تكفون مساعدتكم

[حكايهـ]

أنا نسبتي 81%

ونسبة القدرات57

ونسبة التحصيلي59


هل ممكن أنقبل بكلية التربيه

تكفوووووووووووون جاوبوني

وإذا ما أنقبل بهذي الكليه هل في كلية بجامعة الملك فيصل تقبلني


على العلم وربي يشهد علي أنا بذلت جهدي بس هذا المكتوب

اللهم لا إعتراض

وماهي أقل نسبه تقبلها الكليه


جاوبوني ضرووووووووووووري

[حكايهـ]

:Cry111:تكفووووووووووووون
أبي ردودكم

[غلا الدنيا]

الجامعه ماتاخذ الا ع النسبة المركبه ..
وعذرا ع تطفلي حسبت لك نسبتك المركبة عشان افيدك اكثر طلعت 64 ..

شوفي اختي العام كلية التربيه فقلوا ع 78 او 77 نسبة مركبه ..
وكلية التربيه ( الآداب حاليا ) قفلوا ع 71 و 72 نسبة مركبه ..
وكلية المجتمع ( دبلوم سنتين ماتكملين بالجامعه ولا لك مكافاءه ) فقلو ع نسب في الستين اتوقع ع 62 نسبة مركبة ..

هالسنه مدري عنهم وش نظامهم وكم راح يقبلون ..

نصيحتي لكـ ,,
هم راح يعطونك الخيار انك تحطين 3 رغبات ..
انصحك تحطين رغباتكـ كذا ..
1\ كلية التربيه ..

2\ كلية الاداب ..

3\ كلية المجتمع ..

وبكذا ان شاء الله تظمنين انكـ تدرسين حتى لو الدبلوم ..

وتطمني اختي ان شاء الله يقبلونكـ ..

[غلا الدنيا]

ع فكرهـ توني اطلعت ع بوابة القبول ..
وشفت انو لكم 6 رغبات وهذا شي ممتاز جدا :119: ..

[حكايهـ]

تتوقعون ياخذون نسب متراكبه أٌقل خاصه إن هالسنه جايه مكرمه

أن 20 ألف طالب وطالبه بيدخلون جامعة الملك فيصل

وخاصه إن كثير ماجابو نسب زينه بالقدرات

يعني الأغلبيه تحت 70

جد أحس خايفه ما أنقبل لو ماأنقبلت جد راح أتحطم


وحبيت أسأل أنا صديقتي علمي ونسبتها المركبه 83

في مجال تدخل تربيه خاصه مع العلم أن نسبتها التراكميه 98

واللي نزلها نسبة القدرات

جد القدرات حطمنا كثير


أبي تريحوني أكثر تكفون


أختي غلا الدنيا جد ريحتيني والله ارتحت مع اني خايفه بس جد الله يسعدك ويوفقك دنيا وآخره ويريحك كثر ماريحتيني


الله يكتب لك كل خير بحياتك

[نواف العنزي]

الله يوفقك يارب .. ولا تخافين انتي قدمي .. وشوفي غلا الدنيا ترا ما شاءالله عليها مميزة البنت الله يوفقها ويستر عليها يارب

[غلا الدنيا]

قولي آمين ..

انك تجين تبشريني بقبولكـ بالجامعهـ بالكلية الي تبينها ..

\\

انتي الحين لا تخافين ولا تقلقين ..
ان شاء الله كل الامور سهالات ..
و راح تنقبلين لاني بجد كل البنات نسب القدرات والتحصيلي في الـ 60 ..
يعني اتوقع الاغلب نفسك نسبتكـ ..
لا تحاتين :119:

\\

نواف شكرا اخوي ع كلامك اللطيف ,,

[حكايهـ]

مشكووووووووووووورين


الله يسمع منك وإن شاء الله يارب جد أول وحده لو أنقبلت راح أبشرها أنتي:Cry111:

[ĤǿŐǿмά]

سلااام يالغلا

قولي ان شاء الله يارب تدخلينها


لانو العام دخلو بنااات بالهبل نسبتهم الثانويه اقل من 65


وانا شفتها بعيني بالجريده


يمكن عشان القدرات ولا فيتامين وااو :t1: <<



ع العموم


رحنا زياره للتربيه الي بالجبيل وقالو لنا انوو


فيه قسم English ورياض اطفال لبنات ادبي

ومافيه تربيه خاصه احتمال يفتحوها واحتماااال كبير لا


والقسم الوحيد الي يقبل علمي & ادبي هو الانقليزي بس


هذ1 الي قالووه لنا


وانتي يالغلا اسألي واستفسري

عشان تستفيدين اكثر


ووالله لو عندي معلومات اكثر كان افدتك بس للأسف ماعندي :Cry111:



هذ1 كل الي عندي



سلامي لك


ودعواتي لك بالتوفيق يالغاليه :119: