مشكلة التعارض بين مادة النقد & الترجمة , مستوى ثامن خطة جديدة !

[H O P E ~ !]

السلام عليكم ..


بنات بخصوص مشكلة التعارض بين النقد والترجمة ..



رحت اليوم الكلية والقسم رافضين رفض تام


حاولت معاهم بشتى الطرق ..



قلت لهم غيروا وقت الترجمة أو النقد من يوم الأثنين الساعة 8 إلى 12 قالوا لآ ما نقدر عندنا نشاط !


قلت طيب السبت الأخيرة ؟ قالوا عندنا إجتماع !!


قلت طيب الأربعاء ؟؟ قالوا تتعارض مع جدول الخطة القديمة !!


قلت طيب ليه انتوا منزلين المادة حسرة علينا ؟؟ نشوفها ونتحسر يعني ؟


قالت : أصلاً إحنا ما نزلناها لكم نزلناها لبنات الخطة القديمة لآنهم خريجات


طيب وإحنا محنا بخريجات ؟؟



^


شفتوا ردهم ؟؟


بنات الله يعافيكم .. إحنا لازم ما نسكت عن حقنا دامهم نزلوا المادة هذا الترم ليش ما نقدر نأخذها ؟؟


مشكلة مثل هذي مو لازم تعيقنا !!


بكره إن شاء الله الساعة 8 بنروح لمكتب العميدة


ونبي بنات معنا لآزم يكونون " خريجات"



تذكروا أن : ما ضاع حق وراه مطالب !

تعاونوا معنا بنات الله يرضى عليكم.

[يوونا]

النقد الادبي صدق منزلينه لنا
بس الترجمه حتى انا مو عاجبني وقتها قولو لهم يغيرونها للسبت اخر الدوام والا الاربعاء الصبح 8 ماعندنا شي ابد بالخطه القديمه مدري عاد عن الخطه الجديده

[يوونا]

اصلا الترجمه ليه بس شعبه وحده ؟؟ من جد مالهم داعي اقل شي شعبتين المفروض

[de11]

المشكلة مافي خريجات كثير من الخطة الجديدة اغلب البنات
مابيتخرجون هذي السنة عشان المواد المحموله و اللي عليها
متطلبات عشان كذا هم مطنشين سالفتنا
ورحت الامس للقسم وقالت نفس الكلام مس صافيه و الدكتورة
نسرين و رافضين اي تغيير وما اتوقع راح يصير اي تقدم
لكن المحاولة ماتضر :16:
و بنسبة لفتح شعب ترجمة قلنا لهم نفس الحالة مو راضيين
قالوا فاتحين ترجمة فورية و مصطلحات قالنا طيب بنفس الوقت
على الاقل افتحوها الاثنين الاخيرة ورفضوا


اتمنى يساعدوكم

[H O P E ~ !]

النقد الادبي صدق منزلينه لنا


بس الترجمه حتى انا مو عاجبني وقتها قولو لهم يغيرونها للسبت اخر الدوام والا الاربعاء الصبح 8 ماعندنا شي ابد بالخطه القديمه مدري عاد عن الخطه الجديده



قلت لهم عن السبت يقولون ما يقدرون عندهم إجتماع ..

والأربعاء ما يناسب جدول الخطة القديمة لأنه فُل !!

اصلا الترجمه ليه بس شعبه وحده ؟؟ من جد مالهم داعي اقل شي شعبتين المفروض


ما خليت وقت ما أقترحته لهم ,, وكل شيء لا لا !!!

قلت لهم حطوا شعبة جديدة سواءً لمس ليلى الحسن أو د. هدى القصبي ما يخالف

أهم شيء ما تتعارض مع النقد

قالوا جداولهم فُل !!!


قلت طيب غيروا وقت مادة النقد قالوا جدول د. يُمنى ما يسمح !!

قلت طيب افتحوا شعبة لـ د. نجلاء قالوا جدولها فُل !!

خير يلعبون علينا !!

لا يردنا إلا مكتب العميدة !

والله يكتب اللي فيه الخير إن شاء الله.

[kambodia]

هل الاثنين ١٢ مناسب للخطة القديمة ؟؟ هل فيه اعتراض على هالوقت ؟؟؟

[خوووخة]

هذا رد اختي قسم انجليزي


السلام عليكم ورحمة الله وبركاتة ,,

اتمنى تنحل مشكلتكم بأسرع وقت , والله يسر لكم وتتخرجون .
بس حبيت اقولكم انه في بنات ومن ضمنهم انا سجلنا بحث التخرج مع د. ازدهار يوم الاثنين
الفترة الثانية من 10 الى 11:40 .
فياليت ماتقترحون عليهم يحطون الترجمة في هذا الوقت لأنه اذا انحطت في هالوقت بيسير
تعارض بينها وبين البحث , وبالتالي بتنحل مشكلة وبتطلع مشكلة ثانية .

جزاكم اللة خير ,,

[kambodia]

ان شاء الله ..

دعواتكم الله يفرجها علينا :1: