تجمع قسم اللغه الانجليزيه مستوى رابع + خامس والخبرات السابقه

[صمتي حزن]

السلام عليكم ورحمة الله وبركاته

تحيه عطره للجميع

اختكم من مستوى رابع سابقا ورايحين للخامس بمشيئة الله

اكيد كلكم مثلي متلهفين لمعرفة نتيجة جهدكم وسهركم وتعبكم

الله يوفقكم ويكتب لكم النجاح والمعدل العالي يارب ياكريم

حبيت قبل ماندخل في حوسة النتايج وكذا اطلب من مستوى خامس سابقا او اي مستوى سبقنا

ان يعطينا فكرة عن مواد مستوى خامس واي ماده اصعب ويبيلها وقفه جامده

تعرفون نبي نبدا من اول الترم لاني بصراحه توهقت بمستوى رابع بعض الطلبه حذرونا من مادة

الادب في عصر النهضه واللغويات وشديت حيلي فيها وتركت الباقي لقيت المنظومه النحويه اصعب

منهم بكثيييير والله يستر يمكن احمل هالماده

افيدونا جزاكم الله خير واعذروني على اسلوبي في الكلام لايصل لرقيكم ومستواكم الراقي

:2::2:

[سمسووومه]

بتتيسر ان شاء الله ومااحد بيحمل المقرر ان شاء الله

[صمتي حزن]

امين يارب ان شاء الله نعديها شكرا لمرورك :21:

[منير علي]

السلام عليكم ورحمة الله وبركاته
الله يوفقكم ان شاء الله
بالنسبة لي شديت في اللغويات وارخيت في المنظومة
وكلاهما ماداتان لطيفتان على الدماغ ثقيلتان على ميزان الدرجات
وانا طبعا من ثالث جاي رابع بس نطيت للمادتين هادي من سوء حظي وطلعوا من نوع السهل الممتنع
شكرا

[ماهمـ ن ـے غيرگ]

وعليكم السلام ورحمة الله وبركاتة


اختي اذكر في موضوع عن مستوى خامس لطلبه اللي منتقلين من مستوى رايع
ودخلت انـــا واحد الاخوان وكلن .. قدم ما عنده ..

وحبيت الصق كلام اخوي رضوان لاني متفق معــاه .. وانطباعي نفس انطباعه .. (( لكن )) .. عندي تعليق مهم ابي ارفقه في اخــر الانطباع عن المواد اتمنى تأخذونه ع محمل الجد وتعطونه جل اهتمامكم


* * *

بالنسبة للمستوى الخامس

مادة الفكر والثقافة الإنجليزية
المادة سهلة ومحتواها خفيف جدا والدكتور حليو, ولو أن الامتحان كان فيه شوييية لف ودوران, بس بشكل عام المادة سهلة جدا. :21:

مادة ظهور الرواية
مادة خفيفة ومسلية وتميل إلى السهولة واختبارها كان اسهل اختبار عندي:21:

مادة الأدب الإنجليزي في القرن 17
بالمقارنة مع مادة الأدب عصر النهضة تعتبر سهلة, هي فيها شوية صعوبة, بس المحتوى مش طويل مثل عصر النهضة, وخفيف ومفهوم, بشكل عام المادة متوسطة الصعوبة :29:

مادة الصوتيات والنظام الصوتي
اللي فهم مادة اللغويات كويس راح تكون عنده هذي المادة سهلة, لأنها تعتبر جزء من مادة مدخل إلى اللغويات, ومحتواها أقل دسامة من مادة المدخل. أما اللي كان عنده مشاكل مع المدخل الله يعينه يشد حيله فيها شوي, هي مادة فهم بالدرجة الأولى.

مادة المقال
مادة غثيثة شوي في المذاكرة, خصوصا المجاضرات الأولى, بس القسم الثاني أخف شوي, توقعنا امتحان صعب, بس امتحانها كان أسهل من المتوقع.

مادة مهارات التحدث
سهلة جدا وهي امتداد لمواد الاستماع للدكتور ألن, بس امتحانها بدون مسجل

مادة نظرية الترجمة
أغث مادة, خصوصا أول خمس محاضرات, يبي لها تركيز وحفظ, تحتاج مذاكرة من البداية, المحاضرات الأخيرة أخف ومفهومة أكثر, بعكس المحاضرات الأولى كلها كلام نظري. :25:

قضايا ثقافية معاصرة
من المواد العامة, محتوى دسم, بس الاختبار كان سهل للي ذاكر أسئلة المستويات السابقة.

طبعا من وجهة نظري
في ناس كان عندهم آراء أخرى, بس أتوقع كانت هذي هي الانطباعات العامة.

انتهى كلامة .


كلمه خيرا اتمنى تصغون لهـــا ..

.. تــأكدو .. ان سهولة الماده وصعوبتها .. تعتمد ع اجتهادنــا ومذاكرتنــا

فا لما اقول انــا سهله او الاخ رضوان او الاخت كوين .. معناه اننــا ذاكرنــا زين وعطينــا الماده حقها ..
ولو ترجع للانطباع عن الاختبــار بتلقى نــاس يقولون صعبه .. وناس تقول راح نحمل الماده

فاهي بالاخير تعتمد ع مذاكرتك .. لكن تقييمنــا للماده بسهولتها او صعوبتها ..
نقيمها ع اساس الشخص اللي ذاكر واجتهد في الماده

فا اذا ما ذاكرت الماده وهمشتها .. ع اساس الانطباع العام كان سهل .. تأكد انطباعك راح يكون غير

وفالاخير .. نصيحتي لكم .. تمسكو بالخطه .. لانها وضعت متسلسله .. ومدروسه
واجتهدو بكل ماده وعطوها حقها .. وراح يكون انطباعكم للمواد سهله إن شاء الله

وفقنـــا الله وايـــاكم .. :16:

[Najd111]

جزاك الله خير
طيب لو كنت ماأخذت الأدب الانجليزي ولا قواعد البيانات السمستر الرابع ايش تنصحني آخذ من المواد ..

[صمتي حزن]

شكرا لمرورك ياخ منير فعلا كانت صعبه هالمادتين موفق يارب:21:

[صمتي حزن]

ماهمني غيرك الف الف شكر على هالشرح الوافي جزاك الله الف خير
ابدعت سلمت هالايادي الله ييسر لك حياتك ودراستك :3::3::3:

[صمتي حزن]

اخوي نجد انا اخذت هالمادتين الادب يبيله حفظ ومن وقت وقواعد البيانات كانت اسهل بالنسبه لي
:21:بس برضه يبيلهاتركيز موفق يارب

[ماهمـ ن ـے غيرگ]

جزاك الله خير
طيب لو كنت ماأخذت الأدب الانجليزي ولا قواعد البيانات السمستر الرابع ايش تنصحني آخذ من المواد ..


الادب في عصر النهضه .. اعتقد انها مقدمه لــ الادب في ق 17

فا اخذي ادب عصر النهضه .. واجلي ادب قرن 17 للمستوى السادس

وهذا اللي كنت دايم انصح ااخواني الطلاب فيه .. لا تــأجل ماده

بسبب صعوبتها او غيره .. لانك راح تضطر تاخذها مع مواد اكثر صعوبه

عموما انـــا مادري عن ظروفج .. لكن حاولي مــا تأجلين شي بالخطه

والله يوفقج يـــارب

[Najd111]

الادب في عصر النهضه .. اعتقد انها مقدمه لــ الادب في ق 17

فا اخذي ادب عصر النهضه .. واجلي ادب قرن 17 للمستوى السادس

وهذا اللي كنت دايم انصح ااخواني الطلاب فيه .. لا تــأجل ماده

بسبب صعوبتها او غيره .. لانك راح تضطر تاخذها مع مواد اكثر صعوبه

عموما انـــا مادري عن ظروفج .. لكن حاولي مــا تأجلين شي بالخطه

والله يوفقج يـــارب

شكرا وجزاك الله خير ، أنا كنت محتاجة أحد يشجعني ايش المواد اللي أقدر آخذها من المستوى الخامس لأني تركت الادب وقواعد البيانات بسبب ظروف خاصة ولا ودي اتأخر أو اضغط على نفسي ،على كلٍ ما قصرت ومشكور .

[حياتي امواج]

:10:صباح البرد..
كيف الجدول ..للحين ماشفته

[صمتي حزن]

الجدول ابدا ماعجبنيييييي اول شي كل مادتين ورى بعض وكل اختباراتنا فتره اولى:12:

[GADY]

والله الجدول غثيث جدا لأن كله فتره أولى

ماأحب الفتره الأولى،،مدري وش حادهم على هالترتيب

يعني لو نوعوا في الفترات وش كان بيصير يعني

مره تعقيد :25:

[JASMENN]

هذا جدول مستوى خامس منسق بالمرفقات
وش بتسجلون وش بتأجلون انا بالنسبه لي ماعلي مواد من الاترام الماضيه ولازم أأجل ماده من مستوى خامس ومحتارة اي ماده بالضبط

[justme]

طيب بالنسبة لمواد رابع وش رايكم فيها؟؟؟:36: احسها صعبه من اسمها:38:

[JASMENN]

طيب بالنسبة لمواد رابع وش رايكم فيها؟؟؟:36: احسها صعبه من اسمها:38:
اكثر مواد بمستوى رابع تحتاج وقت ومذاكرة بذمة وضمير هي 3 مواد
الادب الانجليزي عصر النهضه
مدخل الى اللغويات
القواعد والمنظومه النحويه
اما الباقي مابين سهل ووسط النثر والانشاء والاستماع حلوووين

[GADY]

واللي مأجل الأدب ...ألحين وش يسوي ؟؟؟

وبعدين حاطين 20 ساعه والمسموح 18

والله ان ودهم نخلل ف هالجامعه ...

[justme]

واللي مأجل الأدب ...ألحين وش يسوي ؟؟؟

وبعدين حاطين 20 ساعه والمسموح 18

والله ان ودهم نخلل ف هالجامعه ...


<< منننننننننننننن جد دامكم حاطين 20ساعه خلو المتاح نفس العدد -_-
اللحين نقعد نحذف ونأكشن :7: يااذا الجامعه تحب تمشور:10:

[justme]

اممممما يعني يبلنا دفرررنه ونتحول مصطفيون:8:

مشكوورره حبيبتي :16:

[Man in light]

الجدول ابدا ماعجبنيييييي اول شي كل مادتين ورى بعض وكل اختباراتنا فتره اولى:12:

والله الجدول غثيث جدا لأن كله فتره أولى

ماأحب الفتره الأولى،،مدري وش حادهم على هالترتيب

يعني لو نوعوا في الفترات وش كان بيصير يعني

مره تعقيد :25:

فعلآ الفتره الاولى متعبه :9:

هذا جدول مستوى خامس منسق بالمرفقات
وش بتسجلون وش بتأجلون انا بالنسبه لي ماعلي مواد من الاترام الماضيه ولازم أأجل ماده من مستوى خامس ومحتارة اي ماده بالضبط



اذا معدلك حلو ومستواك ممتاز اجلي وحده من المواد العامه
واذا خايفه من الضغط اجلي الترجمه او المقال
مجرد رآي
لكن قبل تاجلي شي تأكدي من جدول مستوى سادس عشان ما تحذفيها ترم ثاني بعد

[حياتي امواج]

قررت اسجل مواد مستوى خامس بس مو كلها :39:
لان الادب في عصر النهضه ماخذته :31:

[k@y@N]

ياحبيباتي اللى تبغى تاجل ماده فلابد من تاجيل قضايا ثقافيه لان لها مكان في مستوى سابع ولن تتعارض مع اي ماده شوفو جدول جميع المستويات وبعدين قرري تاجيلين اي ماده
انا عن نفسي باجل قضايا ثقافيه معاصره للمستوى السابع

[تخطيت السحاب]

شكرا عالموضوع صمتي حزن

[gєℓηαя]

كيف مهارات التحدث بدون مسجل كيف بنحلها ؟



اثارت حفيظتي هالنقطة


انا كنت حاطه في بالي مواد كثيرة اعتقد انها صعبه من خلال كلام الجميع عنها


وقلت بتحداها وان شاء الله اكون قدها


بس ممكن توضيح النقطه اللي اضفتها في اول كلامي ؟:14:

[JASMENN]

ياحبيباتي اللى تبغى تاجل ماده فلابد من تاجيل قضايا ثقافيه لان لها مكان في مستوى سابع ولن تتعارض مع اي ماده شوفو جدول جميع المستويات وبعدين قرري تاجيلين اي ماده
انا عن نفسي باجل قضايا ثقافيه معاصره للمستوى السابع

مثلي .. انا قررت انشالله بأجل هالماده وباخذ باقي مواد مستوى خامس

[صمتي حزن]

انا باخذ مواد خامس كلها وباجل الحضاره الاسلاميه

مادري ليه يكررون المواد كم مره درسنا عن العالم الاسلامي

تسحيب فلوس بس :20::20:

[JASMENN]

انا باخذ مواد خامس كلها وباجل الحضاره الاسلاميه

مادري ليه يكررون المواد كم مره درسنا عن العالم الاسلامي

تسحيب فلوس بس :20::20:
لااا حلو يحطون مواد زي كذا عشان نرفع المعدل شوي خخخخ

[صمتي حزن]

لااا حلو يحطون مواد زي كذا عشان نرفع المعدل شوي خخخخ



ههههههههه والله خوفي هي اللي تطيح المعدل :8:

[gєℓηαя]

ڶـېہۚ مافي إجابة ؟!

[ماهمـ ن ـے غيرگ]

ڶـېہۚ مافي إجابة ؟!

آسف ع التـــأخير

المفروض يكون فيه مسجل .. لان المنهج يعتمد ع الصوت
مثل درس can , can't .. شلون تفرق بينهم من الصوت

لكن دكتور الماده .. فضل ان اسئلته كتابيه .. وللامــانه كان افضل لنــــا

والامتحاان جمييييل جدا .. وعندك الوقت تفكر بالسؤال ع راحتك بعكس اختبار المسجل
اللي مطالب بحل السؤال بشكل سريع وبدو اخذ الوقت الكــافي

[gєℓηαя]

اهاااا يعطيك العافيه لاني حطيت في بالي بتكون إجابة بدون اسئله وبدون مسجل هههههههههه


قلت بنطلع عباقرة اذا كذا الموضوع ههههههههه



طيب لا هنت وش المواد اللي اعتمدت على ملخصاتها وتقدر تفيدني بالسمستر الجاي

[ماهمـ ن ـے غيرگ]

اهاااا يعطيك العافيه لاني حطيت في بالي بتكون إجابة بدون اسئله وبدون مسجل هههههههههه


قلت بنطلع عباقرة اذا كذا الموضوع ههههههههه



طيب لا هنت وش المواد اللي اعتمدت على ملخصاتها وتقدر تفيدني بالسمستر الجاي

هههههههه :34:

امممممم

اعتمادي ع الله بس

وما اعتمدت ع اي ملخص .. واللي فادني اكثر غير مذاكره الملزمه كامله .. هو اسئله الامتحانات مالت السنه اللي طافت

اهتمي فيها قبل الامتحان راح تنفعج بإذن الله ..:16:

[gєℓηαя]

حلو حلو



اجل خلاص اتفقنا هههههههههه



يعطيك العافيه وشكرا ع الاجابه :8:

[همس الصباح]

صبايا ابي احذ رايكم بين مادة مهارات التحدث والصوتيات وس احذف منها
:39: