المساعد الشخصي الرقمي

مشاهدة النسخة كاملة : ششششششششطحه


ابو لطيفه
2012- 12- 29, 10:11 PM
ادري ان موضوعي غريب شوي

بس قسم بالله منقهر من هالجدول

ليه حاطين يومين ورا بعض ونا من السبت و الاحد فاضي مغير دوام

مغير ضاغطينا ضغط

لا اقدر اطلع لا يمين و لا يسار

حتى بنتي مستغربه اني جالس بالمجلس لحالي تقول لمها بابا تعبان :(

اخر عمري احس اني مريض نفسي

اهئ اهئ :9:

<< يقول ابي احد مثل حالتي عشان اهون ع نفسي خخخخخخخخخخخ

صدق من قال

(( مالك و مال الجامعه يا ابو شهاده ثانوي )) << بغى يجيب العيد بالثانوي << حلو المخرج :3::17::21:

بنت مطير *
2012- 12- 29, 10:23 PM
يابو لطووف لو يفيد الحتسي كان حكينا :41: خلاص كلها يومين وترتاح اضغط على نفسك وان شاءالله بتهون وكلنا والله مثل حالتك وانا ماباعدك ابد وشد حيلك وبالتوفيق :16:

.. هيَـا ..
2012- 12- 29, 10:24 PM
ههههههههههههه من جد يبو لطيفه أنت تعبان ؟! :8:
صراحه فعلاً جدول غبي من كثر ما كرهت المذاكره ودي يجي الامتحان ونخلص ملينا :39:
وكلنا كل واحد ماسك له مكان وهاتك يا مذاكره يا هواجيس يا نوم يا فرفره بالمتدى :5:
يعني لا تقلق يبو لطيفه .. والجامعة للقدعان :19:

2lham
2012- 12- 29, 10:27 PM
الخميس الجمعه السبت والاحد
يومين للمحاسبه ويومين للادارة :21:
كلنا مثل حالتك مو عاجبنا الجدول بس نفكر كيف ننجح وننجز
اعتبره تحدي وشد حيلك علشان تنجح وتسعد بنتك وامها :27:
صراحه مستغربة من بعض الاعضاء عندهم دوامات
المفروض يكون فيه تعاون مع الموظفين ويعطونكم اجازة براتب بعد
الحمدلله من اسبوعين وانا معطيني اجازه لانها من حقي
عسى ربي يوفقك ويسهل عليك
ويعطيك على قد تعبك











:2:

.. آمــل !
2012- 12- 29, 10:30 PM
كلنا تعبنا من هالجدول
وبعد العطالة والبطالة هالعقل ماعاد يحفظ مثل العالم
مالنا الا الصبر والايام تركض وعوض بنتك في الاجازه والله تقول ي حلو الاختبارات
ولا هالاجازة اللي كلها مولات وملاهي:29::42:

ابو لطيفه
2012- 12- 29, 10:33 PM
يابو لطووف لو يفيد الحتسي كان حكينا :41: خلاص كلها يومين وترتاح اضغط على نفسك وان شاءالله بتهون وكلنا والله مثل حالتك وانا ماباعدك ابد وشد حيلك وبالتوفيق :16:


بنت مطير

اسعدني مرورك

لاكن اكثر من كذا شدة حيل ما اتوقع اخاف ينقطع الحبل خخخخخ

UNO_0
2012- 12- 29, 10:33 PM
ههههههههههههههههههههههه < :31:

انا ربعي من كثر ما هم مايشوفوني يحطون بالبلاك بيري
مفقوووود ويرسلون برودكاستات هههه << اشرار
خلهم اليوم يضحكون بكره اضحك عليهم :20:
كلنا نفس الحاله ترى انا ثلاث اسابيع ما طلعت من البيت
دوام . مذاكره ..نوم .. وهكزااا

ifofah
2012- 12- 29, 10:34 PM
هو المفروض قسمت وقتك فترة الإمتحانات بسسس
ألحين ما يفيد الكلام
إللي يفيد إنك في خلال ساعتين تقدر تستفيد بشكل كبير من المادة
من خلال محاضرات مسجلة
وشوف موضوع يمك دروبي بتستفيد من الدكتور إللي يشرح
http://www.ckfu.org/vb/t401524.html
وصدقني مثل ما عندك وقت تضيعه سواء في لعب أو جوال أو حتى منتدى
عندك شوية وقت تركز فيه ع المادة ممكن تنجح وأنت ما درسته إلا ساعات معدودة
وشيء راجع لك

برنتلي
2012- 12- 29, 10:36 PM
حتى انا والله احس ان عقلي قفل خلالالاص تعبت يالله ياربي تعدي الامور على خير
بس وقفوا لاتصيرون مثلي خلاص صيروا احسن مني :5:
بس دايم اقول لاخواني وبقوالها لكم بعد أخواني وخواتي من ابوي وامي آدم وحواء خليكم كذا :21:

ابي معنويات عالية:31: اشوف :21:ايية كذا فووووق فوق ماشاء الله :3: ماشاء الله
الله يوفقكم ويوفقني يارب

ابو لطيفه
2012- 12- 29, 10:36 PM
ههههههههههههه من جد يبو لطيفه أنت تعبان ؟! :8:

صراحه فعلاً جدول غبي من كثر ما كرهت المذاكره ودي يجي الامتحان ونخلص ملينا :39:
وكلنا كل واحد ماسك له مكان وهاتك يا مذاكره يا هواجيس يا نوم يا فرفره بالمتدى :5:
يعني لا تقلق يبو لطيفه .. والجامعة للقدعان :19:



هيا

اسعدني تواجدك و مرورك

لاكن الحمد الله توقعت اني لحالي اللي مسوي ابو النجاح

لادرجة اني اذاكر و اشد حيلي و اذا شفت ورقة الاختبار تبخرت المذاكره

ولا احس بعد المذاكره اني باخذ 101 درجة << من قوة المذاكره ههههههههههههههه << جاب لعمره العيد :40:

patriot
2012- 12- 29, 10:40 PM
جدول مادري وش يبغا

والله من كثر ماهو قلق هالجدول اني اقعد بروحي بذاكر هههه شوي من غير شعور الجوال مايطفي سواليف

واللي العن من كذا ماسكه معاي غلط من بدت الاختبارات كل يوم اتفقد البيت شنو ناقصه والسياره كذالك غسيل وغيار زيت ..

بصراحه انا شارهن على حالي هههههه ... ومالوم بنتك يابو لطيفه شرهتن عليك :8::8:

تحيتي لك
:16::16:

ابو لطيفه
2012- 12- 29, 10:44 PM
الخميس الجمعه السبت والاحد
يومين للمحاسبه ويومين للادارة :21:
كلنا مثل حالتك مو عاجبنا الجدول بس نفكر كيف ننجح وننجز
اعتبره تحدي وشد حيلك علشان تنجح وتسعد بنتك وامها :27:
صراحه مستغربة من بعض الاعضاء عندهم دوامات
المفروض يكون فيه تعاون مع الموظفين ويعطونكم اجازة براتب بعد
الحمدلله من اسبوعين وانا معطيني اجازه لانها من حقي
عسى ربي يوفقك ويسهل عليك
ويعطيك على قد تعبك











:2:





2lham

اسعدني تواجدك و مرورك

و اذا اهي ع التحدي هين ما راح تجي معاي هههههههههههههههههههههههههه

من عام الفيل ما مسكت كتاب اجي الحين اتحداه هههههه

الله يهدينا بس ههههههه

و اذا ع الدوام لو انك معاي بوزارة التربية و التعليم عرفتي

ان الله حق :40:

ما عطونا الا يوم الاختبار اجازه اما كل الايام نداوم

:( ابو القهر :23:

عسى الله يوفق الجميع ي رب

ابو لطيفه
2012- 12- 29, 10:48 PM
كلنا تعبنا من هالجدول
وبعد العطالة والبطالة هالعقل ماعاد يحفظ مثل العالم
مالنا الا الصبر والايام تركض وعوض بنتك في الاجازه والله تقول ي حلو الاختبارات
ولا هالاجازة اللي كلها مولات وملاهي:29::42:



امل

اسعدني مرورك و تواجدك

و اذا ع العقل و الله الحفظ صاير صفر ع الشمال ههههههههههههه

و الملاهي و المولات و المطاعم فيني و فيني سوا نجحت ولا قعدت ههههههه << يعني غصب هههههههه

ابو لطيفه
2012- 12- 29, 10:51 PM
ههههههههههههههههههههههه < :31:

انا ربعي من كثر ما هم مايشوفوني يحطون بالبلاك بيري
مفقوووود ويرسلون برودكاستات هههه << اشرار
خلهم اليوم يضحكون بكره اضحك عليهم :20:
كلنا نفس الحاله ترى انا ثلاث اسابيع ما طلعت من البيت
دوام . مذاكره ..نوم .. وهكزااا


uno_0

اسعدني تواجدك و مرورك

و الله اخاف اخوياك يبتلون يضحكون عليك هههههههههههههههههه

لاكن عسى الله يوفقنا ي رب

ابي 40 درجه بس و عندي 30 مخبيه بجيبي << احلف ههههه

uno_0 وش رايك نجتمع بستراحه و نقطع العالم كلها

و ما نطلع الا اذا جاء وقت الامتحان << حشى جوج وما جوج خخخخخخ

ابو لطيفه
2012- 12- 29, 10:55 PM
هو المفروض قسمت وقتك فترة الإمتحانات بسسس
ألحين ما يفيد الكلام
إللي يفيد إنك في خلال ساعتين تقدر تستفيد بشكل كبير من المادة
من خلال محاضرات مسجلة
وشوف موضوع يمك دروبي بتستفيد من الدكتور إللي يشرح
http://www.ckfu.org/vb/t401524.html
وصدقني مثل ما عندك وقت تضيعه سواء في لعب أو جوال أو حتى منتدى
عندك شوية وقت تركز فيه ع المادة ممكن تنجح وأنت ما درسته إلا ساعات معدودة
وشيء راجع لك


ifofah

اسعدني مرورك وتواجدك و نصحك

بس الظاهر انك ما تدرين جزاك الله خير ان المخ فيه عطل الان

لو عطيته معلومه زياده احتمال اوقف ع جنب للأبد

لاكن و لنفسك عليك حق

لازم الواحد ينفس ع روحه و عشان يقدر يستوعب شوي

و الله يوفقنا و ياكم

سوا نجحنا و لا وقفنا

:16:

ابو لطيفه
2012- 12- 29, 11:00 PM
حتى انا والله احس ان عقلي قفل خلالالاص تعبت يالله ياربي تعدي الامور على خير
بس وقفوا لاتصيرون مثلي خلاص صيروا احسن مني :5:
بس دايم اقول لاخواني وبقوالها لكم بعد أخواني وخواتي من ابوي وامي آدم وحواء خليكم كذا :21:

ابي معنويات عالية:31: اشوف :21:ايية كذا فووووق فوق ماشاء الله :3: ماشاء الله
الله يوفقكم ويوفقني يارب


برنتلي

اسعدني تواجدك و مرورك

حسستيني اني جالس مع ابوي قبل 15 سنه كان يقول لي لا تصيرون مثلي خلكم احسن مني بالدراسه

ووقفت ع الثانوي و الان جامعه هههههههههههههه

بس حلو حوافزك << جالس يشوف اللي تشوف فوق فوق فوق خخخخخخخخخخ

ابو لطيفه
2012- 12- 29, 11:02 PM
جدول مادري وش يبغا


والله من كثر ماهو قلق هالجدول اني اقعد بروحي بذاكر هههه شوي من غير شعور الجوال مايطفي سواليف

واللي العن من كذا ماسكه معاي غلط من بدت الاختبارات كل يوم اتفقد البيت شنو ناقصه والسياره كذالك غسيل وغيار زيت ..

بصراحه انا شارهن على حالي هههههه ... ومالوم بنتك يابو لطيفه شرهتن عليك :8::8:

تحيتي لك

:16::16:




patriot

اسعدني مرورك و تواجدك

بس حلووو انك جالس تكمل مقاضي للبيت هههههههههههههههههههههههههههههه

الله يعيننا و يوفقنا

اخت مصطفى
2012- 12- 30, 01:30 AM
قبل أختبار الأقتصاد بكم يوم كنت متوتره ويوم الأختبار مبسوووووطه بطير من الفرحه كأني رايحه لعرس:8: كل همي افتك من هالماده سواء حليت او ماحليت
وهالحين هانت يوووووومين ونفلها صح ان جدولهم غبي بس وش نسوي حكم القوي اللي قاهرني اداره الأثنين والثلاثاء محاسبه

ليه ليه ماحطوه الأربعاء مايمدينا نتفس كووووش عليهم

على طاري بنتك والطلعه قسم ان ابو الشباب مبسط وفالها ع الآخر يقول سبحان من أشغلك قال لودرى من زمان درسني ..يقول يالله نطلع نتمشى نروح وانا لا لا عندي اختبارات:24:

قال صدق اللي قال أشغل العسكري لايشغلك :32:

هين بس اخلص اختبارات إذا ماطلعت حق شهر عرض:5:

ابو لطيفه
2013- 1- 1, 08:46 AM
قبل أختبار الأقتصاد بكم يوم كنت متوتره ويوم الأختبار مبسوووووطه بطير من الفرحه كأني رايحه لعرس:8: كل همي افتك من هالماده سواء حليت او ماحليت

وهالحين هانت يوووووومين ونفلها صح ان جدولهم غبي بس وش نسوي حكم القوي اللي قاهرني اداره الأثنين والثلاثاء محاسبه

