حسبي الله على الاساتذة والدكاترة

[عادل آلغبين]

السلام عليكم

اخواني انا مستوى اول ورسبت في 4 مواد ومقبول في المحاسبة بس

يا اخواني انا غشيت كامل الاختبارات من هالمنتدى هذا والاجوبة منه وبالملي

كيف رسبت بهذه الاختبارات؟؟

يعني اجوبتكم غلط

او ان الاستاذ يعطي درجات من راسه

[Steve,]

السلام عليكم

اخواني انا مستوى اول ورسبت في 4 مواد ومقبول في المحاسبة بس

يا اخواني انا غشيت كامل الاختبارات من هالمنتدى هذا والاجوبة منه وبالملي

كيف رسبت بهذه الاختبارات؟؟

يعني اجوبتكم غلط

او ان الاستاذ يعطي درجات من راسه





كـيف غشيت الاختبارات من المنتدى !!؟ :28:

[عادل آلغبين]

من نماذج الاختبارات السابقة وحلولها

[مـاعندي سـالفة]

هل حملت المحاظرات
هل حليت المناقشات
هل حليت الواجبات
هل نزلت المحاظرت المباشره
لأن كل هذه عليها ( 30 ) درجة
ياكثر ما كتبت (( هل )) :27:

[Steve,]

اهـا .. بعض النماذج الاجابات ماهي صحيحة .. بعدين مو كل الاسئلة اللي بالاختبارات السابقة جات اكيد فيه تغيير.

[عادل آلغبين]

هل حملت المحاظرات
هل حليت المناقشات
هل حليت الواجبات
هل نزلت المحاظرت المباشره
لأن كل هذه عليها ( 30 ) درجة
ياكثر ما كتبت (( هل )) :27:

اخوي سويت كل شي والله العظيم الواجبات والمناقشات كلها حليتها صح
بس المحاضرات ماعرف طريقتها

اهـا .. بعض النماذج الاجابات ماهي صحيحة .. بعدين مو كل الاسئلة اللي بالاختبارات السابقة جات اكيد فيه تغيير.

وانا شدراني اخوي

يقولون الحل مضمون ومن الخرابيط نكبونا بعض الاعضاء في المنتدى والمشكلة تلقى المشاركين في الموضوع فوق 1000 شخص

[ابو جنااا]

و الله اتوقع لو انك مذاكر كان بتنجح

اما بخصوص المدرسين او الدكاتره ماحد يقدر يتحكم بدرجاتك

فلا تحط فشلك على غيرك



اسهل الطرق انك تري الجميع ضدك

[Steve,]

الله يكون بعـونك :2:

[mqamrh]

اول شي ماحملت المحاضرات اعتمدت على النماذج يعني سؤال وش الملخصات اللي ذاكرت منها

[عادل آلغبين]

و الله اتوقع لو انك مذاكر كان بتنجح

اما بخصوص المدرسين او الدكاتره ماحد يقدر يتحكم بدرجاتك

فلا تحط فشلك على غيرك



اسهل الطرق انك تري الجميع ضدك
اقول ياحبيبي شكلك منهم استريح بس
مسوي دافور انت
الله يكون بعـونك :2:
امين يارب

[عادل آلغبين]

اول شي ماحملت المحاضرات واعومدت على النماذج يعني سؤال وش الملخصات اللي ذاكرت منها

والله اني مداوم ومافي وقت اذاكر

والمحاضرات ماني عارف طريقتها والله

ولا جت على بالي

[بنت سلام1]

لابد من حضور او تحميل للمحاضرات
الواجب لابد من حله في اسرع وقت لان له تاريخ وبعدين لاتحسب نتيجة ارسالك

[ابو جوود]

اجعل هذا الترم للنسيان بالنسبه لك
وابدا من جديد افتح المحاضرات واسمع الدكتور وش يقول حاول تركز معاه
والمنتدى وضع للمساعده ارجع للمنتدى اذا خلصت مذاكره للمراجعه مع الاخوات والاخوات او اذا صعب عليك فهم شي

[عادل آلغبين]

لابد من حضور او تحميل للمحاضرات
الواجب لابد من حله في اسرع وقت لان له تاريخ وبعدين لاتحسب نتيجة ارسالك

حسبتها حتى لو ماخذ 30 درجة ماراح تنفع بشي يالغاليه

شكل الاساتذه يعطون من روسهم "طنخه"

[عادل آلغبين]

اجعل هذا الترم للنسيان بالنسبه لك
وابدا من جديد افتح المحاضرات واسمع الدكتور وش يقول حاول تركز معاه
والمنتدى وضع للمساعده ارجع للمنتدى اذا خلصت مذاكره للمراجعه مع الاخوات والاخوات او اذا صعب عليك فهم شي

هذا اللى يبي يصير وماقصرت بس رأيك اضيف المواد الراسب فيهم اخذهم مع المستوى الثاني

[KFU STUDENT]

التصحيح يكون الكتروني الدكتور مايقدر ينجحك ويرسبك بكيفه ولاتعتمد على أسئلة الاعوام الماضيه لان حتى لوجت ممكن الدكتور يغير بصياغة الاسئله

حاول تشد حيلك وتذاكر من المحتوى وتشارك وتحمل محاظرات اول بأول

[عادل آلغبين]

التصحيح يكون الكتروني الدكتور مايقدر ينجحك ويرسبك بكيفه ولاتعتمد على أسئلة الاعوام الماضيه لان حتى لوجت ممكن الدكتور يغير بصياغة الاسئله

حاول تشد حيلك وتذاكر من المحتوى وتشارك وتحمل محاظرات اول بأول

هذا اللى يبي يصير اخوي ولاهنت على الحرص

[هـمـس التميمي]

هالترم هذا الدكاتره صحيح جابو من اسئله العام
لكن غيرو بالصيغه يعني شالو كلمه او كلمتين او زادو كلمه
وهالشي يغير معنى السؤال وبكذا يغير الاجابه

حفظ بدون فهم ما ينفع

[ابو جوود]

هذا اللى يبي يصير وماقصرت بس رأيك اضيف المواد الراسب فيهم اخذهم مع المستوى الثاني

انصحك تاخذ المواد اللي حملتها كامله حاول تخلص اول بأول وان شاء الله يوقفك ربنا . ترا الامور سهالات بس تحتاج شوية تركيز واهتمام .

[~ safaa~]

بجد شيء يقهر بس اعمال الفصل ماخذ فيها 30 ولا كيف
كمان يمكن انت ماخذ نماذج الاختبارات من هنا وحلها غلط
فكان المفروض منك تذاكر اول بعدين ترجع للنماذج عساس تشوف اذا حلها صح او غلط
الله يعينك منجد شيء يقهر

[ابو جنااا]

ماني فاهمك من مين
؟؟؟؟

[كلي غموض]

انتبه من الدكتور هو نفسه والا لا

احيانا يكونون مغيرين الدكتور فماتنفع الاسئله

كل شي بيتغير بكذا مااستفد شي :20:

وبالنسبه لـ 30 درجه بين يدك حل المناقشات والواجبات والمحاضرات لو تفتحتها دقيقه تنحسب لك

والمذاكره حاول تذاكر قبل الاختبارات بمده وركز على الاشياء المهمه والاسئله خلها اخر شي

ومثل ماقالك ابو جود خذ المواد اللي راسب فيها ويزيد عليها كم ماده

انت شد حيلك ورتب جدولك حتى لو انت موظف ساعه باليوم تذاكر فيها بتطلع

ان شاءالله بنتيجه كويسه توكل على الله لا تحط فبالك انه صعب عشان تسهل عليك

والله يوفقك:16:

[غربة نفس]

اخوي لو اعتمدت على المحتوى مابيكون فالك الا التفوق ..
أحيانا تجي كلمة بالسؤال يتغيير المعنى كله ..التركيز ثم التركيز ثم التركيز

ولكل مجتهد نصيب ..

الله يعينك ويسهل عليك ..

[مجنونهmeshoo]

الترم. هذا. عدا خلاص
ابدا. من. جديد. اعتمد. علئ. نفسك اضمن. انك. تاخذ ٣٠ درجه. اعمال. السنه. تبقئ. عندك ٧٠ درجه. لو جبت. ٤٠ نجحت. بجيد
لاتعتمد. علئ. احد. بذات. انك. اول. مستوئ. حنا. كلنا. اول. مستوئ. تابعنا. وتعبنا. لين. عرفنا. الطريقه. الصحيح الي. نتاكد. منها. ونضمن اعمال. السنه والاختبارات السابقه.وجهود. الاخوان. ‏​فـ♡ـي. المنتدئ. نرجع. لها. بعد. مانطابقها. ‏​فـ♡ـي. محتوئ. الماده. الي. منزلها الدكتور لنا ابدا. من. جديد نزل المواد. الي. حملتها وزيد. عليها. ماده. سهله معها خذ العقيد سهله ولا تقنيه المعلومات
وانا شالله. انك. بتعدي. وبنسبه. عاليه. بعد. وب النسبه. لدكاتره. محد. يقدر. يتلاعب. ‏​فـ♡ـي. نتيجه. اي. طالب ومو. بيديهم. التصحيح. يكون الكتروني ويمر بثلاث مراحل

[Just have fun]

وضعك سيء

[saudi-com]

كان الله بعونك .
حاول انك تبني امورك بشكل صحيح .. ذاكر بشكل جيد و بأذن الله النجاح حليفك .

[سيـوؤف]

مايصير تتحسب عالاساتذه والتقصير منك .. انت بنفسك قايل ماعندك وقت تذاكر لانك تداوم ..
الاسأله شي طبيعــــــــــي ماتجي نفسها بـكل سنه ...!!
تجي بالكثير 10 اسأله فقط .. والباقي حتى تعرف طريقة السؤال شلون تجي ,,

بعدين الملخصات والاسأله (( للمراجعــه فقـط )) مو للمذاكره ..

التقصير منك انت مو من الاساتذه ..

لا قربت الاختبارات وصار عليها شهر .. اضغط على نفسك بالمذاكره وافتح المحتويات وادرسهم كل ماده خل لها اربع او ثلاث ايام عالاقل .. يمديك خلصت مذاكره في شهر .. اما بوقت الاختبارات خله مراجعه لهم وقراءه لطريقة الاساله والملخصات ,,,, بهالطريقه تكون سويت اللي عليك كلــه .. ومحد بينقص درجتك ولا يرسبك ..

موفـــــــــــق:17:

[عآالي العاآلي]

ههههههههههههههههههههههههه

يازينك ياعادل ويازين تفكيرك ههههههه

اجل غاش الاختبارات من المنتدى :20:

لا المحاضرات فتحتها ولا تدري اش فيها وتبي تنجح ؟

المهم ياعسل ..

الدراسة عن بعد ممتعه وسهله بس يبيلها شوية جهد ..

يعني مايصير تعتمد بس على المنتدى ..

افتح المحاضرات ونزل المحتوى والله ماتحتاج لا للمنتدى ولا لمساعدة احد ..

الله يوفقك ويسعدك ..

..

:16: