المساعد الشخصي الرقمي

مشاهدة النسخة كاملة : حامل مادتين .. وافكر بالأنسحاب ....؟


عبدالله العـتيبي
2013- 1- 19, 05:17 PM
السلام عليكم .... الف مبروووك لناجحين وناجحات وحظ اوفر للراسبين الى مثلى :39:
بصراحة خجلان من نفسي منكم ومن زملائي بالعمل ..:10: بصراحة انا ابغى اشهادة تحسين مستوى وظيفي علماً باني لسى متوظف وعلى بند اجور بصراحة الرسوم الجامعة متعبة لي وانا لسى باول ترم وحامل مادتين !! بصر احة افكر بالانسحاب لااني بصراحة مو شاطر بدراسة من يوم كنت طفل بالأبتدائي :22: وغيرر كذا مركز الاختبار يبعد عن بيتنا 100 كيلو وش رايكم انتم

ماريوت
2013- 1- 19, 05:21 PM
مافي شي اسمه شاطر ومش شاطر

فيه شي تبي تذاكر وتشد حيلك باذن الله بتنجح

تبي تتعب شوي لاجل مستقبلك فانت في الطريق الصحيح

تبي تقنع نفسك بكلمات ( [بعيد ، ظروف ، انا مش شاطر ) بتحطم نفسك وبتخسر كل شي

انصحك كمل دراستك وماده ولا اثنين ماهي نهايه كل شي

والعبره بالخواتيم وانا اخوك

عبدالله سليمان
2013- 1- 19, 05:22 PM
والله يا أخي حمل مادتين ليس نهاية المطاف ولا نهاية الدنيا

الشيء الآخر لا يوجد شيء اسمه أنا كسلان من يوم كنت صغير

أنت الآن رجل وتطمح للأفضل فالواجب أن تجتهد وتحرص

وصدقني ستتجاوز الأمر وتعدل من أمورك بل وتتفوق بإذن الله

واصل يا أخي الكريم واسأل الله عز وجل أن يعينك ويوفقك

وأنا أدعوا لك أن يوفقك الله ويعينك ويقويك ويرزقك



تفضل :16:

غرور روح
2013- 1- 19, 05:23 PM
انتبه من هذا الكلام حاول انك لا تحبط نفسك مو شاطر ومدري اش معروف الدراسه في الجامعه يبغا له تعب وبعدين ما دتين بس احمد ربك الاغلب حمل مواد لكن مو من اول الطريق خلاص ابنسحب المشوار طويل باقى خلك قدها وكمل وكل شي راح يتعوض وربي كريم

أم تالين
2013- 1- 19, 05:25 PM
الفشل هو اول طريق للنجاح :29:

شيل السلبيات الي في بالك و فكر بمستقبلك وشد حيلك ..
مع هالجامعه الي يشد حيله بيجيب +a
لان اغلب الاسئله مكرره و درجات المشاركه مره تساعدنا على رفع الدرجات ..
شيل فكرة الانسحاب من بالك وخلك جامد :19:
اتحدى نفسك .. واثبت للجميع انك قدها وقدود .. :27:

خالة سعود
2013- 1- 19, 05:25 PM
انت محبط نفسك تردد انك مو شاطر وتركز على السلبيات اجل وش نقول الي نذاكر ونحرص ومعي مادة

اابومشعل
2013- 1- 19, 05:27 PM
نسأل الله لك التوفيق والسداد

اعتقد انك تحمل مادتين لسى اخر المطاف وان شاء الله تعوضها بالجد والاجتهاد

والجامعه للمعلوميه لا تعتمد على الشطاره تعتمد على المذاكره والتركيز

اتمنى ان تستمر وتتحدى الصعاب

وان تستخير الله سبحانه تعالى

الشهاده الجامعيه مطلب اساسي بهذا الزمان

عبدالله العـتيبي
2013- 1- 19, 05:27 PM
مشكورين على نصائحكم ... بس بصراحة الرسوم الجامعة متعبة لنا وعندنا ظروف وحتى بعد اذا اختبرنا المواد الى حاملينها ندفع لهم 150 ريال !!!!!! شفتو الاستغلال ؟ وغيرررررر بعض الدكاتره الى مصعبين علينا الاسئلة الأختبار :39:

قلب غالي
2013- 1- 19, 05:29 PM
الفشل هو اول طريق للنجاح :29:

شيل السلبيات الي في بالك و فكر بمستقبلك وشد حيلك ..
مع هالجامعه الي يشد حيله بيجيب +a
لان اغلب الاسئله مكرره و درجات المشاركه مره تساعدنا على رفع الدرجات ..
شيل فكرة الانسحاب من بالك وخلك جامد :19:
اتحدى نفسك .. واثبت للجميع انك قدها وقدود .. :27:
لا تيأأأأأس اليأس اول طريق الفشل
ولاتعلم زملائك بالعمل قول نجحت وانت فعلا نجحت وانتقلت مستوى ثاني
بس حملت مادتين
وربي يوفقك

خالد بن وليد
2013- 1- 19, 05:30 PM
بالعكس كمل ولا عليك انت راح تنتقل الى مستوى ثاني والي راسب فيها خليها بعدين احملها كمل والرسوب مو نهاية الطريق اهم شي التقدير مقبول ومافي انذار :7:

JASMENN
2013- 1- 19, 05:30 PM
ترا رسوم جامعتنا الاقل بين الجامعات الا الجامعه الالكترونيه اغتقد اقل مدري مو متاكده بس باقي الجامعات يجيك الترم الواحد مايقارب 4000 ريال
ونصيحتي لك شد حيلك اكثر وراح توصل لمبتغاك مو كل الناجحين شطار بالفطره اكيد بعضهم بالفطره وبعضهم بجده واجتهاده وانت جد واجتهد وان شاء الله ربي مايضيع تعب

دلع دلع
2013- 1- 19, 05:32 PM
والله ياخوي صارت الدراسه سهله
اذا بديت من بدري وراجعت الاسئله اللي قبل
وانا حسيت من كلامك انك قدها وقدود بس الشيطان بدا يسري بدمك
لا تترك المجال له ..
تعب اسابيع راح تلاقي ثمرتها الوظيفيه :16:
وادخل جمعيه واستمررررر لا تتركها :20:

عبدالله العـتيبي
2013- 1- 19, 05:43 PM
شكراا على تشجيعكم لي ... الاخت دلع دلع مافهمت وش تقصدين جمعيه ؟؟

عبدالله العـتيبي
2013- 1- 19, 05:44 PM
مشكورين .. بعد اذنكم رايح اصلي وارجع لكم ان شاءالله

لــ ع ـيونك
2013- 1- 19, 05:45 PM
اخوي تاج المملكة
صار لي 14 سنه متخرج من الثانويه مااداني شي اسمه دراسه واختبارات
والحين رجعت ادرس وان شاءالله نتوفق واصبر لاتستعجل بالقرار
وابشر تراني حملت الرياضيات:13: والقانون على الحفة 61 ههههه ربك ستر

فكر يالتاج انك على بند الاجور بكره يجي ترسيم راح تفيدك الشهادة نصيحه اخو 2400 ريال ماتضر اعتبرها قسط ولا صدقه

رذاذ العشق
2013- 1- 19, 05:45 PM
ياغالي لا تدع لشيطان طريق عليك لترك الجامعه السنين تمضي بسرعه اتذكر قبولي بالجامعه وكأنه قبل شهر من الإن واصل يا غالي انا بإول ترم كنت حامل ماده وكان معدلي 2.17 والحمدلله واصلت وحملت وكملت وانا الإن بالترم الرابع والمعدل مش ولا بد بس اهم شي الشهاده مع تمنياتي لك بالتوفيق والنجاح وإكمال دراستك

اغصان الشمال
2013- 1- 19, 05:47 PM
نصيحه كمل دراستك وشد حيلك
بالتوفيق لك

أبومااااااااازن
2013- 1- 19, 06:03 PM
تكفى لا تخلى الدراسه شد حيلك واشتهد وربك بيسرها والشهاااده سلاح .......
...... وزينها مع الله تزين .............

كلبوزه
2013- 1- 19, 06:06 PM
كمل دراستك مدامك انك شباب .. شوف غيرك ظروفهم اصعب وجالسين يناظلون
واذا على مركز الاختبارات ترى كل ترم يتغير

я α ω α ŋ
2013- 1- 19, 06:09 PM
السلآم عليكم .,~
أول شيء شوف نفسك حآب تكمل أو لآ لأن حسيت من ردودك إنك إنت مآ ودك تكمل مآعندك حمآس للدرآسه ثآني شيء إنك تحمل مآدهـ أو 2 مو نهآية الدنيآآ بـِ العكس هـ الشيء المفروض يعطيك دآفع إنك تشد على نفسك أكثر شوي وللمعلومية أنآ أول مستوى حملت مآدهـ وجآني أكتئآب لكن قلت لآ مآ بخلي هـ الشيء يوقف بطريقي ومآعآد حملت موآد بعد كذآ ثآني شيء مشكلة المبلغ على كلآمك إنت موظف موو يعني عندك رآتب وشوف إذآ كآنت شروط الضمآن الأجتمآعي موجودهـ عندك سجل فيه وهم يدفعون المبلغ عنك ثآلث شيء طريقك للأختبآر تقدر ترآسلهم يغيرون لك المركز وبعدين على الأقل إنت عندك سيآرهـ تروح فيهآ وتجي فيه بنآآت كثير يفقدون هـ الشيء ومعآنآة على مآيحصلون أحد يوصلهم فـ أحمد ربك إنت أحسن من غيرك .. ولآ تنسى الشهآدهـ الجآمعيه شيء مهم لـِ نفسك أولاً ولـِ وظيفتك ثآنياً فكر زين قبل لآ تسوي خطوهـ تندم عليهآ وموفق .. :16:

رزان عبدالله
2013- 1- 19, 06:16 PM
نفس كلام الاخوان .وقو عزيمتك وتوكل على الله

عبدالله العـتيبي
2013- 1- 19, 06:53 PM
تكفى لا تخلى الدراسه شد حيلك واشتهد وربك بيسرها والشهاااده سلاح .......
...... وزينها مع الله تزين .............
مشكورين جميعاً .... لكن اخوى ابو مازن وش قصدك بالجملة الأخيره !!!

عبدالله العـتيبي
2013- 1- 19, 06:58 PM
طيب متى نسجل المقررات ؟؟

ابتسامة تفاؤل
2013- 1- 19, 06:58 PM
الله يوفقك ويسعدك كمل وان شاء الله بتتوفق وتنجح واحمد ربك عندك مصدر دخل اجل احنا ايش نسوي الله يرحم بحالنا تقدر توفر مصروف الجامعه تصدق كل يوم بريال بنية رضا الله ونية البركه في الراتب والنجاح 30 الريال بالشهر ماتكلفك شئ
قليل دائم خير من كثير منقطع وبتشوف البركه وان الله بيرضي عليك ويوفقك
واترك الافكار السلبيه تخيل بعد كم سنه تترسم ومعك بكالوريوس او تبقي علي بند الاجور ايش الافضل ؟
الله يوفقك ويعوضك خير

الماسي نجد
2013- 1- 19, 06:58 PM
يارجال كككممممل

شفني الحين وصلت مسستوى 4


وانا احمل من ذا المواد

والامور ماششيه

الحمدلله

نصصيححه لك لاتفكككر تترك الدراسسه

يعني تبغى كل شي يجيك بالنوم


لازم تتعب


موفق

زهره55
2013- 1- 19, 07:03 PM
واصل الله يوفقك حتى انا راسبه في ماده بس ان شاء الله اتجاوزها
لا تياس ان الله على كل شي قدير

فارس الرومانسيه
2013- 1- 19, 07:04 PM
وعليكم السلام ورحمة الله وبركاته

تاج المملكه...وأتوقع التاج غالي مش رخيص
والغالي يكون قوي وشجاع مش ضعيف

ألف مبروك للناجحين جميعاً
وأنت بعد تنتمي لهم
وألف مبروك لك على نجاحك لبقية المواد اللي تعديتها

والمادتين اللي حملتهم ترى بسيطه
يعني تعديت بقية المواد وتجي تحاسب على المادتين
غيرك ترى أكثر من ماده ويستمر
وأنت تجي تقول مادتين
لاتنسى تقدر تدرسهم مره ثانيه
وانسى الماضي لاتذكره
وانسى ايامك بالابتدائي
خليها ذكرى طيبه مع الاصحاب الطيبين
ايام الابتدائيه يختلف عن الوقت الحالي
اول وين .... والحين وين

لاتقول انك مو شاطر؟؟؟
ترى الله عطانا عقل
وكل انسان عنده عقل يعني شاطر
بس متى يكون شاطر؟؟؟
اذا استخدم العقل بالشكل الصحيح
العقل السليم في الجسم السليم
وأنت سليم
ماشاء الله أسلوبك روعه مع طرح هالموضوع
وتعديت كل المواد الا مادتين
يعني أنت سليم
الحمد الله على النعمه

لاتخلي 100 كيلو تكون أقوى منك
ان شاء الله 1000 كيلو
خلك أنت أقوى لانك تمتلك عقل سليم

ترى التعليم و الشهاده مهمه جداً

أستمر وكمل حتى لو تحمل عشر مواد
بالاخير راح تنجح لانك راح تستفيد

الانسان لازم يخلي نفسه جاهز
لانه ممكن اي لحظه تحصل على وظيفه
على الاقل تقول معاي شهاده واقدر اقدم فيها

لكن لو نحمل ماده او مادتين او اكثر ونقرر نطلع
اليوم ماراح تحس فيها لكن لما يجي لك يوم تحصل على وظيفه
تقول آآآآآخ لو أني مكمل على الاقل تصير معانا شهاده ونقدم فيها

اما بخصوص الفلوس موضوعها بسيط جداً
كل شهر قرر توفر مبلغ بسيط خلال السمستر
ومع نهاية السمستر الا صار معاك مبلغ طيب
علشان تستمر في الدراسه
يحتاج لها ترتيب فقط من جهتك
ولكل مجتهد نصيب

اما بخصوص الشيطان
اعوذ بالله من الشياطين
اذا جالك الشيطان وحاول يغسل في عقلك
قوله:

على مين تلعبهــــــــــــــــــــــــا
على مين يا شــــــــــــــــــــيطان
عيوني في الجـــامعه مــــــركزها
ودراسه بتمسك فيها بالإحساس


خليك بطل ياتاج المملكه

بالتوفيق للجميع يارب

أخوك / فارس

عبدالصمد
2013- 1- 19, 07:06 PM
مثل ما نجحت في الابتدائي
ونجحت في المتوسط
ونجحت في الثانوي


اكيد اكيد اكيد تقدر تنجح في الجامعة

قوي عزيمتك يا اخي

وتوكل على الله وكمل الدرب اللي سلكته

واياك والرجوع للخلف

كلها اربع سنوات وتتخرج

وسوف تمر بسرعة

لو انك وقفت عند هذا الحد فانك سوف تتحسر بعد اربع سنوات عندما ترى زملائك قد تخرجوا

حينها ستقول يا ليتني واصلت الدراسة

اجتماعي
2013- 1- 19, 07:11 PM
ماراح تصدق لو قلت لك انني في اول ترم حملت مادتين مثلك تماماً بسبب الالتزامات وضغط العمل ... ولكن مع العزيمة والإسرار تجاوزت تلك الصعاب و انا الان بفظل الله عز وجل اصبحت في المستوى السادس والمعدل فوووق 4 اللهم لك الحمد ...

انت انظر قدامك ولا تنظر للخلف الي فات مات ولا تتكاسل وشد حيلك ولا تجلس مع المحبطين وصدقني كله كم سنه وتحمل شهادتك بيدك ........ الله يوفقك

عبدالله العـتيبي
2013- 1- 19, 07:18 PM
جميع الاخوان الذين ردو على موضوعي اشكركم وجززاكم الله خير على ردودكم وتشجيعكم وتفاعلكم الطيب وان شاءالله راح استمرر معكم باذن الله :14:

يزيد الدوسري
2013- 1- 19, 07:19 PM
الاجتهاد .. اساس النجاح .. شد الحيل والله يوفق ..
والظروف تتغير بلحظة .. مركز الاختبار مثلاً ممكن يصير قريب أذا فتح مراكز اختبار جديدة وهكذا .. الوضع المالي يتعدل إن شاء الله .
خذها مني أصعب ترم راح يقابلك في الجامعة الترم الاول وأنت تجاوزته حتى وإن كان نتيجة غير مرضية ..

يقول الامير عبيد بن رشيد .. أضرب على الكايد لاصرت بحلان وعند الولي وصل الرشا وانقطاعة .

بحـر الكـلام
2013- 1- 19, 07:21 PM
يالحبيب والله مو عذر هذا تراك حامل مادتين مو عشره يعني سلام سلام تشيلهم معك الترم الثاني وتنجح بتفوق باذن الله غيرك راسب باربع مواد ترا شد حيلك وخلي عن الكلام الي مايجيب نتيجه الدراسه والله سهله بس مشكلتنا حنا مانذاكر زين موفق يالغالي

رحيل عمري
2013- 1- 19, 07:21 PM
الشاطر من يتعثر ويتعلم من ذلك مو ينسحب من اول عثرات حياته
انصحك تواصل والله ماراح يخليك وهذي نصيحه لك من خراطيش قلبي
والله يوفقك وخلك جبل مو اي شيء يهززه

وبالتوفيق لك ونشوفك بالسمستر الثااني


:21::21:

همس الدواسر
2013- 1- 19, 07:28 PM
خذها مني نصيحه واصل وباخذ الشهاده بتقدير ممتاز

محمد عوض العازم
2013- 1- 19, 07:50 PM
اولا احب اشجعك على صراحتك واستشارتك وانا ساقدم لك نصيحه طالب في المستوى السادس

والمستوى الاول هو اصعب شي ومستوى ثاني اقل صعوبه ثم تنتقل للتخصص وانصحك تاخذ موادك في

المستوى الثالث واتكل على ربك وواصل وانشاء الله تبي تذكر كلامي والاجتهاد هو السبب المؤدي للنجاح

واهم شي التركيز على الدرجات المشاركه 30 درجه واذا كنت بالشرقيه اخذ الملخصات من مكتبه فجر على

شارع الامير نايف مقابل الكليه بدمام اتمنى النجاح

المالك الحزين
2013- 1- 19, 07:54 PM
العلم مغرس كل فخر فافتخر
واحذر يفوتك فخر ذاك المغرس
واعلم بان العلم ليس يناله
من همه في مطعم او ملبس
,
,
فلعل يوما ان حضرت بمجلس
كنت الرئيس وفخر ذاك المجلس :16::16:

مـ ع ــآنــد ..
2013- 1- 19, 08:41 PM
لكل جواد كبوه لاتنسحب

شد حيلك وان شاء الله تتيسر امورك خلك شجاع وكمل
لاتقول خجول من نفسك !!!
بالعكس انت بنظري ماشاء الله عليك مشيت في مواد
وتعثرت في ( مادتين فقط )
بعدين ماهو لازم تذيع للناس انك حملت مادتين
وزملائك في العمل مالهم اي دخل اذا بتسمع كلام الناس بتتحطم
نصيحت اخ كمل ولا تتركها مهما كانت الظروف

انا والله اني جايب العيد باكثر من ماده وللحين ماشف النتيجه بس مهما
حصل راح اكمل والله يوفق الجميع :1:

jooj_7
2013- 1- 19, 09:41 PM
كيف اعرف اني علي إنذار

عنفوان الاصايل
2013- 1- 19, 09:46 PM
انا اقول تعوذ من ابليس وشد حيلك الترم الجاي ولاتطلع وبعدها تندم وترجع تبي ترجع
قد الامور طافتك
لاتستلم لاول مطب بالطريقه هذي

بالعكس مفروض يكون لك دافع تجتهد اكثر
والله يوفقك:2:

مرشد سياحي
2013- 1- 19, 09:49 PM
لا للانسحاب

شهد المدينه
2013- 1- 19, 11:30 PM
اولا انصحك بالاستخاره وبعدين لا تحبط نفسك بالكلام انا موشاطر ولابعيد لالا تفكر زي كذا انتي ادعي الله يفتح عليك دائما وذاكر والله يوفقك

غيم الفرح
2013- 1- 19, 11:39 PM
لا لا تهبط في نفسك ومعنوياتك ترى ياما واجهتنا الحياة وياما كسرت مجاديفنا ومع ذلك مع الاصرار يجي النجاح

أنت توكل على الله وشد حيلك أكثر ضاعف الجهد ولاتنزل الا مواد سهله هالترم مع اللي رسبت فيها وإن شاءالله

تتعدل موفق أنت والجميع يارب .

Monalizza
2013- 1- 19, 11:48 PM
نصيحه لك وانا اختك حطيت رجلك بالطريق كمله واخرته مسره كمل ولاتحطم نفسك مادتين وش صار ماشفت نجاحك في باقي المواد والله ييسرلك امرك

البارقة
2013- 1- 20, 12:01 AM
احمد ربك بس حامل مادتين
فيه غيرك يحمل كل المواد ويجيه انذار ومع كذا متحمس يواصل
اعقلها وتوكل ولاتخلي الشيطان يغلبك تراك بتندم

NA3OOMA11
2013- 1- 20, 12:07 AM
لا تشيل هم كل بدايه تكون صعبه
كمل مشوارك
عادي انا اول معدل لي يختلف عن المستوى الي انا فيه 180 درجه
والي يحمل مادتين بالنسبه للاولاد كانه ناجح :3:

أمل سيتحقق
2013- 1- 20, 12:07 AM
يعنى الان الطلبة المسجلين في نظام التعليم عن بعد كلهم ظروفهم ممتاااااازة ؟!
الأغلب لديه عووووائق كثيرة من ناحية الانشغالات والرسوم والى غير ذلك وكثير يعانى من قلة الحفظ والتركيز !
لكنهم ماخلوها سبب لضعف عزيمتهم

لكن هناك سبب واحد يخليهم يتخطون الصعاب ويتحدونهاااااااا برغم كل شئ
الطموح
وبالطموح والعزيمة والأمل تذلل كل العقبات
أتمنى أن تعيد التفكير في موضوع الانسحاب

فيصل0
2013- 1- 20, 12:16 AM
السلام عليكم .... الف مبروووك لناجحين وناجحات وحظ اوفر للراسبين الى مثلى :39:
بصراحة خجلان من نفسي منكم ومن زملائي بالعمل ..:10: بصراحة انا ابغى اشهادة تحسين مستوى وظيفي علماً باني لسى متوظف وعلى بند اجور بصراحة الرسوم الجامعة متعبة لي وانا لسى باول ترم وحامل مادتين !! بصر احة افكر بالانسحاب لااني بصراحة مو شاطر بدراسة من يوم كنت طفل بالأبتدائي :22: وغيرر كذا مركز الاختبار يبعد عن بيتنا 100 كيلو وش رايكم انتم
شوف يالغالي أنا طلعت من الموقع وكنت بس قاري ععنوان موضوعك ورجعت على طول قلت أبغى أرد عليك ...
بصراحه أنا حصلت لي ظروف أول ماسجلت وتخيل من أول ترم بغيت أنسحب ولكن الحمد لله بفضل الله مانسحبت ،، وعديت الترم الأول والثاني مثل الحلاوه والحين أن شاء الله أخلص الثالث ــ وشنو المشكله لما تحمل ماده او مادتين ــ مدري لو انا حملت كم ماده الحين ،، المهم دامك بديت لازم تنتهي وصدقني مع الأيام وبعد ماتخلص بداية الأترام بتحس بطعم الدراسه وتطوير نفسك .. الله يوفقك دنيا وآخره وأتمنى منك ماتنسحب لو شنو

TAG~alghla
2013- 1- 20, 12:24 AM
انا عارفه انك اقوى من هالقرار
وانك بتكمل
من توبيك يبين هالشيء
الله يسعدك اخوي وييسر امورك
.....

مسك305
2013- 1- 20, 12:38 AM
مادتين احمد ربك انك نجحت بالباقي .. ولاتيأس عادي تحملهم وتقدم فمستوى اخر وبتنجح بس انت حط فبالك انك راح تنجح ولاتستسلم من اول شي يواجهك ف مشوارك ...
انا حمله مادتين ماعليه الحياه حلوه :17: وراح انجح فيهم بالمستقبل ان شاء الله :29:

عسله
2013- 1- 20, 12:41 AM
اللي يبغى الدح مايقول أح :8:

manon
2013- 1- 20, 12:46 AM
لا تقول كذا لنفسك ياخوي
بالعكس كمل وشد حيلك مالك الا الشهادة اهي اللي ترفعك بوظيفتك وتعينك ع دنياك
لا تتردد ابد وهينا بالملتقى كل شي متوفر من محتويات واسئلة العام و المراجعات
بس انت تابعنا ولا تستسلم

الله يوفقك ويهديك للصواب :16:

3looosh
2013- 1- 20, 12:47 AM
بصراحه الرسوب بمادتين صعب جدا , وبصراحه لو انا محلك سحبت عليهم .وبصراحه الرسوم مره عاليه بصراحه انا ما شفت مثلهم وبصراحه لا صرت كسلان وانت صغير معناتها بصراحه ما راح تمشي , بصراحه انت فله شد حيلك عشان بصراحه تعدي المادتين

ياحبك للصراحه :17:

موظف بالصحه
2013- 1- 20, 12:52 AM
زميلي بالعمل داخل الجامعة قبلي بمستوى وبأول مستوى جاب العيد بمادتين ونزلها مع مواد المستوى الثاني ( حذف بعض المواد طبعاً على شان الساعات ) وبالمستوى الثاني جاب العيد بـ 4 مواد ومع هذا ماشاء الله عليه مايأس وكمل ونزلها بالمستوى الثالث وعداها كلها واللحين ماعنده ولا ماده من المستويات السابقة وماشي على الخطة وأموره تمام ...

مع العلم أن عمره حول الأربعين وعنده بزارين وغثى بس ماشاء الله عليه مصر أنه ياخذ الشهادة ...

فلذلك الواحد يشد حيله ويتوكل على رب العالمين قبل كل شي وفالك التوفيق بالمستويات المتقدمة وان شاء الله تنجح وتحسن وضعك الوظيفي وترتاح ...

حياتي امواج
2013- 1- 20, 01:07 AM
:16:اهلا وسهلا بالجميع
مبرووك للناجحين
انا مثلك حملت ماده ..ومع ذلك مرتاحه وحامدة ربي سبحانة
ان شاءالله هالرسوب يعطيني داااااافع قووووي
وانتبه لنفسي أكثررر:16:

وداع الروح
2013- 1- 20, 01:08 AM
ندعمك واصل باي طريق
وبتكون الشهاده لك في الاخير عون مدى الحياه وبتعوض اللي خسرته بعدين

almohab
2013- 1- 20, 01:25 AM
لا حياه مع ال

Asmaa Ali
2013- 1- 20, 01:41 AM
أولا مسأله حمل مادتين وانك مو شاطر .. طيب ليه نجحت في باقي السته او السبعه مواد الباقيه .. اكيد لأنك شاطر ..
ثانيا بالنسبه لمسأله بعد المنزل عن مقر الامتحان ايضا ليس مبرر .. فتستطيع نقل مقر الامتحان الى اقرب نقطه ممكنه من منزلك، شئ اخر يعني هي ما جات على اسبوعين بتتعب نفسك فيهم شويه في الذهاب والعوده ..
ثالثا .. موضوع المصاريف ايضا حجه ليس لها اساس من الصحه ، فلله الحمد انت تعمل وتجتهد ويأتيك راتب ربما ليس كثير لكن هذا جيد والأفضل لك اكمال دراستك حتى لو كلفك كل راتبك فالعلم افضل من لا شئ

الملخص لما ذكرته انك تحبط نفسك بنفسك لا يوجد شئ ممكن يعطلك سوى الشيطان الله يخزيه .. توكل على الله واستمر وان شاء الله موفق خذ السلبيات التي حدثت لك اثناء مذاكرتك الترم الماضي وحاول تجاوزها وباذن الله بالتوفيق والنجاح في المستويات القادمه ..
الفشل ليس عيبا او حراما لكن حرام ان نفشل دون ان نتعلم من اخطائنا ...:29:

البارقة
2013- 1- 20, 01:47 AM
طول بالك واستمر انت احسن حال من غيرك
اللي يشوف مشكلة غيره تهون عليه مشكلته

أبوعمر26
2013- 1- 20, 01:53 AM
أخوي الغالي ،،

أذا تبي تحط أعذار من الحين فأنت خصيم نفسك من البدايه !
ماودي أحلف لكن الجامعة حلوووه ومناهجها مو صعبه وغير كذا نظام الأختبارات ودرجات المشاركه حلووه وتساعد الجميع .

أخوي الغالي ، شوية مجهود بس وشيل كل الأعذار من راسك وحط الترم الجاي نقطة أرتداد للأعلى أن شاء الله .

الله يوفقك ويوفقني وجميع الطلاب والطالبات ،

تحياتي لك ،،

ســــلآف
2013- 1- 20, 02:48 AM
الله يوفقك ولا تقول كذا وربي بكيتني
الله يعوض عليك بالعكس المفروض تجتهد وتثابر
علشان تحسن مستواك أكثر وتترك بند الأجور
أجتهد وصدقني راح تنجح وتكون أفضل مما تتوقع

غلا الجوري
2013- 1- 20, 02:56 AM
طالما عندك هدف تحسين مجال الوظيفه تحمل وادرس

وبالنسبه للرسوم وربي ما الومك مع ان الرسوم مو مره عاليه بس اكيد لما يكون الراتب محدود ومع هالحياة الصعبه بيكون شاق
بس اذا هالشهاده بتحسن مستقبلا وضعك المادي كمل انا وحده مثقلتني رسوم الجامعه ومسببه لي ازمه بحياتي لكن مصره اكمل لأني بكون مستقله ماديا مستقبلا بأذن الله

..R
2013- 1- 20, 02:59 AM
انصحك تستخير وبعدها قرر

الله يكتب لك الخير ولجميع المسلمين

:16:

norahtopaz
2013- 1- 20, 03:03 AM
مافي شي اسمه شاطر ومش شاطر

فيه شي تبي تذاكر وتشد حيلك باذن الله بتنجح

تبي تتعب شوي لاجل مستقبلك فانت في الطريق الصحيح

تبي تقنع نفسك بكلمات ( [بعيد ، ظروف ، انا مش شاطر ) بتحطم نفسك وبتخسر كل شي

انصحك كمل دراستك وماده ولا اثنين ماهي نهايه كل شي

والعبره بالخواتيم وانا اخوك كلامك سليم 👏
المفروض الواحد مايحطم نفسه مادخلنا الا نبي نطور من انفسنا وبمجال شغلنا ومافيه حلاوه من غير نار
والله يوفقنا جميعا

الجلاد
2013- 1- 20, 03:23 AM
الله يصلحك

أنا يمكن أعيد ترم كامل بسبب غيابي عن ثلاث إختبارات ويمكن أحمل مادتين

ولكن هذا الشئ بيقوي عزيمتي بإذن الله وراح أتغلب على الأخطاء السابقه

والأمور سهالات

أحمد ربك إنك تذاكر في بيتكم ومنت ملزم بالحضور

الله يوفقك

سحابة نجد
2013- 1- 20, 03:28 AM
كنت مثلك العصر انصدمت صدمه وكرهت الدراسه
ايش كان سويت انت لو 8 مواد كلها a , a+ وماده +b
وطبعا ماده كريهه اخذت فيها f يعني راسبه جايبه 57 ناقص 3 درجات والسبب لاني مااجتهدت فيها صراحه وبسبب ضغط الجدول .
والاهل جايبين لي كيكه وحركات وانا ساكته وماخبرتهم بالحقيقه :31::35:
وعلى العموم الحمدلله
يمكن خيره
اخوي لا تيأس اسهل دراسه وانت لسه صغير اسمع المحاضرات بدري وشوف المراجعات هنا بالملتقى
والله يسهل عليك
لاتفكر بالخساير اللى دفعتها اعتبرها قيمه جوال او اي حاجه اشتريتها ورميتها
وبالتوفيق لك :16:

الحنان2
2013- 1- 20, 04:30 AM
وانا أختك الرزق علي الله لا تشيل هم الفلوس كمل هذا انا بيت وأطفال ومسئوليه ماله اخر نجحت وحملت ماده الاداره حسبي الله ونعم الوكيل :3:كان مصعب الاسئله بس راح اكمل أسهر طول الليل اجلس آذاكرالناس تنام وانا ابذل جهد لان ثقتي بالله عظيمه الله يوفقك ويسير امورك:33: الاجتهاد سراً لنجاح بعد الثقه بالله سوف تجد ما يرضيك بإذن لله

سوآآح
2013- 1- 20, 04:40 AM
هل انت فاشل .. !
انا حملت مادتين لا لا لازم انسحب انا ضروفي صعبه انا .. انا .. انا < الشيطان من يوسوس لك

طيب انت حملت مادتين ونجحت ب ثلاث < ما اتوقع انك فاشل ..!

لاتحبط نفسك اخي الكريم لو احمل جميع المواد راح اكمل

ترا انت موظف ..!
غيرك عاطل واكل هواء ..!

سوآآح
2013- 1- 20, 04:41 AM
وانا أختك الرزق علي الله لا تشيل هم الفلوس كمل هذا انا بيت وأطفال ومسئوليه ماله اخر نجحت وحملت ماده الاداره حسبي الله ونعم الوكيل :3:كان مصعب الاسئله بس راح اكمل أسهر طول الليل اجلس آذاكرالناس تنام وانا ابذل جهد لان ثقتي بالله عظيمه الله يوفقك ويسير امورك:33: الاجتهاد سراً لنجاح بعد الثقه بالله سوف تجد ما يرضيك بإذن لله



كلام جميل .:2:

ريم 2012
2013- 1- 20, 04:42 AM
مافي انسان طلع من بطن امه عالم:34:

كنت حاطه في بالي ماده بحملها ميه باالميه نزلت لها وانا مغمضه عويناتي وشفتها

ماتوقعت ذي الدرجه وانا حاطه في بالي احتمال احملها من ضمن المواد الي لخبطت فيهم

جبت ماشاء الله a+ يعني مافي شي بعيد عن الله اذا على التكاليف لاتاخذ مواد كثيره

خذ اربعه خمسه بس

وموفق اخوي الفاضل:21:

مشاري الدهمشي
2013- 1- 20, 05:08 AM
كمّل درآستك تتعب 4 سنوات ولا تتعب طول حياتك

إضافه إلى انه علم وتحقق شيء لذاتك أنك تكون حامل شهادة بكالوريوس

الجد والإجتهاد هو من أعمدة النجاح فالسنين تمشي كالمح البصر

أدرس وثابر وبإذن الله تحصل على مرادك وطموحك في العلم والحصول على شهادة تفيدك في مجتمعك

العصفوره
2013- 1- 20, 10:54 PM
انا كمان حمممملت مادتين وافكرررر انسسسسحب:12::18:

وررربي تحطططمت :5:

أبومااااااااازن
2013- 1- 22, 02:43 AM
مشكورين جميعاً .... لكن اخوى ابو مازن وش قصدك بالجملة الأخيره !!!


اولا / اخوي المعذرة توي اشقر على المنتدى واااسف جدا على التأخير ...
ثانيا / كل ما اقصد اننا مقصرين وانا أولكم في كل شيء مثل .. تأخيرفي الصلاه واهمال الاذكار وعدم المحااافظه على السنن وقيااام الليل الصدقه لو بالقليل وغيرها نسأل الله ان يرحم حالنا .....
ثالثا/ اسف جدا جدا جدا اذا ازعجتك أو ازعلتك ...................
رابعا/ لا تسحب على الجامعه والله يقويك.

............... تقبل مروري ...................