الرسوب لا يعني الفشل

[شمعة القحطاني]

السلام عليكم اخواتي :16:
بنات فتحت الموضوع لنقاش الرسوب هذا الترم
هذا الترم يختلف عن السنوات الماضية كل ما كلمت بنت تقول راسبة بي مادة او مادتتين وكنت متوقعة النجاح لان درجاتي الشهري كانت عالية وسلمت بحوث وواجبات وحتي لو نجحوا بدرجات قليلة

انا اشوف اكبر سبب لي الرسوب هم الدكاترة وكان المسالة تحدي انا اتكلم عن دكاترة التاريخ وعن طريقة وضع الاسئلة سوال كاما علية 30 درجة ليش طيب هذا التعجيز (اتحداك تنجحين )
لكن لي الامانة بعض الدكاترة يعطيك حقك وزيادة بعد بس دكاترة الشبكة اما الدكتورات ما شفت ها الشي

حرام .حرام .الظلم يوصل لي اقصي درجاتة عندنا (تاريخ)
تعب وكرف وسهر بس علشان يرتفع المعدل كم درجة واخرتها راسبة بس حسبي الله ونعم الوكيل
وغير العنصرية والنفاق
وغير العقدة النفسية ال يعاني منها الدكتور/ة يوم ماكان طالب
دكتور يعشق التحدي والصعاب والقوي فيكم ينجح
ولا يجيك دكتور يقراء الكتاب لاشرح زي الناس ولا درجات واصراخ بعد يعني كل الحالتين مو مرتحين
وسبب الاخير واتوقع نسبة قليلة جدا يمكن 10% عدم اهتمام من الطالبة وما اشوف هذا الشي في السنوات الاخيرة
ومايدرون في الرسوب هذا وش يسوي فينا (شعور باالنقص .بكاء .فقدان شهية .........)ويمكن لهم اسبابهم تكون اهداف هو تاخر الطالبة عن الدخول بسوق العمل وما تاخذ مكافاة لانها اكثر من اربع سنوات وما تاخذ حافز لانها تدرس
والاخت الكريمة يجيها راتبها كل شهر وانتي انطقي فذا القسم الفاشل ولا شهادة ولا وظيفة
طلعت عن الموضوع بس هذي الاسباب مقتنعة فيها بصراحة لاني ما شوف نفسي قصرت بشي


ماهي الحلول .....والاسباب لهذي المشكلة

اتمنى من ادارة المنتدي عدم حذف الموضوع لان الوضع خطير ويهدد مستقبلنا :17:
ولاحد يسكت عن حقة ...... نستقبل التعازي والالام والحزن

[u s e r]

الشكوى لله :1:

[ارمنقارد]

حسبي الله ونعم الوكيل :18:

[sheere]

انا بعد ملاحضه هترم مو طبيعي يعني عندي مادتين كنت فرحانه فيهم انه هل مادتين بترفع معدلي وحده جبت فيها d وثانيه.f ولين الحين مو مصدقه انه حلي كان غلط
الماده الي جبت فيها dكنت جتيبه درجات اعمال السنه 52
وستانست عليها قلت هل الماده بترفع معدلي فوووق وجا الاختبار النهائي وحليت فيه طلعت من الاختبار مستانسه بجيب درجه حلووه وفي الا خير انصدم بdيعني لو cكان قلت ممكن بس dمتأكده اني مضلومه بس

وش اسوي وكلت امري لله هو وكيلي :12:

[ميمو2011]

:18:

[خوووخة]

sheere

اذا متأكده لا تسكتين وتعيدين المادة مرة ثانيه :18:
ارفعي تظلم

والله معاكـ

[$ زازا $]

:18: أنا حملت الاحصاء مرتين والمرة الثانية كنت واثقة اني ناجحة
....... حسبي الله سيؤتينا الله من فضلة أن الى الله راغبون :24:

[عبسي عمه لينا]

خلونا على مواد التاريخ

أنا ماخذه مناهج بحث عند الدكتوره حليمه الزهراني

انا ما أقول فيها شي الدكتوره حقانيه
بس قمه الظلم لم تقعدين يومين كامله بدون ما تطلعين ولا تروحين ولا تتحركين من غرفتك عشان تسوين البحث بكامل وجهه و تجي بالأخير وحده نفس الدرجه الي أنتي ماخذتها و بكل برود تقولك سوته ب 100 ريال بمكتبه
طيب و تعبي و سهري و قعدتي من 8 الى 5 الفجر و أنا أكتب بها البطايق عادي كله يروح ب 100 ريال
ماعندي مشكله بدفع ألف بس مين الي يقدر هالشي
المشكله أن يوم رحت كلمتها قالت قوليلي منهم البنات و ما ياخذون نفس الدرجه و تدقق عالبحث كانه بحث تخرج او بحث ماجستير :mad:

لااااا كله كوووم و أيوبين و مماليك د.سلوى السليمان كوم , قالت خلاص خلص موعد إستلام البحث و أروح أترجاها كأن رزقي عندها بالاخير تقولي لخصي فصل كامل عليه درجتين كثر الله خيرك و الطامه الكبرى تجيك وحده تقول انا ما عطيتها بحث و لا واجب و لا شي و نجحت عشانها تروح تتميلح عندها كل يوم وانا F :12:

و إذا بتحذفون الموضوع عشان ذكرت اسماء انا موو خايفه لو تبون بقول اسمي :17:

هذا التاريخ غير المواد العامه حدث و لا حرج :20:

حسبي الله ونعم الوكيل :(177):

[$ زازا $]

في سالفة غريبة
:29: في بنت مستوها عادي جدا تتميلح مع دكتورة والبنت ماشاءالله جميلة
قسم بالله درجتها فوق الروعة وانا اللي قطعت نفسي جبت d+ حسبي الله عليها :18:

[عبسي عمه لينا]

في سالفة غريبة
:29: في بنت مستوها عادي جدا تتميلح مع دكتورة والبنت ماشاءالله جميلة
قسم بالله درجتها فوق الروعة وانا اللي قطعت نفسي جبت d+ حسبي الله عليها :18:

اييي ياحبيبتي هذا النفاق بعينه وعلمه
:18::18:

[طموحاتي كبيره..]

بنات انا مو تاريخ بس بقولكم شي انا بنفسي رحت لرئيسة قسمي اشتكي لها من اسألة امتحان كان معتذرات ولما قلت لها انو نفس الامتحان الاول قالت لي انتو تستاهلون م تتكلمو تتحلطمون لوحدكم ومتتكلمو كيف نعرف انو الاساتذه مسوين اسأله صعبه او كيف نعرف ان اسلوبه مو كويس معكم او او او انتوو م تتكلمون احنا بيجي ببالنا الامور كويسه انتو احكو اشكو عندكم العميده بالقاء قالت حتى لو الاسلوب مو كويس احكو لي انا اتفاهم معه ولو جت اكثر من شكوى ناخذ تصرف ثاني اساسا هذي القوانين ومعروفه بس للاسف كل وحده تتحلطم وتقول م بروح خلاص صار وانتتهى لا م فيه شي ينتهي كذا واللي شايفه نفسها انها قدمة ومو راضيه عن مستواها ترفع تظلم م حطوا نظام التظلم عبث
بجد ي بنات احنا نسكت عن حقوقنا وبالاخير نقعد نتحلطم ونتضايق طيب ليه اذا م اخذتي حقكك ودورتي عليه محد بيجي يجيبه لك

[سارة الراجحي]

أقسم بالله التاريخ مو طبيعي السمستر هذا عندي مادتين في التاريخ مهتمه فيهم أكثر من التخصص

لكن حسبي الله عليهم

ما كأن في حظور بحث إمتحان ملخصاتهم اللي كل محاظره طالعين لنا فيها واخرتها d

[نودآ]

طيب بدال ما تتكلمون هنا و محد ينظر لكم !
ليش ما تروحون هناك و تتكلمون و تقولون نفس الكلام ؟

[صوت الضمير]

^

صحيح كلامك غاليتي نودآ ,, يا بنات كلامنا هنا ( مجرّد حش ) و توزيع حسنات ,,

الله يحفظكم روحوا للدكاترة و حاججوا ( بالمنطق ) و ( بالتي هي أحسن ) و ما ضاع حق وراهـ مطالب ,,

أعتقد من حقّك تطالبين تشوفين ورقة إمتحانك و تطلّعين على حلّك و تعرفين مكامن الخطأ ,,

أمّا الكلام هنـا ما يغيّر شي ,,

و الله المستعان ..

[سارة الراجحي]

ترى انتي ذبحتيني تونا راسبين وانتي فاضيه تدافعين عنهم تظلم وبنرفع وشكاوي واشتكيت عند رأيسه قسمي

غير كذا الموضوع مفتوح للراسبات .

ماشاء الله عليگ تبينا نرضى عنهم وندعي لهم وهم مرسبينا ترى اقلقتينا لو مجربه انك ترسبين في سنه التخرج ماكان هذا كلامك

لا وماده عامه

[صوت الضمير]

أنا شخصيًا ما شفت ظلم من أحد ,, لكن تضايقت من سالفة البحث تبع الحاضر يوم قالوا إجباري و حنّا منتسبات ,, و صار لغط و خربطة كثير ,, و الظّاهر إنه مهوب إجباري حسب كلام البنات آللي بلجنة الإختبار ,, :16:

[سارة الراجحي]

ممنوع تشوفين ورقه الامتحان حتى لو رفعتي تظلم .
بنات.

حركات المثاليه خلوها. لكم لاتجبرون الخلق عليها

[الانتظاار]

عذرا صاحبة الموضوع انا قسمي مو تاريخ وعلووم بعد بس والله اعانني نفسكم ظلللللللم
حملت الرياضيات العامه 3 مرااات والله الوضع ماسساه ليش كذا انا متاكده من حلي
واعمال السنه تساعدني من جددددددد قهر وارفع تظلم وما استفيد طبعا ارفعه بعد التحقيق والتهزييء واخر شي تقولي fبعد وممنوع اشوف الوورقه هذا دليل على انهم بيتفشلون والا لو كانوا واثقين بيقولون هاذي ورقتك وهذا تصحيحنا شوفيها غير كذا صار لي سنه ونص بدون تخصص
+ ماقدر اخذ اكثر من اربع مواد لانهم متعمديين ينزلون معدللي فما يرتففع الا شوووي بس
والبنات الله يهدييهم البعض يدافع عنهم بس قالوها صراحه اللي يده في النار غييير عن اللي يده في المويه واصلا ما يتجراون انهم يجتمعون ويكلمووا المسؤولات
+ مافيه مكافاه يقولون لي ما استحق انا اللي ما استحق والا انتو اللي ماتنفعون لشي اصلا
والله يجيبوووووون القلللللق ويتعبون النفسيه لو بتكلم من الحين لبكره مارح انتهي

نتحمل ايش والا ايش الله يعيين بس :24::40:

[صوت الضمير]

ممنوع تشوفين ورقه الامتحان حتى لو رفعتي تظلم .
بنات.

حركات المثاليه خلوها. لكم لاتجبرون الخلق عليها

اسمعي أختي الفاضلة ,, للعلم : بكل ردودي السابقة ( ما كنت أكلمك ) ,,

كنت أتكلّم بصفة عامّة ,,

شخصنة النّقاش ما تصلح ,, أنا و نودا قلنا نفس الكلام ,, لكن تعليقك جاء عليّ أنـا فقط ,,

أخيّتي الكريمة الفاضلة لا رغبة لي في افتعال جدلٍ يسهم في إيغار الصّدور و إذكاء نيران التّباغض ,, و من ثمّ إفساد المصلحة المرجوّة من هذا الطّرح ,

ليست بيني و بينك معرفة أو عداوة مُسبقة حتّى تستعيري في تخاطبك معي بعض المفردات كـ ( أقلقتينا , ذبحتيني ) ..

و أبشرّك : ( نعم ) سبق و أن رسبت بمواد عامّة و غير عامة إلا أنني كنت أنظر إلى موقفي الحرج بعين الإنصاف ,, فلا أعزو رسوبي إلا إلى إهمال و تقصير بدر منّي ,,

أنتِ الآن تسرّعتِ و اتهمني بأنني أطالبك بأن ( ترضي عن الدّكاترة ) أو تدعين لهم ,, و لهم أقل شيئًا كهذا ,, ردّي أمامك راجعيه ,,

بل طلبت منكم التوجّه إليهم و مخاطبتهم مُباشرةً بالتي هي أحسن ,, لأن الحق لا يُسترد بالتطاول و التجريح فضلاً عن أنّ النقاش ها هنا لن يُجدي لظنّي عدم اطلاعهم عليه ,,


لكم لاتجبرون الخلق عليهانصيحة لك : إذا أنا سامحتك و حللتك على أسلوبك في الكلام و اتهاماتك لي ,, ترى غيري يمكن ما يسامحك في حال تكلّمتِ معه بنفس الأسلوب ..

لا ترمين اتهاماتك ( خبط عشواء ) لا علي و لا على الدّكاترة و لا على أي أحد ثاني ,, ترى الظّليمة شينة ,,

أكتفي بهذا القدر من النّقاش ,, و لن أعود أبدًا .. :16:

[شمعة القحطاني]

[quote=صوت الضمير;8080245]أنا شخصيًا ما شفت ظلم من أحد ,, لكن تضايقت من سالفة البحث تبع الحاضر يوم قالوا إجباري و حنّا منتسبات ,, و صار لغط و خربطة كثير ,, و الظّاهر إنه مهوب إجباري حسب كلام البنات آللي بلجنة الإختبار ,, :16:[/quot


اقول نودا لا تستعجلين ع رزقك وماادري وش تبين توصلين لة بي الضبط


المهم الي فهمتة انو سوق اتميلح ماشي هااليومين بصراحة التميلح يابنات مهارة مهمة لازم نتقنها التميلح سمة العالم الحالية بس في بنات فيهم سماجة ويحبون المذلة بزيادة
ترزز هاالوجة وكل شوية شالة الاب توب ولا شالة الشنطة وش هاالمذلة مافي كرامة ابد الله يلعن ابو الدرجات الي تخليني مذلولة لاحد
يعني ماادري شلون يتملحون لعجوز يعني وش اقول لها مثلا انتي حلوة وانتي كشخة انتي احسن وحدة وش هاالانفاق
التميلح انواع واشكال مرض عافانا الله
ونشتكي ليش مافي امانة ومراعاه لله في العمل من هاالاشكال الي ماتصدق تلقي احد يعطيها وجة وهذا غير العلاقات القوية المشبوهة
بزران طايحين بااعجاب والي تتميلح اكثر تنجح
لكن كل شي محسوب عند رب العالمين

واذ على رئيسة القسم صاحب السمو الملكي كلمنها ومافي فايدة مرسوخ في راسها انو انتم
مهملين ولا تذكرون
القسم من اسوء الي اسوء وهم عاجبنهم ها الشي وش عليها هي لا حسيب ولا رقيب
ونفسيات اللهم ياكافي وشوفة النفس
وش نسوي خلوها ع الله عندنا عاهات مستديمة بالجامعة !

[سارة الراجحي]

ياضمير محد تكلم عليگ الله يهديگ تراك فاهمه غلط وبقوه

[عذبني غيآآآبك]

اللكلية هاذي مررره فيها ظلمم وكل شي تعجيز غير الواجباات والأبحاث الي مثل الدكتوراه والماجاستير ايش هذا سلامات
احنا بس نبي ننجح ونفتك ضاع عمرنا بها الكلية مايدرون وش نلاقي احراجاات وظروف صعبه
ولا ييسرون بشي ابدد
ونادر من تراعي وتتساهل مع البنات وكل سنه الاحظ كل شي يصعب ومثل ماقلتو سؤال عليه 30 و20
طيب فرضا المسكينه ها الجزئيه ما انتبهت لها ايش ترسب يعني :32:
ترم كامل تداوم المسكينه وروحه وجيه وغير المصاريف والكرف
ترجع تدرس من جديد والله حرااااااااااااااااااااااااااااااااااااام
ولا بعد مسئلت الكتب ماده وحده تطلبين 3 كتب وزياده للمقرر ليه وبالنهايه اشتريه واتخسر ويطلع صفحة منه ما اقول غير حسبي الله ونعم الوكيل لا حافز ولا مكافئه طايحه على بنك وانا ما ادري
ما اقول غير مايضيع عند الله شي

[Drop honey]

حتى بقسمنا في تميلح وبأعلى الدرجات بعد
تصدقون في بنات يمسكون الدكتورة اول ما تجي للسعودية وهي طازجة :4:
سبحان الله ما ادري ايش يقولون من المحاضرة التالية وهي ما تشوف الا هم مدري سحر مدري وش بالضبط
لدرجة انو لاحظت اكثر من مره بنات ما يجيبون كامل بالشهري بالنهائي القاهم ماخذين كامل من 50 وازود بعد
الله لا يسامح من يظلمني بربع درجة
واللي ما تخاف ربي الله حسيبها يوم القيامة :28:

[نس كآفيه]

طيب فرضا المسكينه ها الجزئيه ما انتبهت لها ايش ترسب يعني
هذي مو مشكلة الدكتور/ة هذي مشكلتنا نتوقع ونفوت اللي مو مهم طيب هالأشياء يشوفها مهمه عنده
وصارت معي في اختبار اوروبا كل الأسئلة المقالية محد انتبه في المذاكرة ركزنا على المهم اللي هو يركز عليه قسم بالله البنات كان صدمة بس شنسوي؟؟ نقول ليش حطيت هالأسئلة حنا ماذاكرنا:27:
بنات اللي حاسه انها انظلمت ارفعي تظلم وانشبي ليين تأخذين حقك..
وبنات قسمي الكل يشتكي من الرسوب المشكلة فيهم وإلا فينا:42: بنات كثير يقولون ماتوقعنا نرسب الله كريم
اللي تشتكي من تقسيم الدرجات بالعكس أشوفه حلو 30موضوعي و20 مقالي..
صديقتي تفاجأت من اختبار قالت الدكتورة موضوعي كله وجابت مقالي ومحد اشتكى طبعا هذا حالنا حلطمه على الفاضي
واللي ذكرت د.مليحه مايحتاج لو سألتي الكل جدآ دقيقة خاصة في البحوث
و د.سلوى للأمانة راعية حق وعلى قولتك البنت ماقدمت بحوث وواجب يمكن قدمت في الأختبار زين وهذي تصير كثير مع الكل "كلمي الدكتورة ماراح تقول شي إذا انتي حليتي ومتأكدة"
شمعه مافي حلول هالموضوع فتحتيه للحلطمة الحل انك تشتكين وترفعين صوتك دام الحق معك
الله يوفقنا ولانظلم ولانظلم<اقروها بالحركات

[Girl aware]

بـنات وكلـواا امركـمم للـه ,.

~

وقـواا عزيمتكـممم ,.,

~

وخلـواآ عنـدكـ قــوة ارادة .,

~

وللامـانة انـا تحضيـري وجبت العـيـددد بقـوة ,.,
بـس الشكوى لله ~ بس بأذن لله قاعــدة على قلوبهــممم وبقــوةةة اذا فيهااا حق ضاع لي أو ظلممم .,

~

احـس تعامــل المعلميـن والدكاترة وخاصة العميدات هي اساس المشكلةة للاسف >> من وجـهةة نظري .,

~

لذآآآ الله المستــعان .,

[ShoSho-chan]

الله يكون بعون الجميع
نشتكي و نشتكي ما في فايدة يعني الدكاترة ما يقدرون يغيرونهم
البلا في تصحيحهم و طريقة اسئلتهم المعوقة مدري احس ما نستفيد من الدراسة كذا
يعني تبذلين نفس الجهد بكل المواد وفي النهاية عند دكتور واحد ترسبين مدري ليه خير
استغفر الله

[سارة الراجحي]

في الدراسات كانت عندنا دكتوره ودكتور متخصصين في ماده التخريج استحاله احد يعديها بالساهل لكن بعد الشكاوى تغير الدكتور.
واغلب البنات نجحوا وأخذوا حقهم الحمد الله

لكن كيف تشتكين على دكتور ماده عامه :7:

[نس كآفيه]

لكن كيف تشتكين على دكتور ماده عامه :7:
تشتكين يا عند القسم التابع له أو ارفعي للعميدة:28:

[الوافي دووم]

:21:

[نونـا]

حسبي الله عليهم حتى قسمنا اشوف طقم المصريات كذا
لو تموتين مايعطونك كامل سويت بحث وربي شهر وانا اشتغل عليه
وفديو ومطويه وعرض كلها اشياء زيادة من عندي وفي الاخير 9 من 10
طيب بتموتين ولو اعطيتيني 10 تقول الكمال لله مالت عليك بس
منافقات بشكل ماتتصورون
غير الترسيب الوحدة تجيب 48 وفي الاخير حامله المادة الله ياخذهم انشاء الله

[سر دمعه]

لا حول ولا قوة إلا بالله :24:

[اوركيد الورد]

حسبي الله عليهمم من جامعةة ودكاترهه :18::24:

[سهم الشموخ]

الله يصبركم يا أخواتي و ينجحكم وحسبي الله على كل ظالمَ:18:

[فراشة الخبر @]

لايأس مع الحياه ولا حياة مع اليأس:35:

[de11]

لا حول ولا قوة الا بالله
المشكلة مو بس عندكم في تاريخ حتى
عندنا في قسم انجليزي حصلنا ظلم كثيير و صابرين
حتى وحده من الدكتورات الجدد تقول لنا الكلية ماتسمح
لنا ننجح كل الطالبات لازم في نسبة رسوب ف نرسب بنات
انصدمت صراحة لان نتعب وتعبنا يروح على الفاضي
ليش لان مايتوقعون البنات كلهم ناجحين و لو شافوهم ناجحين
يحققوا مع الدكتورة :24:

تعبت من الظلم اللي صاير وماحس بيتغير شي
المذاكرة والسهر اللي تتعبين فيها تروح بالحظه
مع التميلح والواسطات تشوفين اللي مستواهم اقل ينجحون
وانتي راسبة
ولحد يقول السبب انو احنا مقصرين ولا نذاكر
ما انكر ان في اهمال من بعض الطالبات
بس مايشمل الكل
يهني رسبت من ظلم دكاترة مو من قلة اهتمامي

الشكوى لله والله ياخذ حقنا من كل ظالم :18:

[نس كآفيه]

صحيح الكلية تحقق مع الدكتور/ة اللي محد يرسب معاهم وحنا ناكلها
دكتورنا قال درجاتكم بأعمال السنه مره عالية مع أن الكلية ماترضى بهالشي وبالنهائي جاب اسئلة شكيت إذا هو كاتبها:24:

[عسسولة]

حسبي الله ونعم الوكيل

[بـرودهـ قتلني]

بنات متى الوقت اللي اقدر فيه ارفع تظلم

[Šãdêęm]

الظلم موجود حتى عندنا والشيء اللي قاهرني بالإختبار النهائي فيه نموذجين للأسئلة يتفاوتون من حيث الصعوبة:7:
يعني نموذج يجيك المقالي حقه يجنن ونموذج لا قسم بالله قبل الاختبار أتوتر أخضر ولا أحمر حظي :6:

وغير كيذا خسسسف بالدرجات على أسباب غير مقنعه :31:

مع هذا ماانكر فيه قله من الدكتورات بقمه العدل والتعاون وتاخذين حقك لدرجة لو أرسب عندها الله لا يقوله بقول التقصير مني :40:< بس ياليت تخففين واجباتك الغريبه شوي:8:

وبسس :1:

أتمنى لناا التووفيق وربي يبعد عنا الظظلم ويرزقنا بالنجاح:26:

[نودآ]

[quote=صوت الضمير;8080245]أنا شخصيًا ما شفت ظلم من أحد ,, لكن تضايقت من سالفة البحث تبع الحاضر يوم قالوا إجباري و حنّا منتسبات ,, و صار لغط و خربطة كثير ,, و الظّاهر إنه مهوب إجباري حسب كلام البنات آللي بلجنة الإختبار ,, :16:[/quot


اقول نودا لا تستعجلين ع رزقك وماادري وش تبين توصلين لة بي الضبط


المهم الي فهمتة انو سوق اتميلح ماشي هااليومين بصراحة التميلح يابنات مهارة مهمة لازم نتقنها التميلح سمة العالم الحالية بس في بنات فيهم سماجة ويحبون المذلة بزيادة
ترزز هاالوجة وكل شوية شالة الاب توب ولا شالة الشنطة وش هاالمذلة مافي كرامة ابد الله يلعن ابو الدرجات الي تخليني مذلولة لاحد
يعني ماادري شلون يتملحون لعجوز يعني وش اقول لها مثلا انتي حلوة وانتي كشخة انتي احسن وحدة وش هاالانفاق
التميلح انواع واشكال مرض عافانا الله
ونشتكي ليش مافي امانة ومراعاه لله في العمل من هاالاشكال الي ماتصدق تلقي احد يعطيها وجة وهذا غير العلاقات القوية المشبوهة
بزران طايحين بااعجاب والي تتميلح اكثر تنجح
لكن كل شي محسوب عند رب العالمين

واذ على رئيسة القسم صاحب السمو الملكي كلمنها ومافي فايدة مرسوخ في راسها انو انتم
مهملين ولا تذكرون
القسم من اسوء الي اسوء وهم عاجبنهم ها الشي وش عليها هي لا حسيب ولا رقيب
ونفسيات اللهم ياكافي وشوفة النفس
وش نسوي خلوها ع الله عندنا عاهات مستديمة بالجامعة !






اللحين الكلام موجه لي ؟؟
يا امي انا قلت لك روحي كلميهم يفتحون لك مجلس اعاده تصحيح
و ان رفضوا و صليها للرجال هذا حقك اولا و آخراً !!
بما انك واثقه انك تستحقين النجاح لا تخلينهم لما يعطونك اللي تبينه
حتى لو رفضوا مره مرتين بالاخير بيفتحونها ومن حق الطالبه انها تشوف ورقتها




و يا قلبي اللي بيتميلح بيتميلح على درجات و غيره
و اللي بيذاكر بيلاقي نتيجة جهده


و قولتك ان ما جربنا الحمل و من هالكلام
ابشرك يا قلبي حامله نظام اقتصادي
و برفع تظلم على مدينه اسلاميه لانها معطتني d
وانا ماخذه باعمال السنه 50 من 50
ولكن ماراح اجي و اقول ترى الدكتوره كذا وكذا
لان الكلام هنا محد ينظر له و ان شافوه ماراح يهتمون له

ان جاء وقت التظلم روحي و ربي يكتب لك اللي تبينه









و اتمنى من ( الجميع ) ان النقاش يكون ارقى من كذا
لان الموضوع " لا يسمن ولا يغني من جوع "




و السلام عليكم ورحمة الله "نقطه"

[Ďσα'α♔]

انا عن قسمي مَ قد حملت مآدة ظلم الحمدلله
صدق احيانا اخذ درجات اقل من حقي لكن مَ قد حملت موآد من تخصصت الحمدلله
:15:في بعض البنات للاسف مَ يذاكرون ومَ يحلون تمآم واذا حملو المآده سوو سآلفه
وجلسو يدعون ع الدكتورآت والدكآتره
يعني اذا حملتي مادتين او ثلاث موآد بالسمستر الواحد عرفي ان منك مو من الدكتور
ليش الدكتور/ه بيحملونك المآده ومآيحملون غيرك ؟؟
يمكن دكتور او دكتوره وحده حملوك المآده ظلم لكن 3 او 4 مستحيل


الله يوفق الجميع

[Ms.joOle]

جد جد حسبي الله ونعم الوكيييييييل :1:
بنات جد انا ماتخصصت لاني رسبت بماده وهي من متطلبات التخصص
مع ان هالماده كنت ضامنه النجاح فيها وبدرجه حلوه بس قدر الله وماشاء فعل
رحت ابي ارفع تظلم قالو الدكتوره مسافره << عذر اقبح من ذنب
طيب يروح علي ترم كامل كذا استهتار من الدكاتره :32:
مع كذا اضطريت اخذ الماده مره ثانيه وراح علي ترم عشانهم حسبي الله عليهم بذمتهم
^^^^ والله يجعلها خيره لي باذن الله

- و صح لاحظت كثير لما يرفعون تظلم و يرجعون يدققون لهم بالاسئله يطلع جد
ناجحه طيب ليه الوحده لاجت تصحح ما يجي عندها ذمه وضمير شي يقههههر
يعني لو البنت مارفعت تروح عليها عادي وش هالاستهتارررر :12:

والله لو اتكلم من اليوم لبكرررررره مااخلص من مشاكل الجامعه لكن الله يعينا









اللهم اجرني في دراستي فان بها رضا لك ياربي ثم لوالدي ولي :16::1:

[زناب]

الصبر ياربي

[ro7y]

انت تريد وانا اريد والله يفعل مايريد

[sheere]

عذبه انا كنت مثلك ما احمل مواد وذا حملت اعرف انه مني انا الي قصرت بس الترم ذا لا المواد الي كنت ضامنه النجاح ميه بلميه وحده رسبت ووحده جبت مقبول حاولت اخلي الغلط مني بس ماقدرت راجعت نفسي لقيتني حاله الاسئله صح ميه بلميه
يعني الماده الي جمبت فيها مقبول أقلبها عملي وعطتني ع العملي اربعين درجه وبشهري جمبت 12من عشرين ونهايئ كان من اربعين وحليت زين :32:فرحت قلت اكيد بجيب ممتاز اذا مره مره جيد جدآ فلا خير انصدم بلمقبول

[Ďσα'α♔]

طيب راجعي الدكتوره لان مَ في احد معصوم عن الغلط
يمكن اللي رصدو الدرجات هم الغلطانين

مثل مَ يحطون f بالغلط اكيد حطو لك درجاتك بالغلط


وانا مَ قلت مَ في احد يظلم قلت اذا احد بيظلم ع الاقل واحد او وحده مستحيل الكل بيظلمونك

[صافيناز]

الله يسهل على الجميع وخلو ثقتكم بالله كبيره انه ماراح يضيع تعبك
وان شاء الله تنجحون وتتخرجون وبمعدل حلو ويرضي طموحكم:16:
بالنسبه للدكتورات او الدكاتره للاسف بعضهم مايقدر تعب الطالبه
وانا براي تقسيم الدرجات يتقسم بعد مايشوفون الحل ويقيسون
يعني مثلا يشوفون اذا فيه سؤال 90%من البنات حالين صح يحطون عليه الدرجه الاكبر هذا من وجهة نظري:29:واحنا العربي عندنا نفس المشاك:29:ل بس ماقول الا حسبي الله ونعم الوكيل

[سارة الراجحي]

اموت على البراءه f بالغلط :26:



قويه قويه مو قادره أصدق

[Ďσα'α♔]

:5:^^

لا تعليق بصرآحة

[نس كآفيه]

صحيح f بالغلط يمكن ناسي يرصد درجتك بأعمال السنة:27:

[‏ابي لجروحي نهايه]

ربي يصبرنا ع الكليه

[Drop honey]

على فكرة شمعة
العنوان غير المحتوى :28:
شكلها خدعة عشان البنات يدخلون :8:
المهم الله ينجحنا كلنا والله ياخذ حقنا على من ظلمنا :1:

[خوووخة]

^
ههههه من جد الموضوع يدل على التفاؤل !

الله يعينكم ويسهل عليكم

[ورد.]

الله لا يوفقهم لادنياء و لااخره

رسبوني في مواد انا متاكده اني حله عدل فيها

حسبي الله على كل ظالم

يالله ياربي تشفي غليلي الي في قلبي:18:

[جغرافية20]

بالنسبة لي احس بالفشل

بالبداية ماهتميت وبالتالي نزل معدلي وصعب ارفعه وباقي لي مواد من مستويات ماسجلتها

قلت بسحب ملفي وبسجل انتساب بس الكل يقول ان شهادة الانتساب غير عن الانتظام

في مادة كنت متفائلة انها بترفع معدلي وربي جبت بالشهري 25 من 25 وبالنهائي كل شي متاكدة منه

بالنهاية حطو لي سي

مجرد فضفضة :18:

[عطر الوفا]

I am very angry


والله يابنات ان معدلي يفشل مره مره وأأأنا والله اني أستحق اكثر من هالمعدل :18::18::18::18::18:



ياناس عمري ما انغبنت وبكيت قهر الا بالكلية الخايسة ذي ... ايه خايسة وفاشلة وربي وماهي بحقانية



وبعدين ياعالم انا ماني كسلانه .. انا شادة حيلي .. ما اقولكم بكوووووووووووووووووووول المواد !! لا نادرا جدا ما استهتر بس قليل قليل


اذاكر واسهر وتنشد اعصابي والبحوووووووووووث البحوث امننعوووووووووووني امنعووووووووووووووني عن الكلام فيها معليش


طيب وبالاخير آآخذ (دي) مقبول +++ والتعب ذاك !! والجهد والعنا!!!! مو مشكلة تعيدين المادة وتتأخريين سنييين حسبي الله عليهم ونعم الوكيل


انابتكلم عن احد الدكاترة طبعا فيه غيره واجد بس ذا قلبي مفقوع منه

(( عمر مكحل )) يقهرنيييييييه وربي مره رسبني ومره D عالحفه ..,,؟؟؟ ليه انا ما استحقها



..

سوري انفعلت بس وربي قهر يعني قهر وقد رفعت تظلم ع دكتور عرابي ونفس النتيجة راسسبة وربي مادة هالدكتور جلست عليها تقريبا 3 ايام وبالاخير رسوب حسبي الله وكفى :20::20:



:18:

[" رَوْنَق "]

/





كل ما أتذكر أن هالدرجات درجات دنيا ‘ يهون علي كل شيءَ
إن ما أخذنا حقنا اللحين .. ناخذهه بالإخره إن شاء الله
...:1:

[شموخ الظهران]

الله يعين :18:

[عيون الغرام]

أنا أشهد أنك صادقه بكل كلمه كتبتيهاا .. بس وش نقول غير ( الحمد لله ) على كل حااال ..

[قطوووم كول]

الله فوق والله معنا ثقو ثقه كبيره لاشيئ يضيع في هذه الدني الي يضلم سينظلم والدنيا دواره دعوات المظلوم مستجابه والله يسر وويوفقنا جميعا وان شاء الله مافي ظلم ولاهم يحزنون :29:

[عسسولة]

الحمدالله دايما وابد الله يصبرنا وويوفقنا يارب

[ROMII]

حسبي الله و نعم الوكيل :29::18:

[m ε я σ ღ]

من جد بنات الرسوب مو يعني الفشل يعني لمن يجبرونك تدرسين شي ماتطيقينه ماتفهمينه عادي لو رسبت ونعمه من ربي لو نجحت لدرجه انو في مادة من ثاني عدتها 3 مرات عشان انجح فيها ويالله نجحت احس حفظ اسمي الدكتور وهذا انا فاله امها ولا علي وياليت اذذكر المادة :5:
صحيح يضيق خلقك بالبدايه بس بعدين تتأقلمين عادي وخاصة مع كليتنا الموقره مع احترامي الشديد يعني بصراحه يبيلك سعة بال والضحكة شاقه الوجه لانو بتتعبين تعب مو طبيعي وانتي ماجبتي معدل زين
فلا تتضايقون ترا قله القليل اللي يتخرجون ب 4 ونص يعني 3 من الف طالبه فلا تتنرفزون ولا شي
اهم شي صحتكم يابنات:29:
وربي حاسه فيكم هذا انا معانات خمس سنين ولا ارتفع المعدل لان اصلا سياسة الاقسام ماتبي يتخرجون بنات امتياز اذا بنات قسمي العام ولا وحده ماخذه ممتاز اعلى وحدة 3 ونص اظن و تبوني انقهر مافكرت دام قسمي مايبي بنات متفوقات عادي ابقى مثل ما انا اهم شي صحتي ونفسيتي لا ابو اللي يقهرني وينرفزني بصراحه :30::35:

[she5ah]

أجمل مآفي الموضوع أنو بيّن لي "مستوى تفكيـر" البعض ..


وبالنسبه للكلام عن قسم التاريخ .. أنا بصرآحه مآ أشوفه في قسمي

قمه التعاون وبالعكس الدكآتره سعوديآت ومصريآت رقي تعاملهم معي أجبرني على حب القسم

..

حبيت أقول كلمه حق لا أكثر ..

[MEESH وبس]

-


اول شيء الموضوع بجهه وعنوانة بجهه !
ثاني شيء استغرب والله صديقاتي الوحيدات بالشلة اللي بيتخرجوون هالسنة ،
ليش بس لأنهم تاريخ ؟ يساعدونهم بشكل فضيع وبنفس الوقت يعتمدون ع المقالي
عبي الصفحة وانتي ماشية ينجحون آي وبي وسي بلس ماشاء الله عليهم بس !
ثالث شيء الحمدلله ع حلو القضاء ومرَة :1:
رآآبعا" انا يابنات انغبنت اكثر منكم وانظلمت بقسم أنقليزي لين قلت بس
وتخيلوا انا توني محولة تخصصي للدراسات ومفروض اني سنة رابع واتخرج هالسنة
شفتوا كيف انا متحملة ومتفائلة بقسمي الجديد واللهم لك الحمد والشكر ع كل شيء
الخيرة يابنات بكل مكان ابتسموا وتفائلوا بالخير تجدووة ، :35:

[حلمي التخرج]

حسبي الله ونعم الوكيل :40:
لمتى ذا الظلم يا بنات :39:
الحمدلله اني درست ايوبيه ومماليك عند حنفي لان احس سلوى مررة دقيقة :38:
الله يعطينا الاجر ان شاء الله :18:

[نودآ]

أجمل مآفي الموضوع أنو بيّن لي "مستوى تفكيـر" البعض ..


وبالنسبه للكلام عن قسم التاريخ .. أنا بصرآحه مآ أشوفه في قسمي

قمه التعاون وبالعكس الدكآتره سعوديآت ومصريآت رقي تعاملهم معي أجبرني على حب القسم

..

حبيت أقول كلمه حق لا أكثر ..








و المشكلة يا عزيزتي ان البعض من اللي يشتكون ما سمعتتهم راضين عن شيء !
كله متذمرين و مو عاجبهم شيء !!


و صادقه لو نفتح عيونا شوي ع الواقع ما قد درست عند دكتورات مثل تاريخ
مش عشان قسمي و ادافع عنه
ولكن من باب تجربه / و مش ذم في كل دكتورات الاقسام الثانيه ولكن برضوا من خلال تجربه !!

اللي بيذاكر و يجتهد و يرص على نفسه بيجيب a+ حتى لو الدكتورة او الدكتور حاقد عليه





/




الموضوع خرج عن محتواه الاساسي كثير
او بالأصح الموضوع لا يمت للمحتوى بأي صلة !

[طالبة متوهقة]

كيف اعرف التقديير اذا مقبول او ججيد / :12:
وكيف اقدر ارفع معدلي وهذي السنة الخامسه لي !
طلعت لي مادة d+ واخسفت بمعدلي من 2,50 الي 2,38

[دودي(1990)]

انا تحطمت يوم رسبت بالسلوكيه سويت كل اللي اقدر عليه:18: عديت كل مواد رابع الصعبه ورسبت بذي يعني ماراح اتخرج هالسنه والسبب ماده عامه:18:

[*جوريه*]

يغلق بناء على طلب صاحبة الموضوع ،،







:16: