تكفون عطوني الحل

[BADER5005]

السلام عليكم
صباح / مساء ، الخير للجميع
انا عندي مشكله اعتبرها بالنسبه لي كبيره
انا فاتني التسجيل عن طريق الموقع و سجلت عن طريق الايميل و تم قبولي
جتني رساله على الجوال تفيد بقبولي و فيها المبلغ و الرقم الاكاديمي
لما جيت اسدد الرسوم عن طريق الاون لاين تبع البنك يقولي رقم الفاتوره غير صحيح
رحت للصرافه نفسها يقول الرقم غير صحيح جربت سامبا و الرياض كلها رفضت ،
انا شكيت بحاجه ان الرقم اللي ادخله مو الرقم الاكاديمي اللي بالرساله
ياليت من الاخوان افادتي اليوم اخر يوم

[oiioiiio]

الرقم الاكاديمي يبدا برقم اثنين

[3looosh]

نفس المشكله مرت علي بالضبط

طبعا اليوم اخر موعد لإرسال الشهادات عن طريق البريد الممتاز بسعر 50 ريال ع حسابك

الى عمادة العليم الالكتروني والتعليم عن بعد بجامعة الملك فيصل الهفوف عناية الاستاذ فاضل الصباغ

ترسل الشهادات عليه

وتروح بعد شوي للصراف وتسدد راح يفتاح معك الرقم الاكاديمي انا مجرب قبلك لكن انا مسدد عن طريق الراجحي

تدخل على نظام سداد المدفوعات وتحط رمز الجامعة اللي هو 118

بعدين رقم المشترك اللي هو رقمك الجامعي ويطلع لك المبلغ 2485 ريال

راح يفتح معك لا تخاف بس بالبدايه ما تفعل لكن اهم شي ارسل الشهادات اليوم عن طريق البريد الممتاز

للعنوان اعلاه لاني صار معي نفس الكلام اللي انت قلت يقول لي خطاء وحاولت بعد الظهر وقبل

الكلام هذا قبل اسبوعين

والى يومك مافعلوا رقمي الاكاديمي لكن مو مشكله بنتظر الى بداية الدراسه

سوي نفس الكلام اللي قلت لك وراح تضبط وياك

من واقع تجربه

تقبل ودي

ع ـــــلوش

[BADER5005]

انا ارسلت امس اوراقي و من امس و انا احاول كل ما ادخل الرقم الاكاديمي يرفض يقول الرقم غير صحيح:12:

[3looosh]

راح يتفعل رقم الاكاديمي ع الصراف


بس سؤالي متى وصلتك الرساله

[3looosh]

جرب ع الساعه 12عن طريق صراف الر اجحي

لانو نفس الكلام صار معي الصباح وجربت الظهر وضبط معي وسددت

بعدين بتج لك مشكله اذا دخلت الرقم الاكاديمي بالجامعه عشان الرقم السري

يقولك غير صحيح

واذا حطيت رقم الهويه وبطاقة الاحوال يقولك لم يتم قبولك بالجامعه او بياناتك خطاء

تذكر كلامي

لكن كل يتعدل مع بداية الدراسه الاسبوع القادم

او قبل البدايه

[BADER5005]

وصلتني الرساله 16 يناير يعني يوم الاربعاء تقريبا
انا اخاف تبدأ الدراسه و انا ما سددت و يكنسلون الموضوعوص

[3looosh]

وصلتني الرساله 16 يناير يعني يوم الاربعاء تقريبا
انا اخاف تبدأ الدراسه و انا ما سددت و يكنسلون الموضوعوص

اذا راسل ايميل الجامعه


وراح يردوا عليك ان شاء الله

[المحترمه]

وعليكم السلام ورحمة الله وبركاته

الحكايه ومافيها يا عزيزي أن السستم يحتاج تحديث
لرقمك الأكاديمي ... مجرد ما تختار رمز الجامعه ( 118 )
في السداد مباشره راح يظهر لك الرقم الأكاديمي
ولما تحاول السداد يقول غير صحيح .. لكن هي مسألة
وقت ويتحدث الرقم في السستم ويتم السداد ..
أما السداد راح يكون مفتوح معاك وماراح يكنسلونك
بسببه ,, أيام ويقبل معاك بإذن الله
بالتوفيق :16:

[BADER5005]

لبى قلوبكم والله ماقصرتو لبى

[أمنية أحمد]

ملاحظة
تقدرون ترسلوون الملفات بعدها تقوم بالسداد
المهم ماتروح عليك الفرصة بارسال الأوراق
:16:

[BADER5005]

انا ارسلت الاوراق يا أمنيه من يوم السبت تقريبا