افيدونــي عن اقل نسبه

[Hend]

السلام عليكم


لو سمحتوا !


ممكن تقولون لي !


بالنسبه للطالبات في كليه الدمام والاحساء ! تخصص الطب

ايش اقل نسبه قبلوهـــا ؟ ..



محتاجه افادتكم !

[Dr.Esraa]

كلية الطب بالاحساء كانت 86
كلية الطب بالدمام 92

[وردة المحبة]

اختي


لاتعتمدين على نسب حقت العآآم..


لانها تتغير بحسب المتقدمات ونسباتهم..



يعني ممكن الطب يزيد عن 86 أو ممكن يقل عن 86



والله يوفقك يااارب

[اورجوان]

:119:

مثل ما ذكرت الاخت وردة المحبة

[Hend]

طيب بسأل الحين !


السنه التحضيريه هذه للكليات الصحيه !

تشمل اي تخصصات بالضبط !:000:

صراحه داخ راسي كل شوي اسمع كلام !:017:


يعني ادخل السنه التحضيريه وبعدين على حسب معدلي اختاري تخصص ؟؟!! واي التخصصات !!؟؟

[اورجوان]

:mh19:

سؤالك مش واضح من ناحية التخصصات !

بشكل عام

دراسة الطب = 7 سنوات

السنة الاولى = التحضيرية

يشترط فيها انك تجيب معدل 3 من خمسه

اذا ما جبت هذا المعدل , يتم نقلك الى قسم اخر >>> الى كلية العلوم تقريبا

اذا عديت المعدل تنتقل الى سنة ثانية ثم ثالثة ... إلخ

السنة 7 = سنة الامتياز

بعدها تصير طبيب عام

يتم التخصص بعد هذي ال7 سنوات بحسب القسم الي انت تختاره

اطفال , نساء و ولادة .......... اي شي !

---------

تخصص طب اسنان = تاخذه لوحده , يعني ما يحتاج ال 7 سنوات !

اتمنى يكون الشرح اجاب على استفسارك

اي استفسار تفضل :119:

[سراديبـ...]

أختي الكريمه اللي فيها الكلام اللي إنتي قلتيه هذي جامعه سعوود مهي جامعه فيصل

[اورجوان]

:mh19:

تقصدني انا أخوي سراديب ؟؟

:mh19:

لأن الكلام إلي قلته ينطبق على جامعة الملك فيصل إلي بالاحساء !

لكن مدري اذا شطر الدمام عنده نفس القوانين او لا !!

[اورجوان]

:119:

يرجى الدخول على هذا الرابط حتى تستفيدون جميعا


نظام ومتطلبات الدراسة لكلية الطب بالاحساء

http://www.kfu.edu.sa/ar/Colleges/AhsaMedicine/Pages/AdmissionRequirements.aspx

[اورجوان]

نظام و متطلبات الدراسة لكلية الطب بالدمام

http://www.kfu.edu.sa/ar/Colleges/Medicine/Pages/System.aspx

[سراديبـ...]

لا أختي أرجوااان


أنا أقصد جامعه الملك سعود إذا قدم عليها أحد يقدم على القطاع الصحي ويدرس السنه التحضيريه

وأعى الطلاب في المعدلات يدخلون الطب وبعدهم الأسنان وهكذا


أنا أتوقع إنها سمعت عن سعود وصار عندها لبس بين جامعتنا وجامعه سعوود

أما بالنسبه لكلامكي عن جامعه فيصل اللي بالأحساء فهو نفس نظام فيصل اللي بالدمام


لذالك جامعه فيصل أحسن من جامعه سعوود لأنك تدري وش بتدخل فيه من أول سنه



مع التحيه

[اورجوان]

:cheese: اي هذا اقول , شككتني يا سراديب :119:

اختي .. اذا ما وضح عندك الموضوع قولي و ان شاء الله نفصل لك اكثر

:119:

[اينشتاين]

يعني لو تكون النسبه المركبه 81%


انقبل طب والا :bawling:




؟؟؟

والا تقصدون التراكمي...؟؟

[اورجوان]

:119:

أخوي ..

قلنا من قبل ..

العلم عند الله من ناحية القبول و حنا كل الي نسويه عبارة عن مقارنة بين نسبكم و نسب السنوات الماضية

:119: تمنياتنا لكم كل التوفيق ان شاء الله

و يا رب كل واحد خاطره طب يدخل ..

و نسبتك وسط ما بين القبول و الرفض من ناحية كلية الطب بالاحساء

هذا و العلم عند الله !

تمنياتي لك القبول ان شاء الله

[اورجوان]

توضيح

النسبة التركيبية هي عبارة عن

( 30% نسبة الثانوية + 30% القدرات + 40 % التحصيل ) << اذا ما غيرو الحسبه

[سراديبـ...]

هههههههه أرجواان آسف يمكن ضيعتكي هههههههه


بس إن شاء الله فهمتي قصدي