هل توافقني الرأي

[ولد قطر]

السلام عليكم ورحمة الله وبركاته ..

اشكر جميع الاعضاء على التواصل في هذا المنتدى ..

يا اخواني انا لاحظت شي في هذا المنتدى .. انه لمى يتفضل احد الاخوان او الاخوات بطرح موضوع نلاحظ احيانا ردود مالها داعي خارجه تماما عن الموضوع ، هذا ملتقى طلبه يعني اساله واستفسارات وامور تفيد في ايصال واستقبال المعلومة ..
نلاحظ احيان بإن المشاركات تفوق ال 200 ولما نبحث نلقى 20 رد يخص السؤال او الموضوع و 180 بس ضحك وامور اخرى ..
لازم نفرق بين المنتدى العام وبين المنتدى او الملتقى التعليمي .. اذا حبيت تقدر شخص على المجهود عندك الاعجاب يكفتى به ..

اتمنى الكل يفهم المقصد ترى في النهاية داخلين نتعلم مب نمدح ونشكر بعض .. الشكر لله وجزى الله خير من افاد الاعضاء واتمنى الشكر والدعاء يكون في القلب لان النيه محلها القلب ..


ادري كثير من الاعضاء بيتنرفزون وبيردون ردود غير ايجابيه بس صدقوني لو فكرتوا بكلامي بتلقون انه الصواب ..


( مجرد رأي في ظل حرية الرأي والتعبير ) للعقول الراقية فقط ..

[بجيك]

كلامك صحيح


بس لازم يتميلحون عشان الامور تمشي فهمت علي ههههههههههه:42:

[ولد قطر]

ههههههههه

[NoooW]

اوقات احس انه لازم اكتب دعوة حلوة لصاحب الموضوع
ايقونة الاعجاب ماتوصل العرفان اللي بداخلي -_-

[Adel A]

^^
فيه إختراع إسمه ( تقييم )، وإكتبي اللي في خاطرك !!
أو دعوه في ظهر الغيب ، تفي بالغرض ..

..*

[Abu ali55]

كلامك صحيح اخي العزيز

بس الشخص اللي تعب وعطانا من وقته ومجهوده لما يشوف الدعوات او الشكر راح تكون حافز له انه يواصل ابداعه...

ومافيها شي ترا لو شكرت الشخص على جهوده او دعيت له ما اعتقد انه تأثر بشي غير انها راح تكون محفز للشخص نفسه للأداء لان حس ان فيه ناس استفادة منه ...

هاذي وجة نظري ...

[ام بتول]

ولد قطر الكلمه الطيبه وابتسامتك في وجه اخيك صدقه :29:

[لينا الثبيت]

على راسي ولد قطر بس ترا الرسميه في الردود تسبب ملل يعني غير جو لان احنا نعتبر اخوان وخوات نسولف ونضحك ونتعلم كلها سوا يعني وانا احترم وجهة نظرك :16:

[رشيد البغيق]

رغم تجاوزت البعض بكثر الردود

لكن صدقني هي الي تعطي دافع ان الشخص يبحث ويجيب شي يفيد الطلاب

وجهة نظر

[BayanFJ]

في فرق بين ردود خارجة عن الموضوع و ردود (شكر و مدح) !
الأول أوافقك فيه.
بس الثاني أعذرني اللي يستحق الشكر و المدح حتى ردود ال 180 ماتكفيه!!

[Richou x]

:21:

[bnt qtr]

انزين خصصوا موضوع للشكر والتهاني والاهداءات مره وحده :(284): وخلو الردود في هالموضوع وباقي المواضيع خلونا نستفيد منها بدون المعلقات الي تاخذ 600 صفحه :42:

احس بيلعنون شكلي الحين بيحرقوني حراق على هالكلام :(269):