مساائكم ورد .. لاهنتوا دقيقه من وقتكم ..

[خجل الورد]

السلام عليكم ورحمة الله وبركاته ..

انا طالبه بالأحساء تخرجت من الثانويه العامه هالسنه ..

بنسبة 92% علمي ..

صراحه من اول مادخلت ثالث ثانوي وانا افكر وش ادخل تخصص ..

والحين لما اليوم خذت نسبتي مو قادره اقرر قرار نهائي ..

احترت بين اربع كليات بجامعة الملك فيصل ..

(( كلية الطب - كلية الزراعة والتغذية - كلية هندسة الحاسب - كلية العلوم التطبيقيه ))

كلية الطب خليتها على جنب لأن الأهل مترددين كثير ..

باقي كلية الزراعة والتغذيه ودي اصير فيها اما معيده ولا اخصائية تغذيه ..

او كلية الحاسب بقسم هندسة حاسب .. بس يقولون مافيه بنات :011:

او كلية العلوم التطبيقيه قسم المختبرات .. بس الاهل يقولون وظيفته مو حلوه ولا راتبه >> هذا الي هم الاهل .. :011:

يعني بأختصار ودي برايكم .. ووش الي تنصحوني فيه .. اي كليه وتخصص له مستقبل ووظيفه حلوه ..

واذا صرت اخصائية تغذيه حلوه الوظيفه ..؟

وبالنسبه لأدبي يقدرون يدخلون الكليات الي ذكرتها ..؟

يعطيكم ربي الف عافيه .. وجزاكم الله خير ..

لـكم ودي ..

[وجنات الورد]

إن شاء الله بوأحمد مايقصر
بس انتي وش ميولك وادخلي في القسم
اللي يناسبك
وربي يوفقك

[أم زهراء]

مرحباً أختي خجل الورد

ألف ألف مبروك على النجاح والتخرج:d5: وعقبال الشهادة الكبيرة ان شاء الله

شوفي أختي لازم تدخلي التخصص الي ميولك فيه ومقتنعة فيه وتحطي في بالش انه الشي الا بتمشي عليه بقية حياتش وتطوري نفسش فيه وبعد تبرعي فيه على الأقل هذا شي من الأشياء الا كنت أفكر فيه قبل ماأدخل الجامعة

انتي ماشاء الله عليش تهتمين لرأي أهلك كثير وهذا شي زين بس ماخليتي شي الا وطلعتي عيوبه بعكس ماتنظري لايجابياته

أتمنى تقدرين تحسمين أمرش من الحين لان التسجيل يبدأ بكرة والله يقدم الا فيه الخير
Good Luck

[بـــو أحــمــد]

و عليكم السلام و رحمة الله و بركاته

خجل الورد
ألف ألف مبروك على التخرج .. و عقبال القبول إن شاء الله

أنصحك تقررين أنتِ .. و تختارين المجال ألي تطمحين له:119:

كلام الأهل على العين و الراس ..
بس لازم يتفهمون وضعك و المجال ألي تطمحين له

بخصوص كلية الطب
لا بد تكون النسبة 90% و فوق علمي
لو فكرتي تسجلين أنصحك بكلية الطب بالأحساء ..
لأأن كلية الطب بالدمام يا دوب يقبلون بنات و نسبتهم 99% و فوق:000:
لأن العدد محدد و كثير من البنات ما يقبلن بسبب عدم وجود مقاعد كافية:000:


كلية الزراعة والتغذية
تخصص أخصائية تغذية حلو كثيييير
و بالنسبة للطالبات .. النسبة المطلوبة هي 80% علمي
و طبعاً كلية الزراعة عندنا في الحسا ..


او كلية الحاسب بقسم هندسة حاسب .. بس يقولون مافيه بنات
بالفعل .. كلامك صحيح
كلية العلوم الإدارية و التخطيط التسجيل فيها للطلاب بس !
أما الطالبات .. لازم يدرسن على حسابهن في كلية الدراسات التطبيقية و خدمة المجتمع في البرنامج التأهيلي لمدة سنتين .. و بعدين إذا حصلت الطالبة على معدل 2.75 من 5 أو أكثر .. تقدر تكمل دراستها في كلية العلوم الإدارية و التخطيط لمدة سنتين و تحصل على درجة البكالوريوس و تعطيها الجامعة مكافأة


او كلية العلوم التطبيقيه قسم المختبرات .. بس الاهل يقولون وظيفته مو حلوه ولا راتبه >> هذا الي هم الاهل ..
كلية العلوم الطبية التطبيقيةفي االدمام
بالنسبة للطالبات .. لا بد تكون النسبة 90% علمي



وبالنسبه لأدبي يقدرون يدخلون الكليات الي ذكرتها ..؟
تخصص الأدبي بالنسبة للطالبات غير متاح لهم الدخول في الكليات الي ذكرتيها



أنصحك يا أختي تقررين بنفسك .. ما أقولك أسمعي كلام الأهل
بالعكس أسمعي كلامهم كمشاروة .. مو كقرار تتخذنيه بحد ذاته
يعني قرار دراستك أنتِ مسؤولة عنه و أنتِ تقررينه

[خجل الورد]

السلام عليكم ورحمة الله وبركاته ..

وجنات الورد .. ام زهراء ..

يعطيكم العافيه حبايب قلبي وماقصرتوا ..

الغالي // بو احمد ..

ربي يسعدك دنيا وآخره ويحقق كل الي ببالك .. ماقصرت خليتني اعرف ان الي انا راغبه فيه لازمه ادخله ^_^

والحين بعد عندي لك اسئله والله يعينك علي :g2:

الحين انا امس يوم الأثنين .. سجلت بكلية الطب بالاحساء ..

وقالوا ان اليوم وبكره لازم اشوف قبلوني ولا لا .. علشان اخذ بطاقة دخول الاختبار التحصيلي ..

طيب سؤالي .. كيف اعرف انهم اقبلوني عن طريق النت ولا اروح لهم ..؟

واذا رحت لازم اروح مبنى الطب ولاشسالفه >> ضايعه البنت من قلب ..

لأني حست الدنيا بالنت مالقيت الطالبات المقبولات بالكليات الصحيه :011:

وسؤالي الثاني .. الاختبار التحصيلي والقدرات يختلفون عن بعض مع اني ماادري وش اختلافهم بس ودي اسأل هل هم باللغه الانجليزيه ..؟ >> هذا خوفي والله :011:

وكم لازم اجيــب بالقدرات والتحصيلي بالنسبه لنسبتي علشان يقبلوني ..؟

وآخر سؤالين >> ادري طولتها معك :lllolll:

انا جمعت درجة الرياضيات والفيزياء والكيمياء والاحياء وقسمتهم على اربعه وطلعت النسبه المئويه لهم .. طلعت 90 % .. لأنهم يقولون لازم عند التسعين ولامايقبلونك .. فهل الانجليزي داخل معهم :011:

آخر سؤال .. مكتوب نسبه عامه 90 ونسبه خاصه 90 .. وش ذي النسبه الخاصه :000: >> اقول اجلسي ببيتكم احسن لك ههههههه ..

يسلمووووو بو احمد وربي مايحرمنا منك ..

دمت بخير ..

[خجل الورد]

ايوا صح ..

نسيت لو رحت الجامعه الساعه كم لازم نروح ..؟ >> تعبتيهم ..

[بـــو أحــمــد]

الحين انا امس يوم الأثنين .. سجلت بكلية الطب بالاحساء ..

وقالوا ان اليوم وبكره لازم اشوف قبلوني ولا لا .. علشان اخذ بطاقة دخول الاختبار التحصيلي ..

طيب سؤالي .. كيف اعرف انهم اقبلوني عن طريق النت ولا اروح لهم ..؟

القبول مو ألحين يا خجل الورد
تروحين للجامعة عشان بس يتأكدون من معلومات ألي سجلتيها هل هي صحيحة أو لا ..
و بروضو عشان تستلمين بطاقة الدخول للإختبار التحصيلي
و رايح يكون هذا الإختبار في يوم الأربعاء الأسبوع القادم 26/6/1428هـ بالنسبة للطالبات ..

و إذا بتروحي الجامعة أخذي معاكِ صورة من شهادة الثانوية العامة .. و صورة شخصية لك أنتِ مقاس 2×3
و لا تنسين تآخذين بطاقة العائلة معاكِ إذا كان ما عندك بطاقة شخصية



وسؤالي الثاني .. الاختبار التحصيلي والقدرات يختلفون عن بعض مع اني ماادري وش اختلافهم بس ودي اسأل هل هم باللغه الانجليزيه ..؟ >> هذا خوفي والله

وكم لازم اجيــب بالقدرات والتحصيلي بالنسبه لنسبتي علشان يقبلوني ..؟
الإختبار هذا أسمه الإختبار التحصيلي ...
أضغطي على الرابط التالي عشان تشوفين النشرة الخاصة بالطالبات للإختبار التحصيلي ...
http://www.qiyas.org/issues/Female.pdf
أنتظري أشوي للتحميل

و إذا عندك أسئلة عن هذا الشي .. تفضلي
و بخصوص النسبة المطلوبة .. ما أعلنت عنها الجامعة
بس حلو تكون درجتك في الإختبار التحصيلي من 75 و فووووق
و لو كانت في 80 أو 85 أو أكثر أحلى و أحلى ... :119:

انا جمعت درجة الرياضيات والفيزياء والكيمياء والاحياء وقسمتهم على اربعه وطلعت النسبه المئويه لهم .. طلعت 90 % .. لأنهم يقولون لازم عند التسعين ولامايقبلونك .. فهل الانجليزي داخل معهم

آخر سؤال .. مكتوب نسبه عامه 90 ونسبه خاصه 90 .. وش ذي النسبه الخاصه >> اقول اجلسي ببيتكم احسن لك ههههههه ..

يسلمووووو بو احمد وربي مايحرمنا منك ..

ما عندي فكرة عن هذا الشي .. بس سمعت اليوم فيه طالبات قلبوها نياحة ..
لأنهم حسبوا مثل ما قلتي .. و مدري شطلع لهم :000:


الله يكون بعون الجميع

عموماً .. خجل الورد ..
ألحين أنتِ روحي الجامعة و قدمي اوراقك ...
بكرة آخر شي و يصير خير بعدين على الإختبار التحصيلي و الحسابات الثانية :119:

و لا تنسين الأشيا الي قلت لك عنها .. المطلوبة تآخذينها معاكِ بكرة