مركز متخصص بحل الواجبات والمشاركات وتحميل المحاضرات؟!!

[طموح وهمة]

السلام عليكم ورحمة الله وبركاته

لا أعلم إن كنتم رأيتم هذا الإعلان بـ هيدر الموقع أم لا؟!

حقيقة أستغرب وجود مثل هذا الإعلان بموقع ينتمي للجامعة

ولا يخلو من أحد أمرين :

1- الكسب المادي للموقع دون النظر إلى ماهية وأهداف الإعلان.
2- إيصال رسالة للطلبة فحواها قم بتحميل الموجود والمناقشة وحل الواجب بطلب المساعدة من أي شخص أو جهة فليس البلاك بورد بذو أهمية!!

أثق أن هناك من سيقول أن هناك الكثير من الطلبة لا يستطيعون الدخول بشكل متواصل! إذن كان عليهم عدم التسجيل بالجامعة واختيار جامعة أخرى لا تتيح خاصية البلاك بورد لطلابها
/
والأهم من ذلك أن الجامعة تتيح فرصاً لاستغلال الطلبة من قبل بعض الجهات أو الأفراد

بكل صدق صدمت بوجود الإعلان هنا

(أتمنى من مشرفي القسم عدم إغلاق المتصفح، فالاختلاف لا يعني أن تمارس سياسة تكميم الأفواه)

[دافنشي كود]

صراحه انا المحاضرات المباشره ما قدرت احضرها لأن جهازي عطلان

وماقدرت ادخلها من الجوال او من الايباد

انا اشوف انها فكره حلوووه ورائعه :17:

خصوصا للي يمر بظرف طارئ او جهازه يتعطل




وقطع الأعناق ولا قطع الأرزاق

[سلطان 2011]

يجب الاعتماد على النفس ..بالتوفيق

[ضحية تخصص]

مافيها شي ..يدفعوون من هنا ومن هنا جعلهم قوويين..وكلن حسب ظروفه..جات على المركز يعني؟؟؟نفس لما يساعدونا خواتنا ولا صديقاتنا..وش الفرق!!!؟؟؟

[هيوفه دلع]

No comment

[أبو تركي الرياض]

أولاً ... الملتقى لايتبع اي جهة بصفة رسمية (موجوده اسفل المنتدى)
ثانياً ... المنتدى مجهود شخصي فلا بد وضع اعلانات تجاريه لدعم الموقع من الناحيه الماديه

[عبير الورد.]

أنا اشوف ان فيه ناس كثير تحتاج احد يساعدها ومافيها شئ

ع فكره عندك أنا ماعندي دخل ثابت ادفع فيه رسوم الجامعة

وربي اني احمل لطالبات

ومن الفلوس الي تجيني ادفع رسوم الجامعة :17:

[البارقة]

مافيها شي فيه ناس ماتفضى تحك راسها من الشغل :42:
هذا رزق والرزق على الله
وفق الله الجميع

[نادر الروقي]

الخطأ خطأ

[Khaled.SU]

الموقع ما اعتقد انو تابع رسمياً للجامعه و هذي تبقى حريه ويحق للمنتدى انه يبحث عن منافعه سواء بالاعلانات او غيرها بحكم انها مابيشتغل بغير هالطريقه

و بالنسبه للموضوع برمته انا ضده تماماً << اقصد اللي يخلي غيره يسوي شغله

[Rashed]

(أتمنى من مشرفي القسم عدم إغلاق المتصفح، فالاختلاف لا يعني أن تمارس سياسة تكميم الأفواه)


:39:

في ملتقى خاص للمواضيع هذي اذا تقفل موضوع ممكن يكون مخالف لقوانين الملتقى! مو ضروري تكميم افواه !! :13:
هذا رابط ملتقى التواصل مع الادارة
http://www.ckfu.org/vb/f376
وهنا قوانين الملتقى
http://www.ckfu.org/vb/t89758.html

موفقه اختي

[ابوباسـ ووسن ـل]

أنا مع كلام الأخت طموح وهمه

وبــ :19:

[Velvet Eyes]

انا اشوف ان لكل حالة وضعها الخاص

والجامعة ما اشترطت حل الواجبات والتحميل والمناقشات الا عشان المذاكرة

يعني اللي بياخذ 30 وما جاب شي بالاختبار النهائي ماراح يستفيد شي

والعبرة بالمحصلة الاخيرة ..

وطالما ما تحبين سياسة تكميم الأفواه .. كان من الاولى انك ما تحكمين على الناس اللي تمنعها ظروف طارئة وخاصة من الدخول والمتابعة على البلاك بورد .. وانهم مو ضروري يدرسون!!

تحياتي لك ولكل الافواه الغير مكمكمة <<< حلوة مكمكمة :8:

[صبا الهفوف]

وين المشكله اذا فيه احد بيساعد الطلاب على تحصيل 30 درجه فشي ممتاز
بعطيك مثال انا حملت لوحده من البنات بالمجانا طبعا لاني ماقد فكرت فيه ماديا بس علشان النت عندها عليه فاتوره كبيره ولا تقدر تسددها بالكاد سددت الرسوم
يعني اذا احد بيساعد الناس بمبلغ معقول فليش لا لا
انا اعرف ان قصدك انها اتكاليه واهمال وووو بس الضروف هي الي تحكم الناس والعبره في الاختبار النهائي

[AL5JOOL]

بصراحة بصراحة بصراحة
أتقدم بجزيل الشكر للقائمين على هذا المنتدى
والشكر موصول إلى جميع الأعضاء
فبدون مساعدتهم لنا ما استطعنا أن نجتاز ونتفوق
أغلب من يدرس عن بعد هم من فاتهم قطار التعليم المنتظم و أكيد أن لديهم ظروفهم
وظروف الحياة ومشاغلها كثيرة والمساعدة مطلوبة
اخيراً
يا بلادي واصلي

[*امال*]

مو شايفه انو فيها اي مشكله !

[{%{محمد}%}]

شئ عادي ....كل الجامعات كذا

[mo7ammed2011]

عاد ما وصل الكسل للدرجة هذي ، ادفع فلوس علشان واحد يحمل المحاضرات ويحل الواجب ،،، بس رزث الهبل على المجانين:21: