الحل ؟؟وقعت الاقرار لكن ماكتبته بخط يدي !!

[احساس الشمال]

السلام عليكم ورحمة الله وبركاته

ان شاء الله اختباركم اليوم تمام

كما في العنوان في جميع الاختبارات الماضية في خانة الاقرار اكتب اسمي واوقع فقط ولم اكتب الاقرار بخط يدي.

اليوم تفاجأت يوم جيت اسلم الورقة قالي تعال اكتب الاقرار بخط يدك !!!

صراحة انصدمت .. قلت له طيب اختباراتي اللي راحت وقعت توقيع فقط قال مادري!

رغم انه في اول اختبار ماتذكر انه المراقب نبهنا لهالنقطة!!

انا بصراحة اعتقدت انه الاقرار مكتوب (كنموذج ثابت) واحنا علينا نوقع بس!

الان ايش الحل ياجماعة الخير؟؟

[Dr-Computer]

لاّ تشيــل [[ هم ]] ...!!

أنــت[[ بكرهـ ]] أســأل .. المراّقبين <- لأنهم المفــروض يقولون لك ..!!
وهم [[ المســولين ]] عنهــأأ ...

وبالنهــاية [[ هو ]] أقرار .. توقيعــك وتعبتــك للبيــأناّت الثــانية تكفي بأذن الله

:16::16:

وشكــراً للـي [[ تحتــي ]] ع التنبيــه ... :14::16:

[أشوآق ..!]

^^ ^^
يا اللي فووقي ,, تراها ذكر ,.هههههههههه :5:

والله ما عندي , فكره :36:

اتمنى احد يفيدك ,:1:

مووفق احساس , :16:

[abod4743]

محد درى عنك :8:
الإقرار هذا يرجعون له إذا فيه معلومات غلط بالبيانات
عرفت علي :29:

يعني مسجل رقم بطاقة الاحوال غلط والإسم غلط شيء زي كذا

[آحسسسآس]

-




شوف وآنآ آختكك هآلموضضوع مآرآح بيفيدكك
وآحدد من هون لآزم تحآكي دكتور آو آستآذ في
آلجآمعه

بعطيكك حسسآب آلآسستآذ آحمد آلشعيبي ومآرآح يقصر
rrr@898
وإن شششآ آلله تنحل مششكلتك ومآيصير لكك شيء
وبآلتوفيق يآرب

[خــآلــد فــواز]

ماعليك منه ان شالله الامور , انا اول اختبار ماكتبته بس وقعت , الثاني تفاجئت يقولي لازم تكتبه خطيا كما هو مكتوب , يعني مع احترامي لحط هالموضوع ماعنده سالفه , كل اقرارات العالم مافيها هالشي حتى قروض البنك اللي فيها فلوس مايخلونك تعيد وتكتب الاقرار , التوقيع يكفي ,,,

ان شالله امورك بالسليم ماعليك .. :21:

[خــآلــد فــواز]

ماعليك منه ان شالله الامور , انا اول اختبار ماكتبته بس وقعت , الثاني تفاجئت يقولي لازم تكتبه خطيا كما هو مكتوب , يعني مع احترامي لحط هالموضوع ماعنده سالفه , كل اقرارات العالم مافيها هالشي حتى قروض البنك اللي فيها فلوس مايخلونك تعيد وتكتب الاقرار , التوقيع يكفي ,,,

ان شالله امورك بالسليم ماعليك .. :21:

[a7mad89]

هذا موضوع للاستفسارات ...

http://www.ckfu.org/vb/t355259.html

ان شاء الله يفيدونكـ :16:

[jeje aziz]

للاسف ماعندي فكره

[كنق الافالون]

نفس الشي انا نسيت اضلل خانه التخصص وش أسـوي ياعرب

[احساس الشمال]

الله يعطيكم العافية جميعاً

ماقصرتوا

والله كل واحد يستاهل رد لحاله بس المعذرة الاخلاق صفر :32:

راسلت الاستاذ احمد لعله يرد وان شاء الله خير

للمعلومية انا تابعت استفسارات بعض الاخوان والاخوات هنا بخصوص بعض الاخطاء

في تعبئة النموذج وشفت اغلبها مايأثر

لكن يوم قريت صيغة الاقرار مغصني بطني هههههه يخوف بصراحة عشان كذا طرحت الموضوع

ان شاء الله سهالات

تروني امزح صدري وسيييع ولله الحمد والمكتوب بيصير والحمدلله:14:

الله يوفقكم جميعاً

[كنق الافالون]

قول لي الطريقه الي تواصلت فيها مع الدكتور حتى استفسر عن حالتي انا نسيت اضلل خانه التخصص

[احساس الشمال]

قول لي الطريقه الي تواصلت فيها مع الدكتور حتى استفسر عن حالتي انا نسيت اضلل خانه التخصص

عن طريق تويتر

وهذا رد الاخت آحسسسآس الله يعطيها العافية

-




شوف وآنآ آختكك هآلموضضوع مآرآح بيفيدكك
وآحدد من هون لآزم تحآكي دكتور آو آستآذ في
آلجآمعه

بعطيكك حسسآب آلآسستآذ آحمد آلشعيبي ومآرآح يقصر
rrr@898
وإن شششآ آلله تنحل مششكلتك ومآيصير لكك شيء
وبآلتوفيق يآرب

[كنق الافالون]

وقع وخلاص ياخوووي

بعض المراقبين يتفلسفووون

ماعدت الاقرارا الا مره وحده

اهم شي التوقيع

والبصمه ..:3:

العيال ماعندهم بصمـه مثل البنات :21:

[Eimy]

وقع وخلاص ياخوووي

بعض المراقبين يتفلسفووون

ماعدت الاقرارا الا مره وحده

اهم شي التوقيع

والبصمه ..:3:

[احساس الشمال]

وقع وخلاص ياخوووي

بعض المراقبين يتفلسفووون

ماعدت الاقرارا الا مره وحده

اهم شي التوقيع

والبصمه ..:3:


على الاقل انتم عندكم بصمة تنقذكم ههههه

حنا ماعندنا بصمة

صراحة اول مرة يمر على شي زي كذا بالعادة نموذج مكتوب وتوقعه

زي ماذكر احد الاخوان في الردود

لكن اللي لاحظته انه مكتوب : اكتب الاقرار!!

الامور طيبة ان شاء الله :21:

الله يوفقك

[ابوخالد@]

لا تشيل هم اهم شي انك تكتب الرقم الجامعي صح لانه هو المعرف الاصلي لك
حتى في الشرح للرقة في موقع الجامعة ركز على الرقم الجامعي
الاقرار شي ثانوي
والله اعلى واعلم

[Eimy]

جد ماعندكم بصمه :31:

لا والله حنا يبصموناويخلونا نوقع بعد ؟:20:

ويوفقك يارب :2:

[ابن بطحي]

اتوقع يصلبونك بالصفاة بكرا .. تسيف تسذا :8:
عموما" هو لازم تعيده بيدك عشان يثبتون على اي طالب مزور وداخل بدال احد ثاني :28:,

[ابن بطحي]

جد ماعندكم بصمه :31:

لا والله حنا يبصموناويخلونا نوقع بعد ؟:20:

ويوفقك يارب :2:


لانكم النساء كلهم يتشابهون :41:

[شخصية مجهولة]

السلام عليكم ورحمة الله وبركاته


ان شاء الله اختباركم اليوم تمام

كما في العنوان في جميع الاختبارات الماضية في خانة الاقرار اكتب اسمي واوقع فقط ولم اكتب الاقرار بخط يدي.

اليوم تفاجأت يوم جيت اسلم الورقة قالي تعال اكتب الاقرار بخط يدك !!!

صراحة انصدمت .. قلت له طيب اختباراتي اللي راحت وقعت توقيع فقط قال مادري!

رغم انه في اول اختبار ماتذكر انه المراقب نبهنا لهالنقطة!!

انا بصراحة اعتقدت انه الاقرار مكتوب (كنموذج ثابت) واحنا علينا نوقع بس!


الان ايش الحل ياجماعة الخير؟؟





لو فعلن مهمة

كان اتصلوا عليك مراجعين الاسئلة قبل التسليم لتأكد من البيانات

وهذا قالة مشرف المراقبين عندنا

قال مهم رقم الجوال ويكون شغال عشان اي معلومة ناقصة نتصل عليك تجي تشوفها


وفعلن هي مهمة لكن صدقني لو ظرورية كان اتصلوا عليك


لاتشيل هم

ذاكر المحاسبة وخلها على الله سبحانة


موفق

:2:

[احساس الشمال]

اتوقع يصلبونك بالصفاة بكرا .. تسيف تسذا :8:
عموما" هو لازم تعيده بيدك عشان يثبتون على اي طالب مزور وداخل بدال احد ثاني :28:,


ههههههه الله يرج بليسك

طيب المراقب اللي قاعد يشيك على البطاقة ويأشر على الاسم وش دوره!

وبعدين بالعقل بدخل واحد ثاني وماخليه يكتب الاقرار ههههههه عجب

ان شاء الله سهالات يارجال

:14:

[احساس الشمال]

لو فعلن مهمة

كان اتصلوا عليك مراجعين الاسئلة قبل التسليم لتأكد من البيانات

وهذا قالة مشرف المراقبين عندنا

قال مهم رقم الجوال ويكون شغال عشان اي معلومة ناقصة نتصل عليك تجي تشوفها


وفعلن هي مهمة لكن صدقني لو ظرورية كان اتصلوا عليك


لاتشيل هم

ذاكر المحاسبة وخلها على الله سبحانة


موفق

:2:

الله يجزاك خير يابعدي

الظاهر العيد مو بعيد هههههههه

اول اختبار مدري الاختبارين الاولات ماسجلت رقم الجوال ههههه

ياخي مراقبنا مبرد قال اهم شي رقم البطاقة والجامعي

على العموم ييسرها ربك سبحانه

الف شكر

:16:

[احساس الشمال]

لا تشيل هم اهم شي انك تكتب الرقم الجامعي صح لانه هو المعرف الاصلي لك
حتى في الشرح للرقة في موقع الجامعة ركز على الرقم الجامعي
الاقرار شي ثانوي
والله اعلى واعلم


الف شكر يابو خالد

وان شاء الله الامور طيبة

وفقك الله

[Eimy]

لانكم النساء كلهم يتشابهون :41:

ياابن البطحي لست ككل النساء <<اقرب عصا

والله جد مدري وش الهدف من البصمه ..

يمكن لان بعض البنات ماعندهم هويه ؟؟

يمكن ..

[ابن بطحي]

ياابن البطحي لست ككل النساء <<اقرب عصا

والله جد مدري وش الهدف من البصمه ..

يمكن لان بعض البنات ماعندهم هويه ؟؟

يمكن ..


لا لا مايصير .. انتم يالحريم تتشابهون لكم خشوم وعيون وجبهه سيم سيم :5:

[صــدى الـأمـل]

والله المفروض هم يكتبون عنا

حنا ربع ساعه نعبي البيانات هذي
وتعب علينا
اجباري المعلومات تطير

[خفيف الدم]

ما يهمكم ان شاء الله الامور طيبة
لا تشيلون هم
بالتوفيق

[احساس الشمال]

الله يجزاكم خير جميعاً

ماقصرتوا

الحمدلله رد علي الاستاذ احمد مشكورا وطمني وقال ماعندك مشكلة

بس ضروري تكتبه في الاختبارات الجاية

اكرر شكري وتقديري للجميع

وموفقين

:2:

[saudi-com]

ما عليك شيء .
الجهاز الالكتروني يقرأ اجاباتك فقط [ التظليل في خانه الدوائر ] الباقي ام يرجع اليه في حاله اعتراضك و طلبك مراجعه الورقة .
فإذا عديت لا تطلب مراجعه الورقة علشان لا تفتح على نفسك باب مقفل .

[احساس الشمال]

ما عليك شيء .
الجهاز الالكتروني يقرأ اجاباتك فقط [ التظليل في خانه الدوائر ] الباقي ام يرجع اليه في حاله اعتراضك و طلبك مراجعه الورقة .
فإذا عديت لا تطلب مراجعه الورقة علشان لا تفتح على نفسك باب مقفل .


الف شكر اخوي

ماقصرت ان شاء الله انتهى الموضوع وتيسر بامر الله

[كنق الافالون]

اطالب الجامعه ان تضع 10 درجات على تعبئه البيانات


وربي ماصاااارت الواحد يشيل هم البيانات قبل الاختبار :7: