أكبر غلطة + طلب من مستوى رابع [الأرشيف] - ملتقى طلاب وطالبات جامعة الملك فيصل,جامعة الدمام

المجبورة

2012- 12- 31, 12:32 AM

أنا أكبر غلطة أني سجلت ( 9 ) مواد

بصراحة عدد كبببببببببببببير مره

والحمد لله باقي بكرة اختبار ( علم اجتماع الأسرة والطفولة )

لكن نصيحة لي ولكم لا أحد يسوي مثلي يأخذ ( 9 ) مواد لأني تعبت بالمره وما عاد قدرت أجمع لتشابهها وكثرتها
والسبب الأخر أني من يوم الخميس توقفت عن المذاكرة وما عاد أقدر أذاكر وإلى الآن ما فتحت ملمزمة ( علم اجتماع الأسرة والطفولة ) تعبت جسمياً ونفسياً وخاصة من بعد اختبار مادة ( الأحلاق الإسلامية وآداب المهنة )

الله يسهلها وييسرها يارب :7::7::7:

والآن أتمنى من أخواني وأخواتي في مستوى رابع ينصحوني بالمواد التي أسجلها بمستوى رابع ولن أسجل سوى ( 5 ) مواد فقط ولهم جزيل الشكر

Am Yasser

2012- 12- 31, 12:43 AM

الحمَد للہ الذَي جعلنا نعجزَ عن معرفة المسَتقبل ليكونَ دائما لدينا أمل أنَ غدا أجمل ♥

احمد..؟؟

2012- 12- 31, 12:48 AM

في ناس اخذو 10 مواد :6:

صحيح كثرتها تأثر على معدلك خصوصا لن تستطيع استيعاب جميعها ولضغط الجدول

اشوف المناسبه تكون 8 مواد

ضمير الود

2012- 12- 31, 12:48 AM

والله نفس الحاله خصوصا من بعد الاخلاق حسبي الله ونعم الوكيل

دروب السعوديه

2012- 12- 31, 12:53 AM

انا اخذت 10 مواد وصابني ارهاق مو طبيعي خصوصا انها ورا بعض :7: لا وكملها اختبار الاخلاق الاسلامية

ابو فارس الجبيل

2012- 12- 31, 12:55 AM

الاعتدال في كل شي مطلوب 8 كويسه جدا

محمدوف

2012- 12- 31, 01:13 AM

انا اخذت مثلك تسع حتى وصلت لليوم

احس قدرة الاسترجاع وتشغيل المخ زيررو

مشكلتنا في تخصصنا كثرت المواد يعني للي ماراح ياخذ كل ترم

8 مواد اقل شي ماراح يخلص مع الخطة

انا اشوف خطه مستوى رابع هاديه ومرتبه وايامها فيها راحه

اخذت من رابع هالترم العلاقات العامة وللامانه:21::21::21::21:

ماده +دكتور+اختبار :21:

عادل أبو عمر

2012- 12- 31, 01:29 AM

نبي نوحد موادنا بس اتفقو ع جدول معين عشان مانتشتت وربي يوفق الجميع وانا اشوف ان ٨ مواد حلوه اما تسع التوبه مراح اخذ تسع ابد :13:

منو السلطان

2012- 12- 31, 01:45 AM

الحمدالله على كل حال أخذت عشر بس الصراحة تعب وإرهاق ما اقول الا يارب ما يضيع التعب :22:

احمد..؟؟

2012- 12- 31, 01:54 AM

نسيت انبه على شغله ماتقدرين تاخذين 5 مواد فقط لانها تعتبر اقل من العدد المطلوب

لانها راح تكون 10 ساعات واقل عدد هو 12 ساعة يعني 6 مواد

almaaas

2012- 12- 31, 02:03 AM

انا اخذت تسع مواد وعادي ماكان عندي مشكله

بس اختبار الاخلاق الاسلاميه ضيق علي صدري واحس مالي خلق اذاكر حق بكره :12:

ااالملتاع

2012- 12- 31, 02:12 AM

عني انا اخذت عشر والامور تمام

الاشكال ماهو بالعدد بقدر انك ماتاخذ بالجدول مادتين بنفس اليوم

ضامية

2012- 12- 31, 02:17 AM

وانا بعد عشره وكل انسان واستطاعته ... والترم الجاي اذ عشنا ان شاءالله صيف عادي ياخذون عشره مافي امراض

اغصان الورد

2012- 12- 31, 02:21 AM

خمس مواد قليلة

انا م4 مسجلة 9 مواد وكل اللي عديتها حلوة الا قواعد البيانات من اليوم وانا اقلبها وشكلي بجيب العيد فيها ندمت اني ماخذتها وتاركه الميداني>>لان امتحانهم بنفس اليوم

ابو نواف..*

2012- 12- 31, 02:32 AM

بالنسبة لي ارى اللي مومجبور ياخذ الحد الاعلى
ياخذ 8 اواقل اللي مطالب بعدد ساعات للعمل الله يعينه يضغط نفسه
مع ملاحظة ان اخذت 9 او ثمان الاربع سنوات وراك وراك

ااالملتاع

2012- 12- 31, 02:42 AM

بعثرني يازماني

2012- 12- 31, 02:53 AM

مابي اتفلاسف عليكم ولكن انت دخلت التخصص برغبتك لابد تكون مستعد نفسياً ومعنوياً وجسدياً
ماهي نهاية العالم احمل ماده وارجع انجح فيها ماهي نهاية العالم اعتذر عن ترم واكمل اللي بعده المهم كل المقصد من هذا ان الواحد اذا زفت في الاختبار ضاق خلقه ادري انه شي مو بكيفك بس لابد تتاقلم وتتعايش مع الوضع ..

بعثرني يازماني

2012- 12- 31, 02:59 AM

ماتوقع ان ان استراتيجية الجامعه تبي تواصل على نفس الاسلوب

لان بصراحه الاعداد هائله من الطلاب كل عام تزيد

ممكن تصل العدد لاتستطيع الجامعه استيعابه او شيء طارى من التعليم العالي

مادري ويش بيتغير بالضبط توزيع الدرجات او صعوبة الاختبار المهم راح تتغير للاسوى

لذا افـُضل اني اخذ اقل شي عشر مقرارات بالترم

برافو عليك انت نفس تفكيري في هاذي الناحيه والشي الثاني المواد احاول اني اخذ اكبر عدد من مواد ابو حسن ابو زيد والدكاتره اللي يجبون نفس اسئلة الاترام السابقه علشان اقدر اعدي وبكل تفووق وفيه امور كثير راح تكون ماهي في صالحنا بس ماودي اسولف اخاف تقولون متشائم لان ماهو وقته ابد الان:21: والموشر الحقيقي لكلامي مادة الاخلاق والله يستر من الجاي للعلم الماده اخذته قبل ترمين ودرجتي فيها ممتاز ولله الحمد

ااالملتاع

2012- 12- 31, 03:08 AM

برافو عليك انت نفس تفكيري في هاذي الناحيه والشي الثاني المواد احاول اني اخذ اكبر عدد من مواد ابو حسن ابو زيد والدكاتره اللي يجبون نفس اسئلة الاترام السابقه علشان اقدر اعدي وبكل تفووق وفيه امور كثير راح تكون ماهي في صالحنا بس ماودي اسولف اخاف تقولون متشائم لان ماهو وقته ابد الان:21: والموشر الحقيقي لكلامي مادة الاخلاق والله يستر من الجاي للعلم الماده اخذته قبل ترمين ودرجتي فيها ممتاز ولله الحمد

واضيف على كلامك

بغض النظر عن التغييرات بالمستقبل

من المتعارف عليه ان المستويات الاربعه الاولى

تكون اسهل من المستويات الاربعه الاخيره

لذا قش الي تقدر عليه :8:

نعسآنه

2012- 12- 31, 03:09 AM

انا اخذت 9 مواد تمنيت لو اني ماخذه 8

الحمدلله على كل الحال ولكن التوبه التوبه المرات الجايه 8 ان شاءالله

j7roob

2012- 12- 31, 03:15 AM

انا ماخذ السمستر هذا عشر مواد

لاني حملت الانجليزي قراءة السمستر اللي فات

المشكله اللي يشوف خطة علم الاجتماع كل الاترام فيها ضغط

اقل ترم فيه ثمان مواد

واذا ما اخذت اكبر عدد ممكن من الساعات ماراح اتخرج في اربع سنين

تخيلو من بدت الاختبارات ماعندي الا اليوم الاحد اللي اوووف فيه وباقي الايام اختبار

الله ييسرها بس ونجيب معدل كويس يسمح لنا ناخذ اكبر حد من الساعات

موفقين لكل خير

ريحانة الشوق

2012- 12- 31, 04:47 AM

توبة تسع كثير وترهق الجسم ولا تعب المذاكرة وحضور المحاضرات وقراءة الملازم لم تنفع فيبعض المواد وخاصة اخلاق يعني من بداية الترم اجتهاد وعفسه هم في اسئلة تعجزية بس ان شاءالله الله مايضيع اجتهادنا ونجيب معدل سنع ان شاءالله ترم الجاي اقل من تسع الي يكتبه ربي فيه الخير:24:

abo0o0d

2012- 12- 31, 04:53 AM

الحمَد للہ الذَي جعلنا نعجزَ عن معرفة المسَتقبل ليكونَ دائما لدينا أمل أنَ غدا أجمل ♥

من اجمل ما قرات :16:

ABU YUMMNA

2012- 12- 31, 05:56 AM

لو هي .. علي ... كان اجمع المواد كلها للمستويات الي جاية
كلها ورى بعض
واخلصها بـ 41 يوم
بحكم ان بقى لي 82 ساعة

ابوعمر111

2012- 12- 31, 05:58 AM

انا اخذت عشر ولكن توبه نصوحه صار في تشويش في المخ صرت اقرا بالمقلوب والعبي لقالون

MaNe3

2012- 12- 31, 06:16 AM

انا اخذت عشر ولكن توبه نصوحه صار في تشويش في المخ صرت اقرا بالمقلوب والعبي لقالون

هههههههههههه عشر بصراحة مالومك لو تتشتت افكارك 😖
بس حلوة لعبي القولووووون 👊

MaNe3

2012- 12- 31, 06:21 AM

انا اشوف ان تسع مناسبة بس المهم ان مايكون فيه اختبار مادتين بيوم واحد

أبو فيصل رويلي

2012- 12- 31, 06:27 AM

:23:يا كثر تذمركم يا كثر ماتشتكون لما اخذتو 18 ساعة قلتو نبي نخلص بسررررعة ليه مايسمحون لنا بأكثر ولما عطوكم جدول ايام الاختبارات مادتين باليوم قلتو تعب ولما صارت مادة وحدة قلتو ارهاق ولما اسمحو لكم بـ 20 ساعة قلتو فرصة نخفف مواد ونخلص بسرعة وبعدين تشتكون وتأففون الدكتور صابر لما حط اسئلة مبادئ علم اجتماع الترم اللي فات دعيتو عليه وهالترم مظاهرات مليونية لعيونه,,لا و تطالبون بترم صيفي,, وبعد الاخلاق قلتو توبة نلدغ من جحر مرتين والى هاللحظة اقرا كلام ناس تقول بذاكر اسئلة العام وماااقدر افتح الملزمة ........... اللي يبي شهادة يتعب شوي اقلها وقت الاختبارات
روحو شوفو جامعة الملك عبد العزيز مقرفين الطلاب قرف و انتم بس تشتكون

بنت عبدالله12

2012- 12- 31, 06:43 AM

انا عشر مواد خلاص هلكت من المذاكره الله يسهلها بكره عندي حاظر :18:

المجبورة

2012- 12- 31, 07:54 AM

الحمد لله ع كل حال

والله يسهلها ويعديها ع خير

وأتنى لي وللجميع والتوفيق والنجاح يارب

أبو جنو

2012- 12- 31, 08:44 AM

الله يعطيك العافية

أنا أخذت 10 مواد

وترتيب الجدول هو من يساعدك على المذاكرة بحيث وضعت كل مادة في ويوم
يعني من الخميس ماريحت

يعني الخميس مادة
السبت مادة
الأحد مادة
الأثنين مادة
الثلاثا مادة
الأربعاء مادة
الخميس مادة
السبت مادة
الأثنين مادة
الثلاثاء مادة

و الحمدلله على كل حال...

يعني التعب منسي ياخوك وما طاح من ظهرك أريحله ...

الله يوفق الجميع ...

ملاحظة : أعمل جدول أختباراتك مميز وترتاح في المذاكرة

عادل أبو عمر

2012- 12- 31, 10:22 AM

اتوقع لو نرتب وضعنا ونتفق ع مواد ناخذها مع بعض ونتقاسم الادوار مثلاً مجموعه عليها تجيب ملخصات ومجموعه عليها كويزات ومجموعه تلخص الملخص وتحاول تطلع المفيد منه وفيه الاكثر احتماليه انها تجي بالاختبار ونقسم جدول للمذاكره ونلتزم فيه واذا كنا كثره حتى لو عشر مواد راح تسهل لان الواحد بيدري انه مو بالحاله وبكذا يتشجع ويبدع

بســوووم

2012- 12- 31, 10:43 AM

-

عني 9 واشوف انهآ كثيره وآجد,ممكن بسبب الأسبوع الأول اللي قضٌينآه بصرآحه هلآك لانوم ولا مزآج ولاغيره..

يعني حآلياً نسيت العنآء اللي جآنآ لكن >>> الإستيعآب اوشٌك ع الإنتهــــــــــــــاء هذآ إذآ ماوقف خلآص :36:

احمد ربي ان هالمآده اول شيء ابتديت فيهآ من شهر بس طبعاً ما ختمتهآ , هذآ انا اعيد وازيد فيهآ

علىٌ وعسىَ ماتخيب ظٌني بالإختبآر :30:

الله لآيضيع تعبنٌآ وعسآنآ نلآقي ثِمآر مجهودنآ هذآ بنتآيج أن شاء الله .... :icon1::004:

المنصور

2012- 12- 31, 10:58 AM

انا ماخذ 10 واخر ثلاث ايام زكام وحراره
يالله المستعان يس اكلة مضاد خمدة نوم
دعواتكم لنا بالتوفيق

عادل أبو عمر

2012- 12- 31, 11:00 AM

ذاكرو ابرك المنتدا لاحقين عليه وانا ماقهرني الا هالعالما الي يتفلسفون مايدرون عن المجتمع السعودي كان خلوه مثال يقتدون فيه
لو يعرفون سر نعلت الوالده الي بعض الاحيان احس انها تتعدا سرعة الصوت او بوكس الوالد يوم يعلمنا السواقه وهذا حنا اعضا منتجين وفعالين بالمجتمع والحمدلله

عادل أبو عمر

2012- 12- 31, 11:02 AM

ماتشوف شر المنصور والمرض اعتبره عامل ضغط يبين معدنك وقدرتك ع التعامل تحت الضغوط يعني حوله من حاجز لدافع :8:

برج التطور

2012- 12- 31, 12:41 PM

أعتذر على دخولي العرضي لدي طلب منكم اذا امكن
أنا لم اسجل اربع مواد معكم اتمنى ان اسجلها في المستوى القادم ان شاء الله ارجو منكم كتابة انطباعكم عنها من خلال طبيعة الاسئلة ومن حيث الصعوبة والسهولة مع ارفاق الاسئلة وجميع الملخصات جزاكم الله خيرا وكثر من أمثالكم ( خدمة الفرد والفكر والاتصالات وعلم الاجتماع الطبي )
ملاحظة : بعد الا متحانات الرد حتى لا اشغلكم 0 :1:

عادل أبو عمر

2012- 12- 31, 12:45 PM

سهله ولا فيها صعوبه اقري الملخصات والمحتوا وربي يوفقك وبالنسبه لي اكرر كانت سهله بعد مجهود الربع هنا وابداعهم الي يشكرون عليه بصراحه وقفاتهم لاتنسى ابد

ابو غيداء

2012- 12- 31, 01:02 PM

نسيت انبه على شغله ماتقدرين تاخذين 5 مواد فقط لانها تعتبر اقل من العدد المطلوب

لانها راح تكون 10 ساعات واقل عدد هو 12 ساعة يعني 6 مواد

اخوي احمد من قال كذا

انا الترم هذا اشريت راحة نفسي خذيت بس خمس مواد

وبديت يوم الأحد وانتهيت يوم الخميس وانا مرتاح البال

مع ان معدلي يسمح لي بعشرين ساعه

co2

2012- 12- 31, 02:21 PM

والي ماخذ 10 مواد وش يقول
اصلا انا صرت افصل مثل كهرب السعوديه

almaaas

2012- 12- 31, 02:53 PM

ابو غيداء عاش من شافك :13:

من زمان عنك اثاريك مو ماخذ الا خمس مواد وانا اقول وينك ماتنشاف :27:

@بوفهد

2012- 12- 31, 03:03 PM

الترم هذا صحيح اخذت 8 مواد بس ما فيه مادتين بنفس اليوم :21:واحس انى ضاغط نفسي بعد :36:
الترم الجاي 7 ونفس الطريقة كل يوم اختبار :21:
واذا فتحوا صيفى لو بعد سنة او سنتين بنعوض :21:
يازين الركادة :17:

كلي خير

2012- 12- 31, 03:20 PM

يعطيك العافية ياقلبي بالعكس كل ماخذتي مواد اكثر خلصتي بسرعه
وترى مادة الاسرة والطفولة جدا سهله وواضحه مافيها اي تعقيد.

انا منزلة 10 مواد والحمدالله متوكلة على ربي
صحيح ضغط لكن رتبت اموري والحمدالله هالترم اللي كنت خايفه منه ماتدرين وش كثر هانت امور كثرة ولله الحمد

توكلي على الله وتفائلي بالخير وعسي مايضيع لنا تعب

طبيعي اخر يوم مايجينا نفس للمذاكرة 😊

وَطَنّ .. !

2012- 12- 31, 03:43 PM

-

ايه والله توبه نزلت عشر مواد كنت افتكر ان السمستر
بيعدي بسلام لكن ماعدا بسلام < ربي لك الحمد
خلاص نمشي ع 8 مواد او بالكثير 9 غير كذا مافي
الا لو جتني لحظة تهور هههههههههههآي

ابو غيداء

2012- 12- 31, 10:05 PM

ابو غيداء عاش من شافك :13:

من زمان عنك اثاريك مو ماخذ الا خمس مواد وانا اقول وينك ماتنشاف :27:

عاشت ايامك يالغاليه

لا والله ما هذا المقصد
انا كنت مسجل عشر مواد بس اكنسلت خمس وخليت خمبس بنفس قيمة رسوم العشر موا د والله 2980 على خمس مواد بس .

صارت عندي ظروف جداً ماسه بعد عيد الأضحى ابعدتني عن اجواء الدراسه وقلت لازم اخفف عشان الصحه بشكل عام و عشان المعدل بشكل خاص و ان شاءالله ماينزل
والحمدلله عدت على خير والله يسهل الأمور

اكليل البنفسج

2012- 12- 31, 10:33 PM

انا نزلت 10

اليوم اخر ماده صحيح المخ ضرب

وارهاق وقلة نوم

لكن من طلب العلا سهر الليالي تعب ايام ويعدي :29:

وبكره كل الامور تتعدل

الشي اللي تمنيته تمنيت اني نزلت لو ع الاقل مادتين بيومين

لاني بصراحة تعبت من المشوار اكثر من اي شي ثاني

وفي النهاية هذا احنا خلصنا والتعب يرووووووح :35: