تساؤل

[ROSE ANGLE]

السلام عليكم

يارب فالكم النجاح والتوفيق

عندي تساؤل

كنت متردده اطرحه خفت لا يكون الكل يعرف الا انا:34:

الحين الخطه ان كل ترم ناخذ 9 مواد حسب خطه الجامعه صح !!

انا كل ترم كنت اخذ 8 مواد

يعني حاليا اعتبر متاخره بـ 4 مواد او 3 مواد عن خطه الجامعه

بكذا يعني راح ازيد ترم عن المقرر يكون باقي لي سنتين وترم صح

لاني مثل ما اعرف الجامعه صاير كــ 8 مستويات وبما اني الان بكون طالعه للمستوى 4 ان شالله المفروض يكون باقي لي 4 متسويات = سنتين


بس انا رحت ابي اشوف مواد مستوى 8

بس ما لقيت لمستوى 8 اي تواجد وش السالفه

ممكن احد يصحح لي اذا كان كلام انا غلط :34:

وشكرا ع وقتكم لقراءتكم تسالؤلي :43:

[هدى الرياض]

نفس الشي علمي علمك..!؟:16:

[فجر التفاؤل]

للرفع
لاعلم عندي ..الظاهر مازالوا بغيبوبه بعد الاختبارات

[soso ♡]

لانوا اول دفعه في التعليم عن بعد لمستوى ثامن
بتكون المستوى الجاي
اخر دفعه كانت مستوى سابع اعتقد
الله يوفقنا جميعا ياارب

[ROSE ANGLE]

لانوا اول دفعه في التعليم عن بعد لمستوى ثامن
بتكون المستوى الجاي
اخر دفعه كانت مستوى سابع اعتقد
الله يوفقنا جميعا ياارب



اوه والله توني ادري :31:

يعني تتوقعين ان تو اول دفعه بالمستوى الثامن الترم الجاي امممم

تدرين عاد كان عندي امل انو الغوا المستوى الثامن قلت يمكن نتخرج بدري :42:

[عايش الدور]

مستحييل يلغونها ولا ماصرت اربع سنوات تصير ثلاث سنوات ونص ههههه اما بالنسبه للمواد فشوفي وانا اخوك نزلي من الان تسع مواد عشان تفتكين وتكونين ماشيه ع الخطه انا مثلك باقيلي مادتين الي هي الانقلش ابي رايكم وش الاسهل الي تنصحوني اخذه من بينهم

[ام السنافر]

الله كريم وتصير ثلاث ونص فكه والله

[ROSE ANGLE]

تسعه احس بيكون ضغط بزود يعني اوكي صح تسعه باذن الله يمدينا ننجح بس لازم بعد معدل زي الناس

الانقليزي قراءه حلو بالنسبه لي
انا اخذته عباره عن قصه واساله عليها وكلمات تحفظها وفي ملخص رائعه مسوينه له ونفس الدكتور ما يتغير صار له ترمين :21:

بس الانقليزي كتابه هو اللي لسا انا باقي لي >> ما لي مزاج عليه حاليا:42:

ودائما ما شالله الاعضاء ينزلون تقرير عن المواد ببدايه كل فصل لكل ترم انا كثير استفيد من ارائهم
>>>>>احرص ع انك تستفيد منها

[عايش الدور]

يابنت الحلال اخذي تسعه وشدي حيلك ماراح ينزل معدلك وانتي شاده حيلك افضل من انك تخلينها اخر الترم ثم يطيح المعل صح اذا نزل المعدل الان ولو بفورق بسيطه ماهو مهم الاهم اخر الترم ان الله عطانا عمر وباللله نزلي لي المحتوى الي اعتمدتي عليه حق الانقلش قراءه مع اسالته طبعا

[غلا الجوري]

انا اخذت انجليزي قراءة الترم الي فات

وهالترم خلصت الكتابه

بالنسبه لي القراءة ممتع جدا ويزيدك باللغه بس لو بالمقارنه بالاسهل الكتابه اسهل

[عايش الدور]

والله مافي وقت للمتابعه شغال الواحد يالله يلقاله فرصه يشارك ثم يختبر الجوري بيض الله وجهك ع التوضيح الله يكتب الخيره ان هالترم بنزل تسع الله لايعوق بشر

[ROSE ANGLE]

تفضل هذا ملخص التايفون انجليزي قراءة

رائعه وواضح جدا :21:

واذا كنت فاضي اخذ الكلمات وابدى احفظ فيهم على رواق تفيدك كثير
وكلمات حلوه و نستخدمها بحياتنا اليوميه

ولكن اهم شيء ان تتأكدوا بأن الدكتور سيعطيكم نفس القطع التي اعطانا
لأنه حذف بعض القطع

وبالتوفيق ياررررب

[عايش الدور]

والله هذا الي ناوي اسويه ببداا فيه بحيث ارتاح منها بس دكتورها وش اسمه الله يعطيك العافيه عذبناك معنا

[ROSE ANGLE]

اسم الدكتور : بسام ابو زيد

وهذا جبت لك رده لما الطلاب ارسلو له مخلص التايفون
7
7
وعليكم السلام ومرحب يا اخ (ذكر اسمي هنا ولنقل التايفون)

ما اقدر انكر انه جهد طيب وممتاز وسوف يستفيد منه عدد كبير من الطلاب و بالذات الطلاب اللي هم ضعفاء جدا بالانجليزي وكثير منهم منقطعين عن الدراسة مدة طويلة و غيرهم الكثير اللي عندهم مسؤليات كثيرة مع الدراسة وايضا الكثير منهم تخصصه ليس لغة انجليزية.
نحن كمدرسين لغة انجليزية لا ننصح بهذه الطريقة الحرفيه وخصوصا لطلاب التخصص. لانه هذا لايقوي ولا يحسن من مستواهم في اللغة. فالافضل لطلاب اللغة ان تنصحهم بان يحاولو بانفسهم فهم القطع وحل تمارينها ولايعتمدو الترجمة الحرفية.لكن ممكن ان يكون لهم هذا الجهد الطيب كمرجع لو حبوا يتأكدوا من حل التمارين او معنى بعض الكلمات الصعبة يمكنهم الرجوع لملفكم.
طبعا مثل انت عارف بعض مقاطع الترجمة ممكن محتاجة لمراجعة لانه ممكن اي طالب يحاول معرف ترجمة اي نص انجليزي بالاستعانة بموقع قوقل ,الجزء الخاص بالترجمة. لانه يمكن ان يترجم نصوص كاملة. لكن تحتاج لتعديل كثير.
المهم اكرر ماقلته انه جهد طيب وممتاز.
ونحن بالمحاضرات رسميا ملتزمون بالشرح باللغة الانجليزية مع ما امكن من التوضيح باللغة العربية عند الضرورة.
لذلك اقصد ما بنقدر نعطي طلابنا الاكارم ترجمة حرفية. وايضا نحن دائما نترك جزء من الجهد ليقوم به الطلاب عشان يعتمدوا على انفسهم كجزء من العملية التعليمة وتطوير الذات والاعتماد عليها.
الله يعطيك العافية انت وجميع الاخوات والاخوة اللي قرأت اسمائهم وساهمو في هذا الجهد الطيب.
وتستحقو كل دعوات الخير على جهدكم. ولو كان هناك درجات للمشاركة كنت اعطيتكم بعض الدرجات على هذا الجهد.
شكرا
بالتوفيق
د. بسام ابوزيد



هذا رد الدكتور ولم اضيف او ازيل اي كلمة ما عدا اسمي في بداية رسالة الدكتور

:29:

[عايش الدور]

هههههههه واللع مبسووط الدكتووور من هالملخص ويقول لو فيه درجه مشاركات زياده لاعطيتكم شيء حلووو بس السؤال الي يسدحه نفسه وش راسك في طرية وضعه للاساله وعز الله اتعبناك معنا بس مالك والله عندنا الا الدعوات الطيبه والله يعطيك ع قد نيتك

[ROSE ANGLE]

الاختبــار كان حلوو وسهـــل ،صح طويل عشان القطع بس كان حلو
هي 3 قطع 2 من الكتاب وحده خارجيه ووقتها كانت الخارجيه عندي اسهل

اخذت وقت طويل لأني ماكنت مذاكره القطع ولا اسئلتها لو كنت مذاكرتها كان كفاني الوقت !
واهـم شي الفوكابلري لأن لو حفظتيه بتضمنين نص الدرجه !

نصيــحه : ابدأ حل الفوكابلري اول بعدين القطعه ! حتى مايروح عليك الوقت
وتضيع درجاتها من العجله، بعدها مخمخي عالقطع على راحتـــك

والله يسهل الامور يارررب

[عايش الدور]

بيض الله وجهك ع هالمعلومات وجعلها الله في ميزان حسناتك يالله استودعك الله ثم بعدين انا ماني بنت ولد الله يسعدك بس هههه

[تيتشر ريماز]

لا موجود خطة للمستوى الثامن قد اطلعت عليها بداية الترم تلاقينها في الخدمات الطلابية وكمان فيها مادة تدريب ميداني انحراف وجريمة هذا الي خلاني اتذكرها زين الله يكفينا بس يمكن ماانتبهتي

[تيتشر ريماز]

عندي سؤال من الي عنده خلفية هل للمعدل علاقة بعدد الساعات يعني معدلي يتحكم بعدد ساعاتي في التسجيل لان بنات يختبرون معايه يقولون له علاقة وانا وبنات ثانين نقول لا مين الصادق

[برق الشمال]

عندي سؤال من الي عنده خلفية هل للمعدل علاقة بعدد الساعات يعني معدلي يتحكم بعدد ساعاتي في التسجيل لان بنات يختبرون معايه يقولون له علاقة وانا وبنات ثانين نقول لا مين الصادق


المعدل يعتمد على عدد ساعات المادة

يعني برامج الحاسب المكتبية عدد الساعات 2

الانجليزي ساعتان

القواعد مثلاً 3 ساعات

اكيد الماده الي عدد ساعاتها كثيره هي من ترفع المعدل


بس علم الاجتماع كل عدد ساعاته ساعتان فقط

هذا اللي انا شفته بلخطه

بالتوفيق

[ROSE ANGLE]

لا موجود خطة للمستوى الثامن قد اطلعت عليها بداية الترم تلاقينها في الخدمات الطلابية وكمان فيها مادة تدريب ميداني انحراف وجريمة هذا الي خلاني اتذكرها زين الله يكفينا بس يمكن ماانتبهتي

ريماز لو ما به كلافه عليتس .. ممكن تحطين لي رابطه لاني عجزت فحطت وما لقته :34:


ويعطيتس العافيه سلفاً :43:

والاستاذ (برق الشمال ) معاه حق فيما قاله عن الساعات والمعدل انا اتفق معه :21: