آن عندي آستفسار عن تخصص (إنتساب - تعليم عن بعد ) اللغة الانجليزية

[يارب تحقق حلمي]

السلام عليكم ورحمة الله وبركاته

آن عندي آستفسار عن تخصص (إنتساب - تعليم عن بعد ) اللغة الانجليزية "

لأني حابة إقدم فيه هالسنة و إنا مستوي جداً ضعيف بالانقليزي يعني اعرف كلمات بسيطة

وكمان يعني ما عندي الدخل الكافي عشان ادخل دبلوم انجليزي لانه تقريبا 16 الف "

لذلك ابغا ادخل بالجامعة إنجليزي .. فهل إمشيء فيه ولا كيف ؟؟؟

وانتظر ردكم والله يجزاكم عني كل خير يارب "

[خلودّ]

وعليكم السلام ورحمـة الله وبركاته
:16:
حياك الله يافاضله/..
بخصوص الإنجليزي
هو سهل وممتع للي حاب يتعلم اللغه
:35:
أنا شخصيآ كنت إنجليزي وحولت
دراسات إسلاميه
مو لصعوبة الإنجليزي
:27:
ولكن رغبة مني
في التخصص بادراسات الإسلاميه
:34:
ولا محاكيتك
بالبدايه أختارات إنجليزي
حتى تسلك فيه لإني جربت بعض الدورات
ومانفعت في تعلم اللغه
:13:
والله يوفقك والجميع
:1:
اللهم صل على محمد
استغفرالله

[red roes1]

وعليكم السلام ورحمه الله وبركاته
اول شئ اذا كان عند رغبه في تعليمه
فأقول لك هذا بدايه المشوار
ومثل كل شى في الحياه
لازم يكون عندك رغبه واصرار
فما في شى يجي بالساهل لازم نعمل ونجتهد ونضغط على نفسنا شوي
والانجليزي من وجهه نظري ممتع وسهل
وبالاخير الشئ اللي تحطيه في بالك انه سهل و تقدري عليه
بأذن الله يكون سهل وبتمشي فيه باستمتاع
اما الشئ اذا استصعبتيه ولو كان سهل بكون صعب
وان شاء الله اني اكون افدتك ولو بشئ بسيط
اتمنى لك وللجميع التوفيق:004::106:

[Kadi li]

هي السالة حبة حبة..وراح تمشي ان انضبطت والرغبة موجودة والنية..ونظمت وقتك..وحاولت انك تستمع وتتحدث بها..ما راح تكون تتكلم بطلاقة لكن الممارسة تفيد..حتى لو مع نفسك قدام المرايا..وكمان تعاون الزملاء في المخصات وكدلك تعاون الدكاترة

[ماهمـ ن ـے غيرگ]

وعليكم السلام ورحمة الله وبركاتة

اختي الكريمه انــا طالب لغه انجليزيه سنه ثـــالثه

في كلمه سمعتها كثييير من الطلاب وهي .. احب اتعلم انجليزي
سمعتها من كل التخصصات .. ولما تسأله عن القواعد البسيطه او عن كلمات بسيطه
يقولك ما اعرف

طيب اذا انت تحب تعلم اللغه الانجليزيه .. ليش ما دشيت منتديات التعلم .. ما تكلف ماديــا ولا ريال
طيب ليش ماحقظت كلمات
وليش المفردات عندك ضعيفه .. مع ان الحفظ والممارسه ببلاش

بصراحه الجواب بسيط .. في فرق بين حب تعلم اللغه واتقانها ومن بعد ذلك ممارستها
وفي حب ( تحدث اللغه الانجليزيه ) والفرق بينهم شااسع ومهم

مثال لتقريب
مثل اللي يحب يكون عنده اموال وشركات .. لكن ما يحب يعمل يبيها جاهزه
ولو عطيته خطوات يتبعها ليوصل للنجاح ما اتبعها

في قبل تتخذين الخطوه هي .. حاولي تجلسين مع نفسج وبدون خلق اعذار
وحاولي تعرفين هل انتي .. تحبين التحدث باللغه الانجليزيه .. فقط حب تحدث

او عندج استعداد لتعلم لان الطريق مثله مثل جميع التخصصات .. ليس ممهد بالورود .. ولكن ايضا مو صعب
ولكل مجتهد نصيب

فإذا جوابج بنعم عندج حب للغه الانجليزيه .. وعندج استعداد لتعلمها .. فــ توكلي على الله

وإذا جوابج احب اتحدث اللغه لكن ( مالي خلق اتعلمها ) فهنا تكمن المشكله




وتعليق بسيط عن اللي يقول ( انت سجل بس وتمشي امورك ) عباره لم تعجبني .. ولا عندي تعليق عليها

لكن استبدلها ..


بـــ من جد وجد .. ومن زرع حصد .. حكمة تتردد اصدائها في الاذاعات المدرسيه كل يوم ..

وافضل انج تعملين فيها اذا سجلتي معــانا .. افضل من حكمة .. انتي سجل وبتمشي امورك

وبالاخير .. اتمنى لج التوفيق اخـــتي .. وتــأكدي ان كلامي هو في مصلحتج بالاخير
ولا ابــي اشوفج في يوم من الايـــام .. متندمه ع قرار اتخذتيه .. وانتي مو متــأكده منه

فــا انتي سألتيني وطلبتي النصيحه .. وانـــا قدمت ما رأيت انه الصواب

الله يوفقج يـــارب

[الود طبعي2194]

انا طالبه انتساب جديده قسم لغة انجليزيه ادعولي بالتوفيق بجد ذا حلمي والله الله بالفزعة اذا احتجتكم:16:

[ماهمـ ن ـے غيرگ]

انا طالبه انتساب جديده قسم لغة انجليزيه ادعولي بالتوفيق بجد ذا حلمي والله الله بالفزعة اذا احتجتكم:16:

الله لا يحـــوجج لنـــا

وإذا احجتي شي .. إن شاء الله محد مقصر .. تعودنــا بالمنتدى هذا .. او نقول عودنــا

ع العمل الجماعي ..

اهم شي تفــائلتي اختي .. ولا تعمدين فقط ع الجامعه بالتعلم

وشغله خليها قاااعده لج .. الممارسه اسهل طريقه واهم طريقه لتعلم
ولا جعلين الخجل .. حاجز في الممارسه

لان طبيعتنا البشريه تحكم علينا الخجل في البدايه لاننا نخجل من اخطائنــا
لكن بعدين بيروح الخجل .. وراح تروح الاخطــاء بإذن الله

والله يوفقج يارب واشوفج متخرجه بعد 4 سنوات

ونصيحت اخو مجرب .. التزمي بالخطه الدراسيه :27:

[ishrouq]

الله ييسر أمورنا ءءءءا والله خايفه :(

[مافي احد مثلي]

مافي شي يجي بالســــــــــــــــــــــــــاهل
والي يجي بسرعه يروح بسرعه
ولازم كل شي اصرار مثل ماقال الاخ
وانا منهم
ولكن الله يسهل ولازم استمرار وجد ويكون عندك دافع وحب للقسم الي بتدخلي فيه
وارفعي المعنويات مالاداعي تسمعي للافواه الي تحطمــــــــــــــــــــــــــــــــــــــــــــــ ــــك
خليها تكون دافع عشان تتغيري ودعواتك اخذ معدل كويس ووانجح واعدي المستوى الاول بخير بدون تحميل موادددد:15: يارب يارب يارب

[مافي احد مثلي]

اخوي اذكر منتديات تعليم حابه اتطور :17:

[ماهمـ ن ـے غيرگ]

اخوي اذكر منتديات تعليم حابه اتطور :17:


http://livemocha.com (http://livemocha.com)

الموقع هذا افــادني في بدايــــاتي .. وهو اللي حمسني ادش الجامعه

وسبحان الله هذا انـــا الحين بدش مستوى ساادس ..

ركزي ع النطق فيه .. بيساعدج كثييير

[أمنيات حنين]

؟؟ يتكلم صوتي الموقع وتسجيل ماعرفت كيف ادخله المهم لو تنزلوا خطة المستوى الاول وكيف الاختبار بيكون وكيف الواجبات صعبه او سهله يعني تعطونا خلفيه عن مستوى أول

[ماهمـ ن ـے غيرگ]

إذا عن مستوى اول .. ماني مؤهل اتكلم عنه بصراحه
صارله سنتين ونص عنه .. لكن روحي لقسم الارشيف مستوى اول

وبتلقين اسئلة الترم اللي فات .. ومراجعته وتلخيصهم .. بس تــأكدي ان نفس الدكاتره ما تغيرو
وهذا بتعرفينه بداية السمستر

وإذا ع الخطه .. حطيتها بالمرفقات .. من اول مستوى الى التخرج

[البارقة]

تخصص انجليزي رهييييييب
بالتوفيق

[فضيل]

فيه ناس تخرجوا وهم مايعرفون يتكلمون انجليزي وانتظام بعد.

الانتساب اسهل

[مافي احد مثلي]

البارقه دامه رهيب ليش ماتخصصتي انجليزي:29:

[أمنيات حنين]

شكرا :29: