملني الترسيم ولا عندي اجازات ولا شي ويمكن يجي التدريب واتوهق ! وش رايكم احول دراسات اسلامية او عربي ؟؟ او هل اقدر احذف التدريب الميداني او احولة من ميداني الى نظري ؟؟ بنتظاركم :2:

[RoshoF]

التدريب الميداني 1
زيارة يوم واحد لمدة ساعه بس " لمدرسة + لمستشفى "

التدريب الميداني 2
دوام لمدة يوم واحد في الاسبوع في مدرسة وبيني وبينك
( التقارير صارت متوفره بالملتقى بس عبيها , يعني حتى ما يحتاج تداوم بالمدرسة .. هي زياده خبره لا أكثر )

التدريب الميداني 3
هذا عاد آخر مستوى اللي بعد تاخذ الشهاده ..


يستدعي انك تغير التخصص علشان كذا !
التخصص ممتاز وان شاء الله له مستقبل

[RoshoF]

نسيت اقول انك تقدر تقلعهم ل آخر سمستر لحد ما ترسم
يعني بعد 3 سنوات :42:

[هعالم غريب...!]

خليك ع تخصصك علم اجتناع اصلحلك
وبالنسبة للتدريب الميداني بدري تاخذ هم ماراح ينزل لك الا في المستوى الرابع او السادس ع مااضن وبيجي وعندك رصيد
وتري عادي تاجله الى اخر مستوئ
وبالتوفيق للك
اتمنى اني افتك

[مروان 1]

والله انه اشواء اتخصصات وحليوه وعن التدريب الميداني مو لازم تدرب اهم شي ترتب الخطوات وتمر اي مستشفى او مدرسه ويختمولك

[Иσŋι]

التدريب الميداني 1

زيارتين كل وحده عليها 10 يعني 20


التدريب الميداني 2

الزيارات لاتقل عن 5 مره بالاسبوع او متوصله كيفك عليها 10
البحث تسويه انت لايقل عن 10 صفحات سهل مايبيله عليه 10

يعني كل التطبيق عليه 20

واعرف بنات مافكروا يسوونه وشدوا حليهم جابوا 80 كامله


مايستاهل تغير تخصصك عشانه

بالتوفيق

[humaxy]

تقدر تقلعهم

:29:

[عبدالله العـتيبي]

اشكر كل من مر هنا وافادني وحمسني وان شاءالله مو مغير تخصصي ابغى اثبت بعلم اجتماع مثلكم وشرواكم :43::17:ووه على فكره انا درسة بالمعهد المهني مدة سنة وخلونا بعد مانخلص نتدرب ميداني ثلاث اشهر والحمدالله تدربت بدائرة حكومية ثلاث اشهر وسويت بحث عن الى درسته والى طبقته يعني اكتسبت خبرة :27:

[فيصل العمار]

انا كل التقارير كاتبها من راسي وحطيت تلفونات لاصحابي عشان اذا اتصلوا يتصلون عليهم يعني اذا اتصلوا وما اتوقع انهم يدققون ورا الطلاب

طبعاً فيه ختم رسمي

كتبت ملاحظة

انني لم اتمكن من وضع الختم الرسمي حيث ان المختص لم يكن متواجد في ذالك اليوم

وابشرتس عديتها :14:

لا تدققين ماكنت اتمنا اقول هالكلام على العام بس ماعاد بوه شيء يتخباء

كلام فاضي يعرفون ان احنا موظفين ويشغلونا والله حاله والله كنت بحذف الترم كامل عشان هالمادة ولكن الحمدلله وقفوا معاي الطلاب وحمسوني واول واحد سلم تقريره انا :14::14:

[هـــدى ..]

^

اههههههههههههههههههب عليك
ماشاء الله تبارك الله

وانا اللي ماخذه صفـــــــــــر لو تبطح في مطار الرياض ماكفاه :41:
رغم اني رافعه التقارير :30:

[منتسب متوهق]

لالالالالالالالا اخوي مستحيل يضيق صدرك عشان هالشي

والله التقرير معطيه واحد من الشباب وخلصه لي من مدرستهم وانا متبطح بالبيت ونايم ولادريت عنه الا يوم جابه للاستراحه

ترى المسئله بسيطه وانا اخوك ولاتشيل همها ابد
والتخصص حلوو وماتلقى احلى منه

تراها سهالات يابن الحلال ولاتكبر الموضوع :42:

كمل بس وماجاك عندي :27:

[Diala]

انا كل التقارير كاتبها من راسي وحطيت تلفونات لاصحابي عشان اذا اتصلوا يتصلون عليهم يعني اذا اتصلوا وما اتوقع انهم يدققون ورا الطلاب

طبعاً فيه ختم رسمي

كتبت ملاحظة

انني لم اتمكن من وضع الختم الرسمي حيث ان المختص لم يكن متواجد في ذالك اليوم

وابشرتس عديتها :14:

لا تدققين ماكنت اتمنا اقول هالكلام على العام بس ماعاد بوه شيء يتخباء

كلام فاضي يعرفون ان احنا موظفين ويشغلونا والله حاله والله كنت بحذف الترم كامل عشان هالمادة ولكن الحمدلله وقفوا معاي الطلاب وحمسوني واول واحد سلم تقريره انا :14::14:


الله يعطيكك العافيه


بس ابغى اسألك يعني عاادي ارفع التقرير بدوون ختم ؟؟

والدكتور عطاك الدرجه الكامله ؟؟

:16::16::16:

[فيصل العمار]

الله يعطيكك العافيه


بس ابغى اسألك يعني عاادي ارفع التقرير بدوون ختم ؟؟

والدكتور عطاك الدرجه الكامله ؟؟

:16::16::16:


شوفي كم عطاني الدكتور هذي ماتبان لا لي ولا لغيري كنا نطالب يعطونا درجة التقرير بس ما ادري الآن في أيقونه خاصه لدرجة التقرير ام لا

وبالمناسبه انا ماجبت 100 %

كأني اذكر اني جايبن في إجمالي الماده 78 والله اعلم حاولت الحين افتح الخدمات الطلابيه عشان عرف كم اخذت موب راضي يفتح موقع الجامعه

ولا للرفع دخل بالختم

بس معلومة

انتي عارفه لو تجيبين المشاركات والواجبات كاملة 30 درجة وتحلين من الاسئلة بالاختبار 30 صح نجحتي هذي اسوء الاحتمالات

لا تقلقين الموضوع سهل ولو القا التقرير حقي برفعه لك هنا عشان تشوفين السوالف

تطمني بس

[Diala]

الله يوفقكك دنيا واخرره

كنت شايله هم الماده ذي :7:

:16::16:

[عبدالله العـتيبي]

ماقصرتو كفيتو ووفيتو ..... يعني اسوي بحث واطبعه واخذه لمدرسه يختمو عليه وارفعه وبس ؟؟

[فيصل العمار]

ياجماعة التقرير هو عبارة عن اسئلة موجوده وتحت كل سؤال

.................................................. .........................................
.................................................. .........................................
.................................................. .........................................
.................................................. .........................................

انتي تكتبين النقاش اللي يصير بينتس وبين الاخصائي الاجتماع

اللي ابيروح ممتاز

بس اللي ما يقدر

يتخيل ان الاخصائي الاجتماعي جالس معه

زي ما سويت انا

بس لا تعتمدون على كلامي انا لي سمسترين من تعديته

مدري وش الآلية الجديده

ورفعته لهم

عموماً المادة مش صعبه مره

سهله

اهم شيء لا تقلقون وتتسهل بأذن الله

والسلام

[HLOOOMA]

ماشاء الله الأخوان والاخوات ماقصروا خاصه رشوف وفيصل :21:

السالفة سهالات وماعليها تشدد وخوف

وانا اقولك استمر تراه افضل قسم بكلية الأداب بنظري

والله يوفقك يارب :16:

[عبدالله العـتيبي]

RoshoF (http://www.ckfu.org/vb/u8621.html)ومنتسب متوهق و فيصل العمار وجميع الاخوان والاخوات ماقصرتو .. على المعلومات والتشجيع بصراحة بنشد فيكم الظهر :21:وان شاءالله سوف استمر معاكم وانظم الى مجموعة الأجتماعيوووون :29:اووه نسيت اسئلكم طيب لو اتدرب بجهة عملي بس انا مو بمدرسة انا تابع لوزارة الشؤون البلدية والقروية هل ينفع ؟