المواقف هي وحدها تظهر معدن الانسان ،، تأخير النتائج أثبتتها

[ashoog]

صباح الخير للجميع اخواتي واخواني
مهما كان سبب تاخير النتائج ما يوصل لحد السباب والشتم والدعاوي اللي مالها حدود
صحيح ان الجامعه اخطأت باعلانها عن ظهور النتيجه وتفاجأنا نحن بان الموقع معلّق وبعضهم ظهرت لهم وأغلبهم الى الان لم تظهر له ولا زال في توتر في الاعصاب والنفس
فأهلاً وسهلاً بالنقد البناء الذي يبني ولا يهدم ونرفض عن السباب والشتائم التي لا ينبغي لطالب علم ان يتلفظ بها فضلاً عن اننا مسلمين فالرسول عليه السلام لم يكن سباباً ليكن قدوتنا واستغلو اوقاتكم بذكر الله




للمعلومه انا الى الان لم ارى نتيجتي فأسأل الله ان يكون خيرا هذا التاجيل ووحده القادر الذي صبرنا ثلاثة اسابيع قادر على تصبيرنا ساعات سبحانه


اتمنى وصلت المعلومه بالشكل المطلوب
وموفقيـن


،،

[أكاديمي مخربها]

تسمعون بالنقد البناء والنقد الهدام

الشي الحلو الناس تنقسم عليه مو الشي اللي تحت الواطي

[بوح نبضي]

ياصباح المطبلوووووووون :17:



انقد نقداً بناءاً او نقداً هداماً لن يجدي


لذلك اللي يتولو امر ماهو قده ولا قام فيه خير قيام يسسستاهل ماجاااه

مادعينا من الباب للطاقه فيه سببب مقنع خلانا نفقد اعصابنا وكل انواع الدعوات دعينا فيها :17:

[أورانوس]

عزيزتي .. موفقه خير ..

مشكلة النتائج ليست كبيرة .. المشكله في ان الجامعة لم تكلف نفسها بتطوير الموقع بشكل يكفل سرعة التصفح ..

وزيدي على ذلك .. يعلنون عن اي نجاح مهما كان صغيراً .. وبالمقابل .. مشكله كهذه تغيب عن المسؤولين وكأنه لم يحدث شيء ..

هذا سبب الغضب .. ولا نقول شتم .. بل غضب عارم ..

كأنك تحادث احدهم تريد حاجتك .. ويدير ظهره لك كأنه لم يسمعك ..

هنا .. مربط الفرس ..

دمتي مبجله .. وفقنا الله جميعاً .. للنجاح الدائم ..

أورانوس ..

[مازن اليامي]

يااخت عشوق مالوم بعض الطلاب لانو كل سمستر كذا؟ يعني هذا يدل على اهمال واستهتار ادارة الجامعه بالطلاب

[المنفذ]

هلا بك اختي زميلة الدفعه *_*


لكن صدقيني ترى الموضوع بسيط والجامعه مو متعبه نفسها

شوفي المنتدى الحين الموجدين فيه كم ( الطلاب والطالبات المتواجدون الآن (http://www.ckfu.org/vb/online.php): 2572 )

وماشاء الله المنتدى مفتوح زي الحلاوه

فالمفترض ان الجامعه تستعين بخبراء المنتدى اذا مايقدرون يطورون هم انفسهم

وموفقين

[AZIZ999]

جربي تتأخرين عليهم بسدد الفلوس وشوفي وش يسون لك

وحنا من حقنا يكون عندنا موقع سريع ومايعلق

[لااعلم]

بالله غير تخلون الفلسفة والمعادن والصحون



كلن بعقله راضي ومايمدح السوق الا من ربح به



لو عايشين لحظات القلق الي عايشينه من السابعة7 البارح لهالحين ماتفلسفتوا



وبعدين خل ندعي وخل نسولف وش حارق رزقكم



حتى الشي الي يوسع صدورنا بتصادرونه



عالم مثاليات على الفاضي

[كلي خير]

الله يعين مفروض يعدلونه شوي
عسى يعدلون الدرجات شوي
نقصو درجه الفصليييه :36: انا متاكده منهم كلهم

[كلي خير]

الله يعين مفروض يعدلونه شوي
عسى يعدلون الدرجات شوي
نقصو درجه الفصليييه :36: انا متاكده منهم كلهم

[Inspirational]

مع احترامي لك نوعية الناس اللي مثلك واللي ترضى بقليل هي سبب في فشل نظامهم !
يعني احنا في 2013 !
الجامعه من آكبر جامعات في ممملكة العربية السعودية
هذا غير الميزانية !؟

هل جربت مره تدخل مواقع لجامعات عالمية علشان تشوف الفرق !

[far7an]

انا مو من طبعي السب ولا الشتم

والناس الي صايله على الامر

مجرد توتر لا اكثر ولا اقل


الله يهداهم بس

[غيم الفرح]

عاد من زين النتايج نعصب علشانها الله يستر بس :5:

[TAG~alghla]

لاحول ولاقوة الابالله
.....

[ashoog]

كل واحد ورأيه الشخصي << احترمه ومقدره الوضع لكن وحده بوحده ما تنفع
مثل انتفاضتكم في الساعات الماضيه
انتفضو زيها ولكن بأدب بمراسلاتهم ولو يجتمعو الشباب ويقررو ويحددو يوم ويروحون للجامعه
والاخوات بالتواصل بالرسائل او الجوال وتكون بصوره ثقافيه وحضاريه وما كان اللين في شيء الا زانه
وهذه حقوقنا كطلبه بان يكون هناك تطور في الموقع سواءا الخدمات الطلابيه او البلاك بورد
وموفقين

[ABU YUMMNA]

هههههههههههههههههه
يا حليلتس بس ....

الا .. الحين وراهم ما يرسلون لك النتجية تلقائيا عبر البريد الالكتروني
وبالتالي
يفتكون من الاحـراج و هالحوسه .. والناس الي رايحه وجايه على الموقـع ...

[عبدالكريم مسند]

ماتقوم به الجآمعة هو من وآجبآتها كجامعة حكومية وجدت لخدمة الموآطن
إلا إذا كان هي آخر الحقوق المسلوبة ... !!
فحينما تعمل فهو وآجب عليها وحينمآ لاتعمل فهي أخلت بوآجبتها فُحق لنا أن نقومها ونعدلها بالنقد ويندرج تحت النقد أنواع عدة منها النقد الهادف والنقد البناء والنقد الكآركتيري والنقد الساخر ...،
أضف إلى ذلك أن الجامعة تقوم بهذا البرنامج مقابل رسوم فصلية وهي مايجعل الطالب كـ عميل مٌفترض أن تقدم له كل التسهيلات والخدمات وذلك مقابل مايدفعه وليس تكرماً من الجامعة أو سواه ...

مانراه في أبسط حقوق الطالب من خلال موقعهم المتهالك وأنظمتهم الرثة يجعل السيل يبلغ الزبى
وأيضاً الطلاب يختلفون بمختلف أجناسهم وأصنافهم وعلى الجامعة تقبلهم كـ عملاء و تجعل رضاهم هدفها
وأنهم على صواب في كل شي . وخلاف ذلك فهو خارج عن المنطق المتعارف عليه


وآخيراً ،، مدري شلون استرسلت بالكلام بس أحس أن به عرق بدآ ينبض من زود الحمآس وودي أمسك علم السعودية وآغني وآصلي يـآ جآمعتناا وحنـآ ورآك... وآصلي يآجامعتنا وعين الله ترعاك :42::18:

[ABU YUMMNA]

انا مستغرب من بعض الردود الي في هذا المنتدي يتكلم علي الجامعة وينتقد من انتم حتي تنتقدودن عمل جامعة عريقة الي مو عاجبة يروح يشوفلة اي جامعة ثانية


معك رقم ريكارد حق الجامعة خخخخخخخخخخ

[الشعباوي]

الجامعة يعطية مليار عافية ماقصرت كلنا شفنا النتائج وقبل الموعد المحدد ومن الظهر شفتها بعد مو صحيح الي يقول الموقع معلق يمكن العيب بجهازة مو في موقع الجامعة




40000 ألف طالب معلقه أجهزتهم مستحييييييييييييييييييييل لنا 16 ساعه نجرب بكل الطرق مافيش فائده


الجامعه محد درا ان موقعهم معلق أو متعطل نائمين بالعسل



اقول انقلوا عن هذه الجامعه الجامعات على قفى من يشيل هذا استهتار بالطلاب


اللي مهو معجبه كلامي يروح يكلم الجامعه فرداً فرداً طز في أمريكا وبريطانيا

[norahtopaz]

بالله غير تخلون الفلسفة والمعادن والصحون



كلن بعقله راضي ومايمدح السوق الا من ربح به



لو عايشين لحظات القلق الي عايشينه من السابعة7 البارح لهالحين ماتفلسفتوا



وبعدين خل ندعي وخل نسولف وش حارق رزقكم



حتى الشي الي يوسع صدورنا بتصادرونه



عالم مثاليات على الفاضي

ههههههههه عجبتني المعادن والصحون

بصراحه انا من اليوم مقهوره من هالجامعه ومعصبه وحالتي حاله
بس من الدخلت المنتدى وانا ميته ضحك من الردود :5:

[medovip]

الغريب كثرة العجز الي مالين المنتدى قاعد بس يدعي "على ايش الاعصاب مشدودة يارئيس الوزراء" .

انا الي الان ما ادري عن نتيجتي لكن الصبر زين يأمال الغنيمة .

ما يجوز أبداً تدعون على المسلمين لان بأختصار هناك مللك بالسماء يقول "ولك بمثلها"

يا عرب الصبر زين وامر الله من سعة .
تمنياتي لكم بالتوفيق.....

[وهــم !!]

الحل الوحيد لحل المشكلهـ من وجهة نظري ومن خبرة قديمة جدا
هو فتح اكثر من سيرفر ولو كان في سيرفرين يجب الزيادة الى ثلاثة او اربعه
ويكون سيرفر خاص لمنتسبي التعليم عن بعد مفصول عن الجامعة
واخذ اكبر مساحة ممكنهـ عشان ماتحدث هذه المشآكل ,,

طلعت من البيت من 9 ورجعت 9 الحين قلت اكيد الامور زانت ونفس الوضع
نصبر والله كريم ,,

شكرا لهكذا موضوع :16:

[منصور الشريم]

يا عالم انتم ما تدرسون على حسابهم ولا شحذتوهم ولا اخذتوا من كيسهم شي

من ابسط حقوقنا انهم يطورون موقعهم

اذا طالب الانتظام يتخرج ويبل شهادته بمويا ويشرب مويتها و يذلون امه على ما يصرفون له اعانة الجامعه اللي من سنة جدي وهي ثابته على 800 ريال

اجل بالله حنا طلاب الانتساب طلاب التعليم ""المطور"" التعليم عن البعد - لو نضرب عدد طلاب الانتساب بالجامعه بقيمة رسوم ترم واحد بيطلع رقم فلكي ومع كذا ما كلفوا على انفسهم تطوير موقعهم التعبان وحتى ايام المحاضرات المباشره ما يفتح وخذ خصم درجات وعلى حساب مين على حسابكم وحسابي ..

لنا حقوق يا جماعه وعمر التساهل والضعف ما جاب حق احد ..

وللي يقول احمدوا ربكم ان الجامعه فتح لكم وانكم شياب..الحمدلله على كل حال
لكن ترا بفلوسنا ندرس ما شحذناهم شي ومع كذا موقع تعبان ماتشوف ان من ابسط حقوقك دامك تدفع عشان تتعلم انهم يطورون موقعهم؟؟؟؟؟؟؟؟؟؟

[عبدالكريم مسند]

:42: انا اقول يبي ندرعم على داود الشريان
اغدي يقولهم وشهوله يوم إنكم ماتزينون موقعكم
والدولة تعطيكم قريشات :42:

[x_nouf_x]

احمدو ربكم فتحت الجامعة لكم ابوابها للدراسة واغلبيتكم شياب وجاين تنتقدون بعد مصخرة

ماقول الا ياصبر الارض
الحين محد جا اشتكى لك ولا هي جامعة ابوك يومك توجهنا وين نروح ووين نجي
ومالك دخل شيبان والا مو شيبان .. جايين ندرس بفلوسنا .. ونبي خدمة ترضينا انت وش حارق رزك؟؟؟
بعض الناس ماينفع ابد يفتح فمه بشي :26:

[Abu Layan1]

صراحة مشكلة الموقع كذا مشكلة غير عادية

نبي نعرف اين تصرف المليارات التي توخذ من الطلاب ...المدرسين وكلة تسجيل من قديم

مراكز الاختبارات واتوقع انها بدون فلوس لانها اسواء مراكز اختبار يبحثون عن اسواء مدارس ويكبسونا فيها

رسائل جوال ولنا كم ترم لم يصلنا منهم اي رسالة

النتائج وما عرف عنها الشعيبي الا من الطلاب لان الهنود اللي على النظام ما اعطوه خبر

التسجيل وبيصير علية زحام مثل النتائج

النتائج وكم من درجة رايحة علينا ما ندري من النظام او ادارة الجامعة

[AZIZ999]

الجامعة يعطية مليار عافية ماقصرت كلنا شفنا النتائج وقبل الموعد المحدد ومن الظهر شفتها بعد مو صحيح الي يقول الموقع معلق يمكن العيب بجهازة مو في موقع الجامعة

شوف اقسم بالله اني داخل من جهاز مكتبي بالدوام والحين داخل من جهازي بالبيت

ودخلت من النوت وكذلك من الايباد وكلها نفس الشي

لا تتكلم وانت ما تدري عن شي النفس قافله حول 14 ساعة وانا احفر بموقهم

ودايم كذا لي ثلاث سنوات والموقع كذا

[مدام الفهد]

نعم بارك الله فيك
اذا لم نظهر صبرنا وحلمنا واخلاقنا الحميدة في مثل هالموقف متى اذن نظهرها

ليس تطبيلا كما يدعيه البعض وليس مثالية ولكن كرم اخلاقي وترفع عن الدون

لست اعلم بنتيجتي واعيش الانتظار مثلكم ولكن الله منحني صبرا وحكمة وقدرة استطيع بها التحكم في تصرفاتي وحديثي

الحمدلله الذي انعم علي في اللحظات التي حرم آخرين من تلك النعم

[بوح نبضي]

احمدو ربكم فتحت الجامعة لكم ابوابها للدراسة واغلبيتكم شياب وجاين تنتقدون بعد مصخرة



المصخره انت واشكالك غثيتنا بكل موضوع تجي تدافع ياخي انت العميد وحنا ماندري..!


ولاعمرك تقول الباب يوسع جمل ولا محد غصبكم محد سألك ولا طلب رايك بندرس بهالجامعه وبنتقد لما نشوف اللي يسسرنا اعجبك اهلاً وسهلاً مااعجبك الباب يوسع ثور وجمل واللي تبي لاترد ولاتدافع لان الكلام ماوجه لك ...!

[مارياج]

وش بلاكم علـى البنت
تراها ماقالت شيء
هي جالسه تنصحكم وتقولكم
مايجوز سب المسلمين.
وانتم قمتم عليها وسويتوا فيها مثاليات
وان اللي.يده في المويه مو مثل اللي يده بالنار
قبل ماتتكلمون تأكدوا وش قالت
قالت آنـا مثلكم بعد مااخذت النتيجة
ارتقوا ترى ماانتم بزارين نعلمكم
خلاص انتظروا شوي كلها ساعتين
وتطلع النتايج

[moly04]

اممم على فكره

ترى الفريدان اعلن عن النتايج في تويتر على العصر

يعني لو فيه احد يشيك بشكل يومي كان بيشوف التغريده وبيدخل يشيك

لكن للاسف الرسايل وصلت متاخره للكل

وسبب ضغط على السيرفر

ودايم يعلق سيرفر الجامعة مو شي جديد

واتمنى محد يتضايق من ردي

وان شاء الله يفتحون النظام اليوم

:16:

[MKSA]

لو الجامعه اتخذت نظام البريد الالكتروني للتبليغات بحيث انه في حالة نزول المحاضرات الجديدة والمناقشات والواجبات والنتائج كلها توصلك على البريد الالكتروني كان وفرت على نفسها الاحراج، اقتراح اتمنى يوصلهم

والله انا حاس بكم والحمد لله انا شفت نتايجي مبكر امس ونجحت الحمد لله مع اني كنت ارتجف من الروعه وانا اضغط على النتايج لكن الحمد لله عديت

كل امنياتي لكم بالتوفيق وان شاء الله كلكم ناجحين

[norahtopaz]

:5::42::5:

[أورانوس]

فرانكو كولومبو ..

أكل الدهر وشرب .. على ذلك المثل .. "خالف تُعرف" ..

ارجو ان تكون اكثر واقعية .. أو بمعنى أقرب لك .. "لا تسوي لي فيها"

أورانوس ..

[medovip]

شباب + صبايا
خاطرة مرت علي على السريع اعذروني اقولها.
متلاحظون أن الوضع غريب وكل واحد يركض ورى نتيجتة.

يالله كيف حالنا يوم القيامة .........................

[ashoog]

بوح نبضي وفرانكو تبطلون الهواشات


والله ما فتحت هذا الموضوع الا للتذكير وكل واحد يراجع نفسه ويطوّر نفسه للأفضل
ويصحح اخطائه كلنا خطائين وخير الخطائون التوابون


اليوم عايشه بوسطكم بكره بكون تحت التراب
فالله يرحمنا ويغفر لنا جميعاً


شكراً لمن سمع ووعى




طيب النتيجه بتكون بعد ساعتين
وانا بعد ساعتين مسافره والمسافه ٥ ساعات بتخيل لو تجيني f وانا في السياره
ما عندي الا امسح دموعي تحت الغطوة ههههههه


ان شاء الله كلنا ناجحين والحمد لله لازم نرضى بالمكتوب

[أورانوس]

بوح نبضي وفرانكو تبطلون الهواشات


والله ما فتحت هذا الموضوع الا للتذكير وكل واحد يراجع نفسه ويطوّر نفسه للأفضل
ويصحح اخطائه كلنا خطائين وخير الخطائون التوابون


اليوم عايشه بوسطكم بكره بكون تحت التراب
فالله يرحمنا ويغفر لنا جميعاً


شكراً لمن سمع ووعى




طيب النتيجه بتكون بعد ساعتين
وانا بعد ساعتين مسافره والمسافه ٥ ساعات بتخيل لو تجيني f وانا في السياره
ما عندي الا امسح دموعي تحت الغطوة ههههههه


ان شاء الله كلنا ناجحين والحمد لله لازم نرضى بالمكتوب

تروحون وترجعون بالسلامه .. ضحكت على طريقة مسح الدموع ..

يسعدك ربي .. ما توقعت اضحك بهالوقت :16:

يارب كلها نجاح للكل يارب ..

[أجواان]

احمدو ربكم فتحت الجامعة لكم ابوابها للدراسة واغلبيتكم شياب وجاين تنتقدون بعد مصخرة

خف علينا يانونو ماما ماقالت لك عيب تقول ذا الكلام :32:

[مدام الفهد]

درب السلامة ان شاءالله
وفالك النجاح
اسأل الله ان يسر قلبك بماتراه عينك في نتيجتك
ويهون سفرك وينقل خطرك ويحفظك
دعاء السفر ....لاتنسينه بوركتي اينما كنتي

[مارياج]

حبيبتي عشوق تروحين وترجعين بالسلامه
ولك طولة العمر وانا اختك
وان شاء ﺂللَّـہ تجين وتفتحين لنا موضوع
عشان.نبشر بعضنا بنتايجنا
تقبلي تحياتي

[patriot]

ههههههههههههههه ههههههههههههههههههههههههه العجيب بالامر تسجيل المقررات بكرا يوم الاثنين ... و الموقع متعطل و النتائج ماطلعت ههه هزلت والله

بعديين انا معاكم ان الجامعه متاخره بكل شي واحنا ندرس بفلوسنا مالهم منه علينا .. لكن ياشباب و يا بنات ان شاء الله الاعطال اللي صايره بالموقع و التاخير اللي صاير يكون خيره لنا ..

[كلي خير]

الجامعة مفروض تعدل من السيرفر حقها وتشوف له حل مو معقولة كل ترم وحنا كذا

[فهد~]

كلام صحيح

[همس الشمال]

قمت التخبط وعدم التخطيط هذا هو المعهود من الجامعه لذلك انا لا استبعد انهو حتى اللى شاف نتيجته يمكن تتغير بعد مايفتح الموقع فالا يستغرب هالشي طبيعي

[safer2003]

صباح الخير للجميع اخواتي واخواني
مهما كان سبب تاخير النتائج ما يوصل لحد السباب والشتم والدعاوي اللي مالها حدود
صحيح ان الجامعه اخطأت باعلانها عن ظهور النتيجه وتفاجأنا نحن بان الموقع معلّق وبعضهم ظهرت لهم وأغلبهم الى الان لم تظهر له ولا زال في توتر في الاعصاب والنفس
فأهلاً وسهلاً بالنقد البناء الذي يبني ولا يهدم ونرفض عن السباب والشتائم التي لا ينبغي لطالب علم ان يتلفظ بها فضلاً عن اننا مسلمين فالرسول عليه السلام لم يكن سباباً ليكن قدوتنا واستغلو اوقاتكم بذكر الله




للمعلومه انا الى الان لم ارى نتيجتي فأسأل الله ان يكون خيرا هذا التاجيل ووحده القادر الذي صبرنا ثلاثة اسابيع قادر على تصبيرنا ساعات سبحانه


اتمنى وصلت المعلومه بالشكل المطلوب
وموفقيـن


،،




صباح الخير ..... صباح الأخبار الحلوه ..... صباح النتائج اللي تشرح الصدر إن شاء الله ياااارب

كلام سليم والله اللي قلتيه

والكل مشحوون ومرتبك على معرفه النتيجة

وعدم فتح الخدمات الطلابيه نرفزنا بزياده

بس ما توصل للسب والشتم مهما صار ما راح يأثر فيهم

عن ابن مسعود قال : قال رسول الله صلى الله عليه وسلم
:( سباب المسلم فسوق وقتاله كفر ) متفق عليه

قال النووي في شرح مسلم: فسب المسلم بغير حق حرام بإجماع الأمة، وفاعله فاسق كما أخبر به النبي صلى الله عليه وسلم،

يا اخوان ويا اخوات اللي صبركم كم اسبوع اصبروا كم ساعة وأن شاء الله كل شي

بيتصلح.

بس لا تحمل نفسك ذنوب بالسب والشتم

على قولتهم لو به شمس كان من امس

لو فيه اهتمام كان من الاترام الماضية انحلت المشكله هذي

هذي نصيحتي ومن حبي:43: لكم اضفت هالمشاركة

[مـزاجـي غـير]

والله ياكلامك كله عين العقل ونتيجه حنى ان شاء الله الحين او بعدين عارفينها والدنيا ماخلقت بيوم وليله
ماشاء الله عليك وأهنيك على الكلام اللي كله حكم وذوق يالليت اكثر الاخوان والاخوات بهل الفكر العالي والصفات الرفيعه

الله يعطيك العافيه مشكوره اختي ع الموضوع المميز :16:

[N E X T]

لااااااا تعليق تعبت من الكتابة وتعبت من كثرة المواضيع وتعبت من الناس اللى ماسكة معها نصائح ودين وتعبت من الناس اللى فاااضيه

ما اقوول الا يارب توفيقك وانشاء الله كلكم تنجحون يارب

وخلونا نجلس في موضوع واحد يا الربع ملينا وحنا كل شوي موضوع

مع التحيه

[A3BOD]

فتح الموقع ..

[ashoog]

دخلت وشفت نتيجتي

غمضو عيونكم






























رسبت في ماده اساسيات المحاسبه للمره الثانيه
والحمد الله على قضاءه وقدره ناقصتني ٤ درجات
وهذاك اليوم يوم الاختبار من زود المذاكره كنت اشرح هنا وفي المركز
بس شفت الاختبار كانه اول مره ومدري كيف حليت وحسيت اني رح ارسب فيها


تتعوض ان شاء الله