مشكلة الموقع في الباندويث - Bandwidth - معلومة للفائدة

[معيض]

السلام عليكم ورحمة الله وبركاته

أسعد الله أوقاتكم بكل خير

وألف مبروك لكل اللي نجحو .. والله يعين اللي حملو أو اللي ماشافو نتايجهم

طبعا كلنا نعاني حاليا من موقع النتائج وشفت الكثير يقول اطلعوا ياللي شفتو النتايج علشان نشوف نتايجنا واللي ينتظر وقت ماهو وقت ذروه للمتصفحين

المشكلة بكل بساطه هي في ال Bandwidth وهو كمية البيانات المسموح تداولها على عنوان موقع في اليوم الواحد

يعني لما انت تسوي موقع جديد وتطلب من شركة استضافه انها تستضيف موقع يعطونك خيارات عن حجم ال Bandwidth المطلوب والمتوقع ان زوار صفحتك يستعملونه بشكل يومي وكل حجم وله سعره

ممكن اشبه ال Bandwidth بالمبلغ المسموح لك سحبه من مكينة الصراف في اليوم .. فالمسموح لك 5000 فاذا سحبتها كلها يبيلك تنتظر 24 ساعة الظاهر لين يسمح لك مره ثانية

قس على ذلك ال Bandwidth لموقع النتائج .. لك كمية محدوده بعيدن يعلق الموقع لين موعد التصفير اليومي .. عاد الله اعلم متى يصفرون العداد الشركة الكة المستضيفه لموقع الجامعةز


في الختام: اتمنى من الجامعة تشترك ب Bandwidth مفتوح لا يتأثر بكمية دخول المستخدمين حتى لا نتضرر في مثل هالايام النتايج وتنزيل المحاضرات

أتمنى اني قدمت لكم معلومة مفيدة

دمتم بخير

[3looosh]

الله يعطيك العافيه

يمكن تفكنا من المواضيع اللي

قلبوها شات كتابي


ويتفهمون الوضع

والضغوطات التي يواجهها سيرفر الجامعة



تقبل مروري


ع ـــــلوش

[ابو الفيصل]

يعطيك العافيه

[مدام الفهد]

شكرا لك على هالمعلومة
الله يكون بالعون
ان شاءالله ماتتكرر هالمشكله بالمستويات القادمة

[بوح نبضي]

ورا مايوظفونك الجامعه معهم شكلك افهم منهم بهالامور :23:


صاحين هم عندهم اكثر من مليون طالب وطالبه ويحدددون عدد معين :32:

[Abdulmohsin]

الله يجزاك خير على المعلومه وغباء من الجامعه انها تشترك بحد معين

[طالب الرس]

يعطيك العافيه على التوضيح
صار اكثر من مره بمواقع التوظيف مثل الامن العام والجوازات وغيره كثير بحيث يدخل أعداد هائله على رابط واحد بوقت واحد , ويحدث هذا الخلل
ويتم تجاوز هذه المشكلة عن طريق الدعم الفني اتوقع وبوقت قياسي اذا طول بالكثير ثلاث ساعات تقريباً
مشكور اخوي على الفائدة اتمنى تنحل المشكلة قريب ويفرج هم المهمومين

[ABU YUMMNA]

اسمح لي اقولك .. مو صحيح ... لان الموقع الان شغال .. وفقط النتائج هي الي ما تفتح ..
ولو ان المشكله مثل ما تفضلت .. كان الموقع كله ما فتح معك ... وليس لاين واحـد

[cocktail]

شرح مبسط ورائع

جوزيت خيراً
:16:

[saad hajri]

الي متى طيب؟!

[ابو همس ..]

لزوووووم نعلم الشيخ

[MLK]

:3: :17:

[bader11]

الله يعطيك العافيه



يمكن تفكنا من المواضيع اللي

قلبوها شات كتابي


ويتفهمون الوضع

والضغوطات التي يواجهها سيرفر الجامعة



تقبل مروري





ع ـــــلوش


يا اخي ما ادري ليش تحسسسني بعد كل رد لك انك ولد احمد النجار :5:

والمشكلة انك مستوى اول !!

[معيض]

اسمح لي اقولك .. مو صحيح ... لان الموقع الان شغال .. وفقط النتائج هي الي ما تفتح ..
ولو ان المشكله مثل ما تفضلت .. كان الموقع كله ما فتح معك ... وليس لاين واحـد


المواقع الكبيرة ماتحط رابطها لموقع واحد .. ولكن تجزأه الى مواقع مستقله وموقع النتائج يعتبر موقع لحاله علشان لو صار شي زي اللي صاير الحين مايطيح الموقع كله

[رايق2006]

من الساعه 7 بعد المغرب الى الساعه 9 صباح وانا عل اعصابي ما فتح الموقع والنوم طار والواحد متوتر ما يدري ناجح ولا متعثر يا رب لطفك ورضاك والجنه . الله يهديكم يا جامعتنا مالنا ومال حرق الاعصاب

[برامج]

يعني ماراح نشوف النتائج الا اليوم العصر
:7:

[غيم الفرح]

صراحة المفروض يسووون الموقع يتحمل سته مليون متصفح لسبب بسيط إن كل طالب أو طالبة يتحول لـخمسة

متصفحين من زود التمقل في نتيجته والبقاء في الموقع رغم إن الضعيف ماراح يصير ممتاز :5:

يعطيك العافية أخوي

[norahtopaz]

شكرا على التوضيح

وحسبي الله ونعم الوكيل

[لااعلم]

ناس تقول المشكلة من هنا وناس تقول من هنا


وكنا نبي نروح حنا نصلحه


جعله لاتصلح العمر كله ماعلينا منهم حنا نبي نتايجنا وموقعهم يصلحونه بمعرفتهم وعلى اقل من مهلهم



اجل لو تأخرنا بالدفع حرمونا من دخول الاختبارات وهم عادي يتأخرون بكل شي




رجاء لا عاد احد يقول الخراب من هناك والعطل من هنا



حنا موعمال صيانة حنا طلاب والزم ماعلينا نتايجنا وبس



قرمبعاتهم يدبرونه هم مو حنا



قسم بالله وصلت معي ومايردن الا مكافحة الفساد


اجل من البارح عجزوا يتصرفون كلن حط راسه على مخدته ونام وحنا مقابلين هالأجهزة


تقل بنخترع الذرة

[منصور الشريم]

^^
وين تعليم مطور وعن بعد والموقع سيء للغايه حتى بأيام المحاضرات المباشره ما يفتح

ترا انتم قاعدين تدفعون رسوم وفيها تفيدكم الشهاده وفيهالا ومن ابسط حقوقنا انو يكون هناك دعم على مدار 24 ساعه للموقع التعبان هذا ..او على الاقل ان كان ما تفضل به الاخ صاحب الموضوع صحيح على الاقل يرفعون الحد الأتماني حقهم http://www.ckfu.org/vb/images/ashwqsmile/5.png

همهم بس شفط الدارهم بأي وسيله

[نوف بنت سعود]

وش تقولون انتم الحين :6:

[جبرني الشوق]

هكرز الي خرب كل شي :37:

[أبان]

يبدو أن هناك محدودية لعدد المستخدمين الذين يدخلون بنفس الوقت على قاعدة البيانات


http://www.dbforums.com/oracle/979566-sessions_per_user-oracle.html (http://www.dbforums.com/oracle/979566-sessions_per_user-oracle.html)

[فرانكو كولومبو]

شرح مبسط ورائع

جوزيت خيراً
:16:

اين كنت يا صديقي يا كوكتيل ههههههههههه

[نديم الامس]

المشكله هذه صارة العام وقة تحميل المحاضرات من البلاك بورد وصبح من الصعب الدخول من الضغط لكن الجامعه وظعة ايقونة ثانيه التعليم الافتراضي وحل مشكلة الضغط وممكن الان تحلها بوضع ايقونه ثانيه لتخفيف الضغط

[AZIZ999]

سيرفر هالمنتدى ماشاء الله احسن من حق الجامعة

شوف عدد اللي داخلين الحين بس ومن قبل ايام الاختبارات

وجامعة دخلها ملايين تعجز عن سيرفر مثل اليوتيوب والا الفيس بوك وغيرها

[Sultan Mohd]

يبدو أن هناك محدودية لعدد المستخدمين الذين يدخلون بنفس الوقت على قاعدة البيانات


http://www.dbforums.com/oracle/979566-sessions_per_user-oracle.html (http://www.dbforums.com/oracle/979566-sessions_per_user-oracle.html)


الباندويث ليس له علاقة بالتحميل
لذا لا نرى هذا العطل إلا في حال ظهور النتائج
والباندويث مرتبط بمحدودية الزوار في الثانية

ما كتبته ربما يكون صحيحاً
ولكن حسب معلوماتي المتواضعة

الباندويث = عدد الزوار المستخدمين للموقع في الثانية
ما حصل لموقع الجامعة :
وليس له دخل في الباندويث حالياً
ربما سبب العطل في البداية هو الباندويث
ولكن الان
هو عطل أو ايقاف الدخول على الخدمات الطلابية
لكون الصفحات الرئيسية تفتح للمستخدم
وعطل الباندويث يكون للموقع أجمع ..

هذا والله أعلم

شكراً للطرح

[طالب الرس]

صراحة المفروض يسووون الموقع يتحمل سته مليون متصفح لسبب بسيط إن كل طالب أو طالبة يتحول لـخمسة

متصفحين من زود التمقل في نتيجته والبقاء في الموقع رغم إن الضعيف ماراح يصير ممتاز :5:

يعطيك العافية أخوي

هههههههههههههههههههههااي اماا يتمقل حلوه
الله يعينك يارب شكل الاخلاق قافله

[TAG~alghla]

ههههههههاي بعض البشر تونس
ماقول الا
لاحول ولاقوة الابالله
اللهم لك الحمد كما ينبغي لجلال وجهك وعظيم سلطانك
.......

[عبدالكريم مسند]

:42: خلاص علمن وين أحصله هالبآندوث وبجيبه لهم
بكسب بهم أجررر

[DKNY]

تبغى تقول ان الجامعة تاخذ مساحة من شركات اجنبية و لا عندهم سيرفر خاص بالجامعة موجود في الجامعة؟؟؟
اعتقد فيه امر حكومي ان تكون سيرفرات الجهات الحكومية داخل المملكة
عموما ممكن انهم يستعينون بسيرفر محترم (حتى لو اجنبي) فقط لانهاء هذه المشكلة المؤقته
و يتعلمون مستقبلا ان اعلان النتائج ما يكون على سيرفر ابو رخيص

[DKNY]

بس عجبني تشبيهك للباندويث بالصراف

[أبو حور]

الباندويث يستخدم للمواقع الصغيرة اللي تشترك مع اكثر من موقع على نفس السيرفر

بالنسبة لموقع الجامعة مجزأ على اكثر من سيرفر وكل سيرفر له اتصال خاص فيه

الباندويث اللي يبغى يعرف وش سالفته

هو كمية البيانات اللي يسمح بها اتصال السيرفر بالنت

مثلا سيرفر متصل بالنت بسرعة ١٠٠ ميغابت في الثانية
الداونلود راح يكون سرعته ٢٠ ميغا والابلود في افضل الحالات مثل الداونلود ٢٠ ميغا

٢٠ ميغا في الثانية يعني الدقيقة ١٢٠٠ ميغا في الدقيقة يعني ٧٢ غيغا في الساعة

اذا في ساعة واحدة دخل الموقع ٧٢ الف متصفح وكل واحد استهلك ١ ميغا راح يسببون ضغط على الموقع ويقفل

افضل اتصال للسيرفرات في العالم هو ١٠ غيغا في الثانية

وهذي السيرفرات موجدة في داتا سنتر في امريكا وكندا وبعض دول اوروبا وسمعت ان الامارات عندهم داتا سنتر يوفر هذي السرعة والسعودية يقولون عندنا داتا سنتر بسرعة ١٠ غيغا وانا اشك بالشي ذا

عموما يعتبر في عالم التقنية اغلاق موقع جامعي بهذي الطريقة فضيحة عند الغرب ( لأنك انت اللي تعلم الطلاب كيف يحلون مشاكل الموقع وعلى اساس عندك اساتذة البرمجيات وتقنية المعلومات وفي النهاية موقعك يقفل )
هذا يعطي انطباع على ان مستوى تقنية المعلومات في الجامعة متدني جدا

عموما ان شاء الله تحل المشكلة في اسرع وقت



تحياتي لكم

اخوكم ابو حور

[منصور الشريم]

عموما يعتبر في عالم التقنية اغلاق موقع جامعي بهذي الطريقة فضيحة عند الغرب ( لأنك انت اللي تعلم الطلاب كيف يحلون مشاكل الموقع وعلى اساس عندك اساتذة البرمجيات وتقنية المعلومات وفي النهاية موقعك يقفل )
هذا يعطي انطباع على ان مستوى تقنية المعلومات في الجامعة متدني جدا

عموما ان شاء الله تحل المشكلة في اسرع وقت



تحياتي لكم

اخوكم ابو حور
الله ينور عليك .... والمشتكى لله

[BayanFJ]

الزبدة متى بشوف نتيجتي؟
اول واحد شاف نتيجته كم كانت الساعة؟

[أمنية أحمد]

:16:

[mo7ammo]

الله ينور عليك يا باشا

شكرا

[كلي خير]

يارب فرجك

[يزيد956]

مشكور

[عمر العتيبي]

حتى المستجدين ماسلموا من المشكله

http://del.kfu.edu.sa/entisab_app/new_std/



....

على قولتك لو في الغرب صار مثل اللي صار معنا كان طردوا مدير الجامعه ونائبه وسكرتيره وفراشه وسواقه والبواب وكل عايلته وكل اقرباءه وحاكموهم بسبب الاهمال :32:

[BayanFJ]

التويتة اللي نزّلها الفريدان عن إعلان النتايج
كانت الساعة 3:13 العصر.

#تمسون على خير :rose: .. اشوفكم العصرية « موقّتة المنبّه :(

[عمر العتيبي]

انا اتوقع انهم من عطل الروابط - لاصلاح المشكله

[وائل خضر]

عندي سيرفرات وأشتغلت عليها سنين

للتوضيح المشكله مالها علاقه بالترافيك/او الباندويث ولو تم إستنفاذ الباندويث راح تظهر رسالة مباشرة من السيرفر بهذي المشكله Bandwidth Limit Exceeded

المهم المشكله الموضحة بقواعد البيانات

يمكن تذكرون درسنا قواعد البيانات أكسس ياكلية الآداب وماعطونا الا السهل والسيء :)

طبعاً هنا تختلف من اوراكل وتركب على المواقع فرع منها يسمى mysql وهي الأقوى والأفضل طبعاً

المشكله من كثرة الإستعلامات وحلها بعدة طرق وعن طريق الدعم الفني وبوقت قصير

فلو يعطوني بيانات الشل كان سويت لها اصلاح وخلصتكم من الهم :)

[خالد الطويلعي]

شكراً اخي العزيز بارك الله فيك

[همتي عالية]

الباندويث :19:

[همتي عالية]

عجبني المسمى

المهم اصبروا عطوا نفسكم مجال الى يوم الجمعه قبل الدراسة بيوم .. وامر الله من سعه

وش هاللجه .. على النتايج ذكرتوني ايام الابتدائي لما نزدحم عند باب المدرسة المستأجرة
الطالبات مدري كم والباب صغير .. ونتراعص عند الباب لين ندخل بس عشان ناخذ الشهادة:5:

[عنفوان الاصايل]

ياصبر الارررررررض بس :18:

[معيض]

عندي سيرفرات وأشتغلت عليها سنين

للتوضيح المشكله مالها علاقه بالترافيك/او الباندويث ولو تم إستنفاذ الباندويث راح تظهر رسالة مباشرة من السيرفر بهذي المشكله bandwidth limit exceeded

المهم المشكله الموضحة بقواعد البيانات

يمكن تذكرون درسنا قواعد البيانات أكسس ياكلية الآداب وماعطونا الا السهل والسيء :)

طبعاً هنا تختلف من اوراكل وتركب على المواقع فرع منها يسمى mysql وهي الأقوى والأفضل طبعاً

المشكله من كثرة الإستعلامات وحلها بعدة طرق وعن طريق الدعم الفني وبوقت قصير

فلو يعطوني بيانات الشل كان سويت لها اصلاح وخلصتكم من الهم :)


مو لازم تطلع رسالة الباندويث استنفذ ..

وكلامك ممكن صحيح دامك تعرف بقواعد البيانات

يعطيك العافية