تنبيه بخصوص الواجبات والمشاركات

[عبدالعزيز123]

السلام عليكم , يالله حيهم


قبل امس وسط السوق :3: اقصد كنت بالجامعة


وشفت عدد كبير من الطلاب واغلبهم كان عنده اعتراض على درجات المشاركة والواجبات

فيهم اللي ناقصة درجاته وفيهم اللي درجته صفر

وقابلهم المسئول عن النظام الالكتروني بالجامعة الدكتور مصلح العضايلة , ماحضر للمكتب الا قبل الصلاة

من باب اللقافة دخلت معهم في الغرفة :17:

الخلاصة , يبي كل طالب يشارك ويحل الواجبات من جهازة الخاص

يعني اللي يروح لمكتبة ويخليه يحمله المحاضرات ويحل الواجبات والمشاركات عنه الترم الجاي صفر

لانه باين عنده في النظام , ارقام الطلاب ورقم الجهاز ( ip ) اللي يدخلون منه

وقال هذا الجهاز قدامكم اللي يبي يشوف مئات الطلاب داخلين من جهاز واحد او اثنين

الترم هذا يقول مشيتها لكم لكن من الترم الجاي اللي مايشارك من جهازه , تكون درجته صفر.



شهادة حق

احياناً نتذمر ونسب موظفي العمادة خاصة على عدم الرد على الاتصالات

لكن بعد اللي شفته الله يعينهم

التلفونات والجوالات ماتسكت المراجعين من دول الخليج , وكلاً جايب جهده .


نقلت ماسمعت ورأيت

[رحاب بنت مشهور]

الله يوفق الجميع :16::5:

[نسيم الصبا]

الله يجزاك خير عالتنبيه..

[غيووووم]

الله يجزاك خير و الف شكر على التنبيه

موفق لكل خير يارب

[عسله]

شكرا

[BayanFJ]

طيب انا أحلّ لأخوي و اختي وبنت عمتي و صديقتها و بنات جيراننا فيه إشكال :biggrin:
لا عادت عليهم هم و تعقيداتهم ! وشوله التدقيق همانا نحل؟

[ترانيم الوفـا]

يعطيك العافيه ع التنبيه

صحيح كلامك البعض يعتمد ع غيره بحل الواجبات+ المناقشات وبعدها يحط اللوم ع الجامعه

بس شسسسمه طيب انا ادخل من الايباد و لاب عادي :42:

بالتوفيق للجميع ،،،

[ابوخالد المطيري]

انا سويت اعتراض على 6 درجات خصمت مني وهي درجات واجبين
متأكد من حلها جميعها
طلبوا رقم جوالي للتواصل وامس كلمني واحد من طرف الاعتراضات
قال لي .. اعتراضك رفضه العميد !!
طيب ليه قال ماادري انا انقل لك اللي قدامي !!
طيب كيف الحل يااخي .. قال تعال قابل العميد
اروح 300 كيلو وارجع مثلهم علشان اقابل العميد ويمكن يقبل واحتمال اكبر
انه مايقبل اعتراضي !!

الله يعوضنا بخير منها .. حسبنا الله ونعم الوكيل

[شتاتّ أصيلْ]

وعليكم السلام
حياك أخوي عبدالعزيز انت ماقصرت باللي نقلته
لكن عتبي على الجامعة العريقة
إلين متى يحسبون الشعب راهي ومن الفسق عندهم كل الشعب عنده
أيباد ولاب توب وديسك توب
يا أخي فيه بعض الطلاب ماعندهم أجهزة ويتسلفونها وبقوة عزيمتهم وإصرارهم مواصلين
نسأل الله لنا ولهم التوفيق
وفيه شباب أو بنات نحصلهم بجهاز واحد
طيب وش ذنبهم هذولا ..؟؟
يالله ويالله يجمعون لكم حق المواد في بداية كل ترم
لأجل يكملون تعليمهم ويتوظفون باللي قسمه الله لهم
تجون أنتم يالجامعة تكسرون مجاديفهم ..؟؟؟
الدولة مقصرة بحق المواطن
لاتصيرون يا أعضاء هيئة التدريس والقائمين على هالبرنامج
بتحميل الأعباء على الطلاب الذين كُل همهم مواصلة علمهم
حاولوا قدر الأمكان تسهيل وتذليل لهم الطريق كونوا معهم لا عليهم
والظلم قائم بالجامعة وأنظمتها أنا نقص علي درجات بالمشاركات
ولا أحد مشاركني بجهازي وش عذركم ياجامعتنا الموقرة ..؟؟؟؟؟

والله أحمل اللوم على هالجامعة أعطونا أنظمة جيدة لا تتعطل
أعطونا أشخاص يردون على إتصالاتنا ورسائل البريد
أعطونا دكاتره لايحسبون بأننا نتخرج علماء ذره
وأضمن لكم بالدعاء لكم لا عليكم
حتى ولو لم يكتب بموضوع بأحد المنتديات
او برساله تتناقلها الجوالات


إتقوا الله فينا إتقوا الله فينا
لسنا شعب الله المختار
ولسنا مثل بلد الحضاره الأمارات
ولسنا عباقرة كالروس واليابان

نحن طلبة جمعنا الله بلا ميعاد في جامعتكم
لعدة أسباب
إما لترقية لاتتم إلا عن طريق شهادة جامعية
وإما وظيفة لاتتم إلا بشهادة جامعية
وإما مواصلة التعليم عن طريق بوابتكم
........إلخ


عبدالعزيز تفضل :16:

[مساهر]

الله يعطيك العافيه عالنقل

لكن بخصوص كثرة الشكاوي والاتصالات والمراجعين يعود الى سوء النظام عند الجامعه

لو ان النظام يخدم الجميع بشكل واضح وكل واحد يقدر يتاكد بنفسه ما كثرت الاتصالات والشكاوي

وبعدين الجامعه نظرتها ماديه بححححته .. تقبل اعداد كبيره من الطلاب ولا يوجد عندها امكانيات ..

فمثلا مشاكل البلاك بورد من اول ما افتتحوا التعليم المطور الى الان ولمدة 4 سنوات وهم في مشاكل تقنيه !!

والنظام الافتراضي نفس الشيء .. وموقع الجامعه بعد نفس الحاله .

والى الان لم يوجدوا الية تمكن الطالب من معرفة درجات مشاركته والمتبقي عليه من واجبات او تحميل محاضرات

او مناقشات او مباشره ... يعني ماشين على عماها .. واذا نقصت درجاتك مايقبل اعتراضك !!

والنقطه الاخيره .. اذا هم يبون اعداد كبيره من الطلاب ومقصرين بانظمتهم يحطون عدد كبير من مستقبلي البلاغات ..

وعلى قولة المثل : من بغى الدح ما يقول اححح !!

[l a v e n d e r]

معلومــة جديدة ,,,

الف شكر ويعطيك العافية ,,, :3:

أجل بحل من الجهاز الجديد بعدين اذا الله اراد ,, :5:


بالتوفيق للجميع ,,, :15:

[ẤĽSЙΪфRẪΉ]

يآمعين ياألله ..


جزآآآك الله خيـر أخ عبد العزيز على النقل ..
ونقطه يجب التنبه لهـا من قبل الطلبه اسئل الله ان يعينهم


والكمآل لله سبحآنهـ ..

:16:

[نُـوْوتْ]

أنا صحيح حليت بنفسي .. لكن دخلت من ثلاث أجهزة .. ليش النصب هذا :32:

[l a v e n d e r]

فعلا والله ,,

لان في ناس تخرب اجهزتها وتستخدم اجهزة 2 ,,

او يحتاجون مساعده في ناس ما عندهم نت او او او ,,,


الله يعين بس ,, :17:

[xXبــورضــاXx]

اللي عنده جهاز خرب ويبي ينتقل الى جهاز اخر عادي مافيه مشكله
بس اهم شي لايدخل الا بحسابه في الجهاز عشان مايتسجل اكثر من ايبي

[امونه 22]

لاحول ولاقوة الا بالله
صايرين يصعبون علينا الدراسه اكثر واكثر :23:
الله يكون بعونا بس ويسهل امورنا لين نتخرج ونفتك :35:
مشكور اخ عبدالعزيز ع المعلومه اللي نقلتها لنا
:16: < تفضل

[المالك الحزين]

معلووووووومه جدا مهمه :21::21::21:الله يجزاك خير خيوووووووو:16::16::16:

[مستر مجهول]

الله يجزاك خير و الف شكر على التنبيه

[سنيوره ♥]

يعطيك العافيه على التنبيه :2:

[عيون حبيبي a]

مشكوور اخوووي الله يجزااك الف خير :16::16:

[Richou x]

شكرا ع المعلومه

[أستاذ حلمي]

وعليكم السلام ورحمة الله وبركاته

ما ادري وش يحسون فيه إدارة الجامعة الله يهديهم

تصريح مضحك ما أدري هي صرح تعليمي وإلا مباحث :5:

كل الشكر والتقدير لك سمي :27:

[عبدالعزيز123]

الله يرضى عليكم جميع

واتوقع والله اعلم ان الدكتور يقصد اللي يروحون للمكتبات وخدمات الطالب

يعني اذا شاف 50 او 100 طالب داخلين من جهاز او جهازين

الجامعة اصلاً لازالت متخبطة , فمن كلام بعض الدكاترة والموظفين ( خلونا نخرّج اول دفعة وكل شي يبين ) !

يعني لازلنا كفئران التجارب !

:16::16::16:

[im Diamond]

بصراحه شي مو منطقي ابد طيب الي مثلا خوات عندهم جهاز واحد ولا وحده وزوجها يدخلون من نفس الجهاز
ولا اخوها سبب غبي بصراحه

[Daniah..~]

..



وعليكم السلام وَ رحمة الله ..

تسلم أبو العز ،
لكن أنا من وين لي مكتبه أروح لهآ !!
وش هالجرأة اللي بأعطي أحد يحل عني ولااا بأرقامي الخاصه بعد ..
حليت وضبطت أموري كلهآ ، أنقص 3 درجآت وَ ينزل معدلي بسبتهآ ليه ؟!!!!

يآشيخ قل لهم كثروا منها بس ، قال آي بي قال
والله مآعندهم إلا الخرآط خل عنك ..

كلمة حق ، الإعتمآد على الغير خطأ ، هذا مآنقول فيه شي
لكنهآ تتفرعن الجآمعة وتسوي من الحبه قبه !!!
سلامات يابابآ ، ليه توهم يصحون ؟!!!

إن كآن لي حق عندهم مآيضيع عند ربي ،
و والله والله ماأسامحهم عند نص درجة من حقي آخذهآ هه !

سم يابيي :16: مآقصرت ..

[~ safaa~]

نياهاااهاي حشا مباحث ههههههههههههههه
ثانكس ع المعلومة :16:

[أم الحلـوين]

أشك بمصداقية هالكلام
وش دخلهم أنزل المحاضرات من جهازي ولا جهاز زوجي !
طيب جهازي تعطل طيب أنا سافرت وإستخدمت جهاز الفندق طيب أنا وصيت أختي
ووش دخلهم !

ياخرطي !:35:

[أبــو الـولـيـد]

الله يعين

الحمد لله انا استخدام اكثر من جهاز...

[al_ghamdi]

يعطيك العافية :16:

[ولد الشرقيه2]

الله يعطيك العافيه

[عبدالعزيز123]

الله يرضى عليكم ويعافيكم

بغض النظر هل كلامه صادق او لا منطقي او غير منطقي

نقلت اللي سمعته وشفته

ومن باب الحرص نبهت , ماودنا اي طالب تنقص درجاته

وفيه مكتبات تاخذ 400 ريال على الترم وعندهم 15 موظف :19:

عطهم الباسوورد وارقد عن المشاركات , اللي يبيهم يعلمني :5:

بس كلاً يتحمل درجاته

فالكم التوفيق و النجاح

[دافنشي كود]

امممم ما اتوقع صحيح كلامه

لأني انا بعض الواجبات والمناقشات والمحاضرات حليتها باللاب توب
وبعضها على الايباد

والحمدلله كل اموري بالدرجات تمام

هذي مجرد تصريفه لطلاب

اصلا ماراح يعترفون بغلطهم
وراح يحطون الأخطاء على الطلاب

[Khaled.k]

يعطيك العافية ماقصرت

[l a v e n d e r]

بالعكس الف شكر للتنبية ,,
خصـوصــا للي يودون للمكتبات زي ما قلت ,.
<< اعتقد هم الي عليهم الكلام ,,

يعطيك العافية ,, :21:

[وادي زاعم]

شوي صعب ها الكلام ....!!!! تخيل اني حملت بجهازي نصف المحاضرات وبعد كذه غيرت جهازي واشتريت جهاز جديد لان جهازي القديم انسرق ...ما راح يحسبو لي النصف الاخر ...!!!!!! اقول كيف الحال

[فضيل]

فيها تطلييع ايباااات

مشكووور على التنبيه

[تشرين]

خفو علينا يا CIA يا MI6 :biggrin:

ماعندهم غير البكش

الله المستعان

[أبو عذاري]

مع كل الاحترام والتقدير للمسؤولين اعتقد ان ذا الشي مو من شغلهم كل واحد يحمل محاضراته ويحل واجباته بالطريقه اللي يشوفها وبالتوفيييييق للجمييييع :33:

[المحترمه]

وعليكم السلام ورحمة الله وبركاته


الله يعين بنتخرج وحنا لا زلنا على سيناريو درجات
المشاركه .. نسخ ولصق والحين وصلت للأجهزه
كان الله بالعون ... أنا من أول الترم لآخره أدخل
الواجبات والمشاركه والمحاضرات مليون مره :7:
ومن جهازين الله المستعان .. يا حالتن قشرا :5:
لكن بيجي اليوم اللي نجني الثمار بإذن الله

شكرآ لك على التنبيه يا عبدالعزيز ..

موفقين يارب :19:

[Just have fun]

<b>

طيب انا أحلّ لأخوي و اختي وبنت عمتي و صديقتها و بنات جيراننا فيه إشكال :biggrin:
لا عادت عليهم هم و تعقيداتهم ! وشوله التدقيق همانا نحل؟
</b>
أنت كذا ما تساعدهم
على قولة المثل
لا تعطيني خبزا" بل علمني كيف أخبز

[ابو مهرة]

شكرا علي المعلومه الجيده.


بالتوفيق للجميع.

[اهات صفوى]

رضا الناس غاية لا تدرك

[ايزابيل]

صعب جدا العمل من جهاز واحد
في ناس تداكر في البيت والعمل والسيارة حسب الجهاز المتوفر
عذرهم اقبح من ذنب

:32:

[ريما عادل]

انا جهازي السوني اخذوه المباحث :14: ثم كملت على جهازي الديل الثاني واخذت المشاركات كاملة :5:

[عبدالعزيز123]

الله يعطيكم العافية

حسيت اني انا الدكتور :3:

وبالعقل الدكتور مهوب ماشي على كل ارقام الطلاب علشان يتأكد

مادام ارقام الاجهزة المستخدمة تطلع عنده , يبن اللي راح لمكتبة واللي من جهازه

المقصود من هذا كله , اهل المكتبات

فالكم التوفيق والنجاح

:16:

[فضيل]

الأخ عبدالعزيز: موضوعك هذا غاية في الأهمية، ومفروض يكون عنوان الموضوع: ((( استخدموا الأجهزة المكتبية للمشاركات فقط )))

انا يمكن اكتب هذا الموضوع عن قريب!

وعلى العموم مشكور !

[عبدالعزيز123]

حياك الله

اكتب وانا اخوك اللي تبي

والموضوع وراعيه في الخدمة :19:

[ahlam-aam]

حاولت استوعب وافهم بس سوال هم كيف يعرفوا ان هذا الطالب راح للمكتبه او دخل من جهاز ثاني هل المكتبات له اي بي مميز يختلف عن الاجهزه الثانيه <<من دخلت هالجامعه واحس اني كل مالي اصير دلخه
انا احل من جهازي في البيت وجهازي في الدوام وجهاز اختي واي جهاز القاه في وجهي افتح واحل فيه كيف الجامعه الذكيه تعرف اني مو انا اللي احل وغيري اللي قاعد يحل <<<<لالالالالالالا مستحيل هذا جامعه
انا نقصت 3 درجات والله حرام باقي لي شوي ويوصل معدلي الى 4 قهرررر وربي :5:

ومشكور لصاحب الموضوع على التنبيه :16:

[فضيل]

حياك الله

اكتب وانا اخوك اللي تبي

والموضوع وراعيه في الخدمة :19:


:14: عارف اني تحمست زياده شوي لكن والله من حرصي على الاخوه الطلاب والطالبات هنا ما تضيع عليهم درجات ومشكور اخوي:19:
حاولت استوعب وافهم بس سوال هم كيف يعرفوا ان هذا الطالب راح للمكتبه او دخل من جهاز ثاني هل المكتبات له اي بي مميز يختلف عن الاجهزه الثانيه <<من دخلت هالجامعه واحس اني كل مالي اصير دلخه
انا احل من جهازي في البيت وجهازي في الدوام وجهاز اختي واي جهاز القاه في وجهي افتح واحل فيه كيف الجامعه الذكيه تعرف اني مو انا اللي احل وغيري اللي قاعد يحل <<<<لالالالالالالا مستحيل هذا جامعه
انا نقصت 3 درجات والله حرام باقي لي شوي ويوصل معدلي الى 4 قهرررر وربي :5:

ومشكور لصاحب الموضوع على التنبيه :16:

يعرفون بواسطة رقم لكل جهاز ( وحتى انا ماعمري شفته ) لكن فيه برامج تحدد حتى اذا كان ايباد وتميزه عن الجوال!

[ننو الدوسري]

طيب نتخيل جهازي اخترب
خذت جهازي اختي ووكملت عليه
اخترب خذت جهاز اخوي
خييييييييييييييييييييييييييييييييييييييييييييير على جهاز :39:وش هل خرابيط

[فضيل]

هههههههههههههههههههههه

[l a v e n d e r]

رفع للأهميــه ..

وهذا التأكيد من الجامعه لمن لم يعرف الى الان ..

http://www.kfu.edu.sa/ar/Deans/E-Learning/Lists/KfuAnnouncements/DispForm.aspx?ID=27&Source=http%3A%2F%2Fwww%2Ekfu%2Eedu%2Esa%2Far%2FDe ans%2FE%2DLearning%2FLists%2FKfuAnnouncements%2FAl lItems%2Easpx


عدم الاعتماد على مكاتب خدمة الطلبة وينصح عدم استخدام جهاز واحد لحضور المحاضرات وحل الواجبات والمناقشات لمجموعة من الطلبة يتجاوز عددهم الاثنين

[مهجد إبليس]

النظام جميل حق الجامعة بس ياليت كان في وضوح من اول بشأن هذا الموضوع ثانيآ مثل ما قال الأخ شات أصيل الناس طبقات وفي ناس مايملكون جهاز خاص شخصي نرجو مراعاة الناس :24::24::24: