وودي اعرف مين الي عمل ( نسخ ولصق للمناقشات ) وانحسبت له صحيحة الدرجة ( تم تعديل العنوان )

[الفهيدية]

مساء / صباح الخير للجميع ..


وودي اعرف مين الي عمل ( نسخ ولصق للمناقشات ) وانحسبت له صحيحة الدرجة
كاملة ..

لاني وبكل صراحة 9 مواد :12: وش انسخ وش اخلي وعندي مسولية
اطفال وبيت عشان كذا انا مقررة
على هالسمستر انسخ وماخاف من القيل والقال مثلالسمستر الماضي

فمين البطل او البطلة الي عملها وجات صح ؟؟؟؟
:21::3::21:

عن نفسي انا سويتها في مادة في كممحاظرة يمكن
6 محاظرات وانحسبت ودي اسويها بكل المواد بصراحة ..

[الفهيدية]

يعني لو حسبتها 9 مواد ( واجب . مناقشات . محاظرات مسجله . محاظرات مباشرة
:12::12::12:

نسيت هذا الشي كله يوم اسجل المواد هاذي الحاله المرة

[حلوهـ بحركاتي]

مساء النور والسرور
انا عن نفسي طريقه السحب
وانحسبت ال30 كامله:16:
موفقه

[كتكوته"v"]

ياهلآا مسائك صباحك سعاده :1:

أنا ماغيرت سياستي وثابت علي ماقلت بسابق نسخ لصق:19:

والحمد لله كلهم 30 ماعاده ماده الحاسب 29 انا الغلط مني بالوآجب أخذت

الحل من منتدي غلط وما إنتبه انهم صححوآ الغلط الا بعد ماخلصت 3 الفرص :23:

أنا مو سالفة خوف وكذآ رآسي مقتنع إنها إشاعه من البدآيه :42:

بس البعض عسي الله يصلح حاله يتخيل أشياء ماحصلت :39: ويخوف العالم معه :7:

إن شاء الله هالسمستر نستمر بتعاون علي الخير:16:

[بنت الشمري]

ماانصحك فيه اكتبي اول باول وربك يسهل

ووحشتيني اووووي:27:

[رغد الشرقية]

انا عن نفسي مقتنعه انها اشاعه بس وش يقنع الجامعه اللي تصنيفاتها بتودينا شهار
احنى نمشي عند الحيط ونقول ياااللله الستر :7:

[" الـعـذب "]

:::::::::::::

محسوبك .. عمل نسخ ولصق ..

واحسبولي الدرجه كآمله ..

الله يصبحك بالخير يآ أوبرآآآ

:34:

[الفهيدية]

ربي يسعد قلوبكم ويوفقكم دنيا واخره ..
والله كنت شايله هم 9 مواد بس دام القلوب الطيبة الي دايم
تسعد معنا هنا ان شلله خير ..
وعلى الدرب اسيرررررررررررررر نسخ ولصق ..:21::21::16::16:

[AZOOOZ11]

أنا كلها نسخ ولصق من اول مستوى لحد الآن الدرجة كاملة 30من30

[ولدعنيزة]

وانا مستمر على طريقتي من اول مادخلت الجامعة.. كل أجوبتي السلام عليكم
ولا كيف الحال..والا نقاط..:5:والامور ماشية

[ولدعنيزة]

بس لو يفكنا الله من بعض البنات الي كل يوم كابين عفشنا عند الجامعة كان حنا بخييير:20:

[Ỹǎŝ๓ĩห]

وانا مستمر على طريقتي من اول مادخلت الجامعة.. كل أجوبتي السلام عليكم
ولا كيف الحال..والا نقاط..:5:والامور ماشية




هههههههههه:41:

[ابو خالد 22]

احنا كلنا نسوي قص ولصق والحمد لله الاموووور حيل طيبه
وزوجي متونس مني لاني اخذت ال٣٠ كامله له
لاني انا اسوي له كل شي احل الواجبات و المناقشات و احضر المحاضرات
وايام الامتحانات اسوي له جدول مذاكرة واطبع الملازم له .
والحمد لله كل الاعمال الفصليه كااااامله ودرجاته بالامتحان كلها a+:17:

[الفيصل3421]

انا اتمنى ان نترك مثل هذة الأمور لانتكلم فيها

عشاان الجاامعة ماتنتبة وتطلع لناا انضمة جديدة

كل وااحد حر يبي ينسخ او يكتب

[النورس2006]

والله للاسف لا نسخ ولا لصق كل حلولي كتابه
ومع ذلك نزلت 10 درجات في الحاسب وست درجات مدري في ايش ودرجتين مدري في مين
ويوم تظلمت اتصلوا علي قال اجتمعت اللجنه وحددوا الغلط من عندك . طيب ياعالم ياهو اشرحوا لي الغلط قال والله الورقه قدامي تقول الغلط من عندك اذا تحبي راسلي دكتور الماده او خلي اخوكي يجي الجامعه يراجع :24:
وقسما بالله قهر يعني سستم خربان ومحاضرات يادوب تتحمل وبالنهايه هذا اللي صار
ومدري ايش اسوي الان ارشدوني اذا حد يعرف

[(خالد)]

احنا كلنا نسوي قص ولصق والحمد لله الاموووور حيل طيبه
وزوجي متونس مني لاني اخذت ال٣٠ كامله له
لاني انا اسوي له كل شي احل الواجبات و المناقشات و احضر المحاضرات
وايام الامتحانات اسوي له جدول مذاكرة واطبع الملازم له .
والحمد لله كل الاعمال الفصليه كااااامله ودرجاته بالامتحان كلها a+:17:


ماشاء الله مابقي الا تختبرين مكان زوجك :14:

بس ع كذا راح يطلع زوجك فاشل اكاديمي لانه راح يتورط اثناء التطبيق :41:

[(خالد)]

كنت اكتب وخايف ماتنحسب اشلون لو نسخت :42:

الجامعه مالهم امان مو كل مره تسلم الجره :31:

[..R]

كلن يصف سيارته والي يبي يمشي ع النهج السابق يمشي عليه والي يبي يتهور وينسخ

براحته بالنهايه كلن يسوي لمستقبله بالنهايه..

[فصل اعلاني]

انا عن نفسي نسخ لصق وراح استمر اللين اتخرج انشاءالله :14:

[مذبحة مشاعر]

:31:

[&غرور&]

نفس الوضع نسخ ولصق من بدايه الدراسه والحمد لله 30 كاامله
الله يوفقك وسهل امرك :2::27:

[وسوسه]

:21:نص المواد نسخ ولصق ونصهم كتابه

:21: المحتوى ماعليه علامات ماحملت ولا محتوى ومانبي اشاعات احس اللي يسوي اشاعات وماتطلع الا ايام اختبارات او قريب علشان يوترنا ويضيع وقتنا ووويبهذلنا اما تجيبو خبر متاكدين منه اما لاحد يجي يقول سمعت وسمعت ؟؟

جد طفششششششششنا من دخلنا هالجامعه وحنا ع اعصابنا اشاعات عن نوع شهادتنا لااشاعات في التوظيف اشاعات في المحتوى اشاعات في التحميل اشاعات في المناقشات اشاعات في المسجله؟

خلاصصصصصصصصصصصصصصصصص بسس كافي عليهم :9:

[انون]

انا ادخل متصفح اوبرا ونسخ ولصق وازيد الكلام ههههههههههه بس لزياده تاكيد يعني اللي انسخه احطه مرتين بالاجابه ( على الاشاعات اللي طلعوها وقالو ان اذا تكرر مدري ايش مايحتسب بس ازيد كم)

واخذت 30 الحمد الله

بسسسس ان شاء الله اصحاب الكلام مايروحون وويقولون للدكتور
النسخ والصصق يحتسب مايحتسب>>> اسمحووولي غباااااااء:32: وفاقعين مرارتي


وانتي ماعليك من احد سووي اللي عليك وحلي وسجلي اللي حليتيه وفالك 30 وانتي مغمضه

[ولد أبهآ]

ربي يسعد قلوبكم ويوفقكم دنيا واخره ..
والله كنت شايله هم 9 مواد بس دام القلوب الطيبة الي دايم
تسعد معنا هنا ان شلله خير ..
وعلى الدرب اسيرررررررررررررر نسخ ولصق ..:21::21::16::16:




:6: :6: :6: :6: :6: :6:

لالالا لاتصدقي وش نسخ ولصق مارااح تحسب لش ابدا

خذي العلم مني :34:

مارااح تحسب لش ولا درجه ابدا الصفر متربع لش ف القائمه ف جميع المواااد
والله ماودي تاخذي صفر لكن عااد هذي نتيجة الفغاره والفهاوه ليه قص ولصق ونسخ وطبع

اسمعي الله يهديش
اكتبي اكتبي بيديش وشهي له معش طبخ ونفخ بس اكتبي اكتبي الله يجزااش خير
اكتبي بااجرها وانا اخووش
ههههههههههههههههه يبي ينكد عليها فرحتها :8:

لالا عادي والله انا نسخته كلها بس اعدل فيها ماخليها نسفسها امسح سطر اغير ترتيبها فوق بعض زي كذا يعني حركي مخيخش الله يوفقش مو تريحي مخش ويديش كماان :20:

بالتوفيق للجميع
والله ودي اكمل انصحش لكن ماحب الهدره الزايده خير الكلام ماقل ودل :5:

[الدكتوره ندى]

انا بعد نسخ لصق والدرجات كامله الحمدلله

[ضحية تخصص]

ولد عنيزه والله انك ضحكتني..الله يستر لاتجيب العيد ذا المره...
الله يوفقكم كلكك..وانا نص كذا ونص كذا...

[كلي غموض]

انا بالبدايه نسخت ولصقت وبعد ماقالوا لازم تكتبون كتبتها والحمدالله يارب

احنا في هالجامعه ندرس واللي علينا نسمع كلامهم عشان بعدين مانلوم احد

ترى الكتابه وتحميل المحتوى مايبي لها شي

شدو حليكم حملو واكتبو واتركو النسخ والكلام اللي فيه شك

خلاص هانت مابقى شي ونتخرج :20:

[بنت الأسلام]

يغلق بطلب من صاحبه الموضوع