المطالبة للجميع ..لا للخميس.

[العابرر]

أولا أتمنى التوفيق للجميع . وأتمنى من الله أن لايضيع تعب أي مجتهد ان شالله.

موضوعي ياأخوان هو الأختبارات التي تأتي في يوم الخميس ..ياأخوان لاحظت هذا اليوم

بالذات أرى تعليقات الطلبة في المنتديات بأستيائهم الشديد من ذلك الأختبار في يوم

الخميس..وهم معذورين..جميع جامعات المملكة تمشي على النهج المعروف .أختبار من يوم

السبت حتى الأربعاء ..والخميس والجمعة أجازة نهاية الأسبوع..تبدأ الزيارات الأهل وقضاء

الحوائج .بصراحة أختبار يوم الخميس لايصلح ابدا..أتمنى من الجامعة من الترم القادم ان شالله

تغيير سياستهم في هذا الشي.

[نعناع زنجبيل]

المشكلة هنا ليست في اليوم او المكان او الوقت خلاص عندك اختبار تلغي كل شيء من التزمات واعمال وتركز على الدروس

المشكلة الي يجيك الجدول يومين ورا بعض مادتين كل يوم هذا وش الحل معها متى تذاكر متى تنام على الاقل يفرقون بيوم واحد


بس نقول حسبنا الله ونعم الوكيل

[*Noura Mohammed]

اغلب الجامعات كذا يعني مانفرق عنهم
بس تهون عند الجدول الجميل اللي حاطينه لمستوى اول :20::18:

[moly04]

أكيد الجامعة ماختاروا هاليوم الا لهدف معين

انا مو مع او ضد هالقرار

لكن اتوقع فيه سبب خلاهم يختبرون الخميس

بالتوفيق :16:

[العابرر]

ياشباب اختبار يوم الخميس ثقيل بالمررررة.

[العابرر]

لايخل هذا اليوم من أجتماعات عائلية وأرتباطات.....وش المانع لو ألغوا الأختبار يوم الخميس .

[ياحنان الكون ابيك]

لعل في ذلك خير :16:

[ملح البنات]

هي كلهآ خميسين بالترم كله مآ تفرق ...

ولو آن أول خميس من أختبآراتي يصآدفها دايم طلعه باستراحه مع عآئلتنا :40:

آجلس و يضطر وآحد من أخوآني يجلس معي :30:

[DoOoOoly]

ما اشوف فيها شيئ!!

صح يوم الخميس مو حلو يضيع عليك باختبار

بس يعني كلها خميس واحد بيضيع او خميسين

وعموما كل الجامعات كذا


بالتوفيق جميعا

:16:

[العابرر]

أخوي في جامعة الأمام ....يقول مستحيل يكون عندناا اختبار يوم الخميس ...أي جامعه تقصد ....يااخوي حدد.

جميع الجامعات لاتختبر طلابها يوم خميس يوم أجازة .

[ابومساء]

4 خميسات في السنة فقط .. ما أشوف أنها مشكلة

[DoOoOoly]

اقرب مثال عندي..

انا مركز اختباري بجامعه الملك عبدالعزيز..

يووم الخميس رحت اختبرت وكانو طلاب جامعه عبدالعزيز برضو عندهم اختبار


ونفس الحال ينطبق علئ جامعه ال cba


الزبببده وسسسسع صدرك وانا اخووك:41:

[Mr English]

ما اشوف فيها اي شي

ماراح يصادف الا مرة او مرتين في الترم يعني حبكت على هالخميس اللي فيه هالاختبارات

واشوف صرنا نبي من الجامعة تنسق مواعيدها على رغباتنا وفيه اشياء اكبر من المنظور اللي احنا نشوفه من ظمنها ارتباط الجامعة مع وزارة التربية من ناحية المدارس والمراقبين واشياء اكثير

[خدمة مجتمع]

مساء الورد
يوم الخميس جميل للاستمتاع به وليس للاختبار
ولكن السؤال : هل نستطيع ان نغير من الامر شيئاً ؟
في حالة ان طلبنا الغاء الاختبار يم الخميس .
بس مادتين بيومين متتاليين :4:

[مدير الشرطة]

المفروض انهم يمددون الاختبار الى يوم الاربعاء
من الخميس الى الاربعاء

[~ Confidence]

مطالبة « ------ يا دافع البلا !!
علشان يوم و لا يومين خلال السنة كلها !!
شيئ غريب !!

[العابرر]

صدقوني لو الأختبارات من السبت للاربعاء ...يكون جدول رائع وبعدها تستمتع بيومين راحة هذا المفترض.

[موظف أكاديمي]

الا ا لله يجزهم خير انا يا واحد دوامي حسبي الله عليهم والله لا يوفقهم وين ماراحوا
(قولوا آمين يا رب العالمين) ما يعطوني اجازة اختبار واحيانا يوم الخميس يفيدني

[انشتاين]

رأيي من رأيك واتفق معاك والله الخميس مو وقت اختبار
المفروض يكون التقاط انفاس وسط الاختبارات الي كل يوم

لكن والله مااظن انه احد يسمع صوتنا

تحياتي ودمت بود:2:

[أبو تركي الرياض]

عادي جداً

واتمنى ان تكون الاقتراحات والملاحظات ذات اهميه !!

[رافايللو]

ما تفرق معايا

وكلها خميسين في الترم

[العابرر]

راحة يوم الخميس والجمعة لها اثر نفسي على الطلبة للتجديد نشاطهم ....مستحيل نختبر يوم خميس صدقوني يوم ممل ..وفي نفس الوقت تونا مخلصين اختبار يوم الاربعاء وبعده كذكلك نختبر خميس مايصلح ابداا.

[EME]

عادي بالعكس طول السنه تقدر تجتمع جات ع هالخميسين خلو الهياط عنكم
نظام الجاامعه كاكل جمييييل ولله الحمد احمدو ربكم بس
ياارب نتخررج
هم لو يحطون ماستر تكتمل :42:

[moly]

من لاعب عليك وقايلك كل الجامعات عطله يوم الخميس !؟
الجامعة ماعندهم عطله الا الجمعة فقط
ولو سمحتوو يكفي دلع كل شوي كاتبين شيء اتفه من الثاني خلاص ادرسو واسكتو

[الحريري2]

أضم صوتي الى صوت الاخ نعناع زنجبيل فعلاً أرهقتنا المذاكره والسبب هو وضع مادتين في يوم واحد .

الله لايضيق علينا

[أبــو الـولـيـد]

هي كلهآ خميسين بالترم كله مآ تفرق ...

ولو آن أول خميس من أختبآراتي يصآدفها دايم طلعه باستراحه مع عآئلتنا :40:

آجلس و يضطر وآحد من أخوآني يجلس معي :30:

كلامك صح ماعليه غبارر كلها يومين

لكن المشكلة باختبار يوم الخميس الأول هو المشكلة !!!!!!

ليه ؟؟؟؟؟؟؟؟؟؟؟

لانه يكون فيه دوام فلازم تاخذ اجازة قبل الاختبار يومين اقل شيء للمذكارة وجهات العمل ماتمنح اجازة الا لأيام الاختبار فقط ، واحيانا ترفض تعطي الموظف اجازة اعتيادية قبل الاختبار من رصيده تحتج بكثرة الشغل وانه بعد راح يطلع اجازة لمدة اسبوعين ..

وبعد اجازة اخر يوم مشكلة ثانية !!!! مو ساوي اداوم يوم الاربعاء لازم اجازة

هنا تصيرررررررررررررررررررررر مشكلة

لا النظام مايسمح لك باجازة قبل ( اجازة رسمية ) واجازة بعد

لانه يصير يحسب عليك الايام كلها اجازة اعتيادية بما فيها اجازة الاختبارات !!!!

مثال بسيط
لو ماتداوم الاربعاء
ولا تداوم السبت
يحسب عليك اجازة 4 ايام مو يومين
تحسب عليك الخميس والجمعة من ضمن ايام الاجازة كذا النظام يقول


الله يسهل لنا امورلنا

[العابرر]

عطيني جامعة تختبر طلابها في يوم اجازة رسمية ...يلي تقولين فيه .
غير جامعتنا.

عندي الخبر اليقين كل الجامعات تعطل خميس وجمعة وهذا هو الشي الصحيح . الترم الي فات زواج لأحد أقربائي لم احضره خارج المدينة يوم الخميس والسبب هو الاختبار الي وقت غلط في غلط...

[أبــو الـولـيـد]

عطيني جامعة تختبر طلابها في يوم اجازة رسمية ...يلي تقولين فيه .
غير جامعتنا.

عندي الخبر اليقين كل الجامعات تعطل خميس وجمعة وهذا هو الشي الصحيح . الترم الي فات زواج لأحد أقربائي لم احضره خارج المدينة يوم الخميس والسبب هو الاختبار الي وقت غلط في غلط...

بس هذه المشكلة !!!!


ماطلبت شيء تفضل
الملف مرفق جدول اختبارات فيه يوم خميس !!!

جامعة الملك عبدالعزيز

الأب

مو الولد

الملك فيصل

!!!!

[شرواك]

رأيي بالعكس

اتمنى من الخميس للاربعاء الاخير استغرب الاختبارات للثلاثاء

اولا يخف عليك ضغط الجدول اليومي

ثانيا ترتاح نفسيا انك تذاكر كل يوم ماااده خاصه اني ما ارى ذاك الطول في المقررات كلها 80 صفحه اذا زادت
بامكانه تخلص اشغالك وعندك وقت كافي للمذاكره بعكس لو كان مادتين ماعندك وقت وتضغط نفسك اكثر

ثالثا

يعني الخميس اللي يكون بوقت الاختبارات بتطلع فيه والا لك نفس تغير جو بتمسك ماااده وتذاكر الافضل يكون اختبار

والدليل جدول مستوى اول ضغطونا بيومين ورى بعض اختبارات لو مددوها للاربعاء وفكوا وحده من هالمواد كان اريح

الاهم في الاختبارات مو تغيير جو الاهم هو الراحه اثناء المذاكره بدون ضغط وتشتت بسبب زحمة المواد

اتوقع الاغلبيه يخالفك هالراي مع كامل الاحترااام

الله يوفق الجميع

[my Dreams]

المشكلة تتلخص في الآتي :
* أعداد الطلاب الكثيرة التي تجاوزت 100 الف طالب وطالبة وارضاء اراء هذا الكم الكبير اعتقد انه من ضرب المستحيل .
* مراكز الاختبار اغلبها مدارس وبالتالي هي مرتبطة باختبارات نهاية الفصل فهي اذا متاحة فقط خلال هذه الفترة .
* ارتباطا المباشر بانظمة الجامعة بشكل عام كنظام البانر مما يضطر الجامعة لتقديم اختباراتنا قبل طلاب الانتظام تخفيفا من الضغط على الكليات .
* إلغاء أيام الخميس يعني ان هناك ضغط اكيد في جداول بعض الكليات وسيظطر الطلاب لاختبار مادتين بنفس اليوم لصعوبة توفيق جداول هذا الكم من الطلاب والمواد فالجامعة تتبع طريقة اخف الضررين .
* أخيرا بعض الطلاب لايحظى باجازة من دوامة وبالتالي الخميس يكون له متنفس وكذلك ربات البيوت المرتبطات بطلاب مدارس يجدون الخميس وقتا مناسبا للاختبار .

وفي النهاية ارضاء جميع الاذواق سيبقى هاجس الجامعة والطلاب معا نسأل الله التوفيق للجميع وشكر خاص لصاحب الموضوع :2:

[العابرر]

بعض الشباب حسبها من منظوره الشخصي ان الخميس لايوجد دوام ....ياأخي هناك عسكريين يداومون الخميس وفيه ممرضين يناوبون ..وفيه ربات بيوت لايسلمون من ضيوف في يوم الخميس.يوم الخميس ..عند البعض والكثير منا مثله مثل السبت ..فهمت الان.

اساسا حنا مضغوطين مضغوطين احيانا يكون عندنا اختبارين وعلى ذلك عندنا اختبار في الخميس .....سياسة اختبار يوم الخميس لاتصلح نهائيا...وصدقوني والله يشهد على كلامي عرفت اناس .عندهم الملخص حق المادة لايتجاوز الثلاثين صفحة تخيلوا وهي جامعة الامام ...ومستغربين من موادنا الضخمة الي تاصل للتسعين صفحة وفوووووق...ترانا مضغوطين مواد وحنا ماندري وتقول لا الخميس عادي نختبررر.

[محمد المضياني]

بالتوفيق للجميع

[مزاجي غيير]

انا عن نفسي اششوفة موضوع عادي جدا جت على خميسين طيب عندك 44 خميس غير الخميسات حقت الاختبارات
في السنة كلها 48 خميس نقصي منها 4 يومين للترم الاول ويومين للترم الثاني يطلع الناتج 44 طبعا هاذا تاثير مادةالمحاسبة 2:41:
ياناااس عاادي الحياة حلوة هو يومين بالترم ويمكن يصير يوم عندك ويوم ما عندك مشو نفسكم وادرسو وبلا دلع يلا

وبالتوفيق للجميع :14:

[ابو جنااا]

بل العكس الي عندهم عمل يعرفون فايدة الخميس واختبراته وكلها اسبوعين

والاختبرات الباقيه المفروض يوم عن يوم

[أبو جَنىَ]

,






انا في الترم هذا .. كان عندي اختبارات متتاليه لا يفرق بينها أي يوم
من السبت للخميس .. وبالعكس التحضير المبكّر ما يخليها تفرق معي

والمناسبات ملحوق عليها , يعني حبكت إلا على هالخميس ولا بتخرب
الحياة , معليش يا صاحب الموضوع , لكن لو الود ودّي .. كان حطينا الجمعه

عشان نخلص منها كلها في أسبوع واحد :42:

[فرانكو كولومبو]

با العكس انا مع الاختبار بيوم الخميس

[looly]

كل الجامعات يختبرون خميس عادي طبيعي ترا !!!!
وبالنسبه للجدول اذا شين انت لما تسجل المواد تقدر تشوف ترتيب الايام اليوم اللي ماتبيه يصير ورا بعض تقدر تلغي ماده وتستبدل ماده ثانيه..