وش رايكم بجدولي وياليت اذا فيه تعارض تعلموني

[azizsad]

السلام عليكم ورحمه الله وبركاته

وش رايكم في جدولي مع العلم اني منزل انجليزي عام مستوى اول راسب فيه ومنزل التذوق الادبي لاني ما اخذته وعلم اجتماع الاعلام مستوى سادس


ياليت اذا احد لاحظ تعارض يقول لي مع اني متاكد بس اخاف اتوهق

[allraddadi]

اذ كان فيه تعارض لايقبل التسجيل

ولزيادة التاكيد ارجع لجدول الاختبارات

اسال الله ان يوفقك

[طيف الا مل]

ارجع لجدول الامتحانات افضل عشان تشوف الايام والفترات :21:

[azizsad]

جزاكم الله خير اسئل الله لنا ولكم التوفيق في الدارين

انا ما حطيت الجدول الا بعد التاكد من جدول الاختبارات بس قلت يمكن اخطأت فقط وتعرفون اللي يسوي الشي مايشوف عيوبه الا غيره

[hdoy]

اذا انت رايح مستوى ثالث انصحك تاخذ مواد سهله عشان معدلك يثبت عليه
انجليري اذا انت ماراح تفلح فيه اجله

وتلاوه وتجويد صعبه شوي
تذوق ادبي حلو
علم السكان دسمه شوي على حسب مااعرف
تاريخ يبي له حفظ وفهم لان اسئله الدكتور بالاختبار تحير نوعا ما
باقي المواد حلوه وسهله
لكن اخر ماده مالي علم فيها

يبي لك تذاكر تلاوه وتجويد قبل الاختبارات بفتره لان ماراح يمديك اليوم الي بعده تاريخ

مجرد نصيحه وبالتوفيق لك

[فجر التفاؤل]

انا اخذت كل الموااااد مستوى ثاالث وزدت عليها انجليزي كتاابه
وش رايكم هل تصرفي صح او اخظأت

[ام عبودي ومرام]

صحيح اختي أنا مثلك اخذت نفس جدولك والله يوفق

[azizsad]

جزاكم الله خير



وياليت مستوى ثالث يحطون لهم قسم خاص مثل باقي المستويات

هالحين لو بغيت اسئل احد في مستوى ثالث او احتجت احد او اسئلة او معلومات وين احصلهم انحاشوا ولا يطلعون إلا وقت الاختبارات مثل الجراد مايطلع الا وقت الربيع :p

المهم خلونا يد وحده تراني على الله ثم عليكم لا تخلوني :44:

[طبيب الاحساس]

جدولك ممتاز بس اللي انا مستغرب منه الانجليزي العامه وين ما اخذتها من اول

وبالنسبه لتعارض اعتقد انه ما يقبل النظام اذا في ماده بنفس الفتره واليوم

اتمنى لك ولي التوفيق والنجاح