المشاركة للدوافير والمتابعة من اللي بيغى يصير دافور ^ــ^

[SMSRH]

السلام عليكم

هذا موضوع يهم الجميع وهو :
الطلاب والطالبات الي معدلهم فوق 4.5 الله يوفقهم ويزيدهم علم ومعرفة ويحقق أمنياتهم
وللجميع

نتمنى جميعنا نعرف هالأشخاص لأن عندنا أسئلة لهم وهم بالأكيد يودون لنا الخير
وبعد يهمنا نعرفهم حتى نوجه لهم بعض الأسئلة وناخذ منهم بعض النصائح في المذاكرة والمراجعة وغيرها


السبب أو الموقف : أول مره في حياتي انقل من ورقة زميلي في اختبار الترم الماضي
تدرون وش المفاجأة !!
طبعاً ماأعرفه ولايعرفني بس ماذاكرت والعادة جميع المواد تكون درجتي من 62 إللى 78 بالضبط

هالمرة المفاجأة جبت 98 في المادة هذي :5::5::5::5:


كيف صارت وليش جاب الدرجة كاملة إلا درجتين
أكيد يعرف كيف يذاكر مو على عماها


وعشان كذا لازم نفهم :) <<<<< برنامج سياسي على cbc


المهم نبي والله طريقة المذاكرة من اللي جايبين فوق 4.5 بأمانه ومحبة
خاصة أنا باقي في بداية الترم

لايجي واحد حامل 4 مواد ويعطينا نصايحه ههههههههههه
تكفون يكفينا اللي فينا

وبس ^ـــ^

[فارس740]

طيب كان سألته ..!

المشكلة لو معدلي حولك كان جاوبتك

بس للمعلومية اغلب الاعضاء مو رادين خايفين

انا بعطيك فكرهـ مع اني داج :5:

اسمع وشاهد كل محاضرة مسجلة واكتب الاشياء المهمة في المحتوى الي تحس الدكتور ماذكرها لانهم عليهم حركات نصف كم ... بعدها قبل الاختبار بشهر خذ مراجعه على كل مادة يومين او ثلاث وبـس وانا اضمن لك النجاح والتوفيـق من بعد الله

[الفراشه الصغيره]

المفروض نتعاون حتى لو المعدل اقل من 4.5 بس انا احس ان الاعتماد على الملخصات غلط كبير لان كل واحد له طريقة واسلوب ، فأهم شي تشوف المحاضرات المسجله وتكتب الاشياء المهمه والتعليقات المفيده وتذاكر من المحتوى فقط واذا الكتاب مطلوب تذاكر منه بعد اذا قرب الاختبار لازم تلف على كل المقررات وتحدد لكل ماده كم تحتاج من يوم واذا تقدر تخلصها قبل ليلة الاختبار ( مستحيل طبعاًً ) وتمر على اسئلة الاترام السابقة ... بإذن الله تضمن المعدل الحلو :29: *

[طالبة اعمال]

اعتمد في طريقتي بعد التوكل على الله عالتالي اولا لازم اتابع المحاضرات واكتب اي ملاحظه عالملخص
ثانيا اعمل جدول للمذاكره ينتهي قبل الامتحانات بيومين كل ماده اذاكرهابيومين
ليلة الامتحان مجرد مراجعه للمنهج والاطلاع على نماذج الاسئله للسمسترات اللي فاتت
والحمد لله اموري طيبه وكل درجاتي تتراوح بين a+وb+والمعدل الى الان تمام وان شالله ربك يسهلها عاللي جاي

[bader358]

الملخصات او عفوا المحتوى موجود: قم بتصويره من الآن. وابدأ راجع مراجعه خفيفه كل ما لقيت وقت فضاوة.

جمع اسئلة الترم الماضي وبعضها محلوله .. اكتب الأسئلة اللي تخص كل محاضرة على نفس الملخص بدون الحل :28:

استمع للمحاضرة ودون اي شيء مفيد ولا هو موجود في المحتوى لو اللي يحتاج توضيح.


وفالك الممتاز :14:

[واحد شاطر]

انا اعتمادي الكلي على الملخصات واسئله اختبر نفسك والامتحانات نادر اشوف محاضرات ولا عندي نيه اشتري كتب ،،

[wanted.]

قبل الإختبارات بـ 12 يوم سو لك جدول مذاكرة وخاصة للمواد اللي وقتها ضيق بين الاختبارات .. ولا تخلص منهج الا وانت فاهم كل نقطه فيه ... << بخصوص الفهم ...+ الاستعانه بالمحاضرات في حالة التتنيح وعدم الفهم ..+ مراجعة الاختبارات السابقه .+ حل الأمثلة التطبيقية في ورقة خارجية ..

الحفظ .. كل شخص وطريقة حفظه ..إما كتابه ولا تكرار ولا قصيد ولا أي طريقة .. + الاستعاانه بالمحاضرات لفهم بعض المصطلحات + الاختبارات السابقة .

اذا مر عليك شي صعب الفهم .. حاول تربطه بشي سهل ومتكرر في حياتك اليوميه حتى تذكره .. وحاول توظف المفهوم على حياتك والشخصيات اللي حولك ..حتى تتذكر ..

كل هذا بعد التوفيق من الله ... الصلاة و بر الوالدين و الصدقه و الأدعية

والله ولي التوفيق

[نآيف]

ليت معدلي 4.5 كان جاوبتك ، بس معدلي 3.5 :41:

بس من وجهة نظري ان كل طالب له طريقته في المذاكرهـ فيهم الي يفهم من الملخصات والي يفهم من الكتب :16:

وفالنا كلنـا a+ :17:

[bntsweet]

والله ملخصاتنا سهله وموادنا سهله بس عندنا مشكه مانخصص لنا وقت في كل يوم لو ساعه ونذاكر ونشوف المحاضرات ونفهمها بعد التوكل على الله كان تفوقنا كلنا بس نجلس لاخر يوم ونبدا نذاكر نروح للاختبار تونا نبدا نفهم اللي قريناه وفهمناه

انا هالمستوى اللي فات ذاكرت قبل الاختبار بشهر ومذاكره تشوفها الشمس بس على الاقل قريت والحمد لله معدلي هالمستوى4 واعلى

ومن هذا قررت قرار هالمستوى لازم اشتغل على نفسي وياليت كلنا نسوي نفس الشي اي محاضره تنزل نبدا نسمعها ونفهمها ونذاكر يجي الاختبار واحنا فاهمين كل شي ومرتاحين

وبالتوفيق للجميع

[معقول]

:17:

[آلى متى !!]

آنآ آلحمدآلله معدلي 4.5 لكن الفصلي :41:

آلمرآجعه قبل آلآختبآرآت ب 3 آسآبيع < قبل هذ1 تكون مخلص آلمذآكره

آنت ومزآجك طبعآ ..عن نفسي آحط لكل مآده آسبوووووووووووع وآلحمدآلله تكفي :17:

وبين آيآم آلآختبآرآت سنتر هنآ وكل جديد آقرآه وكل تنبيهآت خذهآ بعين آلآعتبآر وآن شآء آلله نصير آقويآآآء :19:

[انت وطموحي]

والله موضوع جميل وبتضحكون علي لو اقول لكم ان معدل مايتعدى3 اذاكر قبل اختباراتي بشهرين كل ماده على محاضرتين محاضرتين وقبل الاختبار اذاكرها وكاني اول مره اشوفها ادري ان طريقتي خطأ .. وبالاخير اجيب +c او بعض المواد b ومشكلتي مشكله لاني اعاني من تشتت انتباه ومدري وش حله ..

بس المستوى اللي فات مستوى4 ذاكرت من بدري وقبل الاختبارات ماضغطت ع نفسي بالحفظ وكنت اراجع الماده مراجعه بدون ما اتاكد من حفظي لها حتى لا يتشتت الذاكره ويوم الاختبار اقوم الصبح واقراء الماده قراءه سريعه فقط واذاكر الاسئله لين ادخل القاعه والحمد الله درجتي كانت مرضيه إلى حد ما لولا انهم خاسفين فيها ..:25: