أريد أعرف طريقة التسجيل؟سااااعدوني الله يوفقكم

[nill]

أنا أريد أسجل في جامعة الملك فيصل بالاحساء
بس ماعرف طريقة التسجيل والمنافسات اللي يقولون عنها
يعني ماأعرف شيء
أتمنى أحد يشرح لي الطريقه خطوه خطوه قبل مايجي يوم السبت
لأني متوتره وخاااايفه
تكفووون لاتردوني أريد الشرح وشنو الاساسيات
لأني ماأريد رابط لأن مافهمت شيء

[غلا الدنيا]

اختي كل شي راح يوضحونه لكمـ اما بكرا ..
او يوم الجمعهـ او يوم السبت يوم التسجل ..
طريقه مصورهـ لكيفية التسجيل ..

طبعا التسجيل راح يكون ع هالرابط ,,
http://www3.kfu.edu.sa/admission/ad-1430sys/index.htm

[nill]

مشكووووره
يعطيك العاااافيه
طيب أبي أسأل عن السنه التحضيريه كيف مافهمت شنو القصد
وشنو الكليات الموجوده بجامعه فيصل بالاحساء للعلمي شنو وللأدبي
وكيف ان راح يتم منافسات لأني ولاشيء فهمت
طيب أقدر أروح للجامعه نفسها وأسجل لأني أخاف
مايكون تسجيلي مضبوط
أتمنى أفادتكم:Cry111:

[غلا الدنيا]

لا للأسف التسجيل الكتروني فقط :119: ..
لا تخافين ان شاء الله تسجيلك راح يكون مضبوط لا تقلقين ..
التسجيل سهل ومايبغى له شي ..
و اذا مرهـ خايفه وقت التسجيل اي استفسار وانتي تسجلين حطيه بالمنتدى هنا ..
وراح الكل يساعدكـ بكل الي يقدر ..

\\

انتي علمي ولا ادبي ..؟
عشان اجيب لك الكليات :119: ..

\\

سنه تحضيريه ..؟!
مافيه الا بكلية الطب والهندسه و الصيدله ..
اما بكلية العلوم ولا التربيه والاداب مو سنة تحضيريه تسمى سنه عامه تدرسون مواد مشتركه وبعدين تتخصصون :119: ..

\\

المنافسه ع الاقسام راح يكون بأعلى النسب و حسب المقاعد المتاحه لكل كلية ..
انتي لكـ 6 رغبات تقدرين تسجلين فيها ..
حطيها حسب الأولويه بالنسبه لكـ :119: ..

\\

موفقه خيتو ..
واي استفسارات ثانيه حاظرين :119: ,,

[nill]

تسلمين يالغاليه
ربي يوفقك ويحقق مرادك
أنا في علمي ونسبتي المركبه دمار
يعني في الستين
وأريد أسجل في كليات ممكن تقبل نسبتي
وأريدك تعطيني الكليات الخاصه للعلمي

[غلا الدنيا]

كلية الطب ( لازم الثانوي 90%)..
كلية الصيدله ( لازم الثانوي 90% )..
كلية علوم الحاسب ( لازم الثانوي 95% )..
كلية الزراعه ..
كلية العلوم ..

هذي التخصصات الموجود للعلمي ..
بالتوفيق لكـ ..

[nill]

طيب أنا قلت بسجل في كلية التربيه العلميه لأنها ممكن تقبلني
هل أضع في الرغبات كلية التربيه العلميه
والاأضع مثلا أحياء كيمياء فيزياء
أنا سمعت ان الرغبات السنه اللي فاتت 3 كيف السنه 4
مشكووووره حبيبتي بجد ساااعدتيني وانشالله ماراح أنسى الجميل اللي سويتيه لي:s12:

[غلا الدنيا]

مافيه كلية التربيه العلميه سكروها هالسنه ..
فيه كلية العلوم واقسامها فيزياء - كمياء - رياضيات ..

و لكم رغبات هالسنه 6 رغبات :119: ..

\\

اذا كنتي خايفه ماتنقبلين ..
شوفي كلية المجتمع (( دبلوم سنتين بدون مكافاءه )) هذي خليها لك اخر رغبه تقبل علمي وادبي قسمها حاسب ..
العام وصلت النسبه المركبه لها 62 % تقريبا كذا ..

\\

موفقه خيتو :119: ..

[nill]

يؤيؤ طيب كيف صاحباتي يدرسوا فيها
هل بيتم نقل الطالبات ولاكيف لأني أنا بسجل معهم بنفس لكليه
وأنا قلت أريد أحياء والله خاايفه
والله تعبت معاي بس مالي الاالله ثم انتي واتمنى تساعديني
وكثير قالوا لي اسجل بالتربيه العلميه لأن العم وصلت النسب الى 63المركبه
والله احس محتاره شنو ادخل فيه اخاف ادخل بتخصص موقده انا ولاانقبل

[غلا الدنيا]

والله مدري وش نظامهم ..
اكيد هم راح يدرسون فيها بس انتوا لا سكروا القبول عليها ..
لانها مو موجوده ضمن الكليات ..

\\

طيب كم نسبتكـ المركبه ..؟

حتى كلية الزراعه نفس الشي وصلت للـ 63 نسبة مركبه :119: ..

[nill]

انا نسبتي المركبه 63.515
طيب يعتبر هي خارج الجامعه بس فتحت الموقع
موجود من ضمن الكليات كليه التربيه العلميه والادبيه
وانا حاطه أمل اني راح أسجل فيها لأني أريد أكون مع صديقاتي
وأنا أتمنى أني ماأكون بالجامعه أريد أكون خارج الجامعه بس اذا مافيه
أهم شيء أدرس

[غلا الدنيا]

انا اطلعت ع الكليات ماشفت كلية التربيه ..
وكلية التربيه الأدبيه (( سموها الآداب هالسنه )) ..

\\

شوفي صحيح نسبتكـ مو عاليه مره ..
بس تقدرين تسجلين في الجامعهـ ..

\\

حطي رغباتكـ حسب اولويتكـ ..
عندكـ هالكليات تقبل النسب النازله نسبينا ..
كلية العلوم ..
كلية الزراعه ..
كلية المجتمع ( دبلوم سنتين بدون مكافاءه )) قسم حاسب الي ..

\\

مووفقه يارب :119:

[nill]

طيب دوختك معاي بسألك هذا السؤال وانشالله بيكون آخر سؤال
الكليه العلميه يعني خلاص ماقدر أسجل فيها ولا سموها باسم هي كمان

[أم العنود]

تقدرين تسجلين فيها العلميه بس تغيير اسمها الى كلية العلوم بالاحساء

[nill]

مشكوووورين ويعطيك الف عااافيه
بجد أفدتوني كثير

[إبتسامة خجل]

لا ي مين قال انا سكروها كلية التربية العلمية والأدبية

في تسجيل السنة مثل كل سنة >>>> طبعا إذا كنتي تقصدين الي بلأحساء التابعة للجامعة في التسجيل الألكتروني فقط

أما المبنى فهي منفصلة عن الجامعة

وفيها تخصص كيمياء - فيزياء - أحياء - رياضيات طبعا في هذي الكلية يكون التسجيل للتخصص على طول إذا ماغيروا النظام

الله يوفقك وتبشرينا بقبولك

تحياتي

[أم العنود]

ماسكروا العلميه والادبيه مجرد غيروا الاسماء وضافوا وشالو اقسام
يعني العلميه اسمها كلية العلوم بالاحساء
اقسامها فيزياء رياضيات كيميا احياء
والادبيه كلية الاداب بالاحساء
انجلش وعربي وجغرافيا وتاريخ ودراسات واتصالات واعلام ومكتبات وعلم اجتماع

[أحمد 2010]

كلية الهندسة كم تبغى ؟؟؟؟؟؟؟؟:Cry111:

[غلا الدنيا]

تقدرين تسجلين فيها العلميه بس تغيير اسمها الى كلية العلوم بالاحساء

كلية العلوم هذا اسمها اساسا كلية العلوم ..
وموجوده من زمان ..

\\

يمكن دمجواا الكليتين مع بعض ..

[غلا الدنيا]

لا ي مين قال انا سكروها كلية التربية العلمية والأدبية

في تسجيل السنة مثل كل سنة >>>> طبعا إذا كنتي تقصدين الي بلأحساء التابعة للجامعة في التسجيل الألكتروني فقط

أما المبنى فهي منفصلة عن الجامعة

وفيها تخصص كيمياء - فيزياء - أحياء - رياضيات طبعا في هذي الكلية يكون التسجيل للتخصص على طول إذا ماغيروا النظام

الله يوفقك وتبشرينا بقبولك

تحياتي

مغرورهـ حبيبي الله يوفقك معلوماتكـ قديمه ..
الحين تغير الوضع ..

دمجوا كلية العلوم مع كلية التربيه العلمه وصارت مسماها العلوم ..

كلية التربيه الادبيه سموها الاداب وفتحوا فيها اقسام ..

كلية التربيه الي في مبنى الجامعه بس خلوا فيها قسم رياض اطفال .. تربيه خاصه :119:

[غلا الدنيا]

ماسكروا العلميه والادبيه مجرد غيروا الاسماء وضافوا وشالو اقسام
يعني العلميه اسمها كلية العلوم بالاحساء
اقسامها فيزياء رياضيات كيميا احياء
والادبيه كلية الاداب بالاحساء
انجلش وعربي وجغرافيا وتاريخ ودراسات واتصالات واعلام ومكتبات وعلم اجتماع


صح كلام بو العنود ..
يعني الحين في الجامعه مافيه اقسام مكرره ..
دمجوا الكليات مع بعض وغيروا وترتبوا كل شي :119: ..

[nill]

مشكوووين على ردكم الواضح
أنا كنت موبفاهمه شيء بالتسجيل بس
الان حسيت أني حافظته بعد
الله يوفقكم انشالله
ويحقق مرادكم
وانشالله في ميزان حسناتكم
ربي لايحرمني منكم
كفيتوا ووفيتوا

[غلا الدنيا]

ترآ جامعة فيصل نزلت طريقة التسجيل مصورهـ ..

تفضلي الرابط :
http://www3.kfu.edu.sa/admission/admission-guide.html

[nill]

مشكوووووره حبيبتي
والله ماقصرتي
بصراحه أفدتيني كثير بعد المعاناه
والتعب
وبجد موقادره كيف أشكرك يالغاليه لأنك
كل شيء سويتيه لي وساعدتيني كثير
ربي لايحرمني منك ولامن ردودك يالغاليه:150:

[غلا الدنيا]

وهـ بس ياقلبي احرجتيني :mh318:
فديتكـ والله :mh318:..
ماسويت الا الشي القليل لكـ ..
ولو بيدي اكثــر من عيوني ..
ومايحتاج تشكريني كلنـا هنا خوات نساعد بعض:106: ..

\\

بموفقـــهـ يوم السبت ..
لا تحاتين ولا تنزعجين الي ربي كاتبه راح يصيــر ..
توكلي ع الله وارتاحي :119: ..
وطبعــا لا تنسين تبشريني بقبولكـ ..

[nill]

اللي بالمنتدى ماقصروا كلهم ساعدووني :119:
بس انتي حسيت كل شيء شرحتيه لي
بالتفصيل :150:
وماقصرتي لانك ساعدتيني كثير
وأنا اللي أحس منحرجه لأني
كثرتها أسئله
وتسلم عنونك يالغاليه
كفيتي ووفيتي مابقى غير سلامتك :119:
وانشالله ربي يفرجها علي وعلى الجميع وأنقبل
وانشالله راح أبشرك
لاتنسيني من دعوووواتك يالغاليه:s12: