رسالة للدكتور الفريدان بخصوص التدريب العملي

[رائد الدهمشي]

ما أكود على الملتاع من لدغة الهم
ثعبانه أقفى وباقي السم يسري..

الله حسيب الناب يوم انغرس ظلم
عساه بالسبع المثاني بيبري..

قوس الدعاوي يطلق من العنا سهم
في سجدة بجوف الظلامات يفري..

ما ني قويّ باس ولا نيب ما ارحم
مير القهر يا اخوكـ يوقد بصدري..

ثكلى ديار العرب والموت مغنم
عن شوف ذلٍّ من ملمّات دهري..

صعبة تشوف الدّمع بعيون مسلم
يبكي قهر.. ويصيّح الظلم (( بدري ))..

صوره تجسّد دكتاتورية الظلم
كلٍّ رأها و كن ما احدٍ بيدري..

يا رحمة الله.. تفرج الكرب والغم
ترجيكـ صرخات اليتامى وحبري..



جامعي حرم من التخرج الترم الجاي بسبب ساعة:24:

[رضاك يارب وجنتك]

:39:

لاان شا الله ماتنحرم بسبب ساعه :24:
كثير طلاب وطالبات ناقصهم ساعه او ساعتين ورفع فيهم ابو فهد فاكس مدري خطاب الله يجزاه الجنه وبانتظار الرد :40:

[راع الكهفة]

اخوي رائد الله يفرج همك ومشكلتك طلاب وطالبات كثيرون يعانون منها
وبكل صراحه ظلم المفروض اذا تعدا 100 ساعه يطبق ويفتحون له الساعات 22 او اعلا

هذا ايميل الفريدان: ارسل له
afridan@kfu.edu.sa (afridan@kfu.edu.sa)

[نجمة بلادهـا]

الله يفرج همك ي رب ..

وان شاء الله الجامعه لما تشوف المطالبه بتعديل الساعات وتتساعد مع الطلاب ..

[المستلمض]

,

لآ تشيل هَم يا أخ رائد وعسى الله يكتب اللي فيه خير للجميع


..

[رائد الدهمشي]

مايقهر يااخوان وقت اصدار الخبر دون الاخذ بشعور الطالب اقسم بالله اني من اصدار الخبر ان المواد الاخيرة الي اختبرتة ماادري شلون ذاكرتة مع العلم اني ماشي علي الخطة الدراسية الا الترم هذا نزلت 15 ساعة بس لانه بناء علي كلام الدكتور النجار وطالب جامعي منتسب لاكن حسبي الله ونعم الوكيل

[جوري الملتقى]

لا تشيلون هم ..

في اختيار المسار نفس الشي حددوا عدد ساعات معينه كثير ماشملهم ,, وبعدها خفضوه ..
للأسف قراراتهم دائما مفاجئة ويضطرون يغيرون في الياتهم كثير ..

[جامعتي]

الله ييسر امرك

[.:هدووء:.]

الله يعين ويفرجها
أصلاً توقيتهم مو حلو
المفروض بعد النتائج يخلونا نقرر ونختار
مافي شي بالتخمين :30:
الله يعيننا وييسرها علينا جميييعاً ..

[مديناوي]

ان شاء الله كلكم تطبقون التربية العملية

دايما يتخذو قرارات وبعدين يغيرو منها الشروط

زي ماقالت جوري وقت تحديد المستوى كانت الساعات فوق وبعدين خفضوها

[نمارق هل]

الله يفررررج هممممك ان شاء الله

والله انه هالمشكله عند الكل ,, حرام والله عليهم هالجامعه

[شهر زاد:)]

وانا باقي ساعتين ماندري انه يتطلب منه انتهاء ساعه محدده المفروض خبرونا بهالشي الله يفرج علينا ياارب

[كالقمر وحيدة]

انا كلمة الشعيبي بس قال هذا من شروط الكليه لازم 110 :36:

قرراتهم لازم في اوقات سيئه مايخبرونا من اول مثل الانتظام يعرفون في كل شيء

الله المستعان :24:

[سارة*]

ان شاء الله يرفعون عدد الساعات

[طالبة صعوبات7]

:24:الله ييسر اموركم يارب

[كواكب]

حالي من حالك يا اخوي
عسالله يفرجها غلينا جميع
انا وكلت امري لله والخيره فيما اختاره
وانت وكل امرك لله
ماتدري وين الخيره فيه
اسئل الله ان يفرج همك :16:

[عضو منتسب]

اتصلت ع دكتوور الفريدان ولم يرد وارسلتله رساله ورد ع برسالة انا في اجتمااع................


ابشرررووووووا بكل خير

[بدر العرب]

كلنا باقي لنا ساعتين فالغلط منهم ليه ماخبرونا قبل السمستر السابع على شان نضيف ساعات اكثر ونجتاز المطلوب ..

[غدا افضل]

وانا باقي ساعتين

[كلي غموض]

ماتدري يمكن خيره لك :16:

[متخرج]

اسمحوا لين ١٠٨ وينكم يا نايمين

بس فالحين تحلطم !

[طالب كو]

انا مثلك اخ رائد ناقصني ساعة فقط وان شاء الله تتعدل ونطبق يارب
موفقين جميعا

[بدر العرب]

افتحوا ايقونه التسجيل في التطبيق العملي انا مثلكم ناقصني ساعتين والان سجلت واخترت الرياض