مبادئ الاحصاء

[ابو حلا]

اكيد تقولولون هذا وش جايبة الحين هنا؟؟
ههههههههه

هالمادة غثيثة وماحبيتها وكل سمستر ادفها للسمستر اللي بعدة
المهم قدر الله وخذيتها وابي اعرف احد من ربعنا الغالين بعد خذاها ؟؟

والا اروح اذاكر لوحدي :5:

[سلطان //]

ابو حلا شيل موضوعك وملخصاتك ورح دور مكان غير هذا لا أشوفك هنا :20:

[ابو حلا]

ابو حلا شيل موضوعك وملخصاتك ورح دور مكان غير هذا لا أشوفك هنا :20:

ههههههههههههههههه
والله اول ماشفت ردك فطست ضحك
تدري ليش ؟؟
اول ماكتبت الموضوع كنت بحط ملحوظة اقول سلطان لا يرد:14:
سبحان الله القلوب عند بعضها:18:

رحت للشباب في مستوى ثاني احسهم مايبوني بس عطني الملخصات اللي بجهازك
اكيد لسا محتفظ فيها.

[nooraa]

ابو حلا على طريقك دور لي شي عن مبادى الادارة !! خخخخ

[فيصل العمار]

ابوحلا حرااااام عليك

اقسم بالله انها سهله اذا كانت مع د. سعيد

ياخي مسهلها ومعطينا عليها ملخص من 30 صفحه على ما اعتقد والله اني نسيتها

وكانت الاسئلة من نفس الملخص

الحق على الدكتور سعيد اذا باقي موجود

بعدين اي مشكله تواجها رح استمع لشرح الدكتور وتلقا الموضوع ممتع بشكل ما تتخيله موب ترجع لكل المحاضره لرح لنقطه اللي تبيها بس

شد حيلك وقوي قلبك بس

انس موضوع هالمادة سهله الى ابعد الحدود

[nooraa]

تغير الدكتور .. حظ ابو حلا :39:

النجار وما ادراك ما النجار !!

[بوعبدالله منتسب]

ابو حلا اذا تبي الملخص الي قال عنه اخوي فيصل العمار
تراه عندي

[ابو حلا]

يلوموني في ربعي الاجتماعييين لاخلا ولاعدم
الدكتور صار عبدالله النجار
وعندي ملخص امممم نسي والله مين مسوية كل كلمة قالها الدكتور
وعلى قولة اخوي فيصل سهل لما اشوف المحاضرات المسجلة
بس ارجع افتح الملزمة اشوفها مادة جديدة
وعلى طاري جديدة اخبارك اخوي فيصل وين تختفي ماتنشاف ؟؟

>>>>>>>>>> خلط الحابل بالنابل ماعليه كوكتيل
على العموم ماقصرتوا

نورا وش قصدك النجار وما النجار يعني احسن من ابوزيد:8:

[فيصل العمار]

ابو حلا على طريقك دور لي شي عن مبادى الادارة !! خخخخ


نورا اسئلة العام الماضي مصوره

تفضلي بالمرفق

[nooraa]

ابو حلا والله مدري بس مايمدحونه

يقولون مايعرف يشرح؟!!!

[دانتيلا]

هالماده للحين مااخذته احسه غثيثه ولقيت هالموضوع وحفظته عندي يمكن يفيدك شوفه

http://www.ckfu.org/vb/t301835.html

[فيصل العمار]

سؤال

النجار القاه في مكان عميد كلية مشرف مدري شسمه رئيس مدري من

يعني مافي البلد الا هالولد ؟؟؟

غريبه صراحه

بس يالنجار جاكم الاعصار ماشين يعيقه منتخبنا اليوم وخر عن طريقه < يوه وش دخل المنتخب بالموضوع بعدين المنتخب فاااااشل :8:

لا لا اقصد حنا الحين اللي ندرس طبيعي اننا سوف نأخذ منهم مناصبهم

تصدقون فيه جامعات كثير تحتاج إلى تغيير إدارياً وفكرياً

يله شدو حيلكم

عشان يصير لك مادة دكتور وكل لجنة شخص معين وكل مدري شسمه شخص آخر

موب لازم واحد يدرس وعميد ورئيس والله حرام واحد يشغل ثلاث وظائف :14:

[ابو حلا]

سؤال

النجار القاه في مكان عميد كلية مشرف مدري شسمه رئيس مدري من

يعني مافي البلد الا هالولد ؟؟؟

غريبه صراحه

بس يالنجار جاكم الاعصار ماشين يعيقه منتخبنا اليوم وخر عن طريقه < يوه وش دخل المنتخب بالموضوع بعدين المنتخب فاااااشل :8:

لا لا اقصد حنا الحين اللي ندرس طبيعي اننا سوف نأخذ منهم مناصبهم

تصدقون فيه جامعات كثير تحتاج إلى تغيير إدارياً وفكرياً

يله شدو حيلكم

عشان يصير لك مادة دكتور وكل لجنة شخص معين وكل مدري شسمه شخص آخر

موب لازم واحد يدرس وعميد ورئيس والله حرام واحد يشغل ثلاث وظائف :14:



عاد تصدق اخوي فيصل
فيه إدارة عند واحد من الشباب اللي ماسكها وماسك موضوع الدراسة والابتعاث واحد الله لايوريك
ماسمح لاحد يكمل دراستة خايف يجي ياخذ مكانة
مالك بالطويلة
المهم قلعوه وتقعد
وصار اللي مكانة انواع البعثات للشباب
خوويي باستراليا الحين ربي يوفقه ويوفق الجميع