استفسار لتسجيل موادي ساعدوني

[almoon]

مساء الخيير ..
لوسمحتوا مين تقدر تفيدني بالتسجيل
انا عندي ثلاث مواد من المستوى الأول
مبادى المحاسبه 3 ساعات
مبادى الرياضيات 3 ساعات
مبادى الإداره 3ساعات
وأبي اخذ معهم المستوى الثاني
مبادىء الاقتصاد الكلي 3 ساعات
الصحه واللياقه 2 ساعه
العقيده والمذاهب المعاصره 2 ساعه
الأخلاق الإسلاميه 2 ساعه

صار مجموع ساعاتي هالترم 18 ساعه ومكتوب بالمنتدى ما أقدر اكثر من 15 ساعه وبتويتر قال عادي حملي اللي تبينه
وارسل على ايميل الجامعه من ثلاث ايام مايردون علي !!
سؤالي .. لازم احذف من المواد والا عادي ؟؟
جزاكم الله خيييير

[jooj_7]

ما تحسين يصير ضغط عليك !

[almoon]

الا والله احس ضغط شوي وبالذات باللي مانجحت فيهم بس وش اسوي أبي أشد حيلي وأفتك منهم :39:

[غـــريب الدار]

حتى السعر راح يكون عليك عالي مرة
شوفي 18 ساعة ضرب 165 ريال
ويطلع لك 2970 زايد 10 ريال بريد
ويصير 2980 ريال ,,؟؟؟ قول 3000 الاف ,, والله كثير

سجلي 14 ساعة وريحي بالك

لاحقين على خير اهم شي يكون المعدل كويس ,, مو لازم تخلصين بدري او تمشين على خطتهم:17:

[almoon]

اول مره اعرف حساب السعر ,, ياربي تخيلت ادفعهم واسقط بنصهم وارجع ادفعهم مره ثانيه ههههههههههه
شككرا نبهتني على شي ماكنت منتبه له :21:
....

طيب تنصحوني أشيل من المستوى الثاني ؟؟ العقيده والأخلاق الاسلاميه
يصير المجموع 14 ساعه
:19:
مشكووورين والله على التجاوب السريع

[jooj_7]

ربي يوفقك ي أختي حطي المواد اللي تقدرين ترفعين معدلك فيهم :1:

[طاش ماطاش]

الاحد 9-7-1434 العقيدة الاسلامية والمذاهب المعاصرة ------الفترة الاولى

كذلك مبادئ الادارة --- الفترة الثانية (( هنا فيه مادتين بنفس اليوم ))

انتبهي هنا عندك ماديتين بنفس اليوم الفترة الاولى والثانية اذا ماتقدرين تذاكرين المادتين احذفي العقيدة افضل لك

[نسر القمم]

أختي، رسبت بثلاث وعدد الساعات كانت 15
والان تبين تنزلين 18 ساعة عشان تفتكين :39:

اهتمامك بسرعة التخرج لا تخلينه على حساب معدلك ابدا
موفقه