ألحقوو علي نفسيتي تحت الصفر t_t [الأرشيف] - ملتقى طلاب وطالبات جامعة الملك فيصل,جامعة الدمام

روحـــ عذاب ــي

2013- 1- 1, 12:53 PM

ما فتحت شي
ولا ذاكرت شي
:12::12::12::12:

ونفسيتي زفت ما قدرت وش اسوي
<< مع العلم اني ماختمت المحاضرات لسى
باقي لي 12 و13 و14

ما ادري وش سالفتهم
وربي ابكي مو قادرة :12:

اعصابي تعبانه حيل حيل حيل :18:

مو عارفه وش اسوي مافي شي يدخل مخي من جد ابقى احد يساعدني << لاني مافتحت شي خير شر:12:
خذوني حبه حبه :18:

* أبو ريوف *

2013- 1- 1, 12:56 PM

خلاص وانا اخوك راح الوقت لاتشوفي ولا محاضره
ركزي ع القوانين والمصطلحات وقائمة الدخل والمركز المالي
وان شاء الله فالك التوفيق

الصدقي

2013- 1- 1, 01:00 PM

انا مثلك بس جالس اللحين احفظ الجدول ..

لاانه على قولتهم 20 درجه اقل شي ..

بعدها بحاول اطقطق في المصطلحات وعليها حوالي 5 درجات ..

مع قرائة اسئلة العام وقبله ..

ووكلي الله والله يكتب اللي فيه الخير ان شاء الله ..

قومي وذاكري ترى اشياء سهله الجدول يبي له شوية صبر ولو حفظتيه هذي 20 في جيبك ..

اهم شي خليك طبيعيه وعايديه ..

لاتخافين من شي ..

شدي حيلك فيه حوالي 5 ساعات ..

يمدي على امور كثيره ..

ذاكري ووكلي الله .. وخلي النفسيه عسل وتحلين ان شاء الله ..

حاولي في الجدول + المصطلحات + اسئلة العام

بأذن الله ربي يكتب لك التوفيق والنجاح ..

ولو باقي ساعتين يعتبر فيه وقت ..

المهم الصبر والتوكل على الله والقرائه ..

وربي كاتب لنا كل شي سوا ذاكرنا 6 ايام ولا ساعه ..

الله يكتب لك ولنا الخير والنجاح يارب ..

طموووحه

2013- 1- 1, 01:02 PM

تتسهل انا ذارركتها من شهر والحين توني افتحها ربصراحه صعبه اختبارين ورا بعض روحي لنماذج الاسئله وكزي ع اشياء المهمه اقري بتركيز كل شي وموفقه

شبو 2002

2013- 1- 1, 01:03 PM

احمدي ربك

انا لسى في التاسعة وما خلصت ولله الحمد النفسية تمام

مري عليها قراءة

الكلام كلة اول المحاضرات احس كلما تقدمت نفس الكلام بس زايد علية حبة

لايصيبك احباط ولا ياس همي وخلصي الاختبار باقي كم ساعة

وانا جالس ارد عليك ضيعت وقتي بس تستاهلين الوقت كله
المهم انا من الفجر للحين وانا اذاكر حتى الافطار ما افطرت الى الحين

الله يعين بس

مـشـاكـسـهـ

2013- 1- 1, 01:04 PM

يااااااااقلبي ياروح

شوفي المرفق ذاكر الموجود فيه

وراح تضمنين النجااااح

وبحط لك اساله الاعوام الي قبل يس انتضري اشوف وشوف حطيتهم

طموووحه

2013- 1- 1, 01:05 PM

[c
وربي كاتب لنا كل شي سوا ذاكرنا 6 ايام ولا ساعه ..

الله يكتب لك ولنا الخير والنجاح يارب ..[/center]

صددقت

اغصان الشمال

2013- 1- 1, 01:07 PM

والله اني مثلك خايفه ومهمومه موقادره اذاكر ولا اركز شايله هم تعب الوالده ربي يشفيها وهم الاختبار
سوي مثل ماقال الاخ ابو ريوف ركزي على نماذج اللاختبار السابقه ومركز الدخل
وقائمه الماليه ودائن والمدين والمصطلحات
ابي اسالكم ياكثر نماذج الاختبار وش نموذج اللي لازم اركز عليه؟ لاني تشتت بصراحه

روحـــ عذاب ــي

2013- 1- 1, 01:09 PM

بالعربي مخي مافيه شي
ودي لو تكتبوون الاشياء المهمه هينا والاسئلة اللي متاكدين من حلها والطريقة
لاني محيوسه مليون بالمئه

<< ما ادري وش اسوي وش اقول مو قادرة امسك ورقه حتى :12:
<< انا ما اطمح اني اعدي المادة وبس
<< ابقى انجح وبتفوق ابقى اجيب معدل عالي :18:

مـشـاكـسـهـ

2013- 1- 1, 01:12 PM

روح شوفي الي حطيته

الاسأله ياليت اي احد يحطهم مادري وين وديتهم شكلي طبعتهم ومسحتهم

الصدقي

2013- 1- 1, 01:14 PM

هذا الجدول في المرفق اول شي ابدي فيه سهل ترى حاولي بورقه وقلم تكررين ..

لمن تحفظينه ..

وبعدها الاخت مشاكسه ماقصرت نزلت اسئله وملخصات مري عليها قرائه واي شي يصعب عليك ..

حنا معك الى قبل الاختبار بساعه ..

هولمز

2013- 1- 1, 01:15 PM

وسعي صدرك

كلنا في الهواء سوا ( سوا والا موبايلي ) كككككككك أسف مو وقته ...:5:

مثل ما قالوا الأخوان والأخوات شدي حيلك وخلي الباقي على الله

:18:

مـشـاكـسـهـ

2013- 1- 1, 01:18 PM

وسعي صدرك

كلنا في الهواء سوا ( سوا والا موبايلي ) كككككككك أسف مو وقته ...:5:

مثل ما قالوا الأخوان والأخوات شدي حيلك وخلي الباقي على الله

:18:

ههههههههه لا زين حده مادري وش دخله بـ الموضووووع بس حلو يخلي رووح تبتسم وتنسااا شوي:42:

نـديـم

2013- 1- 1, 01:20 PM

أكبر مشكلة لما نوحي لأنفسنا بأننا لسنا قادرين على فعل او حفظ او فهم اي شيء ..

حتى اذا لم يبقى من الوقت الا القليل نفعل الاسباب نجتهد ولكل مجتهد نصيب .

افعلي السبب واحفظي ماستطعتي حفظه ووكلي الأمر لله وحده , ولن يأتيك النجاح الا بأمره وايضا لن يأتيك الاخفاق الا بأمره ..

كل الامنيات بالتوفيق للجميع .. واشكركم جميعا على جهودكم في المنتدى بارك الله فيكم ونفع بكم

نلقاكم بعد الاختبار والابتسامات تملأ وجوهكم .. :d

هولمز

2013- 1- 1, 01:25 PM

ههههههههه لا زين حده مادري وش دخله بـ الموضووووع بس حلو يخلي رووح تبتسم وتنسااا شوي:42:

مبسوط أنك ضحكتي وبعدين قالوا أضحك تضحك لك الدينا :27:

وكثير من الطلاب يقول مافهمت لكن لما يفتح ورقة الأسئلة يلقى نفسه تلقائيا يجاوب

ولو سألته ... المهم شوية جهد مع ضوء أمل وأن شاء الله كل شئ راح يزين

بالتوفيق ياروحي وكل الأخوان والأخوات

أشوفكم بعد الأختبار

:17:

Mohammed2020

2013- 1- 1, 01:28 PM

الدمعة البريئة

2013- 1- 1, 01:29 PM

روحــــي عـــذاااب :16:
مرااات تصير وتقفل وماتعودين تقدرين تستوعبين
اذا وصلتي لهذي المرحلة ماعليكي الا انك تقومين
وتتوضين وتصلين ركعتين لله وتطلبين ربي يبارك لك بوقتك
ويسهل عليك المادة وحل الاسئلة
صدقيني بتهدى روحك باذن الله
وماااااخااااب م قااال يااااااااااارب ..
وبعدين بهدوء امسكي الاسئلة والتعااريف والمصطلحات خلصيها
بعدين اذا بقى وقت ارجعي لباقي المحاضرات ..
وموفقة ان شااء الله وفااالك a+والجمييييع يااارب ..
:2::2::2::

اخت مصطفى

2013- 1- 1, 01:32 PM

بالعكس لازم تكون النفسيه عال العال

أولا لأنه اخر يوم وبنفتك لو اقولك أني مستانسه حدي ..لاتخافين لما تشوفين الأسئله وتركزين بتحلين

المحاسبه فهم وتركيز احفظي القوانين حقت صافي المبيعات والمشتريات وتكلفة البضاعه والخصم النقدي

والتجاري

والجدول حق الدائن والمدين ووالصطلحات الانجليزيه>>وش بقيتي:5:

الله يوفقك ولاتحاتين اسئلته يمررها كل مافي الامر يغير الارقام اطلعي ع النماذج ياقلبي :16::43:

ريلااااااااااكس ياعسل :29:

يااااااااربي وش في الحروووووف تتآكل معي:40:

من اليوم جالسه ادل كووووووش

ادل >>>>اعدل برب انتحاااااااار تااااايم:9:

F-fatimah

2013- 1- 1, 01:51 PM

اذكري الله يابنت النااس

هذا انا مثلي مثلك والله اشوف الاسئله بالملتقى اتنح ماافهم شئ بس الموضوع كله مرتكز على مدين ودائن وخصومات وارباح وخسائر وترصيد

المصطلحات والقوائم سهالات ان شاء الله وخذي المسائل حبه حبه بالاختبار وخذي كل وقتك ولاتتوترين ولا شئ

تراني من قبل الاختبارات وانا ساحبه عليه باقي لي المحاضرات من 9 الى 14 وتوني افتحهم بالاختبارات

والحمد لله متفائله خير بالاختبار خصوصا انو الدكتور مو من النوع اللي يلف ويدور بالاسئله ويجيب اسئله عامه ومهمه للماده مايركز بأشياء وحاجات دقيقه

قبل ماتفتحين الورقه اقرئي آيه الكرسي وسوره الفاتحه وصلي على محمد وسمي بالرحمن وافتحي الورقه وكل شئ بيكون سهل بإذن الله وتبشرينا بنجاحك بتفووق

بس هدي اعصابك عشان ماتنسين شئ لو فتحتي الورقه التوتر هو اللي يطير كل شئ من عقلك

ايواا نسيت اقول لك على حاجه اخيره

ادخلي الامتحان وانتي على وضوء وقبل ماتطلعين من البيت طلعي لك صدقه <<<بكل ماده عملت هالشئ

...

أمجد محمد

2013- 1- 1, 02:05 PM

فيه تقريبا 3 ساعات

مشكلتنا نخاف يخلص الوقت ونبي نخلص بسرعه نضيع

انا جاتني حاله توني افكر اغير جو اروح اليوتيوب

احس فيه داخل صدري هوا يمشي مدري كيف

المهم كل شي بالهداواه

وان تفهمي محاضره وحده منهم على الاقل

وحددي وقت نهائي نص ساعه مثلا اقري باقي المحاضرات قراءة لعل ان يجي معك شيي ....

nwaiir

2013- 1- 1, 02:16 PM

يخسسسى التعب والله

هذا انا وش زيني ساحبه ع ام المحاسبة وخمدت ارتحت

والحين باكمل

لاني عارفه اني باجللس اسنتر بدون ماا فهممممم

لاانا مرتاااحه ولااني مذااكرة بذالوضعيه

يلا ي قلبي ع طوول ع الجدووووول

وع اسئلة العاااااااااااممممم

ببس انتي تفااائلي وحططي ربي قباااالك في ككل امموووركك

وربي بييسررررررهههااااا

حااولي تتنففسي بعمممق واااااااااممممممشي

يمدي ان شاء الله الحين الساعه 2 وربع

يمددي باذذذن الله .~ٍ

بس قوولي يااااااااااااااااااااررررررررررررررب

ولاتحطين ببالك انك ماراح تحلين ولاتقدميي زييين

لان راح ياثر فيك حتى الكلام اللي ماتحكيييينهه ..~

بالتوفييييييقق ي بعععــد طواايفي انننننتي ..~

توكلي ع الله ونوييييييير مععععععكك :1:

nwaiir

2013- 1- 1, 02:21 PM

تعالي هووووووون يلا

http://www.ckfu.org/vb/t409405.html

Abdulellah

2013- 1- 1, 03:04 PM

عادي ترى. كل المواد السابقه ماتابعت ولا محاظرة
اقرأ على خفيف وتمشي الامور ومتفائل خير باللي مضى كله والجاي
والحين المحاسبة المدين والدائن للحين عجزت افهمها ولاحفظت قوانين لكن باراجع الجدول واقارنه بالأسئلة وبتمشي الامور باذن الله . اهم شي ما يكون عندك رهبة اختبار بكذا تقدرين تفكرين وعموما كل اختباراتنا فهم

أكاديمي مخربها

2013- 1- 1, 03:09 PM

اغصان الشمال

2013- 1- 1, 03:27 PM

واحد يسوي خير
ويقول لي المسترده والغير مسترده تجي بأي حسابات البضبط

انا اتوقع المسترده تجي بالاصول المتداوله لانها مصروفات والغير مسترده تجي بالمدين عند ملخص الدخل

وأنتم وش تقولون ؟؟؟؟؟؟؟؟؟؟؟؟؟؟؟؟؟؟

التامينات المسترده من الاصول المتداوله

اما التامينات الغير المسترده من اقائمة ملخص الدخل لانها من المصروفات
احفظ قائمة المدين ودائن
http://www.ckfu.org/vb/attachment.php?attachmentid=76837&d=1349678615

أكاديمي مخربها

2013- 1- 1, 03:32 PM

والله متورطين هههههههههههههههه

يعجبوني اللي يبون معدل عااااااااالي

العالم تبي تنجح ياناس وتفتكك هههههههههههههههه

ابوي بيخليني مثل البيت بالفشل لاحملت وبيمسكها علي طووووووووووووول حياتي

(-- مكمل تعليمي وابوي مايبي ههههههههههههه شايل همه اكثر من هم الفشل

Abdulellah

2013- 1- 1, 04:33 PM

التامينات المسترده من الاصول المتداوله

اما التامينات الغير المسترده من اقائمة ملخص الدخل لانها من المصروفات
احفظ قائمة المدين ودائن
http://www.ckfu.org/vb/attachment.php?attachmentid=76837&d=1349678615

سلم على المدرس اللي شرح لك
توني افهم كويس الدائن والمدين بشكل شامل
الف شكر

أشوآق ..!

2013- 1- 1, 05:07 PM

ي حبيبتي ي رووحي

ما شاء الله عليك , انتي باقي لك 3 ,

وانا باقي لي 14

شوفيني بسم الله علي

عادي عايشه حياتي , وش سوي , ضاع وقتي ,
بالخرابيط ,

بس متفائله , انه سهل

طبعا مذاكره من مبطي ,

حبيبتي كله اختبار , لا تضيقين ولا شي ,, عيشي حياتك ,

بالتوووفيق ,

وبشريني , هناك , انتي تعرفين وين

:1::1::1:

متفائله حدي

حطيت مستوى ثاني > واثقه الاخت :1:

:11::34:

روحـــ عذاب ــي

2013- 1- 1, 09:48 PM

فديتكم كلكم :1:
الكل ماقصر :11:
عقبال مانسمع ونشوف الدرجات الحلوه يارب :43:

شخصية مجهولة

2013- 1- 1, 09:49 PM

انا وضعي محيوس

مادخلت من أمس وكل التنبيهات حقات قبل الاختبار :13:

أسسسسسسسسسسسسسف جدا

ظمني عسى حليتي تمام ؟

:2:

روحـــ عذاب ــي

2013- 1- 1, 09:57 PM

انا وضعي محيوس

مادخلت من أمس وكل التنبيهات حقات قبل الاختبار :13:

أسسسسسسسسسسسسسف جدا

ظمني عسى حليتي تمام ؟

:2:

الله يعينك ماتنلام
الحمد لله الكل وفى وانت ماتقصر خيرك سابق:16:

الحمد لله الاختبار عال العال :1:على قولتهم ختامها مسك

<< على هالنفسيه وبعد هالصياح ومادخلت الاختبار الا وانا راسي مصدع

بس الحمد لله :1:يعني لا بد من الخطأ بس مره اوك:17:

<< انت بشر وش صار معك عسى امورك والاختبار تمام؟؟

هولمز

2013- 1- 1, 09:59 PM

وين وين ... أحنا كنا فين وبأينا فين :27:

بشريني وش سوييتي

وكيف النفسيه الحين

:35:

روحـــ عذاب ــي

2013- 1- 1, 10:05 PM

وين وين ... أحنا كنا فين وبأينا فين :27:

بشريني وش سوييتي

وكيف النفسيه الحين

:35:

:42:لا الحمد لله :21: تمام التمام
بس بعد حالة اليووم حاسة اني دايخه الا شوي ههههههههههه:8:
جد جد ماقصرتووو معي :1:

عقبال النتايج الحلوه يارب

:16::16:

هولمز

2013- 1- 1, 10:11 PM

أن كان فيه أحد دايخ فهو أنا من الفجر وأنا ياما فتح الملخص يا مسكره

على العموم هذي مناسبة عشان الواحد يفرح ويستانس ... :13:

وبأذن الله النتائج a+

تحياتي

:16:

شخصية مجهولة

2013- 1- 1, 10:13 PM

الحمد لله أبشرك حليت تمام

والاسئلة من فضل الله سهله الله يجزاه خير الجزاء الدكتور علاء زهران

نفس اسئلة الترم السابق اختلاف بسيط في الارقام

موفقة

وان شاء الله تبشريني في النجاح قريب لك وللجميع يارب

يعلم الله انتظر نتائجكم لان فرحتي فرحتين فيكم والنجاح

:2:

روحـــ عذاب ــي

2013- 1- 1, 11:15 PM

ان شاء الله النتايج حلوووه :1:
<< من جد بديت اشيل هم النتايج:18:

<<خصوصا لما اشووف اللي حولي متحمسين لدراستي ماما وبابا وخالي بعد
هذا يخليني اتمنى اجيب درجات عاليه حلووو الشعور
<<ما ابقى اتفشل هههههه:7:

بالتوفيــــــــــــــــــــــــــــــــــق يارب:16:

FAWZI_7

2013- 1- 1, 11:32 PM

بالتوفيق روحـــ عذاب ــي ان شاء تفرحين العائلة كلها

مـشـاكـسـهـ

2013- 1- 2, 01:01 AM

وانا الحمد لله حليت تمااام

الف مبروووك روحي اكيد بتجبين الدرجات العاليه

شبو 2002

2013- 1- 2, 02:48 AM

قبل الإختبار ماخذك الهم والإرتباك والنفسية والخوف والربكة

وحالة توزيع الأسئلة طبعاً هذي حالك ما أعرف كيف اوصفها إلا (( ام الركب ))

واول ما طالعتي للاسئلة بدي النسيم البارد يهب والجو الحلو ورياحينة

وبعد ما طلتي علامة الرضا والنجاح واللإبتسامة مالية وجهل والفرحة غامرة قلبك

هذا اللي يفرح الخاطر

فهمي لربك وصلي ركعتين حمد وثناء لله سبحانة فهذا من الله

ثم الاخوان اللي لهم مشاركات في مساعدتنا

ولا ننسا انفسنا لها ايضا علينا حق في ان نرضى بمى قدمنا ونرفها بعد هذا التعب

تحياتي وتمنياتي لكم بالتوفيق