ضاقت فيني الوسيعه ولاعاد اعرف شسوي حيل متضايقه

[امولة الطموحة]

مسااء الخير اخباركم

انا وحدة فكرت ادرس الجامعه بعد هالعمر ههه حسيت اني عجوز فاضية انكت انا وجهي

وادخل تخصص يفيدني مع اني ادبي وعندي دوام فترتين هاد حيلي طبعا اول سمستر نجحت في الادارة والقانون بس ورسبت باقي المواد السمستر الثاني نجحت بالمواد عدا المحاسبة وكان المعدل اقل من 2 هذا انذار ثاني الاختبارات هاذي جا ضغط شغل ورفضو اخذ اجازة وكانت مذاكرة الا بالخير قبل الاختبار بكم ساعه رسبت بالادارة الكترونيا وتقنيه معلومات1 ومحاسبة 1 لمرة الثالثه وبس نجحت في اقتصاد الجزيي عاد جيت اسجل موادي قالو الوضع الاكاديمي لايسمح والمعدل راسب فصل عاد سويت طلب انذار اضافي وعندي مواد من مستوى اول ماخذته رياضيات ومحاسبة مواد مستوى 2 و3 وغير رابع الي بروحله يعني حوسة من جد ماعاد عارفه وربي مفروض يقدرون العمل وش اسوي ودي اخذ مواد سهله علشان يترفع المعدل وتروح الانذرات تروح او تبقي زي ماهي وربي نفسي اكمل دراستي هاذي الجامعه هي الامل الوحيد لي يعني انا ادرس بفلوسي لية يسون انذار وزحمه والله حرام وانه نفسيتي زيرو امانه ساعدوني وش اسوي اكتب لكم المعاناه وانا ابكي ااة قلبي متقطع من الحزن والهم لكن الحمد الله علي كل حال :44:

[totah..]

طيب ليه ما تغيرين التخصص حولي علم اجتماع أحسن لك
حرام تدفعين كل اشوي تري المواد كل مالها و تصير أصعب
و الله يهون عليك ضيقتك
بتوفيق حبيبتي

[شرقيه وبس]

الله يكون بعونك يارب
بس صراحه تخصص الاداره يبيله شده حيل ومذاكره كله حسابات وكذا

يعني اذا انتي مره ضغط شغل وكذا ليش ماتغيري التخصص؟؟

الله ييسرلك يااارب ويكتبلك اللي فيه الخير وين مايكون يارب..

[ترحيب]

يادفع البلاء تعوذي من ابليس ماتستاهل الدنياء كلها على بكرة ابيها الضيق هذا كله.

اقول لك شيء

قولي كل يوم وكل ليله وردديها سبع مرات

حسبي الله لا إله إلا هو عليه توكلت وهو رب العرش العظيم

فوضي امرك الى الله وبأذن الواحد الأحد تيسر امورك..

[ترحيب]

حاولي تسجلي مواد سهله وشد حيلك على شأن يرتفع المعدل البلشه هذا

بالتوفيق

[ابو غيداء]

تخصص ادارة اعمال يبي له واحد فاضي

حولي علم اجتماع اذا همك الشهاده

وبتنجحين بمعدل مرتفع

[أبو حور]

الله يعينك و يفرج همك

غيري التخصص مثل ماقالوا الاخوان

وابدأي من جديد

وفوق هذا قسمي وقتك لاتقولين ماعندي وقت لاتضعين لنفسك مبررات

تعلمي التحفيز الذاتي و ادارة الوقت وكوني اقوى من ضروفك

ومانيل المطالب بالتمني ** ولكن تؤخذ الدنيا غلابا

[هتان 2]

الله يسهل دررربك يارب لاتيأسين فباب الامل مفتووح وانتي ماشاء الله توك صغيره بصراحه عمرك 27 سنه في ناس اكبر منك وعمرها فوق 32 و35 واكثر يدرسون عادي ربي يسهل كل امرر يارب

[مملكة الشموخ]

لاتضيقين. فديتك الحياة فيها كل شيء لازم تبذلين الاشباب قد ماتقدرين لاتقولين ادارة الاعمال ضعبة كل التخصات صعبة تحتاج منك التعب والتضحية بوقتك ونفسيتك وطلعاتك. قبل كل شيء اكثري من الدعاء بالتوفيق اكثري من مششاعدة الفقراء وربي بتشوفين العجب بتشوفين البركة بالرزق والوقت والتفكير بتحشين براحة عجيبة واتركي. الي راح راح ابدي صفحة جديدة عنوانها. أنا لها أنا عندي قدرات لشة ماطلعتها أنا راح ارفع رااسي بانجازي بادن الله.

[GLitter Sun]

http://http://www.eskindria.com/pic/eskindria.com_26.gif

[مملكة الشموخ]

نحن لم نخلق ليستمتع الحزن بنا كيفما يريد..نحن خلقنا لنخلق سعادة تؤدينا الى الجنة و لكننا لا نفقھہ ذلك ونظل نحزن $*

[H.S.B]

اختي العزيزه ماراح يكون وقتك اقل مني وانا عندي التزامات مو بس دوام فا انا مسؤول عن زوجه وابناء ودوامي من الساعه 8 الى الساعه 6 ولا تنسي الطريق يأخذ مني 45 دقيقة على اقل تقدير فانقل اني اصل البيت 7 كم تبقى لي من وقت ولا تنسي ان عندي دوام اليوم اللي بعد الساعه 8 واصحى الساعه 6:30 وعلى كل هذا نزلت لي 9 مواد ولله الحمد والمنه اجتزتهم ومعدلي الفصلي فيهم 4.4 فالوقت ماهو عائق الشخص بقدر يرتب حاله

فا انا اعطيتك مثال حي مو من نسج الخيال فا لا تحطي عائق بطريقك وشوفي القسم المناسب لك شنو رغبتك

[فهد العتيبي]

تخصص الادارة في نظري صعب كله مواد دسمه رياضيات

يوجد بعض المواد السهلة بالخطه مثل العقيدة الاسلامية والصحة واللياقة ومهارات التفكير

[my Dreams]

قسم ادبي + ادارة اعمال = صعوبة متوقعة
قسم ادبي + علم اجتماع = راحة بال مع تميز ومعدل مناسب

اهم شيء في العلاج ان يشخص المرض بدقة .

اعيدي حساباتك وانا على ثقة بانك ستصلين الى الحل بمفردك .

أسال الله لك من كل هم فرجا ومن كل ضيق مخرجا

[عطر الزهر]

اختي اموله الطموحه اجعلي لكي من اسمك نصيب ياقمر
سهليها ياقلبي راح تسهل واذا صعبتيها راح تصعب
في ناس مشاكلهم اكبر من كذا لكن انتي ولله الحمد مشكلتك بإذن الله راح تنحل فوضي امرك كله لله
واكثري من الدعاء في السجود واذا كنتي حابه تغيري التخصص استخيري والخيره فيما اختاره الله

في ناس ماتذاكر الا عند قريب الاختبارات باسبوعين وبعضهم بااسبوع وتمشي الامور الحمدلله وينجحون

شدي حيلك يااختي وامر المؤمن كله خير له اكثري من الاستغفار ففيه فتح الاقفال وعليك باالصلاة على الرسول عليه افضل الصلاة واتم التسليم

دعواتي لكي واحترامي وتقديري:16:

[قيثاره الشرق]

صباح الخير اختي الغاليه لاتصعبين الامور عليش فتصعب بالعكس سهليها حتى مع نفسك اما عن انك عجوز اقول اسكتي :27:بس انا جدتكم وماعتقد احد اكبر مني والعمر لله 34 سنه :4:وام لخمسه ومنقطعه عن الدراسه من عام 22 وتخصصي ادبي بس الحمدلله اجتهدي وتعبي وحاولي تحتفظين ب30 درجه ماتروح منك تخصصنا يبغا مثابره وانتي رتبي لك جدول وايام الاختيارات امنعي الزيارات والمشاوير الالضروره عطي نفسك شهر في اقصى الظروف للمذاكره واذا موحابه المواد العلميه وتلقين نفسك في الحفظ اكثر فحولي اذا حبيتي والله يسهلها عليك وعلينا جميعا :11:

[English lun]

حبيبتي لا تحزني ولا تهمي نفسك واحمدي الله على الصحة والعافية .... وتخصص إدارة أعمال يبغى له جهد و وقت وكله مسائل ورياضيات ومو الكل يقدر يعدي ... أنصحك لا تخسري فلوس زيادة وغيري التخصص والأمور سهلة بإذن الله :17:

[خليط العود]

مافيه الا تشدين حيلك والله الله بالمثابره والاجتهاد الدائم غير كذا بتستمرين على وضعك

بالتوفيق يارب:16:

[فضيل]

استهدي بالله ، وافتحي صفحة جديدة في حياتك، حاولي تشدين وذاكري وانتي في العمل، وحاولي تكونين الاولى وليس فقط خوف من الانذار، انا جاتني انذارات كثير من جامعة سابقة ، والحين مع الجهد صرت اعلى من 4

ذاكري من الآن والله الموفق

[الالماسي]

هلابك اختي الغاليه


قبل كل شي يكفي طموحك ماشاء الله نصيحه لاتهدأين استمري


انا كنت بادارة اعمال درست سنه وحولت علم اجتماع وتغيرت اموري الحمدلله


اذا قدرتي تحولين حولي وبتشوفين الفرق


لاتتضايقين يمكن خيره لك والخيره فيما اختاره الله


وحطي ببالك ان لك اجر في كل تعب وكل هم بالعلم


والله يوفقك ويفرج همك

[Ms.Solo]

اموله كون انك تحطين يدك على خدك وتقعدين تبكين ترى ماهو حل انتي لازلتي في دائرة المشكله

خذي نفس توضي صلي ركعتين لله واشكريه فيها على كل حال

وسويلك كوب من اي مشروب تحبينه :27:

وحددي الخيارات الموجوده امامك وقيمي وضعك ووقتك وظروفك المحيطه دوام بيت الخ

اذا انتي حسيتي انك راح تقدري تكملي اداره ف شي حلو وبطلي دلع بنات ودائما قولي لنفسك انتي قدها

كلنا عندنا مشاغل وقلق واوقات نحس اننا اكبر فاشلين بالدنيا لكن نرجع نحاول من اول وجديد

بس من رايي بعد اخر انذار الافضل انه تغيري تخصص افضلك لانه انسب الخيارات المتاحه لوضعك الاكاديمي

وتوكلي على الله وخذي بالاسباب خذي بالاسباب حتى لو الظروف ضدك ربي ما يخيب رجاء عباده ابدا :16:

[عبوررر]

الله يوفقك يارب


بس مادري ليه ماتخلصين موادك الي بالمستويات السابقه بعدين تروحين رابع


امممم


ولاتكثرين مواد عليك مو لازم تخلصيت ب اربع سنوات


اما علم اجتماع احسه اصعب

[Khaled.SU]

لا يكلف الله نفساً الا وسعها

ماعندك استطاعه بطلي .. عندك الاستطاعه و صعبه عليك بالحيل غيري التخصص مع اني ما اعتقد انه هو المشكله

المشكله واظحه ماعندك وقت + ضغط عمل

[ابوخالد@]

اختنا العزيزة كان الله في عونك معرفة القدرات لدى الشخص شي مطلوب وضرروي وحسب كلامك ونتائج مواد عندك قدرات على الحفظ فالتخصص النضري لك هو الصحيح مثل علم الاجتماع او تربية خاصة مثل ما تفضلو المشاركين
او اذا حبيتي تستمرين ادارة اعمال فعليك الاستعانة بمدرسة تعطيك دروس للمواد العلمية وهي لحد علمي 12 مادة البقية نضري
بالنسبة للعمل اذا كنتي قطاع خاص سواء شركة قوية او صغيرة النظام واحد وهو نظام العمل والعمال ويقول يعطى الموظف اجازة اختبارات ولا تحسب من اجازتة السنوية فقط عليك احضار خطاب الجامعة حق الاختبارت مع الجدول وتقديمة للشركة اما اذا كنتي قطاع حكومي فالحكومة ايضا تعطيك الاجازة
واخيرا لا تقلقي توكلي على رب عظيم رزاق وافعلي الاسباب
ربي يرزقك من خير الدنيا ونعيمة الاخرة

[امولة الطموحة]

انا اشتغل سكرتيرة في ادارة مستشفي خاص مايحرم همه اخلص شغلهم بس ساعات افكر اطلع من الدوام واخذ من حافز لكن عقب ماصار الراتب حلو اطلع وعندي الالتزامات واجد واساعد اهلي والله مادري ضاقت فيني الوسيعه ضاقت نفسي

[فضيل]

انا اشتغل سكرتيرة في ادارة مستشفي خاص مايحرم همه اخلص شغلهم بس ساعات افكر اطلع من الدوام واخذ من حافز لكن عقب ماصار الراتب حلو اطلع وعندي الالتزامات واجد واساعد اهلي والله مادري ضاقت فيني الوسيعه ضاقت نفسي

ليش ما تحاولين، تحولي اجتماع؟

لأن ملخصاتها، سهله، ولا عليك، ذاكري في المستشفى وانتي تشتغلين ويمكن مديرتك تسمح لك، وأهم شي لو تاخذين شهر قبل الامتحان صدقيني راح تاخذين اي بلصات ( تمنياتنا لك بالتوفيق )

[white paper]

والله مدري شقول لك

لكن قدر الله وماشاء فعل والحمد لله على كل حال

اتمنى من الله العلي القدير ان يفرجها عليك وييسر امرك
ورسولنا الكريم عليه الصلاة والسلام اوصى ابنته فاطمة وزوجها عندما طلبوا خادما يساعدهم في اعمالهم بسبحان الله والحمد لله والله اكبر

قبل النوم عليك بها

ستجدي التييسير منه جل علاه

[عظيمه هيبتك ياصمت]

اختي الغاليه من جد اثرتي فيه لكن الي اقوله لاتفرطين بالوظيفه ارجوك الوظيفه سند بعد الله بهذا الزمن الاقشر والصعب وربي راح يوفقك دامك تساعدين اهلك والدراسه يبي لها شوي اجتهاد وتعب وصبر تعرفين ماراح تجي الشهاده والواحد جالس لازم كل شي بالحياه يبي له تعب ولافيه شي سهل كل شي يبي له واتمنى لك وللجميع التوفيق واكثري من الاستغفار لانه باذن الله فرج وعليك بصلاه الوتر والضحى اسال الله ان يجعل لك وللجميع من كل ضيق مخرجا تقبلي تحياتي مودتي لك :16:

[_Nothing]

الله يسهلها عليك اخت اموله وييسر امورك ، بس ما انك ادبي ليه داخله ادارة اعمال صعب ويبيله وحده فاضيه و مركزه بالدراسه الافضل تغيرين التخصص دامك بالبدايه لاتضيعين عليك كم سنه بدون فايده ..