ارجو مساعدة الجميع

[masha3l]

السلام عليكم ورحمة الله وبركاته ..

مقومات الدوله الناجحه في اي كوكب ..

زحل - بلوتو - المريخ - الارض

3 مقومات ..

التعليم / الصحه / القضاء

مثلث برمودا هذا اذا صلحت صلح البلد ..

وحنا افسد 3 اشياء عندها .. هي الأهم



.......................

مرضت يوم الخميس , و اخذت ابره مسكنه من مستوصف خاص ورحت امتحنت
بعد الامتحان رحت على طوارئ المركزي و لأنو ويكند مالك غير الطوارئ ..
رحت الجمه و قعدت تقريباً بالطوارئ الين فجر السبت .. مع الملاحضه
انو ( السبت امتحان ماده الاخلاق الاسلاميه ) قالو لي
مانقدر ندخلك على الدكتور .. لازم تروحين المركز الصحي حق الحي
وتاخذين تحويل ثم ترجعين عندنا ونعطيك موعد .. يعني فوق
اللفه هاذي كلها .. ماراح اشوف الدكتور شايفين

( الله لا يحوجنا لهاذي الدوله ولا لأي شي منها )
الحمد لله نتعلم بفلوسنا و نتعالج في الخاص بفلوسنا

ومال البخيل ياكله العيار .. اقصد تاكله المغرب و لبنان

وانا اساسا مارحت الا عشان اخذ تقرير حكومي لأن جامعتنا
تتشرط علينا تبي اجازه من حكومي ..

مالكم ف الطويله / السبت الصباح رحت المركز الصحي و عطتني اشعار
مراجعه فقط !!! طيب اعطيني تقرير ! انتي شايفه الحاله بعينك

قالت احنا ما نصدر تقرير الا بطلب من الجامعه .. الجامعه تراسلنا
ارسلي لهم الاشعار و هم راح يرسلون لك الخطاب و عطينا
الخطاب و نعطيك التقرير !! و تسألوني فوق هذا كله
بلد النفط ليه من دول العالم الثالث و الدول المظلمه

من المخخخخخخخخخخخخخخخخخخخخ اللي ما يشتغل
من البروقراطيه اللي يستخدمونها .. من اهل الكهف ونظامهم


الحين ابفهم ارفق اشعار للجامعه .. مستحيل يقبلونه
تروح علي ماده ! عشان ايش .. عشان نظام الحمام الزاجل
جيب الورقه ودي الورقه ,, شيل الورقه حط الورقه !!

احد يفهمني

[كنت دافور]

انتبهي من التاهو الأسود بس

[بو بسام]

الدكاتره موجودين على تويتر راسليهم اسرع لك

[ريما عادل]

ماشاءالله تطوّر الوضع من جمس لـ تاهو :5::5::5:

[أمنية أحمد]

:16:

[* أبو ريوف *]

الله المستعااااااان العالم من حولنا في تطور مستمر ونحن كل يوم بل كل ساعه خطوه للخلف
الى متى يابلدي ؟؟؟؟؟؟

[masha3l]

يعطيكم العافيه اللي ردو جميعاً ..

ياليت اي احد يقراء الموضوع وماعنده تعليق على الاقل

يرفع الموضوع .. احتاج اجابه غلى سؤالي ..


هل فعلاً ارسل للجامعه اشعار المراجعه ثم يتم اعطائي خطاب

افاده بان الجامعه تستفسر عن هاذي المريضه ..



ارفعو الموضوع مشكورين

[عادل السيف]

أهم شي لا يروح الوقت وأنتي قاعدهـ تتظلمين ..
أستدركي الوضع من الآن وراسلي الجامعه وشوف لك حل في هالموضوع
.. لعل الله يفرجها على يد عاقل .. والعقلاء كثير ..


وبالتوفيق ..

[masha3l]

راسلتهم .. ما من مجيب