ليه ليه ماحطوه الأربعاء مايمدينا نتفس كووووش عليهم

على طاري بنتك والطلعه قسم ان ابو الشباب مبسط وفالها ع الآخر يقول سبحان من أشغلك قال لودرى من زمان درسني ..يقول يالله نطلع نتمشى نروح وانا لا لا عندي اختبارات:24:

قال صدق اللي قال أشغل العسكري لايشغلك :32:


هين بس اخلص اختبارات إذا ماطلعت حق شهر عرض:5:



هههههههههههههههههههههههههههههههههههههههههههههههههه هه


<< هذا المستخدم فاطس ضحك ع سالفت الطلعه هههههههههههه

:5::5::5:

اذا بتطلعين انتي و ابو شنب عطوني خبر اطلع معكم << يقول كل واحد بعايلته لحد فهم غلط خخخخخخخخ

الصدقي
2013- 1- 1, 09:32 AM
ابو لطوووف عايدي عايدي سهالات ..

يارجال عندي ثلاثه متزوجين في الاستراحه وكلهم في الجامعه ..

بعد اختبار امس وصلنا للاستراحه واحلى مراصيع مع حليب ..

وسوني الى 2 الليل واخر شي قررنا نطفي السوني عشان الاختبار ..

وبعد ماتطفى سواليف الى 3.30 ..

بعدها خلاص عزمنا نذاكر ..

ويوم وصلت البيت كل واحد كاتب بنام والصباح بقوم اذاكر ..

وتوني اللحين افتح الملخص ههههههههههههههههههههههههههههههههه ..


وارسل في قروب الوتساب محد حولي ههههههههههههههههههههه ..

نايمين الطيبين المتزوجين ..

مافي الا انا وخويي العزابي الثاني صاحين ..

اما على طاري الجدول انا قايل من قبل امس ..

اللي حطه واحد متمقلب في جامعته اول عطوه اختبارين وراء بعض ..

وقرر يجيب العيد فينا ههههههههههههههه ..

لو يعلمنا بس مين اللي مسوي فيه كذا قمنا بالواجب بس يمقلب فينا ..

يسمع والله خوينا بنظام الجداول ..

الله يخلي لك لطوف وتفرح فيها دكتوره ان شاء الله ..

والله يوفقك ويوفقنا يارب العالمين ..

ابو لطيفه
2013- 1- 1, 10:29 AM
ابو لطوووف عايدي عايدي سهالات ..


يارجال عندي ثلاثه متزوجين في الاستراحه وكلهم في الجامعه ..

بعد اختبار امس وصلنا للاستراحه واحلى مراصيع مع حليب ..

وسوني الى 2 الليل واخر شي قررنا نطفي السوني عشان الاختبار ..

وبعد ماتطفى سواليف الى 3.30 ..

بعدها خلاص عزمنا نذاكر ..

ويوم وصلت البيت كل واحد كاتب بنام والصباح بقوم اذاكر ..

وتوني اللحين افتح الملخص ههههههههههههههههههههههههههههههههه ..


وارسل في قروب الوتساب محد حولي ههههههههههههههههههههه ..

نايمين الطيبين المتزوجين ..

مافي الا انا وخويي العزابي الثاني صاحين ..

اما على طاري الجدول انا قايل من قبل امس ..

اللي حطه واحد متمقلب في جامعته اول عطوه اختبارين وراء بعض ..

وقرر يجيب العيد فينا ههههههههههههههه ..

لو يعلمنا بس مين اللي مسوي فيه كذا قمنا بالواجب بس يمقلب فينا ..

يسمع والله خوينا بنظام الجداول ..

الله يخلي لك لطوف وتفرح فيها دكتوره ان شاء الله ..

والله يوفقك ويوفقنا يارب العالمين ..








الصدقي

اسعدني مرورك

لاكن اذا على المراصيع والله مالك حق كان اتصلت علي << بالعااااافيه

واذا على السوني الحمد الله ما عرف له لاكن بعد الاختبار

رحت الاستراحه و كنكاااااان الين الساعه 11 ونص و بطني يغني طاير النورس من الجوع

و الحين متجربع بهالاختبار

بس ماشاء الله تبارك الرحمان ع واحد كان جنبي ودي اقول له خذ ورقتي حل عني

قسم بالله ي ورقته جاها عنقز من ربع ساعه الاولى:41::41:ههههههههههه

اهو اول شخص خلص ع طول

ماشاء الله تبارك الرحمان عليه

و اذا ع لطيفه ان شاء الله افرح فيها عروس ولا دكتوره فاضي لها اوديها للجامعه و خرابيط

يوديها رجلها <<< يفكر لبعيد خخخخخخخخخخخ