مواد مستوى سادس

[dloo]

السلام عليكم
لو سممحتوا انا ماسجلت مواد لين الحين كنت تعبانة وسويت عملية
ومالي اسبوع من طلعت من المستشفى وحايسة ماني عارفة ايش المواد حق مستوى سادس
اللي يقدر يفيدني بالمواد و ايش طبيعتها يعطيني اي شي مختصر عن المادة عشان اعرف اخذها ولالا
و الجدول حق مستوى سادس
الله يجزاه خير اللي يساعدني
محتاجتكم كثير والله : (
يعطيكم العافية

[زامل الشهراني]

السلام عليكم
لو سممحتوا انا ماسجلت مواد لين الحين كنت تعبانة وسويت عملية
ومالي اسبوع من طلعت من المستشفى وحايسة ماني عارفة ايش المواد حق مستوى سادس
اللي يقدر يفيدني بالمواد و ايش طبيعتها يعطيني اي شي مختصر عن المادة عشان اعرف اخذها ولالا
و الجدول حق مستوى سادس
الله يجزاه خير اللي يساعدني
محتاجتكم كثير والله : (
يعطيكم العافية


الحمد لله على السلامة وما تشوفين شر إن شاء الله تعالى

مواد المستوى السادس 5 مواد 15 ساعة فقط

المستوى السابع 6 مواد 18 ساعة

المستوى الثامن 7 مواد 19 ساعة

لأن الخطة الدراسية نزلت كااااااااااااااااااااملة حتى المستوى الثامن

الجدول كالتالي

الثلاثاء ...............

الاربعاء ...............

الخميس النظم المتكاملة الفترة الثانية

السبت مبادئ الادارة العامة الفترة الاولى

الاحد ...............

الاثنين ...............

الثلاثاء ادارة المعرفة الفترة الثانية

الاربعاء ...............

الخميس ...............

السبت مبادئ التوريد الفترة الثانية

الاحد ...............

الاثنين القانون التجاري الفترة الثانية

الثلاثاء ...............


الترم هذا غيروا بداية أول يوم بالاختبار يوم الثلاثاء
وكان بالاترام السابقة يوم الخميس

[زامل الشهراني]

جدول جميع إختبارت إدارة الأعمال طلاب وطالبات مع أرقام المواد بالمشاركة رقم 14
http://www.ckfu.org/vb/t419569-2.html (http://www.ckfu.org/vb/t419569-2.html)

تأكدي فقط من رقم CRN من موقع الجامعة

[dloo]

الله يعطيك العافية
بس في احد درسهم يعطيني معلومة عن المواد
في مواد علمية ولا كلها حفظ
لو بحط معاها انجليزي من مستوى ثاني او ثالث ما اخذته لين الحين
يصادف اي يوم
المعذرة طولت عليك

[زامل الشهراني]

الانقليزي يوم الثلاثاء الفترة الثانية

نفس يوم اختبار ادارة المعرفة

يعني راح يكون عندك تعارض

[زامل الشهراني]

القانون التجاري


ماده جداً سهلة وكانت الاسئلة واضحة وفي بعض الاسئلة بالاختبار كانت من الكتاب
يعني اذا تريد الدرجة الكاملة فيها انصحك تشتري الكتاب



ماده حلووه بمعنى الكلمه وما فيها أي صعوبا وكانت اسئلة الاختبار سهلهوواضحا وللي حاب ياخذ فيها الدرجه الكامله ياخذ الكتاب لان كان في سؤالين فيالاختبار من نفس الكتاب وبالأخص في الحاشيا


مواضيعها حلوه وممتعه والاسئلة حلوا وجاب لنا كم سؤال من الكتاب
يعني لازم تاخذون الكتاب اذا تبون تاخذون فيها الدرجة الكاملة

قريبة طبعا من مادة "مبادئ القانون" اللي درسناها بمستوى أول
مادة تعتمد على الفهم الدقيق والأسئلة كانت متوسطة تميل إلى السهولة



*****************************





النظم المتكامله :


ماده حلوه وسهلة وتعتمد اعتماد كبير على الفهم وكانت الاسئلة جداً سهلة وواضحة


وأكثر الاسئلة كانت من الاسئلة اللي نزلها الدكتور


ماد ممتعة واختبارها كان جداً سهل لم يخرج عن المحتوى وأسئلة مباشرة


ماهي بعيدة عن مادة "نظم المعلومات الإدارية" اللي درسناها بمستوى ثالث
مادة كثيرة الكلام و طويلة جداً ومتعبة بالمذاكرة بالرغم من إنها ما هي صعبة
الأسئلة كانت سهلة مقارنة بغثاثة المادة




*****************************





مبادى الادارة العامه :


على كلام الطلاب كان الاختبار خارج المنهج وكان صعب جداً

المادة سهلة و مكررة وطلب منا الدكتور نذاكر من المحتوى و الكتاب و في الأخير جاب لنا أسئلة من ثلاثة كتب وهي ( مبادئ إدارة الأعمال - إدارة المواردالبشرية - الإدارة العامة ) واللي ذاكر مثل اللي ما ذاكر بالضبط




*****************************



ادارة المعرفة


ماده حلووه وسهله وقصيره وتحتاج الى الفهم وكانت الأسئلة سهلة جداً وواضحة


ماده ممعته ايضاً واختبارها سهل تعتمد على الفهم بالدرجه الاولى

محتوى المادة قصير يحتوي على معلومات كثيرة ومختلفة عن المواد اللي سبق وإن درسناها



*****************************



الادارة الاستراتيجية


مادة طويلة ومتنوعة متوسطة الصعوبة و أسئلتها كانت متوسطة مايلة للصعوبة
المذاكرة كانت من المحتوى والأسئلة دقيقة



*****************************


مبادئ التوريد :


هاذي الماده بالذات يبي لها وقت طويل لمذكرتها لأنها تعتمد على الفهم وكانت الاسئله دقيقه جداً وتعتمد على مدى فهمك للمادة ويوجد فيها مسائل وتحتاج حفظ القوانين وتعويض مباشر


تعتبر كوكتيل من عدة مواد ( موارد بشرية ، ادارة اعمال، تسويق ، اقتصاد)
وبالنسبة للاختبار الى حد ما كان صعب حيث أن الدكتور حاول ان يغير في صيغة الأسئلة

ومطلوبمنكم متابعة المحاضرات أول بأول



ماده تعتمد بشكل كبير على الفهم وفيها مسائلوالمسائل سهلة عباره عن تعويض مباشر للقانون واسئله الاختبار كانت دقيقه بس ما خرجت عن المحتوى



مادة طويلة جداً وتحتوي كم هائل من المعلومات و دكتورها ما شاء الله شرح رائع و تنظيم للمحتوى وللأشياء المهمة بطريقة رائعة
الأسئلة كانت دقيقة جداً ولا تعد صعبة ولاسهلة يعني صعوبتها من دقتها



بصراحه ماده جداً طوويله ودسسمه بالمعلومات وتحتاج الى وقت طويل لمذكرتهاوهي تعتمد على الفهم بالدرجه الاولى واسئلة الاختبار كانت جداً دقيقه يعني اللي فاهمالماده راح يحلها ويأخذ فيها الدرجه الكاملة

[بسبوسة رومنسية]

الحمد لله على السلامة

[ابوليان998]

ماتشوفين شر والحمد لله على السلامه

[زامل الشهراني]

الجدول كامل لقسم إدارة الاعمال

http://www.ckfu.org/vb/t419569-2.html (http://www.ckfu.org/vb/t419569-2.html)

كل الشكر لمن قام بترتيب الجدول

[فهد~]

الحمدلله ع السلامة وطهور ان شاء الله

ويعطيك العافية اخو ي زامل

[زامل الشهراني]

الله يعافيك فهد

[dloo]

الله يعطيكم العافية جميعًا
ماقصرتوا
ومايجيكم الشر يارب ولا يريكم مكروه
اخر موعد للسداد متى
و اقدر أقدم أعتذار هالسمستر ولا خلص وقته

[غافل الهم قلبي]

السلام عليكم
لو سممحتوا انا ماسجلت مواد لين الحين كنت تعبانة وسويت عملية
ومالي اسبوع من طلعت من المستشفى وحايسة ماني عارفة ايش المواد حق مستوى سادس
اللي يقدر يفيدني بالمواد و ايش طبيعتها يعطيني اي شي مختصر عن المادة عشان اعرف اخذها ولالا
و الجدول حق مستوى سادس
الله يجزاه خير اللي يساعدني
محتاجتكم كثير والله : (
يعطيكم العافية

ماتشوفين شر يارب والله يقومك بالسلامه بالنسبه للتسجيل اتوقع مفتوح بالبنر وعساكي على القوه:16: