خطأ في تصحيح الاختبارات

[سكندر]

السلام عليكم
اول شي الف مبرووووك للناجحين وان شاءالله مافيه احد راسب

والشي الثاني لا حظت ومتأكد فيه خطأ في التصحيح انا مستوى سادس واختبرت مادة ادارة عامة ومتأكد من حل 50 سؤال واختبرت مادة التوريد وكنت ادور درجة النجاح
ولما طلعت النتائج لقيت مادة الادارة العامة جايب بالاختبار 37 من 70 ومادة التوريد 60 من 70 فيه بعضكم بيقول الحمدالله 60 درجة في القانون التجاري ولا كنت احلم فيها صح كلام جميل لكن اللي ابي اقوله مافي الجامعه دقه في تصحيح الاختبارات وهذا الشي مو بصالحنا وهذا الكلام مو منطبق علي لاني سمعت هالكلام من اكثر من واحد صارله نفس اللي صارلي

تحياتي

[cc200]

عاد الفريدان يقول أنها تمر على ثلاث أجهزة وأن التصحيح دقيق جدا

[النادره]

:39:

[kjhk1122]

اقتباس
واختبرت مادة التوريد وكنت ادور درجة النجاح



انا مثلك في كل اختباراتي وان شاء الله تكون فوق ال50 بس

[مقام العز]

كل شئ جائز لا تستبعد شئ

والفريدان من حقه كـ مسئول انه يبرر موقفه من هالشئ بالكلام هذا

والله انا وهو انا لو عندي زريبة غنم وجاء احد يشتري من عندي

بقوله ترا الاكل من عشب الطبيعه ومن الجبال والصحراء الجميله

ابد مو برسيم مستورد لا وغاالي بعد << الظاهر اخرتها حوش غنم ابرك لي لووووووووووووول

الراس وصل 2000 << قيمة مستوى دراس يإلا شوي هههههههههههههه

معليش اخوي شطحت في موضوعك وصرت اخاف بكل موضوع افتحه او ارد فيه يتقفل :39:

مدري وش ذا الحظ النحسس :26:

[عسجـــد]

يمكن في اختبار القانون التجاري عطوكم درجات تعويض، والله أعلم

[ابو جنااا]

??????

تتوقعون

شكلي بخليهم يعدون تصححيح موووادي

[fofo19]

اما مافي احد يصحح اجهزه تصحح لكم وليه وش وظيفتهم هم وشوله ياخذذون رواتب على الكرسي اللي يجلسون فيه

[MR.SALEM]

ملعوب بالدرجات
ولكن
من تقاضي وخصمك القاضي

[مقام العز]

1325 (الأعضاء 360 والزوار 965)

:31:

هههههههههههههههههههههههههههههههههههههههه

الله يوفقكم وينجحكم كل ابوكم :31:

[ثامر الخريجي]

يقولون انها تمر على ثلاث اجهزه

وهم صادقين

الجهاز الاول يقال انه من الحرب العالمية الاولى كان يرسلون فيه رسايل بين الجيوش
وخرب ومع الوقت قلبوه فرن تطبخ فيه وحده اسمها سميحه ثم اخرتها صار جهاز تصحيح

الجهاز الثاني واحد يغسل البايلات للدكاتره بنغالي اسمه خنشير وللذمه تراه يصحح قلم احمر

اما الجهاز الثالث فهو مثل جهاز اليناصيب يدووووووور واخرتها يوقف وهذي هي درجتك


يارجال مصدق والله لا جهازي ولا جهازك

هو جهاز واحد ويتعطل في السنه خمس طعش الف مره

لدرجة ان الشركة المصنعه رحمتهم وناوية يتقاطون لهم بجهاز جديد

يارجال خلها على ربك بس

[فهد التميمي]

قالوا الطلاب مية الف وقلنا يالله نعين ونعاون ومتئ ماطلعت النتايج تطلع.. طلعوا النتايج ناسن شافت نتيجته وناس لياالحين وهي ضااغطتن على اف خمسه تدور النتيجه لحووول الله قلنا نبي اخر الليل ونشووف وش الووضع طلع علينا الصبح و لاحصل نشوف شي والمشاركات مخفوسن به .. والتصحيح غلط .. وحالتهم حاله .. ياااحساافة بس اسم فيصل بهالجامعه الي اكبر همه جمع الملايين ..

[فهد التميمي]

[quote=ثامر الخريجي;8109285]يقولون انها تمر على ثلاث اجهزه

وهم صادقين

الجهاز الاول يقال انه من الحرب العالمية الاولى كان يرسلون فيه رسايل بين الجيوش
وخرب ومع الوقت قلبوه فرن تطبخ فيه وحده اسمها سميحه ثم اخرتها صار جهاز تصحيح

الجهاز الثاني واحد يغسل البايلات للدكاتره بنغالي اسمه خنشير وللذمه تراه يصحح قلم احمر

اما الجهاز الثالث فهو مثل جهاز اليناصيب يدووووووور واخرتها يوقف وهذي هي درجتك


يارجال مصدق والله لا جهازي ولا جهازك

هو جهاز واحد ويتعطل في السنه خمس طعش الف مره

اي اجهزه واي بطيخ .. ماعندهم الا الخرررطي ... يدبلووون كبودنا لياا بغووو القسط .. انا اصلن من شفت دكتور الاخلاق الاسلاميه يكذب ويقوول الاسئله الي يشوفهن يضحك من سهولتهن . واخرته لو يجي بروفسور عشان يحلهن مايقدر وانا غاسلن يدي ... وتوقع اي شي

[سـّـوِيرآڽ]

حتى انا شاكه بمادتين بس بعد ما شفت كلام العميد الفريدان بتويتر

قلت اقضبي ارضتس يا بنيه / الرجال متأكد من كلامه

بس للحين منقهررررررررررره احس درجتي مفروض اعلى من اللي انرصدت لي :12::12:

[سكندر]

يامعين
الله يعدي هالسنه على خير