هل هي مقبولة عند جامعة الملك فيصل ..؟شهادة الاكاديمية

[إشتياق]

السلام عليكم ورحمة الله وبركاته ::

بس حبيت اسأل الا عنده اي معلومة ..عن شهادة اكاديمية التعلم الكندية هل هي مقبولة عند جامعة الملك فيصل ..؟
لتكملت الدراسة عندهم أنتظام او لا ...؟

واذا كانت مقبولة كم النسبة المطلوبة للتكمله..؟

جزاكم الله خيرا حبايبي

:119:

[Academy Girl]

وعليكم السلام والرحمه

انا مدري يقولون

بس الافضل تتصلين على الاكاديميه وتسألينهم

[إشتياق]

مشكوررره غناتي ..:119:

الحين في هالوقت احاول اسأل ...

تسلمي غناتي

:119:

[ضمه حنونه]

لا مو مقبوله ابدا ولا في اي مكان غير الجامعه العربيه المفتوحه بس يحذفون لك ماده وتكملين 5 سنوات يعني لو تدرسين طب اصرف لك

قبل لا نسجل بالاكاديميه قالو لنا جيبو نسبه معينه وتقدرون تكملون في جامعة الملك فيصل
وجبنا اعلى من المطلوب ويوم رحنا نسجل في جامعه فيصل قالو لا مانقبلهااا :Cry111:
حسبي الله عليهم ..

نصيحتي لك ادرسي كليه ولا تضيعين عمرك في شي مامنه فاايده :119:

[jojo1111]

للأسف الأكاديمية غير معترف بها من قبل وزارة التربية والتعليم

ولكن فقط من مركز التدريب المهني ..

لذلك لا تقبل معادلتها حتى في الجامعات الخاصة :no2:

[Mo0_0ony]

بس في اشاعة تقول ان جامعة الامير محمد بن فهد والعربية ممكن نكمل فيها حد سمع هالخبرية :mh19:

[ريماسKSA]

الجامعه العربيه يحذفون تقريبا ماده او مادتين وزي ماذكرت الاخت الي فوق راح تدرسين 5 سنوات واذا نجحتي بكل المواد ومشيتي على الخطه الدراسيه
انا درست سنتين فيها وانسحبت وسجلت في جامعه الملك فيصل نظام الانتساب المطور تخصص علم اجتماع
ماعادلوا لي بس على الاقل شهادتهم مضمونه وتخصصي مرغوب ونظامهم ممتاز

[مرآسي]

صدسقتس خريجة من الاكاديمية الكندية وملتحقة بالجامعة العربية وحذفوا لها مادتين تقريبآ ..
ودرست عندهم سنتين ونص :) وتخرجـــــت ..
بس اتوقع تخصصها معلم صف >> مو متأكده من تخصصها ..
بس اللي متاكده منه انها ملتحقه فيها ..

وربي يوفقكـ ..:love080: