الراسبين تعالوا هنا

[أبـو جنا]

السلام عليكم

مساء الخير للراسبين

محدثكم مستوى أول إدارة أعمال

رسبت في الرياضيات وبلشت

مدري وش وضعكم يالراسبين

وعلى فكره هل ندرس الماده من جديد نحمل محاضرات وحل واجبات ومشاركة

والا على طول ندخل إختبار

ملاحظه عامة انصدمت في الدرجات كلها على الحفه d ماتوقعت للدرجة مستواي لاني احس اني حال بالاختبارات بصراحه درجات كارثيه للاسف

[خرجاوي %]

وعليكم السلام
نعم تعيدها وتحل الواجبات والمشاركات والمحاضرا ت من جديد
هذا اذا ودك تنزلها الترم الجاي
لان من الترم الجاي انت اللي تنزل المواد وبكيفك تنزلها ولا تخليها لأي ترم

[أبـو جنا]

وعليكم السلام
نعم تعيدها وتحل الواجبات والمشاركات والمحاضرا ت من جديد
هذا اذا ودك تنزلها الترم الجاي
لان من الترم الجاي انت اللي تنزل المواد وبكيفك تنزلها ولا تخليها لأي ترم


الله يعين مشوار ياخي

عندي مواد في المستوى الثاني مهي بسيطه

طيب محد جاب العيد بالرياضيات ؟

[العذاااب]

انا جبت العيد بالإحصاء الإجتماعي مستوى سابع:12:
حرام عليهم كان ناقصني كم درجة بس المادة كانت صعبة وغثييييثة
كان دفووونا نبي نتخرج الترم الجاي ونفتك ان شاءالله

[أبـو جنا]

انا جبت العيد بالإحصاء الإجتماعي مستوى سابع:12:
حرام عليهم كان ناقصني كم درجة بس المادة كانت صعبة وغثييييثة
كان دفووونا نبي نتخرج الترم الجاي ونفتك ان شاءالله

الله يكون في العون

ان شاء الله تساهيل

كان ودي اعدي بالمستوى اول لاني جديد في الجامعه

لكن ما الله كتب

واحس لحالي اللي رسب في الرياضيات ماشوف احد شارك

[abeer_ss]

:12::12::12::12::12::12:انا بالمحاسبه ونفس وضعك بضبط الدرجات الباقي بالحفه حيييييييييييييييييل يعني شلون ما اقدر ارفع معدلي الترم الثاني ولا وش السوات ساعدونا اذا مارح يرتفع المعدل ليه اكمل من البدايه :40:

[االصمت حكمه]

نفس الحاله انا

رسبت بالرياضيات :39:

والباقي d

مصدوومه :40:

يالله الحمدلله ع كل حال

[احمد الرياض]

الله يجعلها خيرره لكم


وان شاءالله تعوضون بالمستوى الجاي


بالتوفيق لكم

[ALRAYANI]

:44:والله حرام خسف في دراجات الواجبات ومتاكد حليتها كلها وهم منقصيني ع 10 درجاااااات :12::12::12:

[ديري وافتخر]

مع اني ما شفت النتيجه
بس حاس نفسي لازم اكون في موضوعك

[هتان 2]

انصح الطلااااااااااب جميعاا يكملوووون لو رسبوو حتى لو مادة او مادتين عادي نصيحة لوجه الله كملووو وثابرووو واجتهدوو فوالله انا راسب مستوى اول 5 مواد لاني مارحت الاختبارات ذيك الحين بسبب مرضي وكذا والحمد لله عدت المستووى وجبت درجات ممتازة والحمد لله سبحانه كنت اتمنى اجيب اكثرر لكن الحمد لله اولا واخيراا سبحانه

[بحـر الكـلام]

الله يوفقكم يارب:16:

[roo7y m3ah]

عادي ياخي الواحد يرسب مو مشكله .. >> زي ما يقولو الفشل بداية النجاح

اول شي كان نظام جديد علينا غير كذه القلق والخوف شتت افكارنا ماندري وش البيعه

لكن الجاي إن شاء الله أفضل

انا اشوف انك تاخذ الرياضيات وتأجل الرياضيات 2

لأاني انا ممكن اسويها بالمحاسبة ^_^ زحلطت فيها :29:

ولسى ابي اخذ رأيكم بالمساعدة في الجدول فديتكم

وربي يوفق الجميع ومبروووووك النجاح

[طالبة اداره]

الله يساعدكم ياارب وخفف عليكم هالصدمه:6:
بس انا انصحكم انكم تكملوو :19:وهذا امر طبيعي انكم ترسبو بما انكم توكم مستوي اول يعني مو عارفين كل الانظمه..

[HnOsh_A]

شدو حيلكم وتقدرون ترفعون معدلاتكم ان شاء الله اهم شي الهمه ما تنزل ..
فالكم التوفيق يارب ..

[هـّوجـاس]

لاباس ياشكايت الوقت لاباس

عند المدبر دبرت نحتريها

[عبدالله العـتيبي]

حملة مادتين والحمدالله على كل حال

[كوبراغامد]

السلام عليكم
اخواني واخواتي الذين حملوا ماده او اثنتين الوضع عايدي انا اول مستوى حملت مادتين وسجلتها المستوى الثاني واجتزتها ولله الحمد فشدوا حيلكم والنجاح حليفكم ان شاء الله

[بنت سلام1]

الواجبات لها تاريخ معين وبعدها حتى لو حليتوا ماراح تحسب الدرجات
انتبهوا للسمستر الثاني على طول حلوها
ورفع المعدل ممكن بس راح تحتاجوا لجهد كبير

[jooj_7]

ابي احد يساعدني بالجدول حاملة 3 :10:

رياضيات ' محاسبة ' اقتصاد :23:

[عنفوان الاصايل]

مع اني ما شفت النتيجه
بس حاس نفسي لازم اكون في موضوعك


وين التفاؤل لا ان شاء الله ناجح وبدرجات وتخليت ترقص تي رش رش

[7anan_s3d]

انا مثلكم مرررره مصدومه من الدرجات
المحاسبه حاله كويس مرررره يمكن اجابتين اللي ماتاكدت منهم
وماخذه d :32:
معقووووووله:20:
حتى الرياضيات كنت مره حاله كويس والقانون والتقديرات ابدن مو مثل ماكنت متوقعه مررررره نازله :39:

[االصمت حكمه]

سؤااال اللحين انا رسبت بمادة رياضيات هل لها رسوم خاصه

ولا اسجلها بالمستوى الثاني وأجل ماده

[راجع ضميركـ]

عمر ضعف الاراده مايسرالرخوم *** ضربت السيف لو بيدين الشجاع ذبحت

لكل جواد كبوه ويمكن هذي تعتبر كوبت جواد ومنها تنتبه لدروسك

اهم شي لايسري بداخلك الاحباط بالعكس

حول نقاط الضعف الى قوه والله يوفق الجميـع

[مرشد سياحي]

الجامعة وضعها أصلاً على الحفة ..

[لزام الوايلي]

ابي احد يساعدني بالجدول حاملة 3 :10:

رياضيات ' محاسبة ' اقتصاد :23:


مايبي لها مساعده

سجلي المواد اللي راسبه فيها لان ماتقدري تاخذي رياضيات 2 لانك راسبه في رياضيات 1 وكذلك المحاسبة والاقتصاد

بالاضافة الى اي مادتين من مستوى 2 وليكن عقيدة اسلامية وتقنية معلومات 1

[لزام الوايلي]

سؤااال اللحين انا رسبت بمادة رياضيات هل لها رسوم خاصه

ولا اسجلها بالمستوى الثاني وأجل ماده

اي طال عمرك تسجلها ضروري لانك ماتقدر تاخذ رياضيات 2 لازم تاجلها

بعدين على حسب معدلك تسجل المواد االثانية

وتدفع رسوم المواد اللي سجلتها كلها

[فيصل)]

والله اني باقي ماشفت نتيجتي وبس حاس ان حالي مثل حالكم على العموم
نصيحه ان تواصلو الدراسه واي شخصه حمل ماده احذفها بعدين لاتخذها في هذا الترم

[لزام الوايلي]

مدري ليه مسنتر عندكم شكلي بصفط معكم بالموضوع

للحين ماشفت النتيجه :8:

[!. سعودي كفو .!]

أضفني راسب في الرياضيات .

ناقصني 3 درجات على درجة النجاح ، الله يعين ، نصيحتي أدرسها الترم الجاي ولا تخليها أنت دارسها دارسها لكن الأفضل أنك تخلصها من بداية الأترام لان بقية الأترام راح تكون تخصصية أكثر .

[{%{محمد}%}]

والله ماشفت النتيجة ولكن ربك يستر ...والله يعوضكم خير الي راسب

[اغصان الشمال]

الله يعوضكم بخير
من شاف مصيبة غيره هانت عليه مصيبته
الحمد الله على كل حال

[jooj_7]

مايبي لها مساعده

سجلي المواد اللي راسبه فيها لان ماتقدري تاخذي رياضيات 2 لانك راسبه في رياضيات 1 وكذلك المحاسبة والاقتصاد

بالاضافة الى اي مادتين من مستوى 2 وليكن عقيدة اسلامية وتقنية معلومات 1

جد اخوي !!!!

يعني ما اقدر أخذهم الا لما انجح باللي رسبت فيها ??:39:

[أموونه]

لا عادي تقدر تاخذ حتى من مستوئ سادس

[أموونه]

نصيحه من جد الي مايحب الرياضيات او الحسساب والارقام يغير التخصص لان تخصص ارقام في ارقام

انصدمت انك راسبين بالرياضيات لان دكتور اسامه حنفي من افضل الدكاتره عندنا يفههم الرياضيات والله لو تشوفون دكتور الرياضيات 2 تنجنووون سوداني فر مخنا

بس موفقين وعادي لو رسبتم تقدرون باذن الله تسجلونهم وتنجحون فيهم وترفعون المعدل بشويت اجتهاد والمستوئ الاول دوووم معدلنا مو ذاك الزود بس اعيد الي مايحب الارقام لايدخل لان المستويات كل مالها تصعب

مووووفقين

[عِصآميهة]

آلله يستر ، لـ الحين مَ شفت نتيجتيُ

لكن أحجز ليُ مقعد هنآ :39:
دآم آلآغلبيهَ مصدومينَ آكيد بنظم معهم :5:

[مجـتهـد]

بصرررررراحه شي غريب المواد الي كنت خايف منها نجحت فيها !!!!

وبمعدل معقول يعني

ولكن المحااااسبه جايب 57وانا متااااااااااااااكد من حلي وكنت متوقع نجاح بمعدل جيد بها الماده ؟؟؟

ابارك للجميع من عدا هالترم والي حامل ماده والا اكثر معوض خير ان شاءالله الان تعرفنا على الاختبار وطريقته وعلى انظمة الموقع للجامعه وطريقة المشاركه وحل الواجبات فاتوقع ان الاشكاليه بتكون اقل من اول ولعل في الامر خيره ......

تمنياتي للجميع بالتوفيق ......

[جمال العنزي]

الله كريم

انا ترم احمل مادة ترم اجيب بمادة +b

على هالموال ههههههههههههههههه

الله كريم

[FaHoOoDe]

الواجبات لها تاريخ معين وبعدها حتى لو حليتوا ماراح تحسب الدرجات
انتبهوا للسمستر الثاني على طول حلوها
ورفع المعدل ممكن بس راح تحتاجوا لجهد كبير

غير صحيح انا ماحليتهم الا باخر سبوع كلهم

بس الحمدلله كلهم 30

[ديري وافتخر]

امس دخلت للموضوع وقلتلكم احجزولي مكان عندكم
كان عندي احساس
اليوم شفتها طلعت عندي ما دتين
رياضيات واقتصاد جزئي

[Thamerj]

فعلا شي غريب اذا دكتوركم حنفي !


سوالي الرسوب وش تاثيره ع المعدل بالضبط

[البآرد]

كل درجاتي 57 و 58 الا وحده 60 نجحت فيها

منصدددممم من الدرجات على التعب اللي تعبته والحل ..

حسبي الله ونعم الوكيل ان كان فيها ظلم