نداء لمن اخذ التدريب الميداني2..مهههم

[شذى عطري]

السلام عليكم..
اللي اخذ تدريب ميداني 2 ..
هل الجامعه اختارت لك المدرسة ام انت الذي تختار..
مهم:9::9:

[كلي مهابـهـ]

والله شايله هم هالماده مدري وش شغلتهم ياليت احد يفيدنا :38:

[البلي]

اخواني ياليت احد يشرح لنا وش هو التدريب الميداني هل هو ماده ندرسها لها محتوى أو بحث نسويه او تطبيق في مدرسه او وش هو بالضبط

[Miss_NooNh]

وعليكم السلام والرحمه
التدريب مادة حلوة ,, المدرسة أنتي تختارينها :27:
تدريب ( 1 ) لازم تروحين يوم واحد بس للمستشفى وللمدرسة تعبين الاوراق بس
تدريب ( 2 ) تداومين بالمدرسة يوم في الاسبوع :16:

[اكليل البنفسج]

انا شفت في الخطة تدريب ميداني 1 تدريب ميداني 2

هذا في البداية


الحين اشوف تدريب ميداني 3


مو كانهم زادوه اول كان بس 2 ولا انا مضيعه

[فيصل العمار]

الماده سهله مره والميداني1 زي ماقالوا

يفتحون لك ايقونه بالخدمات الطلابية وتطبع منها نموذجين للبنات وثلاثه نماذج للصبيان

عباره عن نموذج فيه اسئلة تقوم انت بطرحها على الاخصائي الاجتماعي في الجهات التي يتم تكليفك بزيارتها

وهم ما يطلبون المستحيل

بالنسبه لي انا عبيت النوذج من راسي ولا زرت ولاهم يحنزون وكنت وربي بحذف الترم يوم شفت طلباتهم

طلع اي كلام

انا ما انصحكم تسوون زي اللي سويته

اللي فاضي يروح يزور وكلها سهله ومحد يسألك ابد انت حط الجواب من عندك بس تروح تعبي النموذج الخاص ببيانات الاخصائي من رقم جوال وهيك شكل

ثمين تختمه من عندهم

بسـ

بالنسبه للثاني

يقولي صاحبي انها عباره عن زياره تقوم بها للمدرسه وتقدر ترسل الاوراق اذا تعرف معلم :27:

احم احم لحدن يسمعن

والبحث لحدن يشتريه من المكتبه :27:

احم احم لحدن يسمعن

على فكره يخلون اثنين يشتركون في البحث والمدرسه

الامور طيبه

يارب افدتكم < الا بتوهقهم انت وخشتك :14:

[فيصل العمار]

صح كانو بس اثنين وزودها

عادي عادي همه قالوا الاوادم هذولا فاضين وماعندهم شكل خلونا نشغلهم

لحول

[البلي]

طيب عبينا النماذج وجبنا بحث كيف نرسله للجامعه

[thalia]

انا اخذت التدريب الميداني 1 بشرح لكم وش سويت :16:

[ابوطلال802]

بالنسبه لي انا والله ماسويت شي ولا رحت ولا جيت معتمد بعد الله على حلى بالاختبار ودرجة الواجبات والمشاركه ومنتدى الحوار اذا هو تمام عديت

[thalia]

اول شي فيه شرح لها بالموقع لما تاخذ المادة
تختارون مجالين من 3 مجالات
1 المدرسي
2 الصحي
3رعاية الشباب او الجمعيات الخيرية

تطبعون خطاب الموجه من الجامعة لانهم ما راح يسمحون لكم الا بخطاب
تطبعون الاستمارة وهي عبارة عن اسئلة
طبعا هذه الاسئلة توجه للاخصائي الاجتماعي اللي في المؤسسة اللي بتزورونها
يعني وجود الاخصائي الاجتماعي ضروري

تكلمون بالتلفون الاماكن اللي حاطينا ببالكم تعرفون بانفسكم وتظلبون منهم تحديد موعد لمقابلة الاخصائي للاجابة عن الاسئلة للي معاكم

تتوجهون للمكان بنفس الموعد المحدد
تسالون وتسجلون الاجابة
انا عن نفسي سجلتها بقلم رصاص
ورجعت البيت نسقتها وطبعتها ع الورد

الصفحة الاولى حطوا بياناتكم واسسم الموسسة والمدير والاخصائي وحطوا مكان للتوقيع والختم

رجعت لهم اليوم الثاني اوقعها واختمها

وبعدها عملت لها سكان وحولتها لملف بي دي اف
ورفعتها للموقع

فيه ايقونة للرفع

والحمدلله كان سهل مو صعب

وبالسبة للاختبار كان نفس الترم اللي راح بالضبط

وبالنسبة للتدريب الميداني 2 ما عندي خلفية
وفيه من الاساس تدريب ميداني 3 في المستوى الاخير

واتمنى يكون شرحي واضح

اي ع فكرة التقرير الواحد عليه 10 درجات يعني الاثنين 20 و30 البلاك بورد و50 الاختبار

موفقين :21:

[البلي]

ابو طلال حوستهم ذي من نماذج وبحث كم عليها درجه