طلبة الكويت ضرووووري

[omhodi33]

السلام عليكم ورحمة الله
انا سجلت بجامعة الملك فيصل انتساب مطور ولله الحمد
بس خايفه من موضوع اعتراف التعليم العالي بالشهاده
واخاف ادرس الاربع سنين ويضيع تعبي على الفاضي
وسألت التعليم العالي قالوا انتساب عن بعد غير معترف فيه ولا راح يعترفون فيه ابد
وقالوا سجلوا بالجامعه انتظام وصعب علي الانتظام وانا عندي اسره ومسؤوليات

طولت عليكم
بس حبيت اعرف الطلبه الكويتيين شنو وضعهم وشلون يدرسون بالجامعه وهي غير معترف بشهادتها كانتساب ؟؟؟؟

ارجو الرد ضروووري

[omhodi33]

:44:
رد ولو جبر خاطر

[JJS]

up

[omhodi33]

شكرااااااا ع ال up

[@ابو نايف@]

في السعوديه معترف فيها

اما في الكويت والله ماعندي خبر

[ابو عبدالعزيز 1]

اختي هذى يرجع لنظام التعليم عندكم وفيه طلبة كويتيين معنا انشالله يكون عندهم خبر

[أم عمر w]

http://www.ckfu.org/vb/t414032.html

اطلعي على هذا الموضوع أختي ,,:29:

[omhodi33]

شكرآآآ جزيلا ع الردود

لكن السؤال
شهادتي بعد التخرج يكتبون فيها كلمة < انتسااب>
؟؟؟
علشان اعرف اجهز البرواز واعلق الشهاده ولا لا/
:24:

[SaD HeArT]

omhodi33


إخذي العلـم ,

الجامعة معترف فيهـا , و التعليم العالي يرسل طلبة كــ بعثه للدراسه فيهـا ,

و لكن نظام الإنتسـاب تم إيقاف الإعتراف فيه عندنا بــ الكويت من فترة طويلة , إذا ماني غلطان من سنة 1993 ..!!

و الشهادة الجامعية عشان يتم الإعتراف فيهـا لا بد من توافر شرطين أساسيين و همـا :

1/ الجامعة معترف فيها من التعليم العالي .

2/ الدراسه تكون بــ نظام الإنتظـام .

و إحنا لـلآسف مشكلتنا في الشرط الثاني ..!!

إذا كنتي حاطه في بالج طموح معيـّن بعد ما تاخذين الشهاده ,

فـ أنصحج ما تضيّعين وقتج و فلوسج في شيء إحتمال كبير ما راح تستفيدين منـّه ,

تقدرين تسجلين في جامعة الكويت إذا معدّلج زين , أو التربية الأساسيه ..

لا تقولين ما أقدر و عندي مسؤليـّات و إلتزامات , و إنتي ما حاولتي و لا جربتي الوضع شلون صاير ..!!

واحد معاي بــ الدوام عنده 6 عيال و ساكن في شقه إيجار ,

زوجته تدرس في التربية الأساسيه و ماشاءالله عليها معدلها فوق الـ 3 من 4 نقاط ,

المسألة مرتبطه بــ التوكل على الله و العزيمه و الإرادة و تنظيم الوقت ,

و التوفيق و الأمور الثانيه من عند الله سبحانه :27: ..












http://www.ckfu.org/vb/images/icons/ei28.gif

[slooooohe]

:44:
رد ولو جبر خاطر


ولا سلام من بعيد

[~جنى~]

أختي بالمختصر الجامعة معترف فيها .. بس النظام عن بعد أو الأنتساب .. غير معترف فيه بالكويت

الكويت ما تعترف إلا بالأنتظااااام بس

يمكن بعد كم سنه يعترفون يمكن :42:

بس نصيحة لا تخاطرين .

[سكرتيرعبادي]

أختي بالمختصر الجامعة معترف فيها .. بس النظام عن بعد أو الأنتساب .. غير معترف فيه بالكويت

الكويت ما تعترف إلا بالأنتظااااام بس

يمكن بعد كم سنه يعترفون يمكن :42:

بس نصيحة لا تخاطرين .

اعذريني على المداخله... ولكني أعتقد الأنظمة لدينا متداخلة ومتشابهه

أنا ما أشوف فيها أي مخاطرة باعتبار انه ممكن ينزل اعتماد لها بأي وقت ولو فرضا مانزلت انتي اكتسبت شهادة وتعلمتي وهذا هو الأهم...!!

كل شيء ممكن يتغير عندنا وعندكم..!!! بظرف يوم وليلة

عندنا الآن الهيئة الوطنية للتقويم والاعتماد الأكاديمي (http://www.ncaaa.org.sa)
وهي راح تتولى مسألة تقييم برامج الجامعة والاعتراف فيه سواء الحكومية أو الخاصة...

إذا كان ماعندك خيار ثانية ... من وجهة نظري تدرسين وتتعلمين أفضل من يمر عليك الوقت وأنتي لاطلت بلح الشام ولا عنب اليمن...!!

مجرد وجهة نظر..!!


بالتوفيق والله يكتب لك الخير والصالح

[omhodi33]

واللي ماعنده نسبه تدخله جامعة الكويت
وشروط التسجيل بالتربيه الاساسيه اجازه دراسيه لاني موظفه
وشروط الاجازه الدراسيه تقديرات امتياز وواسطه سنعه علشان تصير اجازه دراسيه براتب
كل شي بشروط وواسطات
كأن الشخص اللي ماحصله نسبه بالثانويه ينسى شي اسمه فرصه ثانيه
فعلا شي يقهر

الموظفه بالتعليم العالي تقول في طلبه يسجلون انتساب ويكلمون العماده بالجامعه تسجل انتظام بشهادتهم
ما ادري هالكلام صاير او من خيالها جايبته

ع العموم في شي يدفعني اني ادرس بالجامعه واتوكل ع الله