محتار ألف بخصوص تنزيل المواد وابي مساعدتكم

[ابو بتول]

أخواني الاعزاء أنا في حيرة من أمري وأحتاج مساعدتكم بخصوص الجدول خصوصا الطلاب القدامه ...
أنا خلصت امواد المستوى الاول كامل وأخذت امواد المستوى الثاني ورسبت في الانجليزي والاقتصاد الكلي ماخذتها يعني بقى لي من المستوى الثاني مادتان الانجليزي والاقتصاد الكلي وهذى الترم الي مضى المستوى الثالث اخذت مهارات اتصال ومحاسبة تكاليف وتقنية معلومات 2 والحمدالله عديتهم ..

الحين باقي لي في المستوى الثاني مادتان الانجليزي والاقتصاد الكلي ومن مستوى ثالث ثلاث مواد الاحصاء وادارة مالية 1 ونظم معلومات ادارية ..
فقلت شكلي بانزلهم هالترم عشان مايكون عندي مواد متخلفة وقلت بانزل لي مادة البحث والتفكير من مستوى رابع في يصير عندي 17 ساعة ..

وانا محتار خصوصا ان مادة نظم معلومات والاقتصاد الكلي يكونو في نفس اليوم وانا مانا عارف كيف الرتب الجدول متلخبط فوق وتحت وكل واحد يقول لي شكل ...

فأرجو منكم تساعدوني في أزمتي ويش تشورون علي بحكم أنكم خبرة ويش انزل لي من مواد وانا ماراح افكر بعدها عشان امشي مع الخطة :16:

مع اطيب تحياتي الحارة لكم :1::1::1:

[الجلاد]

إن شاء الله يفيدونك

[ابن خلدوون]

انا ماني نفس تخصصك ولكن نصيحتي انك ماتترك مواد متأخرة عليك من الأترام السابقة الاّ إذا كانت تتعارض مع بعض مواد بالمستوى الحالي .. يكون بإمكانك تأجيلها شوي ..

انا هالحين عندي مادتين انجليزي قراءة وكتابة من المستوى الثاني ..وبلشت فيهم كل ماسجلتهم بترم الثالث والرابع يتعارضون وتاركهم الى ان يقضي الله امرا كان مفعولا ..

[ابو بتول]

بل اشدعوه ماحد عبرنا خلينا الموضوع يومين ولااحد رد علينا ويش دعوه يالربع نبي المشورة مانبي شي ثاني :39:
على العموم خطتي انزل هالمواد ويش رايكم

احصاء
ادارة مالية1
انجليزي الي حملته طبعا
اقتصاد كلي
سلوك تنظيمي
ادارة اعمال الكترونية

وسلامتكم احبائي

[اروع انسانه]

اخويه والله ماني عارفه
بس اذا مافي تعارض
خذها وخلص منها احسن

[تاج راسي امي]

الله يوافك يأرب :29:

[هتان 2]

اخوووي ابو البتووول ليه حملت الاقتصاد الكلي والاسئله جت نسخ ولصق لنموووذج عام 2010 حسب علمي من مستواكم الثاني ياليت تفيدني

[ابو بتول]

اخوي هتان ماحملت الاقتصاد الكلي لسه ماأخذتها :21:

[mo7ammo]

اخوي ودي افيدك لكن ما عندي علم كامل في هذا الموضوع وبصراحه ما ادري وين مشكلتك :42:

اللي فيه تعارض اجله للمستوى الرابع اذا ممكن إذا غير ممكن اجله للمستوى الخامس او السادس ،،وإذا تخاف يكون عندك ضغط في المستقبل اسحب من مواد المستويات الاعلى

الموضوع يختاج كاس شاهي وتخمخمخ على الجدول :21:

[أمنية أحمد]

الانجليزي والاقتصاد الكلي ومن مستوى ثالث ثلاث مواد الاحصاء وادارة مالية 1 ونظم معلومات ادارية ..
فقلت شكلي بانزلهم هالترم عشان مايكون عندي مواد متخلفة وقلت بانزل لي مادة البحث والتفكير من مستوى رابع في يصير عندي 17 ساعة

حلو اذا ماتتعارض بالجدول خذها كلها وانت مغمض طبعا اذا ظروفك تسمح للمذاكرة فيها في هذا الترم
حظ موفق واسمح لنا اذا تأخرنا بالرد
:17: