اللي تخصصهم لغة انجليزية [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : اللي تخصصهم لغة انجليزية

اوريجون

2013- 1- 23, 10:13 AM

سلام من الله عليكم ورحمة الله وبركاته
وأسعد الله أوقاتكم بكل خير وسعادة
بالنسبة لمواد الترم الثاني اختلفت الآراء في الحذف والإضافة وتشتتنا بما فيه الكفاية
والمشكلة ان المواد المحذوفة لازم تكون متوافقه مع جدول الترم الثالث أو ماتتعارض معه
والمعدل مهم في السنة الأولى
واحنا نبغا نرفع المعدل قدر الإمكان
ومواد الترم الثاني لانعرف الصعب منها والسهل
مع إن الإخوان في هذا المنتدى ماقصروا في الشرح والتفصيل عن المواد وطريقة اضافتها وحذفها والسهل منها والصعب
ولكن يبقى لبعضهم رأي والبعض الأخر رأي
لذلك رأيت أن آخذ برأي اللي تخصصهم لغة انجليزية نفس تخصصي ووفقهم الله بالنجاح ولم يحملو مواد
لاني بصراحة تشتت افكاري
مرة اقور بحذف علم الإجتماع ومرة اقول بحذف قراءة وكتابة
ياليت احد ينورنا ويفيدنا اكثر

ابوعبدالاله1

2013- 1- 23, 10:19 AM

نوووورا

2013- 1- 23, 10:41 AM

http://www.ckfu.org/vb/t414837-8.html

الاغلب بيحذفون القراءة والمحادثة

وبعضهم التذوق الادبي

جمال3 KFMC

2013- 1- 23, 10:56 AM

ياناس تكفوووووووووووووون ركزوووووووووووو

انتم وش فيكم.

التعارض في مادة اللغة الانجليزية و علم الاجتماع كان في الفصل الدراسي السابق.

الفصل الدراسي هذا مافيه تعارض بس لازم تحذف مادة لانه الي موجود بالخطة 19 ساعة. والمفروض التسجيل يكون 18 ساعة.
بالنسبة لي حذفت مادة النحو لانه مدتة ساعة واحد.

ونزلت الانجليزي الكتابة والانجليزي القراءه ونزلت علم الاجتماع.

محارب الوغى

2013- 1- 23, 10:58 AM

جمال3 KFMC

2013- 1- 23, 11:04 AM

الرجاء فتح المرفق

الجدول للفصل الدراسي الثاني

اوريجون

2013- 1- 23, 11:32 AM

ههههههههههههههههه
يالربع والله ما ادري وش اقول لكم
لكن طالعو فوق في زاوية الصفحة يسار
معلومات العضو
بتلقون الجنس
ذكـــــــــــــــر
وش سالفتكم على التأنيث
هههههههههههههههههههههه

اوريجون

2013- 1- 23, 11:38 AM

عموما على كلام اخوي جمال
يقول مافيه تعارض في الفصل هذا بالنسبة للمواد
هذا الأمر كان في الفصل السابق
طيب على الأقل اشوف لي مادة صعبة وغثيثة يبي لها تركيز وفهم وحفظ ووقت
احذفها عشان اطلع بمعدل كويس وتمام
احذف علم الاجتماع
ولا احذف غيره
ابي مادة صعبة ابعدها عني الى الترم الجاي ان شاء الله
ومثل ماقال اخوي ابوعبدالإله
ان اكثر الدارسين حذفو علم الإجتماع
يعني اتوكل على الله واحذفه

totayah

2013- 1- 23, 11:38 AM

وعليكم السلام ورحمة الله وبركاته

انا بالنسبه لي تخصصي انجليزي واجلت مادة علم الاجتماع للفصل الثالث ان شاء الله
اما فيما يخص الاسهل والاصعب في مواد المستوى الثاني فجميع المواد سهله جدا ومادة الا حصاء تحتاج لتركيز اكثررر
يعني لو تذاكري اول باول مع الانتباه والتركيز اضمن لك تجيبين في جميع المواد a+
انا في رايي ان مواد مستوى ثاني اسهل بكثير من الاول

ادري بتقولي وش عرفك وانت لسا ما درست مستوى ثاني السر في بطن الشاعر ):

توكلي على الله واجلي مادة علم الاجتماع لانها مادة يبي لها مذاكرة وحفظ رهيب

والله يوفقك

نعم صحيح انا اخذت جميع المواد واجلت علم الاجتماع بعدما اطلعت على مواد مستوى ثاني وهي بالفعل سهلة ما عدا الاحصاء مثل ما تفضلت وذكرت انه يبيله تركيز اكثر:36:

انا راي من رأي الاخ محارب اجلي علم الاجتماع يكفيك الاحصاء تبذلين فيه مجهود :42:

والله يوفق الجميع :1:

اوريجون

2013- 1- 23, 11:53 AM

يانفوخي
اعمل ايه :32:
دنا راجل حمش
ههههههههههههههههههه

تراكم جننتوني بسالفة التأنيث
شفت جدول المستوى الثالث لقيت ان اليوم السادس اللي هو الأثنين
استماع واستيعاب الفترة الأولى
يعني لو اجلت علم الأجتماع الى المستوى الثالث بيكون الفترة الثانية بنفس اليوم
اشوف ان المادتين صعبة في يوم واحد

نوووورا

2013- 1- 23, 12:04 PM

http://www.ckfu.org/vb/t414837-8.html

الاغلب بيحذفون القراءة والمحادثة

وبعضهم التذوق الادبي

افضل لك وحده من هذولي

لا تأجل علم اجتماع

اللي يقولون بنأجل علم اجتماع اتوقع ما يدرون بالجدول الجديد اللي نزل قبل اسبوعين تقريبا

مافيه تعااارض للمواد

تروبادور

2013- 1- 23, 12:09 PM

حط ببالك ان أجلت اجتماع فرح تكون في نفس اليووووم مع ماده استماع واستيعاب وان اجلت نحو رح تكون في نفس اليوووم مع ماده انشاء وتعبير ثلاث ساعات انا اشوف الأنسب قراء ومحادثه رح تكون اول يوم رح نكون مستعدين

وقبل لاتأجل فكر بالمواد اللي م تكون مع مواد التخصص
عشان تعطي كل مادة حقها وم تسبب لك ضغط ..موفق ..

شرقاوي5/5

2013- 1- 23, 12:21 PM

انا حذفت مادة النحو....
لانها ساعه واحد فقط

وراح اضيفها للمستوى الثالث باذن الله

اوريجون

2013- 1- 23, 01:07 PM

اختي نورررا
مافيه تعارض لكن مثل ماقالت
الأخت درة الوجود
راح يكون في نفس اليوم مع مادة استماع واستيعاب في جدول اختبار المستوى الثالث
انا ابي معدل كويس فقلت المواد سهلة ماعدا الإحصاء وعلم الإجتماع حسب كلام الإخوان في كثير من المنتديات
مع العلم ان دكتور مادة الإحصاء السنه هذي آخر سنه له ماراح الى حد الآن وبيكون معانا في الترم هذا
والأخوة ذكروه بكل خير
فقلت فرصة مادام ان الدكتور مازال موجود قبل لايجي دكتور ثاني جديد ويحوس علينا الدنيا
والأخ هليل
يقول مادة النحو واشوف انها ماتنحذف عشان تساعدك في المعدل
وما أدري والله
محيوس حوسه لابعدها
والمشكلة ان بعض الأخوان يفرض آرائه على العموم على حسب الوضع اللي عايشه بدون مايحسب حساب للناس اللي مثلي
مثل عمل يأخذ جل وقته وأسرة مسؤول عنها لازم يسدد ويقارب بين وقته في الدوام وبين الوقت اللي يقضية مع زوجته وأطفاله وأهله ونص المواد راحت من الذاكرة بحكم اني ماخذ الثانوية قبل عشرين سنه
يعني ماعندي وقت الا بالقوة الله يعين
فقلت آخذ مواد سهلة واجيب معدل كويس
فماذا ترون

عبـدالعزيز

2013- 1- 23, 02:11 PM

اتفق العرب على أن لا يتفقوا

أنا صراحة جتن دوخة وأبي انتظركم لين تتفقون على رأي واحد :42:

ابوعبدالاله1

2013- 1- 23, 02:36 PM

اتفق العرب على أن لا يتفقوا

أنا صراحة جتن دوخة وأبي انتظركم لين تتفقون على رأي واحد :42:
اخوي عبدالعزيز توكل على الله واحذف علم الاجتماع لو ماتاخذه الى المستوى الخامس انا حذفت علم الاجتماع انا ومجموعه من الزملا والزميلات:27: وفيه مجال انك تعدل في المواد بعد فتره :42:

روح طائر

2013- 1- 23, 02:42 PM

انا. محتاااااااارة. بين. التجويد والتذوق. لانها بالجدول. تبع. ثالث لوحدها وأنا ساااااامعة ان اسالة التذوق. كاااااانت مرة. حلوة. وسهلة. وتنفع. لرفع المعدل
ايش رأيكم

ابوعبدالاله1

2013- 1- 23, 02:53 PM

انا. محتاااااااارة. بين. التجويد والتذوق. لانها بالجدول. تبع. ثالث لوحدها وأنا ساااااامعة ان اسالة التذوق. كاااااانت مرة. حلوة. وسهلة. وتنفع. لرفع المعدل
ايش رأيكم
عزيزتي:16: انصحك التجويد لاتحذفينه نصيحه ماده سهله وترفع المعدل والمعدل مهم لك في لمستوى الثاني انصحك احذفي علم الاجتماع وكلامي مبني ع اشخاص بمستوى ثالث حاليا:27:

اروع انسانه

2013- 1- 23, 03:10 PM

والله كنت ابي احذف التلاوه والتوجيد
لانو مامعاها ماده من مستوى 3
وعلم الاجتماع معاه ماده استماع

ومحتاره احذف علم الاجتماع او تلاوه

دودي سمايل

2013- 1- 23, 04:04 PM

مايخطر في بالي ابدااا احذف التلااوة والتجويد بالعكس تساااعد ع رفع المعدل

انا راح احذف علم الاجتماااااااع :3:

معاااكم يالربع :17:عشاان نكون ع خطى وحدة سيم سيم المستوى الاول :3:

atoul

2013- 1- 23, 04:10 PM

وعليكم السلام ورحمة الله وبركاته ..

اخوي انا اشوف انو تحذف النحو التطبيقي اول شيء لانه ساعة ..
ثاني شي عدد الساعات القصوى هي 18 !
يعني في المستوى الثالث بما انه 13 ساعة يعني تقدر تضيف مادتين من المستوى الرابع والخامس بما انهم 20 ساعة والحد الاقصى زي ما قلنا 18 ..
وبكذا تصير هالمستوى 18 ساعه والثالث 18 ساعة والرابع والخامس بعد .

وبالنسبة للتعارض ما يتعارض النحو مع المستوى الثالث زي ما هو موضح بالصورة .
http://im32.gulfup.com/AkKE1.png (http://www.gulfup.com/?6czIpU)

وبس $: ..

دودي سمايل

2013- 1- 23, 04:56 PM

بعد اخذ فررررة وتفحييييط في الاقساام البااااقي:sm12::sm12:ة

قررت

حذف القراااءة و المحااادثة :(107):

والاغلبييية من الاعضااااء راح يحذفونهاااا

لانها ماتتعاارض ابدا في المستوى الثالث وهي ساعة وحده بس !

الا تعالواااااااااا صح بسألكم ::4:

دكتور الاحصاااااااااااااااااااااء !!!!!!!!!!!<<<لاحظوا علامات التعجب دليل الدهشة :8:

ايوه

سمعت انه راح يتغير يعني بننحاس حوووسة ! متى رااح يتغير لا نبتلش :40:

أفا يا قلب

2013- 1- 23, 04:58 PM

انا ماهمني الساعات الي يهمني كمية المواد والضغط والمعدل والنتيجه

دودي سمايل

2013- 1- 23, 05:03 PM

Omg
:4:
القراءة و المحادثة ساعتين موب وحدة :36:

دودي سمايل

2013- 1- 23, 05:04 PM

افا يا قلب :

شنهو شورك انتي !

ام الملوك

2013- 1- 23, 05:41 PM

صعب حذف علم الاجتماع معاه ماده الترم الثالث فكروا شوي أنا حذفت قراءه ومحادثه

فيينا

2013- 1- 23, 06:22 PM

كل واحد يظبط جدوله على حسب قدراته وجهده واستيعابه في ناس ماتقدر تركز مع كثرة المواد

اللي يبي يظبط جدوله يظبطه بناء على قدراته وجهدهـ

مو على كيف الاعضاء

انا حذفت برامج الحاسب ورجعت اضفته لاني ابي افتك وحذفت قراءة ومحادثة

بناء على قراري انا محد له شغل فيني

نعم شاورت وفي النهاية القرار لي

في النهاية اخوي انت شوف قدراتك وظروفك اول وبعدها نسق جدولك بهدؤء تااااااام وماعليك من احد

محد راح يتعب الا انت وماعليك من احد

موفق

GLitter Sun

2013- 1- 23, 06:32 PM

انا راح احذف التلاوة والتجويد
ولازم نأخذ الصعب الحين عشان نتفرغ للتخصص ونركز
نصيحه اللي يبي يحذف يحذف شي سهل بعدين ان شاالله كلها سهله وكل مادة لها يوم لحالها نذاكر فيه ونذكر قبل الامتحان بعد يعني سهالات بإذن الله :16:

royal111

2013- 1- 23, 07:38 PM

نحذف النحو لانه ساعة يصبح مستوى ثاني 18ساعه
نضيف النحو لمسوى ثالث 13ساعه يصير14 ساعه كذا نقدر ناخذ مادتين من مسوى رابع او اي مستوى يعني 4ساعات يصير18ساعه مستوى ثالث
كذا نختصر وقت الدراسة

Inspirational

2013- 1- 23, 08:03 PM

أنا أخذت جميع مواد المستوى الثاني ماعدا الاحصاء علشان افتك منهم وبنسبة لجدول مستوى الثالث أنا شفت لو احد فيكم حذف علم الاجتماع راح يختبرها بنفس آليوم لمادة القراءة والاستيعاب ونفس شيء الاحصاء راح تكون مع مادة برضوا يعني فترتين الا اذا تم تغير الجدول

lucky

2013- 1- 23, 08:06 PM

:31:

W A R D

2013- 1- 24, 04:32 AM

حذفت القراءه و المحادثه
الله يوفقنا جميعاً يـارب
:1:

أفا يا قلب

2013- 1- 24, 07:34 PM

راح احذف علم اجتماع وقراءه ومحادثه ان شااء الله
والله يوفقنا وياكم

amonem15

2013- 1- 25, 03:22 AM

حياكم الله يا اخواني واخواتي الاعزاء
اما بالنسبه لي والله يهمني عدد المواد والتوازن في السهولة والصعوبة
لذالك من اول ما شفت الجدول صرت :19: و جهمت وغمضت :6:وقلت احذف المادتين مره وحده
التذوق الادبي
&
علم اجتماع
اما بالنسبة لعلم اجتماع انه راح يكون في نفيس اليوم في الترم الثالث مع مادة الاستماع والاستيعاب فيسهلها ربكم يمكن تأجيل الاستماع والاسيتعاب او علم اجتماع الى المستوى الخامس والله يسهل كل عسير يالله شدو حيلكم يا جاعة ومثل ما قالو الاخوان كل واحد ياخذ قدر قدرته ولا تضغطون نفسكم والعجله من الشيطان تصدقون انا اخطط اني افتح لي ترم اجمع فيه المواد واقرز وامشي حبه حبه واحطي خطه على كيفي والي ما يستوي اليوم يستوي بكره والي ما يستوي بكره الي بعده وهكذا والله يوفق الجميع وهذه الورده :16:لكم وحق كل من يتعب ويجتهد لاجلنا في هذا المنتدى الرائع .

دودي سمايل

2013- 1- 25, 11:51 AM

انـــــــا حذفت القراءة و المحادثــــــــــــــــــــــــــــة :3:

اوريجون

2013- 1- 25, 02:25 PM

حقيقة يا اخواني واخواتي
اني اتخذت قرار بحذف القراءة والمحادثة الى المستوى الثالث
اولا لأنها في يوم واحد بالنسبة لجدول الإختبارات المستوى الثالث
ثانياً لأن باقي المواد في المستوى الثاني اكثرها سلهة ويبي لها شوية تركيز ومذاكرة من أول نزول محاضرة يعني أول بأول
وأنا اتفق مع اختي فيينا
كلام في محله كل واحد يختار المواد على حسب قدراته ووقته
يعني اللي يحدد ويتخذ القرار في الحذف والإضافة للمواد هو أنت حسب أمكانياتك وقدراتك
لأني لاحظت أكثر الأعضاء هنا في المنتدى لم يتخذوا قراراً بحذف المواد وإنما يعتمدون على قرارات بعض الأعضاء دون فهم الأسباب وإنما أخذوا بمقولة (معهم معهم عليهم عليهم)
وهذا خطأ
ليس هناك مواد صعبة عند المذاكرة والحفظ
الصعوبة تكمن في عدم المذاكرة أولاً بأول خاصة لمن لديهم وقت وفراغ كافي في يومهم
والله يحفظكم ويرعاكم ويسدد خطاكم على دروب الخير والنجاح والتوفيق

خيااليه

2013- 1- 25, 02:36 PM

قراءه ومحادثه سهله مررره انا خذت العلامه كامله وترفع المعدل لاتحذفوونه كلها 25 ورقه

احذفوا علم اجتماع لانه كثير وكله علماء
وموفقين جميعا:16:

شارلين

2013- 1- 25, 04:07 PM

انآآ في البدايه حذفت علم الاجتمااع وقبل شوي غيرت وحذفت القراءه والمحادثه ورجعت علم الاجتماع قولوولي ليشششش ي شارلين << :41:
اول شي القراءه والمحادثه ماااده سسسسهله جدن فقررت أجلها الى المستوى الثالث ولها مكان في الجدول ومامعها ماده ثانيه وان شاءالله ترفع معددلي ,,

علم الاجتمااع لو آجلتهآ للمستوى الثالث راح يكون معها ماده ثانيه وزي مآعرفتو عن علم الاجتمااع مااده دسسمه وكلهآآ علمآآآء ويبغالها تركيييييييييز مو متخيله يكون معها ماده ثانيه :12:,,

المستوآ الثاني راح يكون عندنا الاحصاء و علم الاجتمآآع اللي يبغاالهاا تركييييييز والباقي سهاالاااااات ان شاءالله

moly04

2013- 1- 26, 12:49 PM

عن نفسي بأجل علم الاجتماع والاحصاء والنحو 2

لاني باقي لي مواد في مستوى اول باخذها

بتستغرب شلووون المفروض درستهم كلهم

لاني كنت مغيره تخصصي وخذت بعض مواد من مستوى اول و ثاني

والحين بكمل على الباقين ماعدا اللي ذكرتهم

وبالتوفيق :16:

عاشق القلم

2013- 1- 26, 04:24 PM

عن نفسي
سأقول
لابد قبل الحذف اخذ النقاط التالية بعين الاعتبار ودراستها جيدا:

1/عدم تعارض المادة مع مادة اخرى
2/عدم وجود مادة اخرى في نفس يوم اختبار المادة المحذوفة في المستويات القادمة
3/يفضل ان لايكون اختبار المادة المحذوفة في المستويات القادمة في وسط ايام الاختبارات
والسبب في ذلك
يعود كون النظام الجامعي لايجيز التعارض بين المواد
أما بالنسبة
لوجود مادة اخرى في نفس يوم الاختبار فهذا بلاشك سيجعل الضغط على الطالب أكثر
فلو
حذفنا علم الاجتماع على سبيل المثال
لوجدنا بان اختباره في باقي المستويات السبعة سيكون مع مادة اخرى في نفس اليوم
وهذا ماسيشكل ضغطا على الطالب
وبهذا
فإن مبرر المعدل لن يفيد معه
لاننا لو حسبناها جيدا
لوجدنا بأن السبب الرئيسي لحذفها هو الخوف من نزول المعدل مع ان اختبار المادة في هذا المستوى سيكون في يوم لوحدها
وبالتالي
اذا كانت نسبة نزول المعدل في المستوى الثاني بسبب علم الاجتماع 50%
فانها حتما ستكون 100% في المستويات الاخرى والسبب هو وجود اختبار مادة اخرى معها في نفس اليوم
(فلا تحاول تقنع نفسك بانك ماتقدر تذاكر علم الاجتماع لوحدة في هذا المستوى حتى ترفع المعدل وبتقدر تذاكرة مع مادة ثانية في المستويات القادمة):8:
أما بالنسبة
للفقرة الثالثة فبعض المواد لو حذفت ستجد اختبارها في يوم لوحدة صحيح ولكن سيكون في وسط الاختبارات
وبهذا سنجد
انه بدلا من ان يكون اختبار مادة الانجلش مثلاً يسبقه يومان فارغة بين الاختبارات تستطيع التركيز فيها أكثر
سنجد انها تقلصت الى يوم واحد فقط والسبب هو حلول هذه المادة المؤجلة في هذا اليوم .

وفي الختام
لم أجد بناءً على هذه المعطيات أو النقاط أفضل من مادة القراءة والمحادثة للحذف
فهي المادة الوحيدة التي تخلو من النقاط المذكورة .

ومع هذا

لابد للطالب أن يدرس الموضوع جيدا ويتخذ القرار المناسب بدون أن يتأثر من الاخرين فما يناسبني قد لايناسب غيري .

ولابد عليه أن يعلم بأن التعارض الحاصل في الجدول السابق والذي بناءً عليه قام اغلب الطلبة السابقين بحذف علم الاجتماع قد انتهى ولم يصبح هناك تعارض في جدولنا الحالي.

ولابد أيضأ أن يعلم بأن علم الاحصاء أصعب من علم الاجتماع وهناك احتمالية لتغير دكتورها (وهذا على ذمة من سبقونا في المستوى) وطالما كان مع من يرى اخذ المواد السهلة لرفع المعدل وتاجيل الاصعب فمن الاولى له حذف علم الاحصاء .
...
..
.
هذا رأي
يحتمل الصواب كما يحتمل الخطأ
والمهم الاخذ بما تراه أنت صحيحاً
وفقكم الله

OSoso

2013- 1- 26, 05:37 PM

اهلين فيكم حبايبي ومبرووك عليكم النجاح جميعا

OSoso

2013- 1- 26, 05:43 PM

بالنسبة لي انا اخيرا قررت وسجلت المواد بما ان الجدول غيرووه وصار مافييه تعارض
حذفت النحو عشان اخذ ال18ساعه كامله
ومهما نقصنا مواد
راح ناخذها فالاترام الجايه اضغطو على انفسكم شوي وامشو حسب الخطه
صددقوني بترتاحوون بعدين والله يسرها ع الجمييع :17::16:

فارس عوض

2013- 1- 26, 07:16 PM

انا كمان حاذف علم الاجتماع وربك يفرجها:4: